انين الرووح
البارت..... الثامن
.
انه ابنكم ثائر الجنتوا تتمنون تزوجوه
.اي جنه نتمنى وحده من ثوبنه موش من ثوب الاجانب
.شنو اجانب البنيه حالها من حالنه
اكلك انت جاي تضحك اعلينه هاي مسيحيه
ثائر ..امي وابويه رفضوا هل زواج من البنيه
بس اني مراح اتخله عنها
وجوري راح اتكون الي مو الغيري اخذها يعني اخذها
.الاب.. وحق الله وهل البيت من تكون هي زوجتك بعد ماعرفك ولا تعرفني
وكل حلالي اكتبه للبنات وانت ما تحصل شي ياثائر اني تالي عمري تكون مره ابني مسيحيه وتعلم جهالك ع نبيهم عيسى وما يعرفون اهل البيت
لا والف لا ماتصيرلك مره وانه عايش
ثائر ..ولا يهمني سجله كله للبنات
الحلال اني الاجيبه مو هوه اليجيبني
اني اصنع المال الي والجاه مو هو اليصنعني
.خوش لعد يله شوفني عرض اجتافك يا ناكر المعروف ..ولك انت حرم زاده
.هاااا هيج يابه تطردني
.هيج وكثر اطلع من بيتي ولا تشوفلي وجهك
اله اذا اعدلت عن موضوع الزواج من هالبت المسيحيه الي ما نعرف اصلها من فصلها
خليت وطلعت من بيت اهلي واني شعله من نار مشتعله ما تنطفي ابداخلي بركان
شكد ابوي وامي طيبين وجانوا يتمنون زواجي بس اليوم صدموني ابرفضهم الجوري
بس لا مراح اسكت لازم احاول وياهم مره مرتين الحد مايقنعون يله اجوز منهم
طلعت من البيت افتر بالشارع ما اعرف وين اروح لان نفسيتي حيل مخنوكه
ظليت افتر
بعدها رحت جسر الجادريه انزلت من السياره وكفت وعيني عالشط شلون عاكسه عليه الاناره والموج يلعب رايح جاي
اسرحت بجوري وكلامها
انطرك العمر كله
وحضنك لو صرت كلك سجاجين
اني التمنيتك من بين كل المحبين
لا مسلم لامسيحي لا كل المجانين
يبعدني عنك يانور العين
ظليت لساعه ١٢ باليل واكف وتأمل وسرح بالخيال
بعدها اتوجهت البيت عمار
دكيت الباب
عمار اني اليوم من دون الايام نمت من وكت كلت خلي اريح جسمي لان صار فتره كاضيها سهر حسيت بعد تعبت وجسمي محتاج يرتاح
فزيت ع صوت الباب يندك
شفت الساعه وحده باليل تفاجاءت منو هذا اليجيلنه هيج وكت
كمت ورحت افتحت الباب
هااا ثائر....؟
هله اشجابك هسه خير شصاير .
يمعود خليني افوت واني اسولفلك
.اي كل الهلا بيك فوت فوت اسف والله نسيت ادخلك
.تفضل استريح خل اجيبلك مي .
