البارت ...العاشر
انين الرووح
سامحوني يا اهلي ع اي شي راح يبدر مني
وبالاخير كتبت اني احبكم يا نبض كلبي انتوا
خليت الرساله عالميز اليم راسي وبديت انتظر اليل مع سيول دموع المجاي توكف ابد
صارت ساعه ١٢ باليل
.. دزلي ثائر رساله ها بعدج كاعده
.اي كاعده انتظرك
جوري خلي في بالج تره هذا تصرفنه اكبر غلط
و ابد مو صحيح
بس اني سويت هيج ..لان اعرف اهلي اكدر اقنعهم ويرضون بس اهلج مراح يقنعون ابد ويمكن يأذوج ويبهذلوج
سويت هيج واعرف النتائج بس لازم انتي هم اتعرفين النتائج
يمكن نتعب يمكن انظل مطاردين يمكن انموت
ويمكن بعد متكدرين اتشوفين اهلج ابد
لازم اتخلين كل الاحتمالات
حتى مو بعدين اظلين اتلوميني وع انت وع انت
اني احبج وشاريج وماعندي استعداد اخسرج
وفديج بروحي ان لزم الامر
بس ما اكدر اكلج اني ضامن حياتنه
ضامن بس اخذج وطلع بيج محافظه ثانيه وحرسج بعيوني
يعني افهم من كلامك انت تنسحب لو شنو
لامو انسحب اني مو جبان حتى انسحب وتهرب بس اريد اوضحلج صوره حتى بعدين متكعدين وتلوميني وتلومين حالج
الحياه الي حتتكون ابينه حتكون بدايتها صعبه
ويمكن اخوج يترصدني ويكتلني لازم اتفكرين بكلشي
اني ماطول وياك مراح اخاف من شي حتى الموت واني بحضنك اكله هله بيه
اوك حبيبي لعد اتفقنه راح اجي بالثنتين انطيج المفاتيح قبل ارمشلج
اي عمري انتظرك
مشه الوكت مثل السلحفاه عبالك مو ساعتين عبالك دهرين (١٠٠ سنه الدهر الواحد )
واخيرا رمش عليه افتحت الشباك حجيت وياه بالتلفون يله وين العلاكه
شمر حبل كلي سحبي وسحبته وجان بي المفتاح وكلي ضمي ويه تلفونج
.. اي
اني ماشي اوك
دخلت والمفتاح بيدي طلعته من العلاكه
ظليت اباوع عليه
كمت احجي وياه صرت مثل المخبله
معقوله انت حتكون مصدر نجاتي من اخويه وصديقه
وانت حتكون اعدامي من قبل اهلي
انت شتريد مني فهمني اني صرت مثل غركان ويريد بس يجلب بكشايه
اني اريد الاثنين سوه
اهلي وثائر ..ماريد اخسر واحد منهم
دلني عالصواب لاتحير كلبي وفكري اترجاك
انت ليش مترد عليه ..ليش ساكت ..حاجيني فهمني شسوي هسه اني شلون احلها
وحلها معقد ومايرضه ينحل بسلم
اهلي رافضين ثائر ..واهله رافضيني زين وبعدين
ياترى هروبنه سوه هو هذا الحل المناسب هو هذا الي راح يرضي العائلتين علينه
زين واذا متوفقت ابحياتي الزوجيه مع ثائر بعدها اشلون ارجع الاهلي يارب اتعبت من كثره التفكير
ارشديني يامريم العذراء اريد ارتاح وشيل كل الهم والحزن الي بكلبي
نمت وفزيت ع كابوس فعلا خلاني اخاف ارجع انام ظليت صاحيه لصبح وكاعده بالجربايه ع اركبي والكابوس مايرضه يبتعد عن راسي
هاي اول مره احلم هيج حلم مرعب
