بقلم ...انين الرووح
البارت ....١١
جوري اشبيج انطي نفس الروحج توج دخلتي للبيت كافي دوختي راسي
ارتاحي وحجيلج
.جوري ..يعني هاي لان خايفه عليك وكلبي مثل النار مشتعله بس اريد اعرف اخبارك انت اتكلي دوختي راسي مو صوجك صوجي السألتك اني
روح زاعلتك
سوه اتصالات وحجه مع ناس
اندكت الباب
ثائر هاي عمار كومي فتحي الباب اله
اجه عمار وجايب غده وكم غرض مال بيت ومسوك ايضا شغلات بسيطه
.جوري عيني هاي خليهن بالمطبخ وجيبي شي انخلي عليه الاكل ونكعد ناكل
.اي تدلل
دخلت للمطبخ وسمعت عمار يكول الثائر اي ثبتت عليه الشغله
وراح يحكموه والله اعلم كم سنه يروح بيها هاي اذا ما عدموه او قتلوه جوه السجن
حسيت كلامهم ع اخويه لان اعرف اخويه وراه بليه سوده ومصخمه من شفت المسدس والحربه والحبوب
وثائر مو غشيم انتبه ع يحيى وع اسلوب كلامه
لان اذكر من سئلني مره بالكليه كلي اخوج مريض ياخذ دوه شي
اني ابوكتها استغربت السؤال ومفهمت شيقصد
بس من شفتهن ابغرفته عرفت مقصد سؤال ثائر
طلعت عليهم منو هذا الي راح يحكموه او يكتلوه
.ثائر شنو تسمعين علينه انتي
لا بس صوتكم عالي واكيد اني وحدي بالبيت راح اسمع كلامكم
ليش اضمون عليه احجوا شنو اتعرفون ع اخويه
عمار ...جوري اكعدي ارتاحي
ماريد ارتاح اريد افهم منو هذا الينكتل
انتي ليش صايره عنيده ولحوحه لج
.ثائر اعصابك انت جرحك جديد البنيه مكالت شي
.لا جاي اتلح هواي
.اي من حقها يا اخي لازم تعرف انت ليش اصوبت ومنو صوبك واخوها اشبي
اي عفيه احجي انت عمار لتسكت
جوري اخوج طلع مو خوش ادمي ارتاحيتي
.ثائر شبيك
احجيلها عمار خل ترتاح
تعرف انت اخوها انسان محترم ولازم تتباها بي كدامنه
.من سمعت كلام ثائر وشلون يحجي ع اخويه نزلت دموعي ونقهرت وتمنيت ماحاجي شي ثائر هيج ابساع شوه سمعته وبس يريد يحجي عنه
شو دا احسه مو ثائر هذا انسان ثاني
معقوله هيج حاقد ع اخويه
زين ليش هالحقد كله ..ونهاريت بالبجي 😭😭😭😭
عمار .تعاي جوري لتبجين
.يابنت الناس اخوج صوب مسدسه امام ثائر وصوبه بثلاث طلقات بس ربج نجه ثائر من الموت
هذا الحجي يوم الاحد الصبح والشرطه اخذت اخوج للمركز وحبسوه
لا انت شتحجي عمار
هو هذا الصار جوري
زين واهلي ماما وبابا درو
اي خابرت اني ع وفاء وحجيت الها كلشي صار وكتلها تتصل بهلج وهي خابرت ع امج
والعصر جتي امج وابوج للمستشفى شافوا ثائر وترجوه بأن يتنازل عن الدعوه
وهمه يعوضوه كلشي يريده ثائر
