.انين الرووح
البارت...الخامس
.
صعدنه بالسياره ونطلقت بينه
..وبده الحديث ابين اخويه وصديقه حجي اغلبيته مشفر وعباره عن الغاز
بس لفتت انتباهي كلمه ظليت ادقق بيكا
يحيى كال الصديقه هاي اسوالف الجماعه مو
اليوم يردون يخلصوها
شنو قصده بالجماعه ويا جماعه يحجي بيها
اني الاعرفه عن يحيى هو مو ابو صداقات يعني صديق واحد لو اثنين عنده
شو هسه صارت جماعه
اني خفت لان احنه وضعنه هسه في حاله ارهاب واغتيالات وتفخيخ
اكو امور جنت اشوفها بيحيى واستغرب عليها بس ما اعرف ليش بهاي الساعه كمت افكر بيها
بدت تتجمع عندي افكار محلوه اتخص اخويه
واني دا افكر
ماشوف اله السياره ضربت ابريك قوي ردنه نطلع من الجامه الاماميه
طبك السياره ونزلوا الشباب يتراكضون وشفت هذا الشاب فتح الجكمجه وسحب مسدس صغير
يمه عطت بيهم
لك هاي شنو اشراح اسوي
يحيى لصمي حلكج لا اكسر راسج سموا محد ينزل منجن والتنزل اضربها تره
وفاء لزمت ايدي بقوه
جوري هاي شنو اشبي اخوج وصديقه لج عفيه بس لا يضربون السايق
لا حبي ماكو شي لتخافين
عفيه اني راح انزل واروح وحدي البيتنه
لا حبي شتنزلين اصبري اشويه
والصدمه الصدمه
دا اباوع من الجامه اشوف شراح يصير
وما اشوف اله النزل من السياره هو عمار
جان وفاء اتعيط عيطه
تونه فتحنه الباب وردنه ننزل وعاط بينه
يحيى وصديقه
اصعدنه لا اجي اكسر راسكم
سحبت وفاء كوه و الصمت حلكها بيدي
والزمتها وهي بس اتريد تنزل ودافر بيه
لج بس هدئي
جوري اخوج راح يقتل عمار
لايمعوده ذكري الرب..وجان تفتح وفاء باب السياره ورادت تنزل
وجان يجي علينه صديق اخويه
انتي رجعي لسياره وطبك الباب ابقوه
جوري اني اريد انزل ما اكدر اشوف عمار اكبالي واظل ساكته
فدوه بس صبري خاف ننزل والنوب يتأذه خلي نفهم شنو الديصير واني بعدين اعرف شلون احجي ويه اخويه
يحيى .انت مخبل اشلون تطبك هيج سيارتك اكبالنه
عمار ..اسف صارت الطبكه غصب عني
حسيت المكابح مجاي تشتغل وماعرف شلون هيج صار ويايه اني اعتذر منكم
يحيى ..مره الثانيه من عندك مشكله بالسياره انطي تنبيه لسياره الخلفك حتى متنصدم بيك
عمار ..والله حقك اني اعتذر وشكر تفهمك بس اني اتوترت ومعرفت اشلون اصرف
جوري ..يحيى اكو شي
رجعي صعدي بالسياره
جوري اتعمدت اطلع وسئل حتى اذا صار اشكال ابين اخويه وعمار
