#اللعنة_الملكية_بقلم_كنانة_غميان
الحلقة الثانية
بياع الخضرة طالع من محلو يصرخ ولاحق ولاد : يا حراس يا جنود .....امسكوا الحرمية امسكوهم ...رح يهربوا بالمصاري والخضراااا يا حراس ...
الصبيان ال ٣ عم يركضوا بسرعة مجنونة حاملين بين أديهم الخضرة المسروقة ووراهم كم حارس لاحقينهم ......وتفرقوا بهل الطرقات و الحراس رجعوا مو ملاقين حدا .....
وبعد كم ساعة ...وعند الشجرة كبيرة القريبة من المدينة ....أجو اجتمعوا الصبيان ال ٣ مع بعض وكل واحد فيهم حط اللي حصل عليه من مسروقات وأكل وبلشوا يتقاسموهم بين بعضهم البعض قدام هالكم حطبة فساوو منها نار وبلشو بالأكل بنهم كبير وتعب ....
الصبي الأول( ١٤ سنة) : مممم شو طيبة هالبطاطا المشوية .....آخ يا بطني ..رح موت من الجوع من زمان ما أكلت خضرة على طول خبز يابس وكعك نشف دمي
الصبي التاني (١٤ سنة): مممم معك حق شوف هالبندورة شو طيبة ....يخربيتها شو غالية لو بموت وبعيش ما بجيب حقها شوف شوف هالسمكة المشوية شو كبيرة وريحتها بلشت تهف ...آه يا معدتي ..
صارو التنين ياكلو ...والصبي التالت قاعد شوي يتأمل بهل النار وجهه بائس بعالم تاني
الصبي الأول (برهان): هييي وين رحت ما بدك تاكول على علمي أنك جوعان !؟
أطلع فيه ببرود وهدوء مبالغ فيه ودار وجهه ع النار بدون أي كلمة
برهان : لك ليش هيك عم تطلع فيني ...ليكون مو عاجبك !!؟
الصبي التالت(١٥ سنة )سيزار : بتأفف سحب كيسو وغراضو لاممهم وقام : أنا ما عجبتني هالشغلة أنا بنسحب ورايح
عصب برهان : شو هاد ؟؟؟ لوين بدك تنسحب شو ع كيفك الشغلة .....هههههه متل ما بدك روح بس بكرة بترجع متل كل مرة ..
سيزار بعصبية : بس هالمرة مارح أرجع ....أنا مليت من هالغلة كلها سرقة ...
برهان : يعني بدك نموت من الجوع يا ذكي !؟
جواد (الصبي التاني ) عم يهدي الوضع : شبك برهان تركو بهمو ما بتعرف شبو قال يعني ....
برهان : بعرف ...بس مو لدرجة يعاملني بوقاحة هيك ...أصلا نحنا ما أخدنا وسرقنا إلا بتخطيطو كيف هيك بدو يتركنا ويمشي بهل البساطة ....ما بسمحلك سمعتني شو عم قول
سيزار قرب وبصوت تهديد لبرهان : سمعني أنت يا برهان ...أنا صح تعرفت عليكم من زمان واشتغلنا واللي بدك ياك صار ..بس لإيمتى ....فيني كممل !!؟ لهون وبس
مسك برهان قميصو لسيزار المهرهر وشدو لعندو : هلأ أنت اسمعني منيح إذا بدك تتركننا مارح خليك تعيش مرتاح وأنت بتعرف مين أنا ....
سيزار بنص ابتسامة : أي بعرف .....الحرامي أبو الشر والكذاب الكبير
شو عم تقوووول !!؟
جواد خاف : طولوا بالكم يا جماعة لك شو صرلكم !!؟ ليش هيك عم تحكي يا سيزار !!؟
سيزار دار وجهه وبعد أيد برهان عنو : لأنو ما اتفقنا أنك يسرق برهان مصاري الخضرجي ...اتفقنا بس نسحب خضرة مو أكتر ...وأنت يا برهان كل مرة بتعتذر وبترجع بتعمل اللي براسك ...هاد مو حكي الإتفاق اتفاق ....!!
أنت تقرأ
#اللعنة_الملكية_بقلم_كنانة_غميان
Aléatoireمقدمة بعد غياب طويل عدت لكم برواية من روايات العصور الوسطى التي أحببتموها والتي قد أدخلتكم من مرحلة تاريخية غابرة من الزمن القديم لذلك قررت أن أتيح لخيالي معكم في هذا المجال من القصص العابرة التي قد خلى عليها الزمن ولم يبقى منها سوى صفحات من التار...
