الحلقة الثامنة عشرة
#اللعنة_الملكية_بقلم_كنانة_غميان
ورجعت ميرام ع القصر .....ولما دخلت غرفتها لقت نديدة وكركمة شبه مرعوبين ملتاشين ...وقربو لعندها : أهلا مولاتي ....
شو عم تعملي أنتي وياها بغرفتي
تأتأت كركمة: عم ننظفها ونرتبها مولاتي
بس أنا ماطلبت منكم تساوولي غرفتي ....
نديدة : قلنا لحالنا ننظفلك ياها لأن هي مهمتنا بالعادة
ميرام: طلعوا لبرا وما بتدخلوا غرفي إلا بإذني فهمتوا
حاضر مولاتي (طلعوا من الغرفة يرتعشوا)
كركمة تلهث: قلتلك مابدي فوت إلا وبدك تفوتي ....مابعرف شو بدك بهل الفوتة بلا أذن ...!!؟
نديدة : مو شغلك
كمان مو شغلي ...بسيطة يا نديدة هي آخر مرة بطاوعك وبفوت ....
لك استني وين تاركتيني ...
ميرام تصفن : ياترى شو كانت عم تعمل هي وياها !!؟ معقولة يكونوا جواسيس لإلياس !!؟ ...حسابهم معي عسير ...بسيطة على كل حال (فتحت الباب السري ورا المراية وطلعت الفستانين ): هدول لازك أخلص منهم بأي شكل كان هون مكانهم مو آمن بنوب ...(صرخت )يا كركمة ....كركمة
نعم نعم مولاتي ......ليكني أجيت
تعالي دخلي وسكري الباب ...
حاضر .....(قربت لعندها وشافت الفساتين ع السرير)
ميرام: سمعي ..بتاخدي هالفساتين وهالصندوق معاهم ...وبتحرقيهم
مفلوجة : هدول مو فساتين وصندوق ....وقت ال..(سكتت )
ميرام بحذاقة: قلتي شي
لا لا عم قول متل مابدك يا مولاتي ....
سمعي منيح بتاخديهم وبتحرقيهم بعيد عن القصر فهمتي ....
حاضر .....
هلأ بعد شوي بتطلعي وبتاخديهم معك بكيس قماش كبير بتحرقيهم بنص الغابة وبترجعي...رح أبعت معك عرباية ..بتوقفيها بنص السوق وبتكملس مشي وبعدين بترجعي على رجليكي فهمتي ولا أرجع عيد !!؟
حاضر ....حاضر ...
يلا جيبي كيس وتعالي خديهم عم استناكي (راحت كركمة وعين نديدة عليها من بعيد ....وفاتت أخدتهم وطلعت ع غرفتها .....شوية وقت حتى كانت كركمة لابسة تياب الروحة ...وطلعت معها الكيس وأخدت عرباية ومشيت ...وعين نديدة عليها .....: رح طق من قهري شو عطتها لأم لسان طويل !!؟ ولوين راحت هيك مستعجلة !!؟ وبدون ما تخبرني كمان !! أكيد عطتها هدايا ومصاري وتياب وأنا هون قاعدة ماكنت أعرف أصل لأي شي ...هفففف
وعند المسا ....أجت كركمة تلفانة تعبانة من المشي .....وأول ما وصلت ع غرفتها ضغري فاتت وراها وارتعبت كركمة ناطة من أرضها حاطة أيدها على قلبها
وين كنتي !!؟
وليييييي ...يا أمي
لك شبكي حوبة هي أنا نديدة
يخربيتك مابتبطلي فوتك هيك لعندي ...موتيني رعبة
لاتاخديني بالحكي وين كنتي !!؟
آه.....كنت ...كنت ...
أي وين كنتي اعترفي
كنت بالسوق !
بالسوق !!؟ كيف بالسوق وشفتك آخدة كيس كبير هالقدو من عند الملكة
عطتني تيابها ....
ليش
حتى أعطيهم ل دار الأيتام ....
اي وا !!؟ وشو كمان
بس وهي ليكني رجعت
وليش ما رجعتي بالعرباية
حابة أتمشى شوي ...خلصتي تحقيق معي ولا لسى !!؟
مالي مصدقتك ...ريحتك فيها شويط !!؟
متل ما بدك ست نديدة معلش تطلعي من غرفتي بدي غير تيابي وحط راسي ونام ....
بس أنا ...(دفشتها كركمة وطالعتها لبرا وسندت رتسها ع الباب تتنفس بسرعة ): يخربيتك يا نديدة وقفتي قلبي عنجد .....مو طبيعية شو راقوبة عليي هفف...وهلأ شو بدي قول للملكة ...ماتدرى باللي صار لتقطع رقبتي ...ياريتها سلمت هالشغلة لغيري ....شو هالمصيبة هي !
أنت تقرأ
#اللعنة_الملكية_بقلم_كنانة_غميان
Casualeمقدمة بعد غياب طويل عدت لكم برواية من روايات العصور الوسطى التي أحببتموها والتي قد أدخلتكم من مرحلة تاريخية غابرة من الزمن القديم لذلك قررت أن أتيح لخيالي معكم في هذا المجال من القصص العابرة التي قد خلى عليها الزمن ولم يبقى منها سوى صفحات من التار...
