الحلقة السابعة
#اللعنة_الملكية_بقلم_كنانة_غميان
😐😐😐😐
وبطريق تجاري تاني بس شبه مهجور ...مشي إلياس بالعرباية مع دوق
الدوق : لوين رايحين يا سيد إلياس !!؟
إلياس بنص ابتسامة ...: هلأ بتشوف ......ليكنا وصلنا (كان في عرباية بنص الطريق تقريبا وفيها سائق واحد ...ولما شاف السائق سيد إلياس قام وقف ونزل من العرباية ....وإلياس والدوق مشيو لعندو
الدوق مستغرب مو فهمان شي !!؟
السائق : أهلا سيد إلياس
إلياس : كيفك طمني وكيف الأمانة !!؟
السائق : الأمانة بالحفظ والصون ......من شوي بدلناها بعربية تانية وبعد شوية وقت بتصل للمخزن اللي بخص حضرتك لاتخاف كل شي تحت السيطرة
الدوق : شو يعني !!؟مالي فهمان شي تجارتك ما صرلها شي يعني متل ما خبرونا !!؟
لأ ....والحمدلله كل أموري بخير ....(ضحك): بدفع نص عمري لشوف اللي سرق الصندوق الوهمي شو صار فيه ههههههه
الدوق فهم كل شي الشغلة مقلب .... حتى ما يوقع بالسرقة مرة تانية ...بعت عربايتين ...وكل عرباية بمكان .
بس هو مو مخبر غير عن العربية الأصلية واللي فيها المقلب..
الدوق : وعم قول لحالي ليش بردت قلب بس مشينا بالعرباية .....
إلياس: هههه لا تخاف عليي ...الفكرة وضحت عندي
شو هي ؟؟
بعدين بقلك ! المهم هلأ سمعني منيح شو بدي قللك وبتنفذ بالحرف
حاضر سيد إلياس
😐😐😐😐
بهل الأثناء بقلب المكان المهجور :
الرجل الأول خبط برجلو الصندوق : العمى ...لك شو هاد شو هالقصة هي !!؟ماعم أفهم !!
الرجل التاني : ماعم صدق ...طلع الصندوق فيه حجار.... كل تخطيطنا ع الفاضي ....كللو منك (قرب وهجم ع الشخص التالت داقق بخوانيق وهداك دفشوا بقوة عنو : بعد عني تضرب منك إلو شو جدبان وأنا منين بدي أعرف أنو فيه حجار لصندوق مو ذهب !!؟
الرجل الأول : والله أنا بدي حق شغللي ....نتعت هالصندوق ع الفاضي ....
الرجل الأول : هديك المرة كنا حابكينها مظبوط ...بس هلأ أكلناها بجنابنا ....لك يا دبور ليش هيك عملت فينا ...لتكون بتعرف شو الحقيقة !!؟
الرجل الثالث(الدبور): متل ما حكولي نفذت ......بس
بس شو يابور ...نحنا بدنا حقنا ولا بدك تاكلهم علينا !!؟
شو بدي آكول عليكم !!؟ أنتو نسيانين أنو رجلنا بالفلقة سوا !!؟ عدا عن الناس اللي ماتت من طرفي !!؟
الرجل الأول : ههههه كتير سائل عليهم !!؟متل كل مرة بترد بترجع بتوظف ولاد جديدة ......لك بشو عم تصفن !!؟
الدبور : هالحركة في من وراها إن
شو قصدك !!؟
قصدي ....قصدي واضح يا فهيم ...التجارة ل إلياس ...وطالما إلياس عامل هالخطة ...المعناتها هو شاكك بشي ....بس أكدولي بالمينا أنو في صندوق ذهب طالع ع العرباية ...ياترى شو الحكاية ..معقول نكون خربطنا بالعرباية الصحيحة !!؟
الرجل الثاني : ما بعتقد ....العرباية بمواصفاتها داهمناها ....يا دبور حاج تاخدنا بالحكي ...نحنا بدنا حقنا ...
الدبور : ماشي ...خود أنت وياه (لحش ليرتين ذهب )
الرجل الأول : شو هاد !!؟ لك عم تضحك علينا أنت !!؟(هجموا التنين عليه بالسيوف ....
الدبور : لا تجدبوها ...خدو حقكم من الشغل ...
ليرة ذهب وحدة !!؟
دبروا حالكم فيهم لبينما نلاقي شغل تاني .....
أنا هلأ بدي حقي يا دبور ...وإلا مارح نطلعك من هون عايش
الدبور : هيك لكن ...ماشي متل مابدكم(طلع الدبور سيفو ...وهجمو عليه التنين )
أنت تقرأ
#اللعنة_الملكية_بقلم_كنانة_غميان
De Todoمقدمة بعد غياب طويل عدت لكم برواية من روايات العصور الوسطى التي أحببتموها والتي قد أدخلتكم من مرحلة تاريخية غابرة من الزمن القديم لذلك قررت أن أتيح لخيالي معكم في هذا المجال من القصص العابرة التي قد خلى عليها الزمن ولم يبقى منها سوى صفحات من التار...
