الحلقة الرابعة عشرة
#اللعنة_الملكية_بقلم_كنانة_غميان
وبالقصر إلياس بسريرو نازل ضغطو يفحصوا الطبيب وليزا جنبو والبنات خايفين على أبوهم .....وبعد ساعة غفيوا البنات وأخدتهم قرنفل لغرفتهم ...والطبيب طلع من الغرفة وماهي إلا أوقات عصيبة تمر من الزمن حتى طلعت الشمس ... وماحدا غفي لينام .....وإذ بلش يصحى إلياس يهلوس : مي ...بدي مي
ليزا ركضت سكبتلو ليسرب سندت ايدها ع راسو تشربوا وهو مرعوب مصفر
ليزا : روق حبيبي روق ...
إلياس : شو صار أنا وين
أنت بسريرك هلأ ارتاح نزل ضغطك ....
في اي أخبار عن جمال بيكون صار بالجزيرة المنفية ....لا تشغل بالك أكيد أمورو بهير خاصة أنو كل شي بالجزيرة المنفية منيح ...واللي بدو ياه بيجي لعندو
شو عم تقولي أنتي ...كيف بدو يكون مبسوط وهو بعيد عننا ولحالو ...صحي وين فارس ....طمنيني
مالقوه يا إلياس
شو عم تقولي ....لهلأ وين بدو يختفي ....
هلأ بترجاك قعود وأهدى أكيد بيكون متخبي وحابب يلعب معنا
يا ليزا فارس كبر وصار شب ...هالحركات ماعادت إلو ....حاسس أنو صار برات القصر
وين بدو يروح برات القصر !!؟ وكيف
مجرد إحساس .....حاسس حالي مارح سامح أخي الملك على هالعملة اللي عملها فينا ...
ليزا : إلياس ...
شو شبكي شو بدك تقولي !!؟
أنت لازم تحكي للملك عن القبو ....
صعب ...مابقدر احكيلو ......
ليش
خايف يفشي السر
بس هو أخوك وأنت بيأمن فيك
مو متل من قبل ....الملك متغير كتير ...صح.هو بيعرف إني مخبي الذهب الحقيقي .....بس لأن مأمن فيني مالي حاكيلو فين .....
شو يعني مابدك تقلو وين
لا ابدا مارح قللو وأنتي كمان أصحك تحكي شي يا ليزا ...هادا سر ...والقبو ماحدا بيعرف فيه غير الأقلية من الناس
مين يعني ...في غيري !!؟
اي في ......بس مارح قول لحدا لو بدي موت .بس أنتي أصحك تحكي لو شو ما نصار ....
طيب متل ما بدك أنت أدرى بمصلحتنا .....بس خايفة يا إلياس ..قلبي مو مطمن
وأنا متلك ..مالي مرتاح ...
وإذا عرباية مجنونة جاية ...راكض فيها مرسال ...ناطط الجندي منها بأيدو برسالة ....ووجهه ماعم يتفسر ...وفات على إلياس : سيدي...سيدي رسالة مستعجلة كتير إلياس يادوب قدر يرفع راسو: شو في !!؟ احكي يا جندي !!؟
الجندي عينو بالأرض متبلكم ....والكل لحقو من الحاشية ليعرفوا شو في !!؟.وهالشي خلى الكل يقلقو بزيادة كتير والجندي حتى كتير مرعوب مدري شبو ....
الوزير : هات من ايدك لشوف فأخد الوزير يقرأ الرسالة بعيونو ...وعيونوا تحكي حكاوي !!؟
إلياس : شو في يا وزير احكي شو في بالرسالة خلصني
الوزير : .....
إلياس: سكوتك هاد رح يجلطني ...(صرخ )قول شو في بالرسالة!!؟
الوزير عينو بالأرض ...قرب وعطاه الرسالة...إلياس قرأها ....وقام على حيلو متوتر: شو !!!!؟ شو هالحكي هاد !!؟ لك كيف !!؟ مافي حراسة !!؟ شو صار !!؟ لك انطقوا حدا يقللي الحقيقة..(رح يوقع فسندتو ليزا ): بترجاك أهدى ...شو في برسالة ياعزيزي
إلياس يبكي : أخي جمال ....لقوه بالعرباية مقتول
شو !!!؟؟؟ حبيبي أكيد في غلط ...لوين رايح ؟؟!
رايح شوف موقع الجريمة ...لازم روح هلأ ....يا جندي دلني ع الطريق أمشي قدامي ...
الوزير : وأنا جاية معك
أنت تقرأ
#اللعنة_الملكية_بقلم_كنانة_غميان
Diversosمقدمة بعد غياب طويل عدت لكم برواية من روايات العصور الوسطى التي أحببتموها والتي قد أدخلتكم من مرحلة تاريخية غابرة من الزمن القديم لذلك قررت أن أتيح لخيالي معكم في هذا المجال من القصص العابرة التي قد خلى عليها الزمن ولم يبقى منها سوى صفحات من التار...
