الحلقة الخامسة
#اللعنة_الملكية_بقلم_كنانة_غميان
جمال : مو عاجبني الوضع بين الملك وهي اللي اسمها ميرام ...حاسس بشي مو طبيعي ...كيف هيك صار وهو داب فيها كأنو مافي حدا غيرها !!؟
فارس : أبي ...فيك شي!!؟
نأز : لا أبدا حبيبي ...مافيني شي ....شو ليش ماعم تلعب مع بنات عمك !!؟
هنن صغار وأنا بحس حالي لحالي ....بس باب شبك صفنان .....!!؟
مافي شي حبيبي روح والعب معهم
مو جاي ع بالي شي
طيب...شو رأيك تروح وتقللو ل قائد العسكر يعلمك شوي الضرب بالسيف
انبسط فارس: عنجد بابا !!؟ يعني رح تسمحلي أخيرا !!؟ ماعم صدق
لااا صدق ...أصلا صار وقتك لتتعلم تدافع عن نفسك وعن وطنك .....شو لسعتك واقف !!؟
فارس : ههههه يلا رايح ....عن أذنك (طار من الفرح فارس ...وركض لعند قائد العسكر )
أما جمال دخل لعند إلياس بغرفتو وهو عم يلمع الغراض العتيقة بالغرفة :
إلياس : أهلا....!!؟ فاضي!؟ جمال ....اي فاضي ....شبك ليش هيك وجهك مقلوب !!؟
جمال: بدي قللك ع شغلة شاغلتني وؤح أنفجر لو ما حكيتلك
خير قول شبك !!؟
هالمخلوقة ...ميرام
شبها !!؟
يا أخي ما عجبتني ........
ليش !!؟
لك أي شو ليش !!؟ مابيكفي ما منعرف أصللها من فصلها ....!يعني ...المفروض الملك يتجوز وحدة أميرة أو أقل شي تكون من النبلاء ....
ألياس: شو نسيت أديش تعبنا ونحنا نحاول بأخوك منشان نلاقي صبية تعجبو ومالقينا حدا !!؟ لك ما خلينا مناسبة ليشوف شي صبية وما عجبو حدا
أي بس ....!!!
بس شو !!؟ نحنا آخر الشي قلنالو تجوز ع كيفك ...ومو فارقة معنا شو مستواها لنخلص من نقو ....ولا نسيت
جماال: لا ما نسيت ...بس يا أخي مالي حاببها تكون من عيلتنا ...نظراتها ما بتريح ....
المهم هو يحبها وهي تحبو
طبيعي هي تحبو لأنو ملك ...يعني حاسس في أطماع ....وبكرة إذا فعلا طلبها لتكون ملكة رح تكون مصيبة....مالي متطمن...
إلياس : أنت دائما هيك ....مافيك تفكر بطريقة إيجابية ..بعدين لهلأ ما شفنا شي مو منيح منها ...طول بالك عليها ..
جماال: يا خوفي بس
من شوو!!؟
ما بعرف ..مابعرف ...بس سايرني يا أخي وخلينا نطالعها من القصر .....(بهل الأثناء كان في عيون ورا الباب عم تسمع كل شي ......وراحت العيون مختفية )
إلياس : الشغلة ما بترجعلي ....الشغلة بأدين أخوك الكبير ....ومالي حابب أوقع معو بمشاكل ...بتعرف أديشو عصبي وكلمتو ما بتصير تنتين .....لهيك استخدم الحكمة يا جمال
هففف أي حكمة هي ...رح يطير كل شي من أدينا.....(بهل الأثناء سمعوا طقطقة رجلين الأحصنة فقرب جمال ع الشباك): زوجتك ليزا وصلت.....بس كأنها تأخرت صارت الدنيا ليل ...
إلياس : أنا نازل شوفها ...
نزل إلياس لعند مرتو وهي داخلة للقصر ع رجليها : أهلا ليزا....كيفك ...تأخرتي!!؟
عجقة طريق وما كنت لاقي طلبي ...
أنت تقرأ
#اللعنة_الملكية_بقلم_كنانة_غميان
Acakمقدمة بعد غياب طويل عدت لكم برواية من روايات العصور الوسطى التي أحببتموها والتي قد أدخلتكم من مرحلة تاريخية غابرة من الزمن القديم لذلك قررت أن أتيح لخيالي معكم في هذا المجال من القصص العابرة التي قد خلى عليها الزمن ولم يبقى منها سوى صفحات من التار...
