القاصرة_وذو_الشعر_الابيض
بقلمي ام غايب
البارت السادس
صعدت بيومهه نمت بس كعدت بليل محتاجه اروح للحمام
الكل جان نايم ..... طلعت للحمام بليل جنت لابسه تشيرت صيف ....باوعت غرفة اكرم مفتوح الباب مالتهه وهو كاعد عل جربايه مااعرف شيسوي درت ردت رحت للحمام
بس طلعت مااحس اله واكف كبالي فزيت صحت هءءءءءء اكرم
اي اكرم لو عبالج عموو لو نكول عبالج جهاد
باوعت صفنت بوجهه هذا شديحجي ......
شنو معجبج الكلام .....انتي وين تريدين توصلين بالضبط
اني مااعرف شنو المطلوب مني اجاوب ولا كلعد افهم عليك
بااااااعي لج تره اني الشيطان مركصه مو وحده مثلج بكد اصبع رجلي تريد تصير لوتيه كبالي
ردت ادخل للغرفه ....سد الطريق بجسمه رجعت بسرعه
شتريد مني
اريدج تولين
ماعندي مكان اروح بي
واحنا شعلينه بيج هاااااااا..
اني عمو جهاد كلي ابقه واصلاً
تقرب عليه رجعت الي وره خفت منه حيل
احجيلي شنو بينج وبين ابويه ....عيونج تباوع علي وتدخليله للغرفه وتكتبين احبك جهاد .ولج بابا اني كلج على بعضج خاشوكه مال استكان حتى مو كوب .....شتردين منه .. هااااا على شنو راسمه
هو عمو
ضحك لج بابا ااطلعي بالنظيف كتلج اني الشيطان بكبره ميكدرلي
تقرب عليه اكثر واني رجعت الي وره
كتله والله راح اصيح واكعد عمو والله وخر من يمي
تهدديني ...ولج ...
وخرررر لتتقرب من يمي
ليش اني مااعجب
انت شدتحجي وخرررر راح اعيط والله شتريد مني انت
اريدج تولين وتطلعين من حياتنا واليوم ولي طلعي رجعي للشوارع المكانج
الاصلي
مكاني الاصلي اخذو مني ....امي راحت وابويه راح وحتى بيتي راح
واحنه شعلينا بيج ....باعيلي ولج باوعيلي زين ....دير بالج تخلين راسج براسي .....باجر الصبح ولي وين متولين بس اكعد الكاج ماكو فهمتي يا فرحه لو لا ....وعافني وراح
كبل نزلت دمعتي حايره ....تعبت من هاي الحيره وين اروح وين اعيش وين الكه مكان يلمني ....ليش مكتوبلي ابقه بردانه
لشوكت دمووعي يبقن يصبن ولشوكت كلبي يبقه يخاف وينوجع
مااشتاق ولا اريد اي احد اريد بس سكف يلمني
مكدرت تغفه عيني ولا قبلت دموعي تسكت .....اريد الموت يحضرني
اريد ارتاح من عيشتي ....اي عيشه ....عايشه بس ميته بنفس الوقت
اريد ارجع العب بلعباتي اريد ارجع كلشي ماافهم من الكلام جنت اسمع بس كلبي ميوجعني هسه كل كلمة تصير سم يدخل الكلبي
