#ﺍﻟﻘﺎﺻﺮﺓ_ﻭـــﺬﻭ_ﺍﻟﺸﻌﺮ_ﺍﻻﺑﻴﺾ
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#بارت٢٩
ﺗﻮﻧﻲ ﻓﺘﺤﺖ ﺍﻟﺒﺎﺏ ﻣﺎﻝ ﺑﻴﺖ ﺳﻤﻌﺖ ﺻﻮﺕ ﻣﻦ ﻭﺭﺍﻳﻪ ﺍﻡ ﻓﻼﺡ
ﻫﺎ ﻳﻤﻪ ﻭﻳﻦ ﺟﻨﺘﻲ
ﺩﺭﺕ ﻭﺟﻬﻲ ... ﻫﻠﻮ ﺧﺎﻟﻪ ﺷﻠﻮﻧﺞ
ﺍﻟﺤﻤﺪﻟﻠﻪ ﻳﻤﻪ ﺍﺟﺘﺞ ﺍﻡ ﻋﺪﻧﺎﻥ ﻭﺩﻛﺖ ﺍﻟﺒﺎﺏ ﻋﻠﻴﺞ ﺧﻔﻨﻪ ﻣﻦ ﻣﻔﺘﺤﺘﻲ ﺍﻟﺒﺎﺏ ﺑﻌﺪﻳﻦ ﻣﺤﻤﺪ ﻛﺎﻝ ﺷﺎﻓﺞ ﻃﻠﻌﺘﻲ
ﺍﻱ ﻭﺍﻟﻠﻪ ﻳﺎ ﺧﺎﻟﻪ ﺭﺣﺖ ﻛﻠﺖ ﺑﻠﻜﻲ ﺍﻟﻜﺎﻟﻲ ﺷﻐﻞ
ﻟﻴﺶ ﻳﻤﻪ ﺍﻧﺘﻲ ﻣﻄﻮﻟﻪ ﻣﻮ ﻛﻠﺘﻲ ﺭﺟﻠﺞ ﻳﺠﻲ
ﺻﻔﻨﺖ ﺑﻮﺟﻬﻪ ﺷﻜﻠﻲ ﺟﻔﺼﺘﻬﻪ .... ﻛﺘﻠﻬﻪ ﻣﺎﺍﻋﺮﻑ ﺷﻮﻛﺖ ﻳﺠﻲ
ﻣﺎﻋﻨﺪﺝ ﺍﺗﺼﺎﻝ ﺑﻲ ﺑﻘﺖ ﺗﺴﻮﻟﻒ ﻭﻳﺎﻳﻪ ﻭﺗﺴﺄﻝ ﺑﻴﻪ ﻋﻦ ﺟﻬﺎﺩ ﺩﺧﻠﺖ ﺍﺣﺲ ﺭﻭﺣﻲ ﻣﺨﺘﻨﻜﻪ ﺷﻜﺪ ﻣﺸﺘﺎﻗﺘﻠﻪ ﻭﺍﺗﻤﻨﻰ ﺍﻋﺮﻑ ﺍﺧﺒﺎﺭﻩ ﻛﻌﺪﺕ ﺑﺎﻟﻜﺎﻉ ﺑﺎﻟﺠﺒﻪ ﻭﺍﻟﺸﺎﻝ ﻭﺍﻧﻲ ﻛﻠﻲ ﻳﺄﺱ ﺍﺗﺬﻛﺮ ﺣﻴﺎﺗﻲ ﻭﻳﺎ ﺭﻏﻢ ﻛﻞ ﺍﻟﻤﺸﺎﻛﻞ ﺍﻟﺪﺍﻳﺮ ﻣﺪﺍﻳﺮﻱ ﺟﻨﺖ ﺍﺳﻌﺪ ﺍﻧﺴﺎﻧﻪ ﻭﻳﺎ
ﺑﻘﻴﺖ ﻛﺎﻋﺪﻩ ﻋﻠﻰ ﻧﻔﺲ ﻛﻌﺪﺗﻲ ﻭﺍﺑﺠﻲ .... ﺑﺎﻟﺴﺎﻋﻪ ﺗﻘﺮﻳﺒﺎً ﺍﻟﺤﺪ ﻣﻨﺪﻙ ﺍﻟﺒﺎﺏ .... ﻛﻤﺖ ﻓﺘﺤﺘﻪ ﻟﻜﻴﺘﻬﻪ ﺍﻡ ﻋﺪﻧﺎﻥ
ﻫﻠﻮ ﺧﺎﻟﻪ
ﻫﻠﻮ ﺣﺒﻴﺒﺘﻲ ﺷﻨﻮ ﻭﻳﻨﺞ ﺍﺟﻴﺘﺞ ﻣﺎﻛﻮ ﺿﻞ ﺑﺎﻟﻲ ﻋﻠﻴﺞ
ﻭﺍﻟﻠﻪ ﺟﻨﺖ ﻣﺤﺘﺎﺟﻪ ﺍﻏﺮﺍﺽ ﻭﺭﺣﺖ ﺗﻔﻀﻠﻲ ﺧﺎﻟﻪ
ﺩﺧﻠﺘﻬﻪ ﻟﻠﻐﺮﻓﻪ .... ﻭﻛﻌﺪﺕ ﺭﺣﺖ ﺟﺒﺘﻠﻬﻪ ﻣﻲ ﻭﻛﻌﺪﺕ
ﺷﺨﺒﺎﺭﺝ
ﺯﻳﻨﻪ ﺍﻟﺤﻤﺪﻟﻠﻪ
ﺍﻟﻴﻮﻡ ﺟﻨﺖ ﻳﻢ ﺯﻣﺰﻡ ﻭﺩﺯﺗﻠﺞ ﻏﺮﺍﺽ ﻭﻫﺴﻪ ﻣﻜﺪﺭﺕ ﺍﺷﻴﻠﻬﻦ
ﺍﺑﺘﺴﻤﺖ ... ﻓﺪﻭﻩ ﺍﻟﮕﻠﺒﻬﻪ ﺍﺑﺪ ﻣﻘﺼﺮﺕ ﻭﺍﻟﻠﻪ
ﻭﺍﻟﻠﻪ ﻳﻮﻣﻴﻪ ﺗﺴﺄﻟﻨﻲ ﻋﻠﻴﺞ ﻫﺎﻱ ﺯﻣﺰﻭﻣﻪ ﺍﻡ ﻛﻠﺐ ﺍﻟﻄﻴﺐ
ﺷﺨﺒﺎﺭﻫﻪ ﻫﻴﻪ
ﺯﻳﻨﻪ ﺍﻟﺤﻤﺪﻟﻠﻪ ﺑﺎﺟﺮ ﺑﻠﻜﺖ ﺍﻛﻞ ﺍﻝ ﺣﻤﻮﺩﻱ ﻳﺠﻴﺒﻬﻦ ﻭﻳﺎﻱ ﻻﻥ ﻋﺪﻧﺎﻥ ﺍﺑﻨﻲ ﺑﻌﺪﻩ ﻣﺴﺎﻓﺮ ﻭﺩﻛﺖ ﻋﻠﻰ ﺭﺟﻠﻬﻪ ﺷﻮﻑ ﺷﻮﻑ ﻟﻮ ﺍﺩﺭﻱ ﺟﺎﻳﺒﻪ ﺍﻟﻬﻴﺘﺮ ﻫﻮ ﺻﻐﻴﺮ ﺷﻠﻮﻥ ﻧﺴﻴﺖ ﻭﺍﻟﻠﻪ ﺟﻬﺎﻝ ﺍﺑﻨﻲ ﺷﻠﻌﻮ ﻛﻠﺒﻲ ﻛﻮﻩ ﻃﻠﻌﺖ ﻣﻦ ﻭﺭﺍﻫﻢ
ﺑﻘﺖ ﻳﻤﻲ ﺷﻮﻳﻪ ﺧﻄﻴﻪ ﻭﺭﺍﺣﺖ ﻭﻭﺻﺘﻨﻲ ﺍﻗﻔﻞ ﺍﻟﺒﻮﺏ
ﻭﻛﺎﻟﺘﻠﻲ ﺷﻌﺠﺐ ﻣﺎﻋﻨﺪﺝ ﻣﻮﺑﺎﻳﻞ ﻳﻤﻪ ﻫﺴﻪ ﻳﺼﻴﺮ ﻣﻴﺼﻴﺮ
ﺑﺎﺟﺮ ﺍﺷﺘﺮﻱ ﺧﺎﻟﻪ ﻫﻢ ﻓﻜﺮﺕ ﺑﻲ ﻻﻥ ﻣﻮﺑﺎﻳﻠﻲ ﻋﻔﺘﻪ ﻧﺴﻴﺘﻪ ﻣﺄﺟﻪ ﻋﻠﻰ ﺑﺎﻟﻲ ﺍﺟﻴﺒﻪ
ﺍﻱ ﻳﻤﻪ ﺍﺣﺴﻦ ﺣﺘﻰ ﺍﺫﺍ ﺗﺤﺘﺎﺟﻴﻦ ﺷﻲ ﺑﺲ ﺍﺗﺼﻠﻲ ﻋﻠﻴﻪ ﻭﺍﺟﻴﺞ ﺑﻠﻜﺖ ﺍﻟﻠﻪ ﻳﺮﺟﻊ ﺭﺟﻠﺞ ﻣﻦ ﺍﻟﺴﻔﺮ ﻭﺗﺮﻭﺣﻴﻦ ﺍﻟﺒﻴﺘﺞ ﻭﻣﺘﺤﺘﺎﺟﻴﻦ ﺷﻲ
ﺍﻥ ﺷﺎﺀ ﺍﻟﻠﻪ ﺧﺎﻟﻪ ﺭﺣﻤﻪ ﺍﻟﻠﻪ ﻭﺍﻟﺪﻳﺞ
ﻃﻠﻌﺖ ﻭﺭﺟﻌﺖ .... ﺳﻮﻳﺘﻠﻲ ﻋﺸﻪ ﻃﻜﻴﺖ ﺑﻴﺾ ﻭﺳﻮﻳﺘﻠﻲ ﺟﺎﻱ ﺧﻄﻴﻪ ﺍﻡ ﻋﺪﻧﺎﻥ ﻭﺍﻡ ﻓﻼﺡ ﻟﻤﻠﻤﻦ ﺍﻟﻴﻪ ﺍﺣﺘﻴﺎﺟﺎﺕ ﻣﻄﺒﺦ
ﻏﻔﻴﺖ ﻭﺍﻧﻲ ﺷﺎﺑﻜﻪ ﺻﻮﺭﺓ ﺟﻬﺎﺩ ﻓﺰﻳﺖ ﻣﻦ ﻧﻮﻣﺘﻲ ﻋﻠﻰ ﺻﻮﺕ ﺍﻻﺫﺍﻥ ﻣﺎﻝ ﻓﺠﺮ ﺟﺎﻥ ﺍﻟﺠﺎﻣﻊ ﻗﺮﻳﺐ ﻋﻠﻴﻬﻢ
ﺍﻟﺪﻧﻴﺎ ﺑﺎﺭﺩﻩ ﺗﻌﺎﺟﺰﺕ ﺍﻛﻮﻡ ﺍﺻﻠﻲ ﻣﻦ ﻭﺭﻩ ﺍﻟﺒﺮﺩ ﺗﺬﻛﺮﺕ ﺟﻬﺎﺩ ﻣﻦ ﻳﺼﻠﻲ ﻳﻮﻣﻴﻪ ﻭﻳﻜﻌﺪﻧﻲ ﻭﺍﻛﻠﻪ ﺑﺮﺩﺍﻧﻪبيج قصص عراقيه حقيقيه من واقعنا.روعه الطائي
ﺍﻛﻴﺪ ﻛﺎﻋﺪ ﻫﺴﻪ ... ﺷﻨﻮ ﻭﺿﻌﻚ ﺣﺒﻴﺒﻲ ﻭﺍﺧﺬﺕ ﺣﺴﺮﻩ ﻭﻛﻤﺖ ﻛﻠﺖ ﺧﻞ ﺍﺻﻠﻲ ﺍﺣﺴﻦ ﺍﻧﻮﺏ ﺍﻟﻤﻲ ﺑﺎﺭﺩ ﺣﻴﻞ ﺑﺲ ﺧﻠﻴﺘﻪ ﻋﻠﻰ ﻭﺟﻬﻲ ﺣﺴﻴﺖ ﺭﻭﺣﻲ ﺟﻤﺪﺕ ﮔﻮﻩ ﻛﻤﻠﺖ ﻭﺿﻮﺋﻲ .... ﺗﻌﺎﺟﺰﺕ ﺍﺣﻤﻲ ﺍﻟﻤﻲ ... ﺑﺲ ﻣﻦ ﺍﺳﺒﺢ ﺍﺣﻤﻲ ﺍﻟﻤﻲ
ﺻﻠﻴﺖ ﻭﺩﻋﻴﺖ ﺍﻝ ﺟﻬﺎﺩ ﺑﺎﻟﺼﺤﻪ ﻭﺍﻟﺴﻼﻣﻪ ﻭﺩﻋﻴﺖ ﻳﺨﻔﻒ ﻭﺟﻌﻲ ﻋﻠﻰ ﺟﻬﺎﺩ
ﻭﺍﻟﻠﻪ ﻳﺎﺭﺑﻲ ﻣﻜﺎﻋﺪ ﺍﻛﺪﺭ ﺑﺪﻭﻧﻪ ... ﺍﺣﺲ ﻧﻔﺴﻲ ﺗﺎﻳﻬﻪ ﻭﺿﺎﻳﻌﻪ ﺍﺣﺲ ﺍﻟﺪﻧﻴﺎ ﻭﺍﻛﻔﻪ ﺑﺪﻭﻧﻪ ﺣﺘﻰ ﺍﻟﻬﻮﻯ ﺍﻻﺷﻤﻪ
ﻳﺨﻨﻚ ....
ﺭﺟﻌﺖ ﻟﻔﺮﺍﺷﻲ ﻭﻫﻢ ﺭﺟﻌﺖ ﻏﻔﻴﺖ ﻛﻌﺪﺕ ﺗﺮﻳﻜﺖ ﻭﻟﺒﺴﺖ ﺟﺒﺘﻲ ﻭﻃﻠﻌﺖ .... ﺭﺣﺖ ﻟﻠﺴﻮﻙ ﺍﻧﺪﻟﻴﺘﻪ ....
ﻛﻤﺖ ﺍﻓﺘﺮ ﺑﻲ ﺑﺎﻭﻋﺖ ﺍﺑﻮ ﻣﻮﺑﺎﻳﻼﺕ ﺩﺧﻠﺘﻠﻪ
ﺷﻔﺖ ﻣﻮﺑﺎﻳﻞ ﺍﻟﻒ ﻭﻣﻴﻪ ﻛﺘﻠﻪ ﺑﻴﺶ
ﻛﺎﻝ ﺏ٢٥
ﻛﺘﻠﻪ ﺯﻳﻦ ﺍﺭﻳﺪ ﺳﻴﻤﻜﺎﺭﺕ ﻭﻳﺎ
ﻛﺎﻝ ﺟﺎﻳﺒﻪ ﻣﺴﺘﻤﺴﻜﺎﺕ
ﻛﺘﻠﻪ ﺷﻨﻮ ﻳﻌﻨﻲ
ﺟﻨﺴﻴﻪ ﻭﺑﻄﺎﻗﺔ ﺳﻜﻦ
ﻛﺘﻠﻪ ﻻ ... ﻳﻌﻨﻲ ﻣﻴﺼﻴﺮ ﺗﻨﻄﻴﻨﻲ
ﻻ ﻭﺍﻟﻠﻪ ﻣﻴﺼﻴﺮ
ﻛﺘﻠﻪ ﺍﻧﻄﻴﻨﻲ ﺍﻟﻤﻮﺑﺎﻳﻞ ﻟﻌﺪ ﺍﺧﺬﺗﻪ ﻛﻠﺖ ﻋﻞ ﺍﻗﻞ ﺍﻟﻬﻲ ﺭﻭﺣﻲ ﺑﻠﻌﺒﺔ ﺍﻟﺤﻴﻪ ﻭﺍﻟﺴﺎﻋﻪ ﺍﺷﻮﻓﻬﻪ ﻫﻢ .... ﺑﻘﻴﺖ ﺍﻓﺘﺮ ﻭﺍﺩﻭﺭ ﺑﻠﻜﺖ ﺍﻟﻜﻪ ﺷﻐﻞ ﺍﺣﺪ ﻣﺤﺘﺎﺝ ﻋﺎﻣﻠﻪ ﺑﺎﻭﻋﺖ ﺍﻟﺴﺎﻋﻪ ﺑﺎﻝ١ ﻣﺎﺍﺩﺭﻱ ﺑﻴﺶ ﺍﻟﺴﺎﻋﻪ ﻃﻠﻌﺖ ﻟﻠﺴﻮﻙ
ﻭﺍﻧﻲ ﺍﻣﺸﻲ ﺷﻔﺖ ﻣﺤﻞ ﺟﺒﻴﺮ ﻣﻜﺘﻮﺏ ﺍﻟﻤﺤﻞ ﺑﺤﺎﺟﻪ ﺍﻟﻲ ﻋﺎﻣﻠﻪ ﺩﺧﻠﺘﻠﻪ ﺟﺎﻥ ﺭﺟﺎﻝ ﻳﻄﻠﻊ ﺑﻜﺪ ﺟﻬﺎﺩ ﺑﺲ ﻣﻨﺮﺗﺐ ﻣﺜﻞ ﺟﻬﺎﺩ
ﻛﺘﻠﻪ ﺍﻟﺴﻼﻡ ﻋﻠﻴﻜﻢ
ﺍﻫﻼ
ﺑﻼﺯﺣﻤﻪ ﻣﻜﺘﻮﺏ ﺍﻟﻤﺤﻞ ﺑﺤﺎﺟﻪ ﺍﻟﻲ ﻋﺎﻣﻠﻪ
ﺍﻱ ﻣﺤﺘﺎﺝ ﻋﺎﻣﻠﻪ
ﺍﻧﻲ ﻣﺤﺘﺎﺟﻪ ﺷﻐﻞ
ﺑﺎﻭﻋﻠﻲ ﻣﻦ ﻓﻮﻙ ﺍﻟﻲ ﺟﻮﻩ ﻛﻠﻲ ﺑﻠﻠﻪ ﺍﺳﺘﺪﺍﺭﻱ
ﺑﺎﻭﻋﺖ ﻫﺬﺍ ﺷﺪﻳﻠﻐﻲ ﺍﻟﺸﻐﻞ ﺷﻌﻠﻲ ﺑﺎﻻﺳﺘﺪﺍﺭﻩ ﻛﺘﻠﻪ ﻣﻔﻬﻤﺖ
ﺍﺭﻳﺪ ﺍﺷﻮﻑ ﺟﺴﻤﺞ
ﻓﺘﺤﺖ ﻋﻴﻨﻲ ﻣﻦ ﺍﻟﺼﺪﻣﻪ .... ﺭﺩﺕ ﺍﻃﻠﻊ ﻛﻠﻲ
ﻭﻳﻦ ﺍﻭﻛﻔﻲ ﺷﻨﻮ ﺯﻋﻞ ﺍﻟﺤﻠﻮ ﻏﻴﺮ ﺍﺷﻮﻑ ﺟﺴﻤﺞ ﻳﺴﺎﻋﺪ ﻟﻮ ﻻ
ﻃﻠﻌﺖ ﻭﻋﻔﺘﻪ ﻫﺬﺍ ﺷﺪﻳﻠﻐﻲ ﻣﺎﺍﺩﺭﻱ ..... ﻃﻠﻌﺖ ﺑﺴﺮﻋﻪ ﻣﻦ ﺍﻟﺴﻮﻙ ﻛﻠﻪ ﻭﺍﻧﻲ ﺍﺩﺭﺩﻡ ﻋﻠﻰ ﻫﺬﺍ .... ﺷﺸﺎﻓﻨﻲ ﺍﻟﺤﻘﻴﺮ
ﺍﻭﻭﻭﻑ ﻳﺎﺭﺑﻲ ﺳﺎﻋﺪﺗﻨﻲ ﻫﻮﺍﻱ ﺳﺎﻋﺪﻧﻲ ﺍﻟﻜﺎﻟﻲ ﺷﻐﻞ ﻭﺍﺭﺗﺎﺡ ﺃﻳﺴﺖ ﻭﻃﻠﻌﺖ ﻋﻞ ﺷﺎﺭﻉ ﺑﺎﻭﻋﺖ ﻋﻞ ﺳﻴﺎﺭﺍﺕ
ﻛﻠﺒﻲ ﻳﻜﻠﻲ ﺻﻌﺪﻱ ﻭﺭﻭﺣﻲ ﺷﻮﻓﻲ ﺟﻬﺎﺩ ﻭﻋﻘﻠﻲ ﻳﻜﻠﻲ ﺍﻧﺠﺒﻲ ﻭﺭﺟﻌﻲ ﻭﺳﻜﺘﻲ
ﺣﺴﺒﺖ ﻓﻠﻮﺳﻲ ﺑﻘﺎﻟﻲ٣٧ﺍﻟﻒ ﺭﺍﺡ ﻳﺨﻠﺼﻦ ﺷﻠﻮﻥ ﺑﻴﻪ ﻣﺎﺍﺩﺭﻱ ﺍﺍﺍﺥ ﻳﺎﺭﺑﻲ ﺷﺴﻮﻱ ﺭﺟﻌﺖ ﻣﺸﻲ ﻟﻠﺒﻴﺖ ﻭﺍﻧﻲ ﺍﻣﺸﻲ ﻗﺒﻞ ﻓﺮﻉ ﺑﻴﺘﻲ ﺩﺧﻠﺖ ﻓﺮﻉ ﻣﻜﺘﻮﺏ ﺑﻴﺖ ﻟﻼﻳﺠﺎﺭ ﻭﺑﺼﻔﻪ ﺩﻛﺎﻥ ﺫﻛﺮﻧﻲ ﺑﺒﻴﻨﺎ ﺍﻧﻲ ﻭﺑﺎﺑﺎ ﺑﻘﻴﺖ ﺍﺑﺎﻭﻉ ﻋﻠﻲ
ﺑﻬﺎﻟﻠﺤﻈﻪ ﺷﻔﺖ ﻓﺮﺣﻪ ﺍﻟﺼﻐﻴﺮﻩ ﻭﺍﺑﻮﻫﻪ ﺑﺼﻔﻬﻪ ﻛﺎﻋﺪﻩ ﺑﺎﻟﺪﻛﺎﻥ ﻭﻳﺴﺘﻤﻌﻠﻬﻪ ﺷﺤﺎﻓﻈﻪ
ﺩﺧﻠﺖ ﻟﻠﺬﻛﺎﻥ ﻛﺎﻋﺪﻩ ﺑﻲ ﻣﺮﻩ
ﺍﻟﺴﻼﻡ ﻋﻠﻴﻜﻢ
ﻫﻠﻪ ﺑﻴﺞ ﻳﺴﻤﻪ ﺗﻔﻀﻠﻲ
ﻫﺬﺍ ﺍﻟﺒﻴﺖ ﺗﺄﺟﺮ ﻟﻮ ﺑﻌﺪﻩ
ﻻ ﻳﻤﻪ ﺑﻌﺪﻩ
ﺷﻜﺪ ﺃﻳﺠﺎﺭﻩ
٢٥٠ﺻﺢ ﻣﺎﺑﻲ ﺑﻨﺎﺀ ﺑﺲ ﺟﺪﻳﺪ ﻭﺍﻟﻠﻪ ﻭﺗﻮﻧﻪ ﺭﻣﻤﻨﺎﻫﻪ ﻟﻠﻐﺮﻓﻪ
ﺗﻌﺎﻟﻲ ﺧﻞ ﺍﺷﻮﻓﺞ ﻏﺮﻓﻪ ﺗﺮﺩ ﺍﻟﺮﻭﺡ ﻭﺣﻤﺎﻡ ﻭﺗﻮﺍﻟﻴﺖ ﻭﻣﻄﺒﺦ ﺻﻐﻴﺮ ﺣﻴﻞ
ﺩﺧﻠﺘﻨﻲ ﻟﻠﺒﻴﺖ ﺍﻟﻐﺮﻓﻪ ﺣﻴﻞ ﺻﻐﻴﺮﻩ ﻭﺑﺪﺍﺧﻠﻬﻪ ﺍﻟﺤﻤﺎﻡ ﻭﻣﻄﺒﺦ ﺑﺎﻟﻤﻤﺮ ﻧﻔﺴﻪ ﻣﻤﺮ ﻃﻮﻻﻧﻲ ﺗﺸﻜﺮﺕ ﻣﻨﻬﻪ ﻭﻃﻠﻌﺖ ﻳﻮﺍﻟﻤﻨﻲ ﻭﻳﺠﻮﺯ ﺗﺮﺧﺼﻨﻲ ﺍﻛﻴﺪ ﻻﻥ ﺍﻭﻝ ﺣﺠﺎﻳﻪ ﺍﻟﻬﻪ ﺑﺲ ﻣﻤﻌﻘﻮﻟﻪ ﻳﺒﻘﻪ ﻟﻠﺸﻬﺮ ﺍﻟﻴﺠﻲ ﻭﻣﻴﺘﺄﺟﺮ
ﺭﺟﻌﺖ ﺭﺣﺖ ﺍﻟﺒﻴﺖ ﺍﻡ ﻋﺪﻧﺎﻥ ﺣﺠﻴﺖ ﻭﻳﺎﻫﻪ ﻋﻠﻤﻮﺩ ﺍﻟﺴﻴﻤﻜﺎﺭﺕ ﻳﺤﺘﺎﺝ ﻣﺴﺘﻤﺴﻜﺎﺕ ﻛﺎﻟﺖ ﺍﻟﻌﺼﺮ ﻧﺮﻭﺡ ﺍﻧﻲ ﻭﻳﺎﺝ ﺭﺟﻌﺖ ﻟﻠﺒﻴﺖ ﻭﺍﻧﻲ ﻛﻠﻲ ﺧﻴﺒﺔ ﺍﻣﻞ
ﻣﺮﻟﻲ ٢٥ﻳﻮﻡ ﻋﻠﻰ ﻃﻠﻌﺘﻲ ﻣﻦ ﺍﻟﺒﻴﺖ ﻭﻛﻠﺒﻲ ﻣﺤﺘﺮﻙ ﻋﻠﻰ ﺟﻬﺎﺩ ﻭﻫﻢ ﻣﺎﺍﻋﺮﻑ ﻋﻨﻪ ﺷﻲ ﻭﻫﻢ ﻣﻠﻜﻴﺖ ﺷﻐﻞ
ﺯﻣﺰﻡ ﻣﻌﺎﻓﺘﻨﻲ ﺟﺎﺑﺘﻠﻲ ﺍﻏﺮﺍﺽ ﻣﻦ ﺑﻴﺘﻬﻪ ﻫﻴﺘﺮ ﻭﺟﺪﻭﺭﻩ ﻭﻛﻼﺻﺎﺕ ﻭﻣﻮﺍﻋﻴﻦ ﻭﺣﺘﻰ ﻣﻼﺑﺲ ﻛﺎﻟﺖ ﺻﺎﻳﺮﺍﺕ ﺻﻐﺎﺭ ﻋﻠﻴﻪ ﻭﺍﺷﺘﺮﻳﺘﻠﻲ ﻋﻤﺘﻬﻪ ﺳﻴﻤﻜﺎﺭﺕ ﻋﻠﻰ ﻣﺴﺘﻤﺴﻜﺎﺗﻬﻢ
ﻭﻧﺘﺨﺎﺑﺮ ﺍﻧﻲ ﻭﻳﺎﻫﻪ ﻭﻛﻞ ﻣﺘﺨﺎﺑﺮ ﻭﺗﻜﻠﻲ ﺯﻭﺟﺞ ﻣﺮﺟﻊ ﻻﻥ ﺍﻧﻲ ﻛﺎﻳﻠﺘﻠﻬﻪ ﺑﺲ ﻳﺮﺟﻊ ﺍﺗﺼﻞ ﻋﻠﻲ ﻭﻛﻞ ﻣﺘﺴﺄﻟﻨﻲ ﺍﻛﻠﻬﻪ ﺑﻌﺪﻩ ﻣﻌﻠﻖ ﻳﻌﻨﻲ ﻣﺮﺍﺟﻊ
ﻭﻣﺜﻞ ﻳﻮﻣﻴﻪ ﻫﻢ ﺍﺩﻭﺭ ﺷﻐﻞ ﻭﻣﺎﻟﻜﻪ ﻭﻣﺒﻘﺎﻟﻲ ﻏﻴﺮ ٥ﻳﻮﻡ ﻭﻻﺯﻡ ﺍﺩﻓﻊ ﺍﻳﺠﺎﺭ ﺑﻠﻠﻪ ﺍﻟﻠﻜﻤﻪ ﻣﺎﺷﻲ ﺣﺎﻟﻬﻪ ﺍﺗﺮﻳﻚ ﺑﻴﻀﻪ ﻭﺍﺗﻌﺸﻪ ﺑﻴﻀﻪ ﻟﻮ ﺭﻭﺑﻪ ﻭﺍﺷﺘﺮﻳﻠﻲ ٥ﻛﺮﺻﺎﺕ ﺍﺑﻘﻪ ﺑﻴﻬﻦ ﺍﺳﺒﻮﻉ ﻭﻣﺮﺍﺕ ﺍﻡ ﻓﻼﺡ ﺗﺴﻮﻱ ﺩﻭﻟﻤﻪ ﺗﺪﺯﻟﻲ ﻭﺍﻡ ﻋﺪﻧﺎﻥ ﻫﻢ ﻣﻦ ﺗﺨﺒﺰ ﺗﺠﻴﺒﻠﻲ ﻛﻢ ﻛﺮﺻﻪ ﺍﻻﻛﻞ ﻣﻮ ﻣﻬﻢ ﺑﺲ ﺍﻟﻮﻃﻦ ﻭﺍﻟﺤﻴﻄﺎﻥ ﻣﻬﻤﻪ
ﺍﻭﻝ ﻣﺼﺒﺢ ﺍﻟﺼﺒﺢ ﻃﻠﻌﺖ ﻛﻠﺖ ﺍﻟﻴﻮﻡ ﻣﺎﺍﺭﺟﻊ ﺍﻟﻪ ﺍﻟﻜﺎﻟﻲ ﺷﻐﻞ ﺍﻭ ﺷﻴﺼﻴﺮ ﻃﻠﻌﺖ ﻛﻠﺖ ﺧﻞ ﺍﺻﻌﺪ ﺳﻴﺎﺭﻩ ﻋﻠﻤﻮﺩ ﺍﻟﺤﻤﻞ ﻻﻥ ﻫﻮﺍﻱ ﻛﺎﻋﺪ ﺍﻣﺸﻲ ﻛﻠﺖ ﻣﺎﺍﺩﻭﺭﺑﺎﻟﻜﺎﻇﻤﻴﻪ ﻻﻥ ﺩﻭﻡ ﻳﺮﻭﺣﻮﻟﻬﻪ ﺟﺎﻧﺖ ﻭﺍﻛﻔﻪ ﻣﺮﻩ ﻛﺘﻠﻬﻪ ﺷﻠﻮﻥ ﺍﺭﻭﺡ ﻟﻠﻤﻨﺼﻮﺭ ﺑﻼ ﺯﺣﻤﻪ
ﻛﺎﻟﺘﻠﻲ ﻫﻴﻪ ﻣﻨﺎ ﻫﺴﻪ ﻳﺠﻦ ﺳﻴﺎﺭﺍﺕ
ﺑﻘﻴﺖ ﻭﺍﻛﻔﻪ ﻳﻤﻬﻪ ﻭﺍﻛﻔﻪ ﺻﺎﻓﻨﻪ ﻋﻞ ﺳﻴﺎﺭﺍﺕ ﻧﺪﻫﺘﻨﻲ ﺍﻟﻤﺮﻩ ﻛﺎﻟﺖ ﻣﻮ ﺗﺮﻳﺪﻳﻦ ﺗﺮﻭﺣﻴﻦ ﻟﻠﻤﻨﺼﻮﺭ
ﻛﺘﻠﻬﻪ ﺍﻱ
ﻛﺎﻟﺖ ﺻﻌﺪﻱ ﻳﻠﻠﻪ
ﺻﻌﺪﺕ ﻛﻌﺪﺕ .. ﻳﻢ ﺍﻟﺠﺎﻣﻪ .... ﺟﻨﺖ ﺻﺎﻓﻨﻪ ﺑﺤﻴﺎﺗﻲ ﻭﺍﺩﻋﻲ ﺍﻟﻜﻪ ﺷﻐﻞ ﻳﺎﺭﺏ ﺳﺎﻋﺪﻧﻲ ﺑﻠﻜﺖ ﺍﻟﻜﻪ ﺷﻐﻞ ﺑﺎﻟﻤﻨﺼﻮﺭ ﻫﻮﺍﻱ ﺑﻴﻬﻪ ﻣﺤﻼﺕ ﻣﻦ ﺟﺎﻥ ﺑﺎﺧﺬﻧﻲ ﺟﻬﺎﺩ ﺍﺷﻮﻓﻬﻦ ﻣﺎﺍﺣﺲ ﺍﻟﻪ ﺍﺣﺪ ﻳﺘﻠﻤﺲ ﺟﺴﻤﻲ ﺻﻔﺢ
ﺍﺧﺘﺮﻋﺖ .... ﺩﺭﺕ ﺑﺴﺮﻋﻪ ... ﺷﻔﺘﻪ ﺷﺎﺏ ﻭﻣﺎﺩ ﺍﻳﺪﻩ ﻓﺰﻳﺖ ﺣﺴﻴﺖ ﻛﻠﺒﻲ ﺭﺍﺩ ﻳﻮﻛﻒ ﻣﻦ ﺩﺭﺕ ﻋﻠﻲ ﻏﻤﺰﻟﻲ
ﺟﺎﻥ ﺷﺎﻳﺐ ﻛﺎﻋﺪ ﻛﺒﺎﻟﻲ ﺑﺎﻟﻜﺮﺳﻲ ﺍﻟﻌﻜﺴﻲ ﺍﻧﺘﺒﻪ ﻋﻠﻴﻪ ﻭﻛﻠﻲ ﺍﻛﻮ ﺷﻲ ﺑﺎﺑﺎ ﺗﻌﺎﻟﻲ ﻫﻨﺎ ﺑﻤﻜﺎﻧﻲ ﻭﺧﺰﺭ ﺍﻟﺸﺎﺏ ﺣﻮﻟﺖ ﺑﻤﻜﺎﻧﻪ ﺻﺎﺭ ﻛﺒﺎﻟﻲ ﺍﻧﻮﺏ ﻭﺑﺲ ﻳﻔﻤﺰ ﻭﻳﺮﻓﻊ ﻣﻮﺑﺎﻳﻠﻪ ﻣﻦ ﻛﺎﻝ ﺍﻟﺸﺎﻳﺐ ﻧﺎﺯﻝ ﺍﻧﻲ ﻫﻢ ﻧﺰﻟﺖ ﻭﺭﺍ
ﺑﻮﻳﻪ ﺍﻟﺸﺎﺭﻉ ﻣﻴﺮﺣﻢ ﻟﻴﺶ ﺗﻄﻠﻌﻴﻦ ﻭﺣﺪﺝ
ﺑﺎﻭﻋﺖ ﻋﻠﻲ ﻭﺳﻜﺘﺖ .... ﻛﻠﻲ ﻭﻳﻦ ﺭﺍﻳﺤﻪ
ﻟﻠﻤﻨﺼﻮﺭ
ﻫﻮ ﺍﻧﺘﻲ ﻫﺴﻪ ﺑﺎﻟﻤﻨﺼﻮﺭ
ﻛﺘﻠﻪ ﺷﻜﺮﺍً ﻋﻤﻮ ﺑﻘﻴﺖ ﺍﻣﺸﻲ ﺍﺑﺎﻭﻉ ﻋﻞ ﻣﺤﻼﺕ ﻣﺎﻛﻮ ﺍﻱ ﻻﻓﺘﻪ ﺍﻭ ﻗﻄﻌﻪ ﻳﺮﻳﺪﻭﻥ ﻋﺎﻣﻼﺕ
ﺑﻘﻴﺖ ﺍﻣﺸﻲ ﺷﻜﺪ ﻭﺍﺭﺟﻊ ﻋﻠﻰ ﻧﻔﺲ ﺍﻟﻤﻜﺎﻥ ﻣﺪﻳﺖ ﺍﻳﺪﻱ ﺑﺠﻴﺒﻲ ﺍﺧﺮ ﺧﻤﺲ ﺍﻟﻒ
ﺑﺎﻭﻋﺖ ﻋﻠﻴﻬﻦ ﺑﻴﺄﺱ
ﺍﺧﺮ ﺷﻲ ﺷﻔﺖ ﺑﻨﺎﻳﻪ ﺟﺒﻴﺮﻩ ﻣﻜﺘﻮﺏ ﺷﺮﻛﺔ .............
ﺩﺧﻠﺖ ﺍﻟﻬﻪ ... ﻫﻴﻪ ﺑﻴﺖ ﺑﺲ ﻣﺴﻮﻱ ﺷﺮﻛﻪ
ﺍﻭﻝ ﻣﺪﺧﻠﺖ ﻛﺎﻡ ﻭﺍﺣﺪ ﻛﻠﻲ ﺗﻔﻀﻠﻲ
ﻛﺘﻠﻪ ﺑﻼﺯﺣﻤﻪ ﻫﻢ ﻣﺤﺘﺎﺟﻴﻦ ﻋﺎﻣﻠﻚ ﻧﻈﺎﻓﻪ ﺍﻱ ﺷﻲ
ﺑﺎﻭﻉ ﻋﻠﻰ ﺟﺴﻤﻲ ﻣﺪﺭﻱ ﺟﺒﺘﻲ ﻣﻌﺠﺒﺘﻪ ﻣﻦ ﻓﻮﻙ ﺍﻟﻲ ﺟﻮﻩ ﻭﻛﻠﻲ ﻭﺍﻟﻠﻪ ﺍﻟﺴﻴﺪ ﺣﺴﺎﻡ ﻣﻤﻮﺟﻮ
ﺷﻮﻛﺖ ﻳﺠﻲ
ﻧﺺ ﺳﺎﻋﻪ ... ﺳﺎﻋﻪ ﻣﺎﺍﺩﺭﻱ
ﺑﺎﻭﻋﺖ ﺍﻛﻮ ﻣﻮﻇﻔﺎﺕ ﻳﺨﺒﻠﻦ ﺍﻟﺸﻌﺮ ﻣﻔﺘﻮﺡ ﻭﺑﻨﺎﻃﻴﺮﻫﻦ ﻭﻭﻳﻪ ﺍﻟﻜﻤﺮ ﻭﺣﺼﺮ ﻭﻋﺪﺳﺎﺕ ﺍﻛﻮﻝ ﻫﺬﺍ ﺗﻔﺎﺟﺊ ﻭﻳﺒﺎﻭﻉ
ﻋﻠﻴﻪ ﻛﻠﺖ ﻫﻞ ﺍﺣﺘﺮﻡ ﻧﻔﺴﻲ ﻭﺍﻃﻠﻊ
ﺗﻮﻧﻲ ﺭﺩﺕ ﺍﻃﻠﻊ ﺩﺧﻞ ﻭﺍﺣﺪ ﻻﺑﺲ ﻣﻨﺎﻇﺮ ﻭﻧﺎﻓﺦ ﺭﻳﺸﻪ ﻋﻨﺪﻩ ﻛﺮﺵ ﻭﺳﻂ ﻭﻃﻮﻳﻞ ﻭﻋﻨﺪﻩ ﺷﻮﺍﺭﺏ ﺷﻜﻠﻪ ﺣﻠﻮ ﺑﺲ ﻛﺮﺷﻪ ﻣﺨﺮﺏ ﻋﻠﻲ
ﺭﺩﺕ ﺍﻃﻠﻊ ﺻﺎﺭ ﺑﺼﻔﻲ ﺟﺎﻥ ﻫﺬﺍ ﺍﻟﺮﺟﺎﻝ ﻛﻠﻲ ﻫﺬﺍ ﺍﻟﺴﻴﺪ ﺣﺴﺎﻡ ﻫﻮ ﺭﺃﺳﺎً ﺩﺍﺭ ﻋﻠﻴﻪ ﻭﻧﺰﻉ ﻣﻨﺎﻇﺮﻩ ﻭﺑﺎﻭﻉ ﻋﻠﻴﻪ
ﺗﻔﻀﻠﻲ ﺗﻌﺮﻓﻴﻨﻲ
ﻻ
ﻟﻌﺪ ﻟﻴﺶ ﺗﺴﺄﻟﻴﻦ ﻋﻠﻴﻪ
ﺑﺎﻭﻋﺖ ﻻ ﻭﺍﻟﻠﻪ ﻣﺎﺍﻋﺮﻓﻚ ﺑﺲ ﻋﺒﺎﻟﻲ ﺗﺸﻐﻠﻨﻲ ﻫﻨﺎ
ﺑﺎﻭﻉ ﻋﻠﻴﻪ .... ﻭﺿﺤﻚ ﺷﺸﻐﻠﺞ ﻳﻌﻨﻲ ﺑﻬﺬﺍ ﺍﻟﻤﻨﻈﺮ
ﻭﺩﺧﻞ ﻭﻋﺎﻓﻨﻲ
ﻛﺘﻠﻪ ﻭﺍﻟﻠﻪ ﻳﺎﺭﺑﻲ ﺑﻜﺮﺷﻚ ﻫﺬﺍ ﺑﺲ ﺑﺼﻮﺕ ﻧﺎﺻﻲ
ﺷﻮ ﻫﺬﺍ ﺭﺟﻊ ﻋﻠﻴﻪ ﻭﻛﻠﻲ ﺷﻜﻠﺘﻲ
ﺑﺎﻭﻋﺖ ﻋﻠﻲ ﺧﻔﺖ ﻛﺘﻠﻪ ﻛﻠﺖ ﺭﺣﻢ ﺍﻟﻠﻪ ﻭﺍﻟﺪﻳﻚ
ﻋﻠﻰ ﺷﻨﻮ ﺷﻐﻠﺘﺞ ﻭﺍﻧﻲ ﻣﺎﺍﺩﺭﻱ
ﻻ
ﻟﻌﺪ
ﻛﻠﺖ ﺍﻟﻠﻪ ﻻ ﻳﻮﻓﻘﻚ ﺍﻥ ﺷﺎﺀ ﺍﻟﻠﻪ
ﺭﻓﻊ ﺣﺎﺟﺒﻪ
- [ ] ﻛﺘﻠﻪ ﻭﺍﻟﻠﻪ ﺍﻗﺼﺪ ﺍﻟﻠﻪ ﻳﻮﻓﻘﻚ ﺑﺲ ﺷﻮ ﻫﻴﻪ ﻃﻠﻌﺖ ﻫﻴﺞ .... ﻭﻃﻠﻌﺖ ﺑﺴﺮﻋﻪ ﻭﻛﻠﺒﻲ ﻳﺪﻙ ﺳﺮﻳﻊ ﺻﺎﺣﻨﻲ ﺗﻌﺎﻟﻲ ﻳﺎﺑﻪ ﺗﻌﺎﻟﻲ
ﻣﺎﺍﺣﺲ ﺍﻟﻪ ﻫﺬﺍ ﺍﻟﺮﺟﺎﻝ ﺍﻟﻲ ﻭﻳﺎ ﻟﺤﻜﻨﻲ .... ﻭﻛﻠﻲ ﺗﻌﺎﻟﻲ ﺍﻭﻛﻔﻲ
ﺷﻜﻮﻭﻭ
ﻣﻮ ﺗﺮﻳﺪﻳﻦ ﺷﻐﻞ
ﻻ
ﻻ ﻭﺍﻟﻠﻪ ﺳﻴﺪ ﺣﺴﺎﻡ ﻛﺎﻝ ﺍﺷﻐﻠﻬﻪ ﺗﻌﺎﻟﻲ
ﻻ ﻣﺎﺍﺭﻳﺪ ﻭﺍﻟﻠﻪ
ﺑﻜﻴﻔﺞ ﺑﺲ ﺗﺨﺴﺮﻳﻦ
ﻣﺸﻴﺖ ﻭﻋﻔﺘﻪ ﻣﻦ ﺗﺬﻛﺮﺕ ... ﺍﻻﻳﺠﺎﺭ ﻭﺍﺧﺮ ٥ﻋﻨﺪﻱ ﺭﺟﻌﺖ ﺩﺧﻠﺖ ﺍﻭﻝ ﻣﺪﺧﻠﺖ ﺿﺤﻚ ﺍﻟﺮﺟﺎﻝ
ﻫﺎﺍﺍ ﺷﻮ ﺭﺟﻌﺘﻲ
ﻭﻳﻦ ﺍﻟﺴﻴﺪ ﺣﺴﺎﻡ
ﺟﻮﻩ ﺑﻤﻜﺘﺒﻪ
ﺩﺧﻠﺖ ﺟﻮﻩ ﻭﺍﻧﻲ ﺧﺎﻳﻔﻪ ﻭﻣﻤﺮﺗﺎﺣﻪ ﺩﻛﻴﺖ ﺍﻟﺒﺎﺏ ﻛﺎﻝ ﺗﻔﻀﻞ
ﺍﻟﺴﻼﻡ ﻋﻠﻴﻜﻢ
ﺑﺎﻭﻉ ﻋﻠﻴﻪ ..... ﺍﻫﻼ ﺗﺮﻳﺪﻳﻦ ﺷﻐﻞ ﻛﻠﺘﻴﻠﻲ
ﺷﺘﻌﺮﻓﻴﻦ
ﺷﻨﻮ ﻳﻌﻨﻲ
ﻳﻌﻨﻲ ﺣﺎﺳﺒﻪ ﺗﻌﺮﻓﻴﻠﻬﻪ
ﻻ
ﺗﻌﺮﻓﻴﻦ ﻟﻐﻪ ﻭﺿﺤﻚ
ﺍﻛﻠﻚ ﺍﻧﺖ ﻣﺮﺟﻌﻨﻲ ﺗﻀﺤﻚ ﻋﻠﻴﻪ ﻟﻮ ﺷﻨﻮ ﺑﺎﻟﻀﺒﻂ ﻭﺍﻟﻠﻪ ﻳﺎﺭﺑﻲ ﺭﺩﺕ ﺍﺭﻭﺡ ﻛﻠﻲ
ﻋﺎﻣﻠﺔ ﻧﻈﺎﻓﻪ ﺑﺲ ﺍﻛﺪﺭ ﺍﻭﻇﻔﺞ ﺗﺮﻳﺪﻳﻦ ﻟﻮ ﻻ
ﺭﺟﻌﺖ ﻭﻛﻔﺖ ﻛﻠﻲ
٢٠٠ﺍﻟﻒ
ﻛﺘﻠﻪ ﻗﻠﻴﻞ ﻋﻨﺪﻱ ﺑﻴﺖ ﺍﻳﺠﺎﺭ ﻭﺍﺻﺮﻑ ﻋﻠﻰ ﺍﻣﻲ
ﻣﺎﺍﻛﺪﺭ ﺍﻧﻄﻴﺞ ﺍﻛﺜﺮ ﻣﻦ ﻫﻴﺞ ﻋﺬﺭﻳﻨﻲ
ﻛﺘﻠﻪ ﻋﻞ ﺍﻗﻞ ٢٥٠ﻓﻠﻮﺱ ﺍﻻﻳﺠﺎﺭ ﻛﻠﺖ ﺍﺫﺍ ﻗﺒﻞ ﺍﺭﻭﺡ ﺍﻟﺬﻳﺞ ﺍﻟﻤﺮﻩ ﺑﻠﻜﺖ ﺗﺴﻮﻳﻠﻲ ٢٥٠ﻭﺗﺬﻛﺮﺕ ﺯﻣﺰﻡ ﺗﻄﻠﺒﻨﻲ ﻭﻋﻠﻰ ﻭﺷﻚ ﻭﻻﺩﻩ ﺍﺣﺲ ﻧﻔﺴﻲ ﺭﺍﺡ ﺍﻧﻔﺠﺮ ﻣﻦ ﺍﻟﻀﻐﻂ
ﻛﻠﻲ ٢٠٠ﻻ ﻏﻴﺮ
ﻣﺎﺷﻲ ﻗﺒﻠﺖ ﻭﺍﻧﻲ ﻣﻴﻜﻔﻨﻲ ﺑﺲ ﺗﻨﻄﻴﻨﻴﺎﻫﻦ ﺍﻭﻝ ﻣﺎﺍﺑﻠﺶ
ﺷﻨﻮ ﺗﺘﺸﺮﻃﻴﻦ ﺍﻧﺘﻲ
ﻻ ﺑﺲ ﻣﺤﺘﺎﺟﺘﻬﻦ ﻭﺍﻟﻠﻪ ﻻﺯﻡ ﺍﻧﻄﻴﻬﻦ ﻋﻨﺪﻱ ﺍﻳﺠﺎﺭ
ﻣﺎﺷﻲ ﺑﺲ ﺷﻤﺪﺭﻳﻨﻲ ﻣﺘﻌﻮﻓﻴﻦ ﺍﻟﺪﻭﺍﻡ ﻭﺍﻧﻄﻲ ﺭﺍﺗﺐ ﻫﻴﺞ
ﻭﺍﻟﻠﻪ ﻣﺎﺍﻋﻮﻓﻪ
ﻣﺎﺍﻛﺪﺭ ﻛﻞ ﻣﻴﻘﺒﻄﻠﺞ ٣٠ﻳﻮﻡ ﺍﺳﻠﻤﺞ ﺗﻌﺬﺭﻳﻨﻲ
ﻛﺘﻠﻪ ﻣﺎﺍﺭﻳﺪ ﻟﻌﺪ ﻻﻥ ﻋﻨﺪﻱ ﺍﻳﺠﺎﺭ ﻻﺯﻡ ﺑﻌﺪ ٥ﻳﻮﻡ ﺍﻧﻄﻲ
ﻛﺎﻝ ﺍﺳﺘﻐﻔﺮ ﺍﻟﻠﻪ ﺑﺲ ﺗﻮﻗﻌﻴﻦ ﻋﻠﻰ ﻋﻘﺪ ﺍﺫﺍ ﺗﺮﻛﺘﻲ ﺍﻟﺪﻭﺍﻡ ﺗﺮﺟﻌﻴﻬﻦ ١٠٠٠٠٠٠
ﻛﺘﻠﻪ ﻣﻮﺍﻓﻘﻪ ﺑﺲ ﻓﺪﻭﻩ ﺳﻮﻳﻬﻦ ٢٥٠ﻭﺍﻟﻠﻪ ﺍﺧﻠﻴﻬﻪ ﺗﻠﻤﻊ ﺍﻟﺸﺮﻛﻪ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ
ﺧﻞ ﺍﺷﻮﻑ ﺍﻟﺘﻠﻤﻴﻊ ﻭﺍﺷﻮﻑ
ﺟﻨﺴﻴﺘﺞ ﺟﻴﺒﻴﻬﻪ ﻭﻳﺎﺝ
ﺻﻔﻨﺖ ﺷﻠﻮﻥ ﻭﺍﻧﻲ ﻣﺎﻋﻨﺪﻱ ﺟﻨﺴﻴﻪ ﻛﺘﻠﻪ ﺿﺎﻳﻌﻪ
ﻫﺎﻱ ﺷﻨﻮﻭ ﻳﺎﺑﻪ ﺍﻧﺘﻲ ﺗﺨﻮﻓﻴﻦ
ﻭﺍﻟﻠﻪ ﻣﺎﺍﺧﻮﻑ
ﺻﻔﻦ ﻋﻠﻴﻪ ﻛﺎﻝ ﺑﻠﺸﻲ ﺩﻭﺍﻡ ﻭﺍﻟﻠﻪ ﻛﺮﻳﻢ
ﻳﻌﻨﻲ ﻣﻦ ﺍﻟﻴﻮﻡ
ﺍﻱ ﺑﺲ ﺣﺎﻭﻟﻲ ﺑﺎﺟﺮ ﻣﺘﺠﻴﻦ ﺑﺬﻧﻲ ﻣﻼﺑﺴﺞ ﺷﺮﻛﺘﻨﺎ ﻣﻌﺮﻭﻓﻪ ﻭﺍﺭﻳﺪ ﺍﻟﻮﺍﺟﻬﻪ ﺣﻠﻮﻩ ﻭﺍﻧﺘﻦ ﺍﻟﻮﺍﺟﻬﻪ
ﻛﻠﺸﻲ ﻣﻔﻬﻤﺖ ﻣﻦ ﻛﻼﻣﻪ ﻛﺘﻠﻪ ﻣﻴﺨﺎﻟﻒ
ﺍﺗﻔﻘﺖ ﻣﻦ ﺑﺎﺟﺮ ﺍﺑﻠﺶ ﺩﻭﺍﻡ ﺭﺟﻌﺖ ﻓﺮﺣﺎﻧﻪ
ﺑﺲ ﻫﻢ ﻣﺘﺨﺎﻭﻓﻪ ﺑﺲ ﻛﻠﺖ ﺧﻞ ﺍﺩﺑﺮ ﻫﺬﺍ ﺍﻟﺸﻬﺮ ﻭﺍﻟﻠﻪ ﻛﺮﻳﻢ ﺭﺟﻌﺖ ﻟﻠﺒﻴﺖ ﺷﻮﻳﻪ ﻭﺭﺣﺖ ﻻﻡ ﻓﻼﺡ ﺩﻛﻴﺖ ﺍﻟﺒﺎﺏ ﻃﻠﻌﻠﻲ ﻣﺤﻤﺪ ﻛﺘﻠﻪ ﻭﻳﻦ ﺧﺎﻟﻪ
ﻛﺎﻝ ﺟﻮﻩ ﺩﺧﻠﻲ
ﺩﺧﻠﺖ ﻛﻌﺪﺕ ﺑﺎﻟﻤﻄﺒﺦ ﻋﺪﻫﻢ ﻣﺮﻭﻳﺘﻪ ﺫﻛﺮﻭﻧﻲ ﺑﺬﻭﻟﻲ ﺍﻟﻨﺎﺱ ﺍﻟﻲ ﻣﻦ ﺗﺴﻤﻤﺖ ﻭﺳﺎﻋﺪﻭﻧﻲ ﻗﺪﻣﺘﻠﻲ ﻋﺼﻴﺮ ﻭﻛﻴﻜﻪ ﺍﻡ ﻣﺤﻤﺪ ﺟﺎﻧﺖ ﻣﺴﻮﻳﺘﻬﻪ ﻛﻠﺖ ﺧﻞ ﺍﻛﻠﻬﻪ ﺑﻠﻜﺖ ﺗﺴﻯﻮﻳﻠﻲ ﺍﻻﻳﺠﺎﺭ ٢٥٠
ﻛﺘﻠﻬﻪ ﺧﺎﻟﻪ ﺍﻧﻲ ﺍﺭﻳﺪ ﺍﺑﻘﻪ ﺑﺎﻟﺒﻴﺖ
ﻭﺭﺟﻠﺞ ﻳﻤﻪ
ﻭﺍﻟﻠﻪ ﻳﺎﺧﺎﻟﻪ ﺑﻌﺪﻩ
ﺣﺴﻴﺘﻬﻪ ﺻﻔﻨﺖ ﺍﻡ ﻓﻼﺡ ﺍﻟﻜﻼﻣﻲ
ﻛﺘﻠﻬﻪ ﺳﻮﻳﻠﻲ ﺍﻻﻳﺠﺎﺭ ﺏ٢٥٠ﺍﻛﻮ ﺑﻴﺖ ﺑﺎﻟﻔﺮﻉ ﺍﻟﺜﺎﻧﻲ ﺑﺲ ﺍﻧﺘﻮ ﻫﻨﺎ ﺃﺃﻣﻦ ﺍﻟﻲ ﺑﻮﺟﻮﺩﻛﻢ ﻣﺎﺍﺧﺎﻑ ﻋﺒﺎﻟﻚ ﺍﻋﺮﻓﻜﻢ ﻣﻦ ﺯﻣﺎﻥ
ﻭﺍﻟﻠﻪ ﻣﺎﺍﺩﺭﻱ ﺷﻜﻠﺞ ﻳﻤﻪ ﺑﺲ
ﻣﺎﺍﺿﻐﻂ ﻋﻠﻴﺞ ﺑﺲ ﺍﺗﻤﻨﻰ ﺗﺴﻮﻱ ﺍﻟﻲ
ﻭﺭﺟﻠﺞ ﺷﻮﻛﺖ ﻳﺮﺟﻊ ﻣﻮ ﻃﻮﻝ
ﻣﺎﺍﺩﺭﻱ ﻭﺍﻟﻠﻪ
ﺧﻞ ﺍﻓﻜﺮ ﻭﻳﺼﻴﺮ ﺧﻴﺮ
ﻛﻌﺪﺕ ﺷﻮﻳﻪ ﻭﻃﻠﻌﺖ .... ﺳﻮﻳﺘﻠﻲ ﻟﻜﻤﻪ ﺍﻛﻠﺘﻬﻪ ﻭﻧﻤﺖ ﺑﻔﺮﺍﺷﻲ ﺍﻟﻤﻐﺮﺏ ﻓﺰﻳﺖ ﻋﻠﻰ ﺻﻮﺕ ﺍﻟﺒﺎﺏ ﻳﻨﺪﻙ ﻓﺘﺤﺘﻪ ﺯﻣﺰﻡ ﺑﻮﺳﺘﻬﻪ ﻭﺩﺧﻠﺖ
ﺷﺨﺒﺎﺭﺝ ﻓﺮﺣﻪ
ﺍﻟﺤﻤﺪﻟﻠﻪ ﺍﻧﺘﻲ ﺷﺨﺒﺎﺭﺝ
ﺯﻳﻨﻪ ﺍﻻﺳﺒﻮﻉ ﺍﻟﻴﺠﻲ ﻋﻤﻠﻴﺘﻲ ﺟﻨﺖ ﻳﻢ ﺍﻟﺪﻛﺘﻮﺭﻩ
ﺍﻥ ﺷﺎﺀ ﺍﻟﻠﻪ ﻫﺎﻱ ﺍﻻﻳﺎﻡ ﺍﺭﺟﻌﻠﺞ ﺍﻟﻔﻠﻮﺱ ﻗﺒﻞ ﻋﻤﻠﻴﺘﺞ
ﺩﺍﺭﺕ ﻋﻠﻴﻪ .... ﺍﻧﺠﺒﻲ ﻳﺎ ﻓﻠﻮﺱ ﻫﺎﻱ ﻭﻟﺞ ﺗﻌﺎﻟﻲ ﺳﻨﺪﻳﻨﻲ ﺧﻞ ﺍﻛﻌﺪ ﺑﺎﻟﻜﺎﻉ ﻳﻤﻪ ﺑﻄﻨﻲ ﺷﻜﺒﺮﻫﻪ
ﻟﺰﻣﺘﻬﻪ ﻭﻛﻌﺪﺕ ﻓﺤﻄﺎﻧﻪ ﺍﻭﻭﻑ ﻳﺎ ﻓﺮﺣﻪ ﺑﻌﺪﺝ ﺑﺎﻟﺒﺪﺍﻳﻪ ﻫﺴﻪ ﺗﻌﺮﻓﻴﻦ ﻣﻌﺎﻧﺎﺗﻲ ﺑﻌﺪﻳﻦ
ﺑﺎﻭﻋﺖ ﻋﻠﻴﻪ ﻓﺮﺣﻪ
ﺑﺎﻭﻋﺖ ﻋﻠﻴﻬﻪ ﺑﻤﻌﻨﻰ ﺍﺣﺠﻲ
ﺍﻡ ﻓﻼﺡ ﺭﺍﺣﺖ ﻋﻠﻰ ﻋﻤﻪ ﺑﻼﺳﻢ ﻭﻛﻠﺘﻠﻬﻪ ﺗﺸﻚ ﺑﻴﺞ ﻣﻤﺘﺰﻭﺟﻪ ﻭﺻﺮﺍﺣﻪ ﺍﻧﻲ ﺍﻗﺘﻨﻌﺖ ﺑﻜﻼﻣﻬﻢ ﻗﺒﻞ ﻟﺘﺤﺠﻴﻦ ﻛﻠﺘﻲ ﺍﺳﺒﻮﻉ ﻭﻳﺮﺟﻊ ﺯﻭﺟﺞ ﻭﺍﻧﻲ ﺗﺤﺪﻳﺖ ﺍﻫﻠﻲ ﻭﻛﻠﻬﻢ ﻭﺣﺎﻭﻟﺖ ﻣﺎﺍﻋﻮﻓﺞ ﺍﺣﺠﻴﻠﻲ ﺍﻟﺼﺪﻙ ﺍﻧﺘﻲ ﻣﺘﺰﻭﺟﻪ ﻟﻮ ﻻ
ﻟﺘﺨﺎﻓﻴﻦ ﺑﺎﻟﺤﺎﻟﺘﻴﻦ ﻣﺎﺍﻋﻮﻓﺞ ﺑﺲ ﺍﺣﺠﻴﻠﻲ ﺍﻟﺼﺪﻙ ﻓﺪﻭﻩ ﺍﻟﺞ
ﺑﺎﻭﻋﺖ ﻋﻠﻴﻬﻪ ﻭﻛﻌﺪﺕ ﺑﺼﻔﻬﻪ
ﻣﺘﺰﻭﺟﻪ ﻭﺍﻟﻠﻪ ﺑﺲ ﺯﻭﺟﻲ ﻣﻤﺴﺎﻓﺮ ﻣﻮﺟﻮﺩ
ﺻﺪﻙ
ﺍﻱ ﻭﺍﻟﻠﻪ
ﻭﻟﻴﺶ ﻛﻠﺘﻲ ﻣﺴﺎﻓﺮ
ﺧﻔﺖ ﺧﺎﻑ ﻣﺘﺴﺎﻋﺪﻳﻨﻲ
ﻭﻣﺴﺎﻋﺪﺗﻲ ﺍﻟﺞ ﺷﺪﺧﻠﻬﻪ ﺑﺰﻭﺟﺞ
ﻣﺎﺍﻋﺮﻑ ﻛﻠﺖ ﺧﺎﻑ ﻣﻦ ﺍﻛﻠﺞ ﻋﻔﺖ ﺍﻟﺒﻴﺖ ﻋﺒﺎﻟﺞ ﻣﺴﻮﻳﻪ ﻣﻜﺴﻮﺭﻩ ﻭﺍﻟﻠﻪ ﻣﻤﺴﻮﻳﻪ ﺷﻲ ﻫﺬﺍ ﺍﻛﺮﻡ
ﺣﺠﻴﺘﻠﻬﻪ ﻛﻞ ﺍﻟﻲ ﺻﺎﺭ ﻭﻳﺎﻳﻪ ﻭﻫﻴﻪ ﺑﻘﺖ ﺳﺎﻛﺘﻪ ﺗﺴﺘﻤﻌﻠﻲ
ﺯﻣﺰﻡ / ﻛﻤﻠﺘﻲ
ﻓﺮﺣﻪ / ﺍﻱ
ﺍﻧﺘﻲ ﻏﻠﻂ ﻣﻦ ﺳﺎﺳﺞ ﺍﻟﺮﺍﺳﺞ ﺍﻭﻻً ﻃﻠﻌﺘﺞ ﺗﺜﺒﺖ ﺍﻟﺘﻬﻤﻪ ﻋﻠﻴﺞ ﻣﻮ ﻋﺒﺎﻟﺞ ﻣﻦ ﺍﺣﺠﻲ ﺍﺗﻔﻠﺴﻒ ﺑﺲ ﺍﻧﻲ ﺍﻟﻲ ﻛﺪﺍﻣﺞ ﻣﺒﻘﺖ ﺷﻐﻠﻪ ﻣﻤﺮﻳﺖ ﺑﻴﻬﻪ
ﺗﻌﺒﺖ ﺯﻣﺰﻡ
ﺍﻧﺘﻲ ﻏﻠﻄﺘﻲ ﺗﺪﺭﻳﻦ ﺷﻮﻛﺖ ﻣﻦ ﻋﻔﺘﻲ ﺍﻻﻗﺴﺎﻡ ﺍﻟﺪﺍﺧﻠﻴﻪ
ﻏﻠﻄﺖ ﺷﺴﻮﻱ ﺑﻌﺪ
ﺯﻳﻦ ﺍﻧﺘﻲ ﻫﺴﻪ ﻣﻦ ﻛﻞ ﻋﻘﻠﺞ ﻃﻔﻞ ﺑﺒﻄﻨﺞ ﻭﻣﻬﺰﻭﻣﻪ ﻣﻮ ﻣﻦ ﺣﻘﺞ ﻭﺑﺪﻭﻥ ﺟﻨﺴﻴﻪ ﻓﻮﻙ ﻛﻞ ﻫﺬﺍ
ﺷﺴﻮﻱ ﻟﻌﺪ
ﺭﻭﺣﻲ ﺟﻴﺒﻴﻬﻦ ﻭﻃﻠﺒﻲ ﺍﻟﻄﻼﻙ ﻣﻦ ﺍﻟﺮﺟﺎﻝ ﻭﺑﺮﺭﻳﻠﻪ ﻣﻮﻗﻔﺞ
ﻻ .... ﻻ ﻣﺎﺍﺭﻳﺪ ﻻ ﺟﻨﺴﻴﻪ ﻭﻻ ﺍﺭﻳﺪ ﺷﻲ ﺍﻣﺮﻡ ﻣﻴﻌﻮﻓﻨﻲ ﺍﺫﺍ ﺭﺟﻌﺖ ﻭﺟﻬﺎﺩ ﻣﻴﺴﺎﻣﺤﻨﻲ ﻭﻳﻠﻌﺐ ﺑﻴﻪ ﺟﻮﻟﻪ
ﺑﺲ ﺍﻧﺘﻲ ﻭﺣﺪﺝ ﻣﺘﻜﺪﺭﻳﻦ ﻭﺑﻌﺪﻳﻦ ﻣﻦ ﺗﺠﻴﺒﻴﻦ ﺍﻟﻄﻔﻞ ﺷﻠﻮﻥ ﺑﻲ ﻳﺒﻘﻪ ﺑﺪﻭﻥ ﺟﻨﺴﻴﻪ ﻻﺯﻡ ﺗﻔﻜﺮﻳﻦ ﺑﻌﻘﻞ
ﻣﺎﺍﻋﺮﻑ ﺯﻣﺰﻡ ﻭﺍﻟﻠﻪ ﻣﺎﺍﻋﺮﻑ
ﺗﺮﻳﺪﻳﻦ ﺍﻧﻲ ﺍﺭﻭﺣﻠﻪ ﺍﻧﻲ ﻭﻣﻬﻴﻤﻦ ﻭﺍﺣﺠﻲ ﻭﻳﺎ
ﻻ ﻻ ﻳﻤﻌﻮﺩﻩ
ﻭﺑﻌﺪﻳﻦ ﻳﺎ ﻓﺮﺣﻪ
ﻟﻜﻴﺖ ﺷﻐﻞ ﺑﺸﺮﻛﻪ ﺍﻫﻠﻴﻪ ﻣﻨﻈﻔﻪ
ﻣﻦ ﻛﻞ ﻋﻘﻠﺞ
ﺍﻱ ﻟﻌﺪ ﺷﺴﻮﻱ ﻋﻨﺪﻱ ﺍﻳﺠﺎﺭ
ﻓﺮﺣﻪ ﺗﺪﺭﻳﻦ ﻣﻬﻴﻤﻦ ﺯﻭﺟﻲ ﺷﻴﻜﻮﻝ ﻋﻞ ﺷﺮﻛﺎﺕ ﺍﻻﻫﻠﻴﻪ
ﺷﻴﻜﻮﻝ
ﻳﻜﻮﻝ ﻋﺒﺎﺭﻩ ﻋﻦ ﺩﻋﺎﺭﻩ
ﻭﺍﻟﻠﻪ
ﺍﻱ ﻭﺍﻟﻠﻪ ﺷﺒﻴﺞ ﻋﺮﻓﺞ ﻣﻦ ﺍﻟﺸﺮﻛﻪ
ﻣﺎﻋﻨﺪﻱ ﺣﻞ ﺻﺎﺭ ﺷﻬﺮ ﺍﺩﻭﺭ ﻭﺑﻌﺪﻳﻦ ﻣﺒﻴﻨﻪ ﺷﺮﻛﻪ ﻣﺤﺘﺮﻣﻪ ﻭﻫﻮ ﺑﺲ ﺍﻧﻈﻒ
ﻋﻮﻓﻴﻬﻪ ﺍﻧﻲ ﻋﻠﻤﻮﺩﺝ ﺍﻛﻴﺪ ﻣﻮ ﻛﻠﻬﻦ ﻫﻴﺞ ﺑﺲ ﺷﻤﺪﺭﻳﺞ ﺍﻧﺘﻲ ﺍﻧﻄﻴﻨﻲ ﺍﺳﻤﻬﻪ ﺧﻞ ﺍﺷﻮﻑ ﻣﻬﻴﻤﻦ ﻳﺴﺄﻝ ﻋﻠﻴﻬﻪ
ﺍﻧﻄﻴﺘﻬﻪ ﻋﻨﻮﺍﻧﻬﻪ ﻭﺍﻻﺳﻢ ﺑﻘﻴﻨﻪ ﻧﺴﻮﻟﻒ ﺷﻮﻳﻪ ﻭﺭﺍﺣﺖ
ﻟﻔﻴﺖ ﺭﺍﺳﻲ ﻭﻧﻤﺖ
ﻛﻌﺪﺕ ﺛﺎﻧﻲ ﻳﻮﻡ ﻻﻥ ﻭﻗﻌﺖ ﻋﻠﻰ ﻭﺻﻞ ﻻﺯﻡ ﺍﺭﻭﺡ
ﺑﺪﻟﺖ ﻣﻦ ﻣﻼﺑﺲ ﺯﻣﺰﻡ ﺍﻟﻲ ﺩﺍﺯﺗﻬﻦ ﺍﻟﻲ ﺷﻮﻳﻪ ﻋﺮﻳﻀﺎﺕ ﻋﻠﻴﻪ ﻫﻴﻪ ﻫﻢ ﻧﺎﻋﻤﻪ ﺑﺲ ﺍﻧﻲ ﺍﻧﻌﻢ ﻣﻨﻬﻪ
ﻟﺒﺴﺖ ﺑﻨﻄﺮﻭﻥ ﻭﻗﻤﻴﺺ ﻟﻮﻧﻪ ﺯﻳﺘﻮﻧﻲ ﻭﺷﺎﻝ ﺑﺲ ﺣﺬﺍﺀ ﻣﺎﻋﻨﺪﻱ ﻟﺒﺴﺖ ﺷﺤﺎﻃﺘﻲ ﻭﺭﺣﺖ
ﻭﺻﻠﺖ ﻟﻠﺸﺮﻛﻪ ﻟﻜﻴﺖ ﺍﻟﺮﺟﺎﻝ ﻣﻮﺟﻮﺩ ﺑﻠﺸﺖ ﻧﻈﻔﺖ ﻭﺍﻟﻤﻊ ﺑﺎﻻﻏﺮﺍﺽ ﺩﺧﻠﺖ ﻭﺣﺪﻩ ﻣﻨﻬﻦ ﻻﺑﺴﻪ ﺗﻨﻮﺭﻩ ﻗﺼﻴﺮﻩ ﻭﺑﺪﻱ ﻭﺧﺎﻟﻪ ﺣﻤﺮﻩ ﻃﻮﺥ ﺍﻧﻲ ﻭﻻ ﻗﻄﺮﺓ ﻣﻜﻴﺎﺝ
ﺳﻠﻤﺖ ﻋﻞ ﺭﺟﺎﻝ ﻛﺎﻟﺘﻠﻪ ﺍﺑﻮ ﺳﻌﺪ ﺷﻠﻮﻧﻚ ﻋﺮﻓﺖ ﺍﺳﻤﻪ
ﻭﻫﻮ ﻛﻠﻬﻪ ﻫﻠﻮ ﻫﺪﻭﻝ
ﺷﻨﻮ ﺍﺳﺘﺎﺫ ﺣﺴﺎﻡ ﻣﺄﺟﻪ
ﻻ ﻭﻳﻦ ﺑﻌﺪﻩ
ﻛﻤﻠﺖ ﺗﻨﻈﻴﻒ ﻭﻛﻌﺪﺕ ﻋﻠﻰ ﺻﻔﺤﻪ ﺍﺟﺘﻲ ﻫﺪﻳﻞ ﻛﺎﻟﺘﻠﻲ ﺳﻮﻳﻠﻲ ﺟﺎﻱ ﺑﺴﺮﻋﻪ ﻭﺑﻌﺪﻳﻦ ﺷﻨﻮ ﻣﺎﻋﻨﺪﺝ ﺣﺬﺍﺀ ﻻﺑﺴﺘﻠﻲ ﺷﺤﺎﻃﻪ ﺷﻨﻮ ﻭﻳﻦ ﻋﺎﻳﺸﻪ ﺍﻧﺘﻲ ﺗﺮﻩ ﺍﻟﺤﺬﺍﺀ ﻳﻜﺘﻞ ﺭﻭﺣﻪ ﺏ٥
ﻛﺘﻠﻬﻪ ﻭﺍﻟﻠﻪ ﻣﺜﻞ ﻣﻴﻌﺠﺒﺞ ﺍﻟﺸﺤﺎﻃﻪ ﺍﻧﻲ ﻫﻢ ﻣﻴﻌﺠﺒﻨﻲ ﺍﻟﻠﺒﺲ ﺍﻟﻘﺼﻴﺮ
ﺷﻨﻮ ﻗﺼﺪﺝ ﻭﻟﺞ ﺗﺮﻩ ﺣﻠﻜﺞ ........
ﺑﺎﻭﻋﺖ ﺷﻮ ﻫﺎﻱ ﻫﺠﻤﺖ ﻋﻔﺘﻬﻪ ﻭﺭﺣﺖ ﺳﻮﻳﺘﻠﻬﻪ ﺟﺎﻱ ﺧﻠﻴﺘﻪ ﻛﺒﺎﻟﻬﻪ
ﻛﺎﻟﺖ ﻣﺮﻩ ﺛﺎﻧﻴﻪ ﻣﻦ ﺗﺨﻠﻲ ﺧﻠﻲ ﺑﺄﺩﺏ
ﺍﺧﺬﺕ ﺣﺴﺮﻩ ﺍﻟﻠﻬﻢ ﻃﻮﻟﺞ ﻳﺎﺭﻭﺡ
ﺷﻮﻳﻪ ﻭﺍﺟﻪ ﻋﻤﺎﺭ ﻛﻮﺳﻮﻓﻲ ﻧﺎﻓﺦ ﺭﻳﺸﻪ ﺩﺧﻞ ﻋﺼﺒﻲ ﻣﻴﺘﺤﺎﺟﻪ ﺷﻮ ﻛﻠﻬﻢ ﺧﺎﻓﻮ ﻣﻨﻪ
ﺍﻧﻲ ﻭﺍﻛﻔﻪ ﻋﻠﻰ ﺻﻔﺤﻪ ﻭﻣﺠﺘﻔﻪ ﺍﻳﺪﻱ ﻭﺍﺑﺎﻭﻉ
ﺷﻮﻳﻪ ﻭﻃﻠﻊ ﺑﺎﻭﻉ ﻋﻠﻴﻪ ..... ﻭﺻﺎﺡ ﻭﻳﻦ ﺍﻟﻜﻬﻮﻭﻭﻩ
ﺑﺎﻭﻋﺖ ﺍﻛﻮ ﺍﺣﺪ ﻭﺭﺍﻳﻪ
ﻛﻠﻲ ﺍﻧﺘﻲ ﺷﻨﻮ ﺷﻐﻠﺞ ﻫﻨﺎﺍﺍﺍﺍ
ﻛﻠﺖ ﺑﻜﻠﺒﻲ ﺑﻌﺪﻧﻲ ﺑﺴﻢ ﺍﻟﻠﻪ ﺍﻭﻝ ﻳﻮﻡ ﺍﻟﻲ ﻭﺫﻟﻮﻧﻲ ﻭﺍﻧﻲ ﺷﻠﻮﻥ ﻟﻌﺒﺎﻧﻪ ﻧﻔﺴﻲ ﻣﻦ ﺍﻟﺬﻝ
ﻛﺘﻠﻪ ﺗﺸﺮﺏ ﻛﻬﻮﻩ
ﺑﺎﻭﻉ ﻋﻠﻴﻪ ﻭﺩﺧﻞ ﺭﻛﻊ ﺍﻟﺒﺎﺏ .... ﻭﺍﻟﻠﻪ ﻳﺎﺭﺑﻲ ﺍﻟﻔﻠﻮﺱ ﺗﺬﻝ ﺍﻟﺒﺸﺮ ﻭﺍﻟﻠﻪ ﻫﻨﻪ ﻭﺭﻕ ﻫﺴﻪ ﺍﺷﻜﻜﻬﻦ ﻛﻠﻬﻦ ﻫﺰﻳﺖ ﺍﻳﺪﻱ ﻫﻨﻪ ﻭﻳﻨﻬﻦ ﻛﻮﻥ ﺑﺲ ﺍﻟﺰﻣﻬﻦ ﻭﺍﻟﻠﻪ
ﺳﻮﻳﺘﻠﻪ ﻛﻬﻮﻩ ﻭﻭﺩﻳﺘﻬﻪ ﺍﻟﻪ ﻭﻃﻠﻌﺖ ﺑﻘﻴﺖ ﻛﻞ ﺷﻮﻳﻪ ﻭﺍﺣﺪ ﻳﺮﻳﺪ ﻛﻬﻮﻩ ﻭﻭﺍﺣﺪ ﻳﺮﻳﺪ ﺟﺎﻱ ﺍﻟﺤﺪ ﺍﻝ٥ﺍﻟﻌﺼﺮ ﺗﻔﺎﺟﺌﺖ ﻭﺍﻧﻲ ﺍﻟﻐﺒﻴﻪ ﻛﻠﺸﻲ ﻣﺴﺄﻟﺖ ﻛﺒﻞ ﺟﻴﺘﺖ ﻋﻞ ﺷﻐﻞ
ﺧﺎﺑﺮﺗﻨﻲ ﺯﻣﺰﻡ ﺗﺨﺒﻠﺖ ﻣﻦ ﺩﺭﺕ ﺑﻌﺪﻧﻲ
ﻛﺘﻠﻬﻪ ﻣﻦ ﺍﺭﺟﻊ ﺍﻓﻬﻤﺞ
ﺻﺎﺭﺕ ﺍﻟﺴﺘﻪ ﻳﺎﻟﻠﻪ ﻋﺰﻟﻮ ﺍﻧﻲ ﻣﺤﺠﻴﺖ ﺍﻱ ﺷﻲ ﺭﺟﻌﺖ ﻟﻠﺒﻴﺖ ﻫﻠﻜﺎﻧﻪ ﺗﻌﺐ ﺷﻮﻳﻪ ﻭﺧﺎﺑﺮﺕ ﺯﻣﺰﻡ ﻭﻛﻠﺘﻠﻬﻪ ﺗﻮﺭﻃﺖ ﺍﻧﻲ ﻛﺘﻠﻬﻪ ﻭﻗﻌﺖ ﻋﻠﻰ ﻭﺭﻗﻪ ﻭﻫﻴﻪ ﺍﻧﺮﻋﺼﺖ ﻋﻠﻴﻪ
ﺍﻧﺘﻲ ﻣﺨﺒﻠﻪ ﻻ ... ﻻ ﻣﺨﺒﻠﻪ ﻭﺍﻟﻠﻪ ﺍﻧﺘﻲ ﺷﻨﻮ ﻣﻦ ﻋﻘﻞ ﺍﻧﻲ ﺷﺤﺠﻴﺖ ﻭﻳﺎﺝ ﻣﻮ ﻛﺘﻠﺞ ﺍﺧﻠﻲ ﻣﻬﻴﻤﻦ ﻳﺴﺄﻝ
ﻣﻮ ﺍﻧﻲ ﺍﻭﻝ ﻳﻮﻡ ﻭﻗﻌﺖ
ﻳﺎﺭﺏ ﻳﺎﺭﺏ ﺣﺘﻤﻮﺗﻴﻨﻲ ﻭﺍﻟﻠﻪ ﻭﺍﻟﻠﻪ ﺣﺘﻤﻮﺗﻴﻨﻲ ﺻﺪﻙ ﺗﺤﺠﻴﻦ ﻓﺮﺣﻪ ﺷﻠﻮﻥ ﺭﻫﻤﺘﻴﻬﻪ ﻋﻠﻰ ﺍﻱ ﺍﺳﺎﺱ
ﻣﺎﺍﺩﺭﻱ ﻫﺴﻪ ﺷﻠﻮﻥ ﻣﺎﺍﺭﻳﺪ ﺍﺭﻭﺡ ﻫﻨﺎﻙ ﻣﻮ ﻃﺒﻴﻌﻴﻴﻦ ﺷﻮ ﻣﺮﺗﺎﺣﻴﺘﻠﻬﻢ
ﻻ ﻋﻠﻴﺞ ﺍﻟﻠﻪ ﻣﺮﺗﺎﺣﻴﺘﻴﻠﻬﻢ ﺍﻭﻭﻑ ﻳﺎ ﻓﺮﺣﻪ
ﻣﺎﺍﺩﺭﻱ ﺷﺴﻮﻳﻠﺞ ﻫﺴﻪ ﺭﻓﻌﺘﻲ ﺿﻐﻄﻲ
ﺳﺪﺗﻪ ﻭﺷﻮﻳﻪ ﺍﺟﺘﻨﻲ ﺭﺳﺎﻟﻪ ﻭﺑﻴﻬﻪ ﺭﻗﻢ
ﻭﺭﺟﻌﺖ ﺧﺎﺑﺮﺕ ﺯﻣﺰﻡ
ﻭﺻﻠﺞ ﺍﻟﺮﻗﻢ
ﻻ ... ﻫﺎ ﺍﻱ ﺷﻨﻮ ﻫﺬﺍ
ﺭﻗﻢ ﻋﻘﻴﺪ ﺳﻴﻒ ﻭﻳﺠﻮﺯ ﻫﺴﻪ ﻣﺘﺮﻗﻲ ﻣﺎﺍﻋﺮﻑ ﺑﺎﻛﺖ ﺗﺤﺼﻠﻴﻨﻪ ﺍﻧﻲ ﻣﺎﺍﻛﺪﺭ ﺍﺧﺎﺑﺮﻩ ﻛﻮﻟﻴﻠﻪ ﻣﻦ ﻃﺮﻑ ﺯﻣﺰﻡ ﻭﺍﺣﺠﻴﻠﻪ ﻋﻠﻰ ﻣﺼﻴﺒﺘﺞ ﻳﺎ ﻓﺮﺣﻪ ﻳﺎ ﺍﻡ ﺍﻟﻤﺼﺎﻳﺐ
ﺯﻣﺰﻡ ﺍﻧﻲ ﺣﺎﻣﻞ ﻭﺑﻴﺖ ﺍﻳﺠﺎﺭ ﻭﻣﺎﻋﻨﺪﻱ
ﺍﻱ ﺍﺻﺒﺮﻱ ﺍﻧﻲ ﺗﻮﻧﻲ ﻋﺮﻓﺖ ﺑﺰﻭﺟﺞ ﻣﻮﺟﻮﺩ ﻭﺍﻧﺘﻲ ﻋﺎﻳﻔﺘﻪ ﻟﻮ ﻛﺎﻳﻠﺘﻠﻲ ﺟﺎﻥ ﻟﻜﻴﺘﻠﺞ ﺣﻞ ﺍﺑﺴﻂ ﺷﻐﻠﻪ ﺍﻡ ﺻﺪﻳﻘﺘﻲ ﺩﻛﺘﻮﺭﻩ ﻳﻠﻠﻪ ﺍﻟﻤﻬﻢ ﻓﺮﺣﻪ ﺍﺣﺠﻴﻠﻪ ﻛﻠﺸﻲ ﺍﻝ ﺳﻴﻒ ﻭﺳﻴﻒ ﺧﻮﺵ ﺭﺟﺎﻝ ﻟﺘﺨﺎﻓﻴﻦ ﻣﻨﻪ ﺍﺑﺪ
ﻣﺎﺷﻲ
ﺧﻠﻴﺖ ﺍﻟﺮﻗﻢ ﺍﺗﺼﻠﺖ ﻣﻐﻠﻖ
ﺭﺟﻌﺖ ﺍﺗﺼﻠﺖ ﻋﻠﻴﻬﻪ ﻛﺘﻠﻬﻪ ﻣﻐﻠﻖ
ﻻ
ﺍﻱ ﻭﺍﻟﻠﻪ ﻣﻐﻠﻖ
ﻳﺠﻮﺯ ﻣﺒﺪﻝ ﺭﻗﻤﻪ ﺻﺎﺭ ﺳﻨﻴﻦ ﻣﻦ ﺍﻋﺮﻑ ﻫﺬﺍ ﺍﻟﺮﻗﻢ ﺍﻛﻴﺪ ﻣﺒﺪﻟﻪ ﺍﻭﻑ ﻳﺎ ﻓﺮﺣﻪ ﺷﺴﻮﻳﺘﻲ ﺷﻤﺪﺭﻳﺞ ﺑﻴﻬﻢ ﺷﻨﻮ ﺣﺘﻰ ﺗﻮﻗﻌﻴﻦ ﻭﻟﺞ ﻟﻮ ﺑﺲ ﻣﻮﺻﻴﺘﻨﻲ ﻭﺍﻟﻠﻪ ﻣﺎﺍﺩﺭﻱ ﻳﺎ ﻓﺮﺣﻪ
ﺩﺭﺟﻌﻲ ﺧﺎﺑﺮﻱ ﺑﻌﺪ ﺷﻮﻳﻪ
ﺑﻘﻴﺖ ﻛﻞ ﺳﺎﻋﻪ ﺍﺗﺼﻞ ﻭﻫﻢ ﻣﻐﻠﻖ ﻭﺧﻄﻴﻪ ﻛﻞ ﺷﻮﻳﻪ ﺗﺨﺎﺑﺮﻧﻲ ﺯﻣﺰﻡ ﺗﺴﺄﻟﻨﻲ ﺑﻌﺪﻳﻦ ﻳﺎﻟﻠﻪ ﺻﻔﻨﺖ ﺷﻠﻮﻥ ﺳﻮﻳﺖ ﻫﻴﺞ ﺍﻧﻲ ﻣﺎﺍﺩﺭﻱ ﺑﺎﻭﻋﺖ ﺍﻟﺴﺎﻋﻪ ﺏ١١
ﺭﺟﻌﺖ ﺍﺗﺼﻠﺖ ﻋﻞ ﻫﺬﺍ ﺍﻟﻲ ﺍﺳﻤﻪ ﺳﻴﻒ
ﺩﻙ ﺭﺩﺕ ﺍﻛﻤﺰ ﻣﻦ ﺍﻟﻔﺮﺡ ﺍﻭﻝ ﻣﺠﺎﻭﺏ
ﻛﺢ
ﺣﺴﻴﺖ ﻛﻠﺒﻲ ﺩﻙ ﺫﻛﺮﻧﻲ ﺏ ﺟﻬﺎﺩ ﺻﺎﺡ ﺍﻟﻮ
ﺍﺭﺗﺒﻜﺖ ﺍﻧﻲ ﺯﻣﺰﻡ
ﻛﺎﻝ ﺯﻣﺰﺯﺯﻡ
ﺍﻗﺼﺪ ﺻﺪﻳﻘﺔ ﺯﻣﺰﻡ ........ ﺗﻌﺮﻓﻬﻪ
ﺷﻠﻮﻥ ﻣﺎﺍﻋﺮﻓﻬﻪ
ﻫﻴﻪ ﺍﻧﻄﺘﻨﻲ ﺭﻗﻤﻚ
ﺗﻔﻀﻠﻲ ﻣﺤﺘﺎﺟﻪ ﺷﻲ
ﻛﻞ ﻣﻴﺤﺠﻲ ﻫﻢ ﻳﻜﺢ ﻭﻛﻞ ﻣﻴﻜﺢ ﺍﺣﺲ ﻛﻠﺒﻲ ﻳﺮﻳﺪ ﻳﻨﻔﺠﺮ ﻣﻦ ﺍﺷﺘﻴﺎﻗﻲ ﺍﻝ ﺟﻬﺎﺩ ﺣﺠﻴﺘﻠﻪ ﻛﻞ ﺍﻟﻲ ﻛﺎﻟﺘﻠﻲ ﻋﻠﻲ ﺯﻣﺰﻡ
ﻭﻛﻠﻲ ﺑﺎﺟﺮ ﺍﻟﺼﺒﺢ ﻳﺠﻲ ﻟﻠﺸﺮﻛﻪ ﻭﻳﺎﻳﻪ
ﺧﺎﺑﺮﺕ ﺯﻣﺰﻡ ﻣﻦ ﻛﻠﺘﻠﻬﻪ ﻓﺮﺣﺖ ﻛﺎﻟﺘﻠﻲ ﻫﺎﻻﻧﺴﺎﻥ ﻣﻴﻨﻮﺻﻒ ﺑﺎﺟﺮ ﺷﻜﺮﻱ ﺑﺎﻟﻨﻴﺎﺑﻪ ﻋﻨﻲ ﻭﺩﻳﺮﻱ ﺑﺎﻟﺞ ﺗﻨﻄﻲ ﺭﻗﻤﻲ
ﻟﻴﺶ
ﻟﺘﻨﻄﻴﻦ ﺭﻗﻤﻲ ﺍﻟﻪ ﻓﺮﺣﻪ ﺩﻳﺮﻱ ﺑﺎﻟﺞ
ﻣﺎﺷﻲ
ﻧﻤﺖ ﻭﻛﻌﺪﺕ ﺛﺎﻧﻲ ﻳﻮﻡ ﺍﻟﺼﺒﺢ ﺑﺪﻟﺖ ﻭﻃﻠﻌﺖ ﻭﺻﻠﺖ ﻟﺒﺎﺏ ﺍﻟﺸﺮﻛﻪ ﻣﺸﻔﺖ ﺍﺣﺪ ﺑﺲ ﺷﻔﺖ ﺳﻴﺎﺭﻩ ﻟﻮﻧﻬﻪ ﺯﻳﺘﻮﻧﻲ ﺑﻴﻜﻢ ﻣﺎﺍﺣﺲ ﺍﻟﻪ ﺩﻙ ﺍﻟﺮﻗﻢ ﻧﻔﺲ ﺍﻟﺮﻗﻢ ﺍﻟﺪﺯﺗﻪ ﺯﻣﺰﻡ
ﺟﺎﻭﺑﺖ
ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ
ﺍﻧﻲ ﻭﺍﻛﻒ ﻛﺒﺎﻝ ﺍﻟﺸﺮﻛﻪ ﺍﻟﻲ ﻛﻠﺘﻴﻠﻲ ﻋﻠﻴﻬﻪ
ﻭﺍﻧﻲ ﻫﻢ
ﺍﻧﺘﻲ ﻻﺑﺴﻪ ﻗﻤﻴﺺ ﺍﺳﻮﺩ
ﺍﻱ ﺗﻠﻔﺘﺖ ﻣﺎﻛﻮ ﻣﺎﺍﺣﺲ ﺍﻟﻪ ﻭﺍﺣﺪ ﻧﺰﻝ ﻣﻦ ﺍﻟﺴﻴﺎﺭﻩ ﺍﻟﺒﻴﻜﻢ ﻻﺑﺲ ﺑﺪﻟﻪ ﻋﺴﻜﺮﻳﻪ ﻭﺷﻌﺮﻩ ﺑﻲ ﺑﻴﺎﺽ ﻫﻮﺍﻱ ﺑﺲ ﻣﺒﻴﻦ ﺍﺻﻐﺮ ﻣﻦ ﺟﻬﺎﺩ ﺑﺲ ﺷﻌﺮﻩ ﻫﻮﺍﻱ ﺑﻴﺎﺽ ﺑﻲ
ﻓﺮﺣﻪ ﻛﻠﺘﻴﻠﻲ
ﺍﻱ
ﺗﻌﺎﻟﻲ ﺻﻌﺪﻱ ﻭﻳﺎﻱ ﺑﺎﻟﺴﻴﺎﺭﻩ
ﺑﺎﻭﻋﺖ ﻋﻞ ﺳﻴﺎﺭﻩ ﻭﺑﺎﻭﻋﺖ ﻋﻠﻲ ﺧﻔﺖ ﺣﻴﻞ
ﻛﺘﻠﻪ ﻻ ﻋﻴﻨﻲ ﺷﻜﺮﺍً
ﺑﺎﺑﺎ ﺧﻞ ﺍﻓﺘﻬﻢ ﻣﻨﺞ ﺍﻟﻘﺼﻪ ﺧﻮﻣﺎ ﻧﺪﺧﻞ ﻛﺒﻞ
ﺷﺘﻔﺘﻬﻢ
ﺗﺪﺭﻳﻦ ﻫﺎﻱ ﺍﻟﺸﺮﻛﻪ ﺷﻨﻮ ﺍﻟﻲ ﺍﺷﺘﻐﻠﺘﻲ ﺑﻴﻬﻪ
ﻻ
ﺻﺎﺣﺒﻬﻪ ﻣﻦ ﺫﻭﻟﻲ ﺍﻻﺣﺰﺍﺏ ﺍﻟﻲ ﻣﻴﺘﺤﺎﺣﻮﻥ
ﻭﺍﻟﻠﻪ
ﻟﻌﺪ ﺷﻌﺒﺎﻟﺞ ﺧﺎﺑﺮﻳﻠﻲ ﺯﻣﺰﻡ ﺑﻠﻠﻪ
ﻻ
ﻟﻴﺶ ﻏﻴﺮ ﺍﺗﺄﻛﺪ ﻣﻨﻬﻪ ﻳﺎﻟﻠﻪ ﺑﻠﻠﻪ ﺗﺠﺬﺑﻴﻦ
ﺯﻣﺰﻡ ﻣﺎﻟﺘﻠﻲ ﺍﻧﺖ ﺍﻧﺴﺎﻥ ﺯﻳﻦ ﻭﺗﺴﺎﻋﺪ ﺍﻟﻨﺎﺱ ﻳﻌﻨﻲ ﺍﻧﻲ ﺍﻧﺴﺎﻧﻪ ﻣﺎﻋﻨﺪﻱ ﺍﺣﺪ ﻣﺤﺘﺎﺟﻪ ﻣﺴﺎﻋﺪﺗﻚ
ﺑﻬﺎﻱ ﺧﺠﻠﺘﻴﻨﻲ ﺗﺪﻟﻠﻴﻦ ﻣﻦ ﻋﻴﻮﻧﻲ ﺑﺲ ﺑﺎﻋﻲ ﺍﻧﻲ ﻫﺴﻪ ﺭﺍﺡ ﺍﺳﺎﻋﺪﺝ ﺑﺲ ﺍﺫﺍ ﻃﻠﻌﺘﻲ ﻣﻮ ﺧﻮﺵ ﺍﺳﺠﻨﺞ ﻭﺍﻟﻠﻪ
ﻭﺍﻟﻠﻪ ﻣﺎﻋﻨﺪﻱ ﺷﻲ
ﻓﺘﺢ ﺑﺎﺏ ﺍﻟﺴﻴﺎﺭﻩ ﻭﻛﻠﻲ ﻛﻌﺪﻱ ﻫﻨﺎ ﻟﺘﻄﻠﻌﻴﻦ ﺍﺑﺪ
ﺑﻘﻪ ﻓﺘﺮﻩ ﻃﻮﻳﻠﻪ ﺟﻮﻩ ﻭﻃﻠﻊ ﻛﻠﻲ ﺑﻌﺪ ﻟﺘﻌﻴﺪﻳﻬﻪ
ﺑﺎﻭﻋﺖ ﻋﻠﻲ ﺭﺃﺳﺎً ﺑﺼﺪﻣﻪ ﻣﻦ ﻛﻠﻤﺘﻪ
ﻣﺎﻛﻮ ﻫﻴﺞ ﺷﻲ ﻫﺎﻻﻧﺴﺎﻥ ﻳﺬﻛﺮﻧﻲ ﺏ ﺟﻬﺎﺩ ﺑﻬﻮﺍﻱ ﺍﺷﻴﺎﺀ
ﻛﻠﻲ ﺣﻠﻴﺘﻬﻪ ﺑﺲ ﺑﺸﻠﻌﺎﻥ ﻛﻠﺐ
ﺭﺟﻊ ﻛﻠﻲ ﻣﻨﻴﻦ ﺗﻌﺮﻓﺞ ﺯﻣﺰﻡ
ﻛﺘﻠﻪ ﺟﻴﺮﺍﻥ
ﺗﺸﻜﺮﺕ ﻣﻨﻪ ﻭﻧﺰﻟﺖ ..... ﺗﻮﻧﻲ ﺍﺭﻳﺪ ﺍﻧﺰﻝ
يتبع
