بااااااارت مفاااااااجئ
#ﺍﻟﻘﺎﺻﺮﺓ_ﻭـــﺬﻭ_ﺍﻟﺸﻌﺮ_ﺍﻻﺑﻴﺾ
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#تكملة_بارت٢٣
ﻃﺒﻌﺎً ﺍﺳﺘﺮﺍﺣﺘﻲ ﻭﻣﺘﺎﺑﻌﻪ ﻗﺼﻪ ﻋﻮﺩ ﻻﻥ ﺍﺳﺘﺮﺍﺣﺘﻲ ﻭﻣﺮﺩﺕ ﺍﺧﺠﻠﻜﻢ
ﺍﻋﺘﺒﺮﻭ ﺗﻜﻤﻠﻪ ﻟﻠﺒﺎﺭﺕ ﺍﻟﺜﺎﻟﺚ ﻭﺍﻟﻌﺸﺮﻭﻥ
ﻣﻤﺘﻠﻜﺎﺗﻲ ﺯﺍﺩﻥ ﻳﻌﻴﻮﻧﻲ ﻣﻦ ﺍﻟﻨﺠﻤﺎﺕ ﻭﺿﻔﺖ ﺍﻟﻬﻦ ﻋﻤﺎﺭﻩ ﺏ ﺍﻟﻤﺎﻧﻴﺎ
ﻫﺴﻪ ﺍﺭﻳﺪ ﺍﺷﺘﺮﻱ ﻋﻤﺎﺭﻩ ﺏ ﻓﺮﻧﺴﺎ ﻭﻗﺮﻳﺒﻪ ﻋﻞ ﺑﺮﺝ
🌚 ﻃﻜﻴﺖ
ﺍﻟﻘﺎﺻﺮﺓ ﻭـﺬﻭ ﺍﻟﺸﻌﺮ ﺍﻻﺑﻴﺾ
ﺑﻘﻠﻤﻲ ﺍﻡ ﻏﺎﻳﺐ
ﺟﺮ ﻛﺮﺳﻲ ﻭﻛﻌﺪ ﻛﺒﺎﻟﻲ ﻭﻛﻠﻲ ﻛﻌﺪﻱ
ﺑﻘﻴﺖ ﻭﺍﻛﻔﻪ ﻭﺍﻣﺴﺢ ﺑﺪﻣﻮﻋﻲ ﺍﻟﻲ ﺻﺎﺭﻥ ﺷﻼﻻﺕ
ﻛﻠﻲ .. ﻓﺮﺣﻪ ﺍﻧﺘﻲ ﺷﺘﺮﻳﺪﻳﻦ ﺑﺎﻟﻀﺒﻂ
ﺳﻠﻮﻯ / ﺗﺮﻳﺪ ﻓﻠﻮﺱ ﺍﺑﻮﻙ ﺷﺘﺮﻳﺪ ﻭﺣﺪﻩ ﻣﺜﻠﻬﻪ ﻭﺑﻜﺪﻫﻪ ﻭﺗﺘﺰﻭﺝ ﺭﺟﺎﻝ ﺍﻛﺒﺮ ﻣﻨﻬﻪ
ﻓﺮﺣﻪ / ﺍﻧﻲ ﻣﻤﺘﺰﻭﺟﺘﻪ ﻋﻠﻤﻮﺩ ﻓﻠﻮﺳﻪ
ﺍﻛﺮﻡ / ﻟﻌﺪ ﻋﻠﻰ ﺷﻨﻮﻭﻭ ﻣﺘﺰﻭﺟﺘﻪ ﻣﻮ ﺟﻨﺘﻲ ﺗﺼﻴﺤﻴﻠﻪ ﻋﻤﻮﻭﻭ
ﺷﻠﻮﻥ ﺗﺰﻭﺟﺘﻲ ﻟﻌﺪ
ﺍﻧﻲ ﻣﺎ ﺍﻭﻛﻊ ﺍﻟﻄﻔﻞ ﺍﻟﻲ ﺑﺒﻄﻨﻲ
ﻣﺎﺍﺣﺲ ﺍﻟﻪ ﺿﺮﺏ ﺍﻟﻤﻴﺰ ..... ﻣﻮﻭﻭﻭﻭ ﺑﻜﻴﻔﺞ
ﻟﻮ ﺗﻤﻮﺗﻨﻲ ﻫﻨﺎ ﻭﺑﻤﻜﺎﻧﻲ ﻫﻢ ﻣﺎﺍﺧﻠﻴﺞ ﺗﻜﺘﻞ ﻃﻔﻠﻲ
ﻗﺮﺏ ﻭﺟﻬﻪ ﻫﻠﻴﻪ ﻭﻋﺎﻁ .... ﺍﻧﺠﺒﺒﺒﺒﺒﺒﻲ ﺍﻧﺠﺒﻲ ﻣﻮ ﺑﻜﻴﻔﺞ
ﻭﻟﺰﻡ ﺣﻨﭽﻲ .... ﺍﺭﺗﻜﺐ ﺑﻴﺞ ﺟﺮﻳﻤﻪ ﻣﺴﺘﻌﺪ ﻭﻣﺎﺍﺧﻠﻴﺞ ﺗﻨﻮﻟﻴﻦ ﺍﻟﻲ ﺑﺒﺎﻟﺞ
ﺑﺎﺑﺎ ﺍﻧﺘﻲ ﺗﺪﺭﻳﻦ ﺑﻨﻔﺴﺞ ﺷﻨﻮﻭﻭ
ﺍﻧﺘﻲ ﺣﺜﺎﻟﻪ ﻋﻞ ﻣﺠﺘﻤﻊ
ﺍﻧﻲ ﺍﻟﻠﻪ ﻣﻴﺮﺣﻤﺞ ﻻﻥ ﻟﻘﻴﻄﻪ
ﻻﻥ ﺍﻣﺞ ﻭﺣﺪﻩ .......... ﻣﻤﺒﻘﻴﻪ ﻭﺍﺣﺪ ﻳﻌﺘﺐ ﻋﻠﻴﻬﻪ
ﺍﻧﺘﻲ ﺑﺖ ﺯﻧﺎ ﺑﺖ ﺷﺎﺭﻉ ﺗﺪﺭﻳﻦ ﻟﻮ ﺍﻧﻲ ﺑﻤﻜﺎﻧﺞ ﺷﺴﻮﻱ
ﺍﻧﺘﺤﺮﺭﺭ ﻭﺍﻟﻠﻪ
ﺷﻠﻮﻭﻥ ﺗﻔﻜﺮﻳﻦ ﺗﺤﺒﻠﻴﻦ
ﺳﻠﻮﻯ / ﺍﺻﻼً ﺑﺎﺑﺎ ﻫﻢ ﻣﻴﺮﻳﺪ ﺍﻧﻲ ﺳﻤﻌﺘﻬﻪ ﻣﻦ ﻛﺎﻟﺘﻠﻪ ﺷﻠﻮﻥ ﺍﻧﺼﺪﻡ
ﺑﺎﻭﻋﺖ ﻋﻠﻴﻬﻢ ﺍﺛﻨﻴﻨﻬﻢ ﻣﺎﺍﻋﺮﻑ ﺷﺤﺠﻲ ﻣﺼﻴﺮﻱ ﺍﻧﻌﺪﻡ ﻭﻣﺎﻛﻮ ﺑﻜﻠﻮﺑﻬﻢ ﺭﺣﻤﻪ
ﺻﺢ ﻛﻼﻣﻪ ﻭﺣﺪﻩ ﻏﻴﺮﻱ ﻣﻔﺮﻭﺽ ﺗﻨﺘﺤﺮ ﻣﺠﺘﻤﻊ ﻛﺎﻣﻞ ﻣﻴﺘﻘﺒﻠﻨﻲ
ﻛﻞ ﺍﻟﺒﻴﻮﺕ ﻣﺘﺘﻘﺒﻠﻨﻲ ﺍﻟﺸﺎﺭﻉ ﻫﻮ ﻣﻜﺎﻧﻲ
ﻟﻮ ﺷﺴﻮﻱ ﻟﻮ ﺣﺘﻰ ﺍﺫﺍ ﺻﺮﺕ ﻣﻌﻤﻤﻪ ﻫﻢ ﺍﺑﻘﻪ ﺍﻟﻠﻘﻴﻄﻪ ﺍﻟﻲ ﻣﻤﻌﺮﻭﻓﻴﻦ ﺍﻫﻠﻬﻪ
ﺣﺴﻴﺖ ﻧﻔﺴﻲ ﻣﺨﺘﻨﻜﻪ ﺣﻴﻞ ﻛﻤﺖ ﺭﺩﺕ ﺍﺩﺧﻞ ﻟﻠﻐﺮﻓﻪ ﻭﻛﻔﻨﻲ ﺻﻮﺗﻪ
ﻭﻳﻦ
ﻟﻠﻐﺮﻓﻪ
ﺳﻜﺖ ﻣﺤﺠﻪ ﺷﻲ .... ﺭﺣﺖ ﻟﻠﻐﺮﻓﻪ ﻟﺤﻜﻨﻲ
ﻭﺭﺍﻳﻪ ﻳﻤﺸﻲ ﺩﺧﻠﺖ ﺑﺴﺮﻋﻪ ﺭﺩﺕ ﺍﻃﺒﻚ ﺍﻟﺒﺎﺏ ﻟﺰﻣﻪ ﺑﻴﺪﻩ
ﺍﺧﺬ ﺍﻟﻤﻔﺘﺎﺡ ﻣﻦ ﺍﻟﺒﺎﺏ ﻭﺭﺍﺡ
ﻣﻘﻔﻠﻪ ﺑﺲ ﺧﺎﻑ ﻣﻨﻲ ﺍﻧﻲ ﺍﻗﻔﻠﻪ ﻭﺍﻧﻲ ﺑﺎﻟﻔﻌﻞ ﺟﻨﺖ ﻣﺨﻄﻄﻪ ﺍﻗﻔﻠﻪ
ﺗﻤﺪﺩﺕ ﻋﻞ ﺟﺮﺑﺎﻳﻪ ﻛﻠﻲ ﻳﺄﺱ
ﻣﻨﺘﻈﺮﻩ ﻣﺼﻴﺮﻱ ﺍﻟﻲ ﻗﺮﺭﻩ ﺍﻛﺮﻡ
ﺗﻤﺪﺩﺕ ﻭﺩﻣﻮﻋﻲ ﻏﺮﻛﻨﻲ ﺍﻣﺴﺢ ﺑﻴﺪﻱ ﺑﻴﻬﻦ ﻭﻳﺰﻳﺪﻥ
ﻭﺧﺮﺕ ﺣﺠﺎﺑﻲ ﻻﻥ ﺍﺧﺘﻨﻜﺖ ...
ﻏﻤﻀﺖ ﻋﻴﻨﻲ ﻣﺎﺍﺩﺭﻱ ﺷﻠﻮﻥ ﻧﻤﺖ
ﻓﺘﺤﺖ ﻋﻴﻨﻲ ﺻﺎﺭ ﺑﻮﺟﻬﻲ ﺟﻌﻔﺮ .... ﻓﺰﻳﺖ ﻣﺨﺮﻭﻋﻪ ﻛﻤﺖ ﻣﻦ ﻣﻜﺎﻧﻲ
ﺻﺤﺼﺤﺖ .... ﺑﺎﻭﻋﺖ ﺍﻟﺠﺮﺑﺎﻳﻪ ﻓﺎﺭﻏﻪ ..... ﺧﻠﻴﺖ ﺍﻳﺪﻱ ﻋﻠﻰ ﻛﻠﺒﻲ ... ﻭﺍﺧﺬﺕ ﻧﻔﺲ ﻭﻛﻤﺖ ﺍﺑﺠﻲ ﺑﺼﻮﺕ ﻭﻛﻌﺪﺕ ﺑﺎﻟﻜﺎﻉ
ﺑﺠﻴﺖ ﺑﺠﻴﺖ ﻭﻣﺎﻋﻨﺪﻱ ﻏﻴﺮ ﺍﻟﺒﺠﻲ ﺑﺤﻴﺎﺗﻲ
ﻣﺘﺄﻛﺪﻩ ﺣﺘﻰ ﺍﻟﺪﻣﻊ ﻣﻠﻨﻲ ﻛﻤﺖ ﺍﻣﺴﺢ ﺑﺮﻛﺒﺘﻲ ﺣﻴﻞ ﻭﺍﻟﻜﻼﺩﻩ ﻃﺨﻴﺘﻬﻪ ﻟﺰﻣﺘﻬﻪ ﺑﻴﺪﻱ ﻭﺑﺴﺘﻬﻪ ﻭﻛﻤﺖ ﺍﺣﺠﻲ ﻭﻳﺎﻫﻪ
ﻳﺎﺭﺏ ﺑﺤﻖ ﻛﻞ ﻛﻠﻤﻪ ﻣﻜﺘﻮﺑﻪ ﺳﺎﻋﺪﻧﻲ ﻣﺎﻋﻨﺪﻱ ﻏﻴﺮﻙ ﻭﺍﻟﻠﻪ ﺳﺎﻋﺪﻧﻲ ﻭﺍﺣﻤﻴﻨﻲ ﻭﺍﺣﻤﻲ ﺍﻟﻄﻔﻞ ﺍﻟﻲ ﺑﺒﻄﻨﻲ ﻣﺎﺭﻳﺪ ﻣﻨﻚ ﺷﻲ ﺑﺲ ﺟﻬﺎﺩ ﺗﺤﻤﻲ ﻭﻫﺬﺍ ﺍﻟﻄﻔﻞ ﻛﻠﺸﻲ ﻣﺎﺍﺭﻳﺪ ﺍﺧﺬﺕ ﻣﻨﻲ ﻛﻠﺸﻲ ﻭﻣﺎﺭﻳﺪ ﺑﻄﻠﺖ ﻣﺎﺍﺭﻳﺪ ﻛﻠﺸﻲ ﻭﺍﻟﻠﻪ ﻭﻣﻴﻬﻤﻨﻲ ﺑﻘﻴﻠﻲ ﺑﺲ ﺟﻬﺎﺩ ﻭﻃﻔﻠﻲ
ﺑﺎﻭﻋﺖ ﻋﻞ ﺳﺎﻋﻪ ﺏ١١ﺑﻠﻴﻞ
ﻓﺘﺤﺖ ﺍﻟﺒﺎﺏ ﻫﺪﻭﺀ ﻃﻠﻌﺖ ﺑﺎﻟﻤﻤﺮ ﺳﻤﻌﺖ ﺻﻮﺕ ﺍﻛﺮﻡ ﺑﺎﻻﺳﺘﻘﺒﺎﻝ
ﻳﺤﺠﻲ ﻭﻳﻪ ﺭﺷﺎ ﻣﺎﺍﺣﺲ ﺍﻟﻪ ﺻﺮ ﻛﺒﺎﻟﻲ ﻣﻦ ﻭﺭﻩ ﺑﺎﺏ ﺍﻟﻐﺮﻓﻪ ﺳﻤﻌﻨﻲ ﻭﺧﺮ ﺍﻟﻤﻮﺑﺎﻳﻞ ﻣﻦ ﺍﺫﻧﻪ ﻭﻛﻠﻲ ﻭﻳﻦ
ﺑﺤﺪﻳﻪ ﻛﺘﻠﻪ ﻟﻠﺤﻤﺎﻡ ﺷﻨﻮ ﻣﻤﻨﻮﻉ
ﻭﺍﺭﻳﺪ ﻣﻮﺑﺎﻳﻠﻲ
ﺭﺟﻊ ﺣﺠﻪ ﻭﻛﺎﻝ ﺍﻝ ﺭﺷﺎ ﺑﻌﺪﻳﻦ ﻧﺤﺠﻲ ﺣﺒﻴﺒﺘﻲ
ﻛﻠﺘﻴﻠﻲ ﺷﺘﺮﻳﺪﻳﻦ
ﺍﺭﻳﺪ ﻣﻮﺑﺎﻳﻠﻲ ﺍﺭﻳﺪ ﺍﺧﺎﺑﺮ ﺟﻬﺎﺩ ﺑﺲ ﺍﻃﻤﺌﻦ ﻋﻠﻲ
ﺭﻭﺣﻲ ﺩﺧﻠﻲ ﻟﻠﺤﻤﺎﻡ ﻭﺍﻟﺼﻤﻲ
ﺑﺎﻭﻋﺖ ﻋﻠﻲ ﻋﻔﺘﻪ ﻭﺩﺧﻠﺖ ﻟﻠﺤﻤﺎﻡ .... ﻧﺰﻋﺖ ﻣﻼﺑﺴﻲ ﻭﺩﺧﻠﺖ ﺟﻮﻩ ﺍﻟﺪﻭﺵ ﻣﻊ ﺍﻟﻌﻠﻢ ﻣﺠﻨﺖ ﻣﻘﺮﺭﻩ ﺍﺳﺒﺢ ﺑﺲ ﺣﺴﻴﺖ ﻧﻔﺴﻲ ﻣﺨﺘﻨﻜﻪ ﺣﻴﻞ ﺣﺘﻰ ﻣﺠﺎﻳﺒﻪ ﺧﺎﻭﻟﻲ
ﺷﻮﻳﻪ ﻭﻙ ﺍﻟﺒﺎﺏ ﺷﻨﻮ ﻣﺘﻲ
ﺍﻥ ﺷﺎﺀ ﺍﻟﻠﻪ
ﻭﺟﻌﺎ ... ﻃﻠﻌﻲ ﻳﻠﻠﻪ
ﻭﻭﺟﻌﻪ ﺍﻟﺘﻮﺟﻌﻚ ﺍﻥ ﺷﺎﺀ ﺍﻟﻠﻪ ....
ﺑﻘﻴﺖ ﺍﺳﺒﺢ ﺍﻟﺤﺪ ﻣﺎ ﺑﺮﺩ ﺍﻟﻤﻲ ... ﺷﻮﻳﻪ ﻭﻃﻠﻌﺖ ﻟﺒﺴﺖ ﻣﻼﺑﺴﻲ ﺑﺪﻭﻥ ﻣﺎﺍﻧﺸﻒ ﺭﺣﺖ ﻟﻠﻤﻄﺒﺦ ﻛﺒﻞ ﺍﺧﺬﺕ ﺳﺠﻴﻨﻪ ﻣﻦ ﺍﻟﻤﺠﺮ ﻛﻠﺖ ﺧﺎﻑ ﻭﺍﺣﺪ ﻳﺘﻘﺮﺑﻠﻲ ﻣﻨﻬﻢ ﺍ ﺍﻫﺪﺩﻩ ﺑﻴﻬﻪ
ﻗﺒﻞ ﻻ ﺍﺩﺧﻞ ﺳﻤﻌﺘﻪ ﺭﺍﺟﻊ ﻳﺨﺎﺑﺮ ﺳﻮﻳﺖ ﺭﻭﺣﻲ ﻃﺒﻜﺖ ﺑﺎﺏ ﺍﻟﻐﺮﻓﻪ ﻭﺭﻛﻀﺖ
ﺻﻌﺪﺕ ﻓﻮﻙ ﺍﺧﺬﺕ ﻣﻔﺘﺎﺡ ﺑﺎﺏ ﺍﻟﺴﻄﺢ ﻻﻥ ﻫﻮ ﻣﻜﺎﻧﻪ ﻓﻮﻙ ﺍﺻﻼً
ﻓﺘﺤﺘﻪ ﻋﻠﻰ ﻛﻴﻒ ﻭﺍﺩﻋﻲ ﻳﺎﺭﺏ ﻣﻴﻄﻠﻊ ﺻﻮﺕ ﻭﻛﻮﻥ ﻣﻴﻄﻠﻌﻦ ﺑﻨﺎﺕ ﺟﻬﺎﺩ
ﻃﻠﻌﺖ ﻟﻠﺴﻄﺢ ﻭﺭﺩﻳﺖ ﺍﻟﺒﺎﺏ ﺧﻔﻴﻒ
ﺑﺎﻭﻋﺖ ﺍﻟﺴﻴﺎﺝ ﺷﻌﻠﻮﻫﻮﺍﺻﻼً ﻭﺑﻌﺪﻳﻦ ﺍﺑﻘﻪ ﻣﻦ ﺳﻄﺢ ﺍﻟﺴﻄﺢ
ﻣﺤﺎﻭﻟﻪ ﻓﺎﺷﻠﻪ ﺭﺟﻌﺖ ﺳﺪﻳﺖ ﺍﻟﺒﺎﺏ ﻭﺍﻧﻲ ﺍﻗﻔﻠﻪ ﺻﻌﺪ ﺍﻛﺮﻡ
ﺷﺪﺗﺴﻮﻳﻦ
ﺣﺎﻭﻟﺖ ﺍﻧﻬﺰﻡ ﺑﺲ ﻓﺸﻠﺖ
ﺯﻳﻦ ﻧﻔﺘﺮﺽ ﻫﺴﻪ ﺭﺣﺘﻲ ﻭﺑﻌﺪﻳﻦ ﻋﻨﺪﺝ ﻣﻜﺎﻥ ﺗﺮﻭﺣﻴﻠﻪ
ﻻ
ﻭﺍﻟﻄﻔﻞ
ﻣﺎﺍﻋﺮﻑ ﺍﻧﺘﻮ ﻟﻴﺶ ﻫﻴﺞ ﻭﻳﺎﻳﻪ
ﺍﻛﻠﺞ ﻛﻞ ﺷﻮﻳﻪ ﻧﻌﻴﺪ ﻟﻮ ﺗﺤﺒﻴﻦ ﻛﻞ ﺷﻮﻳﻪ ﻭﺍﺣﺪ ﻳﻬﻴﻨﺞ ﻭﻳﻜﻠﺞ ﻻﻥ ﺍﻧﺘﻲ ﺑﺖ ﺷﻮﺍﺭﻉ ﻭﻟﻘﻴﻄﻪ ﻣﺎﺍﺣﺲ ﺍﻟﻪ ﻃﻠﻊ ﺳﺠﻴﻨﻪ ﻣﻦ ﺟﻴﺒﻪ
ﺑﺎﻭﻋﺖ ﺍﻧﺼﺪﻣﺖ ﻣﻤﺘﻮﻗﻌﺘﻬﻪ ﻣﻨﻪ ﺷﻜﺪ ﻣﺎ ﻫﻮ ﻳﺤﺠﻲ ﺑﺲ ﻣﺘﻮﻗﻌﺘﻬﻪ
ﻛﺒﻞ ﺗﺮﺍﺟﻌﺖ ﺭﺩﺕ ﺍﻧﻬﺰﻡ ﻭﻳﻦ ﻣﺎﺍﺩﺭﻱ ﺣﺘﻰ ﻟﻮ ﺍﺻﺮﺥ ﻣﺤﺪ ﻳﻨﻘﺬﻧﻲ ﻣﻨﻪ
ﺍﻭﻛﻔﻲ ﺍﻭﻛﻔﻲ .... ﻭﻟﺰﻡ ﺍﻳﺪﻱ ﻭﺿﺤﻚ
ﻏﻴﺮ ﺟﺒﺎﻧﻪ ﻳﺎ ﺭﺑﻲ
ﺧﺎﺑﺮﻱ ﺍﺑﻮﻳﻪ ﺑﺲ ﻭﺍﻟﻠﻪ ﺍﺫﺍ ﺣﺠﻴﺘﻲ ﻛﻠﻤﻪ ﺍﺫﺑﺤﺞ
ﻭﺑﻜﻴﻔﺞ ﺍﻧﺘﻲ ﺍﺑﻮﻳﻪ ﻣﻴﻠﺤﻚ ﻋﻠﻴﺞ ﺣﺘﻰ ﺍﺫﺍ ﺣﺠﻴﺘﻲ ﻭﺍﺣﺘﻤﺎﻝ ﻣﻦ ﻳﺴﻤﻊ ﻳﻨﺠﻠﻂ ﻭﻳﻤﻮﺕ ﺑﻨﻔﺲ ﺍﻟﻠﺤﻈﻪ ﺗﻌﺮﻓﻴﻦ ﻫﻮ ﻋﺼﺒﻲ ﻭﺍﻟﻌﺼﺒﻲ ﺑﺴﺮﻋﻪ ﻳﻔﻮﻝ ﺿﻐﻄﻪ ﻭﺗﺼﻴﺮ ﺑﻲ ﺟﻠﻄﻪ
ﻭﻟﻮ ﺍﻧﻲ ﺣﻠﻴﺘﻬﻪ ﻭﻗﻨﻌﺘﻪ ﺍﻟﻮﺿﻊ ﺗﻤﺎﻡ ﻭﺍﻧﺘﻲ ﻫﻢ ﺍﺫﺍ ﺗﺮﻳﺪﻳﻦ ﺗﻨﺘﻬﻲ ﺍﻟﺴﺎﻟﻔﻪ
ﺑﺴﺮﻋﻪ ﻭﺗﺮﺟﻊ ﺍﻻﻣﻮﺭ ﻃﺒﻴﻌﻴﻪ ﺳﻮﻱ ﺍﻟﻲ ﺍﻛﻠﺞ ﺑﻲ
ﺭﺩﺕ ﺍﻧﺰﻝ ﻛﻠﻲ
ﺗﺪﺭﻳﻦ ﻓﺮﺣﻪ ﺍﻧﻲ ﻣﺎﻋﻨﺪﻱ ﻣﺸﻜﻠﻪ ﻭﻳﺎﺝ ﻟﻮ ﻣﻮ ﺣﺎﻣﻞ ﻋﺎﺩﻱ ﺍﺑﻘﻲ ﺗﻮﻧﺴﻲ ﻭﻭﻧﺴﻲ ﺍﺑﻮﻳﻪ ﺑﺲ ﻃﻔﻞ ﻻ ﻣﺎﺍﻗﺒﻞ
... ﻳﻌﻨﻲ ﻟﺘﻜﺒﺮﻳﻦ ﺍﻟﻤﻮﺿﻮﻉ ﻧﺰﻟﻲ ﺍﻟﻄﻔﻞ ﻭﺍﺑﻘﻲ ﻋﺎﻳﺸﻪ ﻫﻨﺎ ﻋﺎﺩﻱ ﻣﺎﺍﻣﺎﻧﻊ ﺑﺲ ﺍﺫﺍ ﺑﻘﻴﺘﻲ ﻫﻨﺎ ﺑﻌﺪ ﺗﺒﻘﻴﻦ ﺑﺸﺮﻭﻁ
ﻧﺰﻟﺖ ﻋﻔﺘﻪ ﻳﺤﺠﻲ ﻭﺣﺪﻩ ﻭﺭﺣﺖ ﻟﻠﻐﺮﻓﻪ ﺗﻌﺒﺎﻧﻪ ﻭﺍﻟﺪﻧﻴﺎ ﺧﺎﻧﻜﺘﻨﻲ ﻭﻣﺤﺘﺎﺭﻩ
ﺷﻠﻮﻥ ﻳﻄﻠﺐ ﻣﻨﻲ ﻫﺬﺍ ﺍﻟﻄﻠﺐ ﻣﺎﺍﻛﺪﺭ ﺍﺳﻮﻱ ﻭﺍﻟﻠﻪ
ﺍﺥ ﻳﺎ ﺟﻬﺎﺩ ﺭﻭﺣﺘﻚ ﻣﻮ ﺑﻮﻗﺘﻬﻪ ﺍﺑﺪ ﻭﺍﻟﻠﻪ .....
ﻣﺎﺍﺩﺭﻱ ﺷﻠﻮﻥ ﻏﻔﻴﺖ ﻓﺰﻳﺖ ﻋﻠﻰ ﺳﻠﻮﻯ ﻓﻮﻙ ﺭﺍﺳﻲ ﻭﺗﻨﺪﻩ ﺑﻴﻪ ﺑﻴﺪﻫﻪ ﻧﺒﺘﺖ ﺍﺻﺎﺑﻴﻌﻬﻪ ﻋﻠﻰ ﺟﺘﻔﻲ
ﻛﻮﻭﻭﻣﻲ ﻣﺘﺴﻤﻌﻴﻦ ﻃﺮﺷﻪ
ﻛﻤﺖ ﻛﻌﺪﺕ ﻭﻋﻄﺖ ﺑﻴﻬﻪ .... ﺍﻧﺘﻲ ﻟﻴﺶ ﻫﻴﺞ ﺗﺼﻴﺤﻴﻦ ﺑﻮﺟﻬﻲ
ﻛﻮﻣﻲ ﻟﺞ ﺍﻟﻠﺴﺎﻧﺞ ﻃﻮﻻﻥ ﻭﺍﻟﻠﻪ ﺍﻛﺼﻪ ﺍﻟﺞ
ﺍﻧﺠﺒﻲ ﻭﻃﻠﻌﻲ ﻣﻦ ﻏﺮﺭﺭﻓﺘﻲ
ﺍﻛﻠﺞ ﺍﺣﺘﺮﻣﻲ ﻧﻔﺴﺞ ﻭﻛﻮﻣﻲ ﺧﻞ ﻧﺸﻮﻑ ﺍﻟﻠﺴﺎﻧﺞُ ﺑﺸﻨﻮ ﻳﻔﻴﺪﺝ
ﻣﺎﺍﺣﺲ ﺍﻟﻪ ﺑﻬﺎﻱ ﺍﻟﻠﺤﻈﻪ ﺩﺧﻠﺖ ﺍﻟﺪﻛﺘﻮﺭﻩ ﺟﻤﻴﻠﻪ
ﻓﺰﻳﺖ ﻣﻦ ﻣﻜﺎﻧﻲ ﺍﻧﺼﺪﻣﺖ ﺭﺃﺳﺎً ﻛﻤﺖ ﻣﻦ ﺍﻟﺠﺮﺑﺎﻳﻪ
ﻭﺍﻟﻠﻪ ﺍﺫﺍ ﺗﺴﻮﻥ ﻟﻠﻄﻔﻞ ﺷﻲ ﻭﺍﻟﻠﻪ ﺍﺷﺘﻜﻲ ﻋﻠﻴﻜﻢ ﻭﺍﻟﻘﺮﺁﻥ
ﺟﻤﻴﻠﻪ / ﻣﻤﻜﻦ ﺳﻠﻮﻯ ﺗﻌﻮﻓﻴﻨﻲ ﻭﻳﺎﻫﻪ
ﻓﺮﺣﻪ / ﻃﻠﻌﻮ ﺑﺮﻩ ﻣﻦ ﻏﺮﺭﻓﺘﻲ .... ﻃﻠﻌﻮﻭﻭﻭﻭﻭ ﻭﻛﻤﺖ ﺍﺑﺠﻲ
ﻃﻠﻌﻮﻭ ﻣﻦ ﻏﺮﻓﺘﻲ
ﺳﻠﻮﻯ / ﺍﻧﺖ ﺍﻟﻲ ﻃﻠﻌﻲ ﻣﻦ ﺣﻴﺎﺗﻨﺎ ﻛﺎﺍﺍﻓﻲ ﻛﺎﻓﻲ ﺭﺣﻤﻴﻨﺎ ﺳﺎﻋﺔ ﺍﻟﺴﻮﺩﻩ ﺍﻟﻲ ﺍﺟﻴﺘﻴﻨﻪ ﺑﻴﻬﻪ ﻭﺍﻟﻠﻪ ﺍﻭﻝ ﻣﺠﻴﺘﻲ ﺍﻟﻬﺎﻱ ﺍﻟﻠﺤﻈﻪ ﺍﻧﻜﻠﺒﺖ ﺣﻴﺎﺗﻨﺎ
ﺟﻨﻪ ﻧﻜﻮﻝ ﻃﻔﻠﻪ ﻭﻛﻮﻩ ﺑﻠﻌﻨﺎﻫﻪ ﻣﻊ ﺍﻟﻌﻠﻢ ﻣﻤﻘﺘﻨﻌﻪ ﻫﺴﻪ ﻣﺒﺮﺗﻲ ﻭﻭﻟﻲ
ﻛﻤﺖ ﺍﺑﺎﻭﻉ ﻋﻠﻴﻬﻪ ﺑﺤﻘﺪ ﻭﻋﻴﻮﻧﻲ ﺗﺠﺪﺡ ﻳﻤﻜﻦ ﺣﻘﻬﻪ ﺑﺲ ﻣﻮ ﺍﻟﺪﺭﺟﺔ ﺗﻜﺘﻞ ﻃﻔﻠﻲ
ﺟﻤﻴﻠﻪ /. ﺳﻠﻮﻯ ﺣﺒﻴﺒﺘﻲ ﻋﻮﻓﻴﻨﻲ ﺍﺣﺠﻲ ﻭﻳﺎﻫﻪ
ﻃﻠﻌﺖ ﻭﻋﺎﻓﺘﻨﻪ ﺳﻠﻮﻯ .... ﺑﻘﺖ ﻭﺍﻛﻔﻪ ﻭﺟﺘﻔﺖ ﺍﻳﺪﻫﻪ ﻭﻛﺎﻟﺘﻠﻲ ﻓﺮﺣﻪ
ﺭﺍﺡ ﺍﺗﻔﻖ ﻭﻳﺎﺝ ﺍﺗﻔﺎﻕ ﻣﻮ ﻋﻠﻤﻮﺩﺝ
ﺑﺎﻭﻋﺖ ﻋﻠﻴﻬﻪ
ﻋﻠﻤﻮﺩ ﻣﺎﺍﺧﺴﺮ ﺟﻬﺎﺩ ﺑﺲ ﺭﺍﺡ ﺍﺣﺠﻲ ﻭﻳﺎﺝ ﺍﻟﻲ ﻋﻠﻴﻪ
ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﻭﺍﻣﺴﺢ ﺑﺪﻣﻮﻋﻲ ﺍﻟﻲ ﻣﻜﺎﻋﺪ ﺍﻛﺪﺭ ﺍﻟﺰﻣﻬﻦ
ﺭﺍﺡ ﻳﺠﻴﺒﺞ ﺍﻛﺮﻡ ﺍﻝ ﻋﻴﺎﺩﺗﻲ ﺑﺲ ﻣﺮﺍﺡ ﺍﺳﻮﻱ ﺷﻲ ﺍﻟﺞ ﻭﻻ ﻟﻠﻄﻔﻞ
ﺍﺑﺘﺴﻤﺖ .... ﻭﻛﺘﻠﻬﻪ ﺷﻜﺮﺍً ﻣﺮﺍﺡ ﺍﻧﺴﺎﻟﺞ ﻫﺬﺍ ﺍﻟﻤﻌﺮﻭﻑ
ﺟﻤﻴﻠﻪ / ﺑﺲ ﻣﻮ ﺭﺍﺡ ﺗﻈﻠﻤﻴﻦ ﺍﻟﻄﻔﻞ ﺍﻟﻲ ﺑﺒﻄﻨﺞ
ﻻ
ﻣﺤﺪ ﺭﺍﺡ ﻳﺘﻘﺒﻠﻪ ﻟﺘﺰﻋﻠﻴﻦ ﻣﻨﻲ ﻓﺮﺣﻪ ﺑﺲ ﺍﻧﺘﻲ ﺣﻴﺎﺗﺞ ﻣﻌﻘﺪﻩ ﻣﺤﺪ ﻳﺘﻘﺒﻠﺞ ﺗﺮﻩ ﺭﺩﺕ ﻓﻌﻠﻬﻢ ﻃﺒﻴﻌﻴﻪ ﻣﺴﺘﺤﻴﻞ ﺍﻱ ﻭﺍﺣﺪ ﺑﻤﻜﺎﻧﻬﻢ ﻳﺘﻘﺒﻞ ﻫﺎﻟﻔﻜﺮﻩ ﺍﻋﺬﺭﻳﻨﻲ ﻋﻠﻰ ﻛﻼﻣﻲ ﺑﺲ ﻫﺬﺍ ﺍﻟﻮﺍﻗﻊ ﺑﻨﻴﻪ ﺑﻜﺪ ﺍﺧﺘﻬﻢ ﺍﻟﺼﻐﻴﺮﻩ ﺗﺎﺧﺬ ﻣﻜﺎﻥ ﺍﻣﻬﻢ ﻭﻣﻮ ﺑﺲ ﻫﻴﺞ ﺍﻟﻒ ﻛﻠﻤﻪ ﻃﺎﻟﻌﻪ ﻋﻠﻴﻬﻪ
ﺗﺮﻩ ﻣﻮ ﻫﻤﻪ ﺍﻟﻲ ﻇﻠﻤﻮﺝ ﻫﻤﻪ ﺭﺩﺕ ﻓﻌﻠﻬﻢ ﻃﺒﻴﻌﻴﻪ ﺍﻟﻲ ﻇﻠﻤﺞ ﺍﻣﺞ ﺍﻟﺨﻠﻔﺘﺞ
ﻭﺍﺑﻮﺝ ﺍﻟﻲ ﺗﺒﻨﺎﺝ
ﺍﻣﺞ ﻭﻟﻸﺳﻒ ﺑﻌﺬﺍ ﻭﻛﺘﻨﺎ ﻫﻮﺍﻱ ﻣﺜﻠﻬﻪ ﺑﺪﻭﻥ ﺭﺣﻤﻪ ﻭﺑﺴﺒﺐ ﻧﺰﻭﺍﺕ ﻳﺨﻠﻔﻦ ﻭﻳﺬﺑﻦ ﻭﺍﺑﻮﺝ ﺍﻟﻲ ﺗﺒﻨﺎﺝ ﺍﺫﺍ ﻫﻮ ﺟﺒﻴﺮ ﺑﺎﻟﻌﻤﺮ ﻭﻣﺎﻋﻨﺪﻩ ﻓﻠﻮﺱ ﻭﻻ ﺑﻴﺖ ﻣﻔﺮﻭﺽ ﻣﻴﺎﺧﺬﺝ
ﻭﺍﻧﻲ ﺷﻨﻮ ﺫﻧﺒﻲ ﺑﻬﺬﺍ ﻛﻠﻪ
ﺫﻧﺒﺞ ﺍﻣﺞ ﺧﻠﻔﺘﺞ ﺻﺪﻛﻴﻨﻲ ﻣﺤﺪ ﻳﺘﻘﺒﻠﺞ ﻣﻮ ﺑﺲ ﻭﻟﺪ ﺟﻬﺎﺩ
ﻭﻣﻮ ﺑﺲ ﺍﻟﻬﺬﺍ ﺍﻟﺴﺒﺐ ﺍﻧﺘﻲ ﺣﺘﻈﻠﻤﻴﻦ ﺍﻟﻄﻔﻞ
ﺣﺘﻰ ﺯﻭﺍﺝ ﺟﻬﺎﺩ ﻣﻨﺞ ﻣﺠﺮﺩ ﺷﻔﻘﻪ ﺍﻧﻲ ﺍﻋﺮﻓﻪ ﺍﻝ ﺟﻬﺎﺩ
ﻓﻜﺮﻱ ﺑﻲ ﺍﺫﺍ ﺻﺎﺭ ﺷﻲ ﻭﺍﻛﺮﻡ ﻭﺑﻨﺎﺗﻪ ﻳﺤﺠﻮﻥ ﻋﻠﻲ ﻃﻮﻝ ﺍﻟﻮﻗﺖ
ﻣﺎﺍﻇﻠﻤﻪ ﺍﻧﻲ ﺍﻣﻪ ﻭﺍﺑﻮ ﻣﻮﺟﻮﺩ ﻭﻫﻤﻪ ﺑﺲ ﻳﺤﺠﻮﻥ ﻛﻀﻮ ﻋﻤﺮﻫﻢ
ﺟﻬﺎﺩ ﻳﺤﺒﻨﻲ ﻭﻣﻮ ﺷﻔﻘﻪ ﻋﻠﻴﻪ ﻭﺍﻧﻲ ﺍﺣﺒﻪ
ﺟﻬﺎﺩ ﺗﺰﻭﺟﺞ ﺷﻔﻘﻪ ﻻ ﺍﻛﺜﺮ ﻭﻻ ﺍﻗﻞ ﻭﺍﻧﻲ ﺳﺎﻣﻌﻪ ﻫﺎﻟﻜﻼﻡ ﻣﺎﺍﺭﻳﺪ ﺍﺣﺠﻲ ﺑﻲ ﺑﺲ ﻋﻮﻓﺞ ﻣﻦ ﺟﻬﺎﺩ ﻓﻜﺮﻱ ﺑﺎﻟﻄﻔﻞ ﺍﻟﻲ ﺑﻴﻄﻨﺞ ﻫﻢ ﻣﻦ ﻳﻨﻮﻟﺪ ﻭﻣﺤﺪ ﺭﺍﻳﺪﻩ ﻭﺍﺑﻮ ﻣﻤﻮﺟﻮﺩ
ﺟﻬﺎﺩ ﻣﻴﻌﻮﻓﻨﻲ
ﺑﻠﻲ ..... ﺟﻬﺎﺩ ﺍﺣﺘﻤﺎﻝ ﺟﺒﻴﺮ ﺑﻲ ﺳﺮﻃﺎﻥ ﺍﻟﺮﺋﻪ
ﻭﺳﺮﻃﺎﻥ ﺍﻟﺮﺋﻪ ﻣﻤﻴﺖ
ﺍﻧﻲ ﻫﻴﻪ ﺣﺠﺖ ﻫﻴﺞ ﻭﺣﺴﻴﺖ ﻋﻴﻮﻧﻲ ﺳﻮﺩﺕ ﻭﻛﻠﺒﻲ ﻭﺟﻌﻨﻲ ﻓﺘﺤﺖ ﻋﻴﻨﻲ
ﻻ .... ﻻ ﺟﺬﺑﻴﻦ ﻋﻠﻴﻪ ﻭﺍﻟﻠﻪ
ﺣﺮﺍﻡ ﻋﻠﻴﺞ ﻭﺍﻟﻠﻪ ﻣﺎﺍﺗﺤﻤﻞ ﻫﺬﺍ ﺍﻟﺸﻲبيج قصص عراقيه حقيقيه من واقعنا.روعه الطائي
ﻫﺎﻱ ﺍﻟﺤﻘﻴﻘﻪ ﻛﻠﻴﻠﻲ ﻣﻨﻮ ﻳﺘﻘﺒﻞ ﻫﺬﺍ ﺍﻟﻄﻔﻞ ﺍﺫﺍ ﻣﺎﺕ ﺟﻬﺎﺩ
ﺍﻧﻲ ﻟﻮ ﺑﻤﻜﺎﻧﺞ ﺍﺫﺏ ﺍﻟﻄﻔﻞ ﺍﻧﺘﻲ ﺑﻌﺪﺝ ﺻﻐﻴﺮﻩ
ﻟﺘﻌﺘﺒﺮﻳﻦ ﻛﻼﻣﻲ ﻭﻳﺎﺝ ﻋﻠﻤﻮﺩ ﻣﺼﻠﺤﺘﻲ ﻻﻥ ﺍﻧﻲ ﻣﺎﻋﻨﺪﻱ ﺍﻱ ﻣﺼﻠﺤﻪ
ﺟﻬﺎﺩ ﻭﺭﺍﺡ ﻳﻤﻮﺕ
ﻭﺩﻳﺮ ﺑﺎﻟﺞ ﺗﺤﺠﻴﻦ ﻣﺤﺪ ﺑﻴﻬﻢ ﻳﻌﺮﻑ ﻭﺿﻊ ﺍﺑﻮﻫﻢ
ﺑﺠﻴﺖ ﺑﺼﻮﺕ ..... ﻻﺍﺍﺍﺍﺍ ﻻ ﻣﻴﻤﻮﻭﻭﻭﺕ
ﻣﺘﺤﻤﻠﺖ ﺣﺴﻴﺖ ﺭﻭﺣﻲ ﺍﻧﻬﺎﺭﺕ
ﻛﻌﺪﺕ ﺑﺎﻟﻜﺎﻉ ﺍﺑﺠﻲ
ﻭﺍﺻﻴﺢ ﻭﺍﻟﻠﻪ ﻋﺮﻓﺖ .... ﻋﺮﻓﺘﻚ ﻳﺎ ﺟﻬﺎﺩ ﺍﻧﺖ ﺍﻟﻤﺮﻳﺾ
ﺍﺧﺨﺨﺦ ﻳﺎ ﻛﻠﺒﻲ ﺍﺥ
ﻋﺮﻓﺖ .... ﻋﺮﻓﺖ ﻭﺍﻟﻠﻪ ﺍﻟﻠﻪ ﻟﻴﺶ ﻫﻴﺞ ﻭﻳﺎﻱ
ﻟﻴﻴﻴﻴﻴﻴﺶ ﻟﻴﺶ ﺩﻭﻡ ﺗﺎﺧﺬ ﻣﻨﻲ ﺍﺣﺒﺎﺑﻲ
ﻛﻤﺖ ﺍﻓﺮﻙ ﺑﻤﻨﻄﻘﺔ ﻛﻠﺒﻲ ﺍﺧﺘﻨﻜﺖ ﻭﺍﻛﻮﻝ ﻣﺎﺍﻛﺪﺭ ﻣﺎﺍﻛﺪﺭ ﻣﺎﺍﻣﺪﺭ
ﻣﺎﺍﺗﺤﻤﻞ ﻫﺬﺍ ﺍﻟﺨﺒﺮ
ﻳﺎﺭﺏ ﺍﺧﺬ ﻋﻤﺮﻱ ﻗﺒﻞ ﻟﺘﺎﺧﺬﻩ
ﻭﺑﺠﻴﺖ ﺑﺼﻮﺕ ﻋﺎﻟﻲ
ﻭﺍﻟﻠﻪ ﺍﺣﺒﻪ
ﻭﺍﻟﻠﻪ ﻣﺎﺍﻛﺪﺭ ﺑﺪﻭﻧﻪ
ﺃﻳﺴﺖ ﻣﻦ ﻛﻠﺸﻲ ﺑﻬﺎﻱ ﺍﻟﺪﻧﻴﺎ ﻣﻌﻘﻮﻟﻪ ﺭﺍﺡ ﻳﺮﻭﺡ ﺟﻬﺎﺩ ﻭﻣﺮﺍﺡ ﺍﺷﻮﻓﻪ ﺷﻠﻮﻥ ﺷﻠﻮﻥ ﺣﻴﺎﺗﻲ ﺗﺼﻴﺮ ﺑﺪﻭﻧﻪ ﻟﻴﺶ ﻳﺎﺭﺏ ﺧﻠﻴﺘﻨﻲ ﺍﺣﺒﻪ
ﻟﻴﺶ ﻃﻠﻌﺘﻪ ﺑﻄﺮﻳﻘﻲ ﺍﺫﺍ ﺗﺎﺧﺬﻩ ﻣﻨﻲ ﺑﻠﺤﻈﺘﻬﻪ ﻧﻤﺖ ﺑﺎﻟﻜﺎﻉ ﺑﻮﺿﻌﻴﺔ ﺍﻟﺠﻨﻴﻦ
ﻭﺣﺴﻴﺖ ﺟﺴﻤﻲ ﻳﺮﺟﻒ ﻭﺩﻣﻮﻋﻲ ﺧﻠﺼﻦ ﻧﺸﻔﺖ ﺑﻘﻴﺖ ﺑﺲ ﻓﺎﺗﺤﻪ ﻋﻴﻨﻲ ﻭﺍﺗﺨﻴﻞ ﺣﻴﺎﺗﻲ ﺑﺪﻭﻧﻪ
ﻣﻨﻴﻦ ﻣﺎﺍﺟﻴﺒﻬﻪ ﻣﺘﺮﻫﻢ ﻟﺰﻣﺖ ﺑﻄﻨﻲ ﻭﺣﺠﻴﺖ ﺑﻜﻠﺒﻲ
ﻭﻳﺮﻳﺪﻭﻥ ﻳﺎﺧﺬﻭﻥ ﻃﻔﻠﻨﺎ ﺍﻟﻲ ﻣﻨﻚ ﻭﻣﻦ ﺭﻳﺤﺘﻚ
ﻳﺮﻳﺪﻭﻥ ﻳﺠﺮﺩﻭﻧﻲ ﻣﻦ ﻛﻠﺸﻲ ﻣﺜﻞ ﻣﺘﺠﺮﺩﺕ ﻗﺒﻞ
ﻫﻴﺞ ﺑﺎ ﺟﻬﺎﺩ ﺭﺍﺡ ﺍﻫﻮﻥ ﻋﻠﻴﻚ ﻭﺗﻌﻮﻓﻨﻲ
ﻭﺍﻧﺖ ﻛﻠﺶ ﺯﻳﻦ ﺗﻌﺮﻑ ﺍﻧﻲ ﺍﻣﻮﺕ ﺑﺪﻭﻧﻚ
ﺩﺭﺕ ﻭﺟﻬﻲ ﻟﻜﻴﺘﻬﻪ ﻃﺎﻟﻌﻪ ﻣﻦ ﺍﻟﻐﺮﻓﻪ ... ﻣﺤﺴﻴﺖ ﺑﻴﻬﻪ
ﻛﻤﺖ ﻋﻠﻰ ﺣﻴﻠﻲ .... ﻭﻃﻠﻌﺖ ﻣﻦ ﺍﻟﻐﺮﻓﻪ ﺟﺎﻧﻮ ﻛﺎﻋﺪﻳﻦ ﺑﺎﻻﺳﺘﻘﺒﺎﻝ
ﺭﺣﺖ ﻫﺪﻳﺖ ﻋﻠﻰ ﺍﻛﺮﻡ
ﺍﻧﻄﻴﻨﻲ ﻣﻮﻭﻭﺑﺎﻳﻠﻲ
ﻛﺎﻡ ﻋﻠﻰ ﺣﻴﻠﻪ ﻭﻋﺎﻁ ﺑﻴﻪ
ﺳﻮﻱ ﺍﻟﻜﺘﻠﺞ ﻋﻠﻲ ﻭﺍﺭﺟﻌﻪ ﺍﻟﺞ
ﺍﻧﻄﻄﻄﻄﻴﻨﻲ ﻣﻮﺑﺎﻳﻠﻲ
ﺣﺠﻴﺖ ﺍﻟﻌﻨﺪﻱ
ﻣﺎﺷﻲ ﻳﻠﻠﻪ ﺍﺧﺬﻧﻲ ﻫﺴﻪ ﺩﻛﺘﻮﺭﻩ ﻭﺧﻠﺼﻴﻨﻲ ﺑﺲ ﻫﺬﺍ ﺍﻟﻄﻔﻞ ﺧﻄﻴﺘﻪ ﺑﺮﻛﺒﺘﻬﻢ ﻭﻭﺍﻟﻠﻪ ﻳﻮﻣﻴﻪ ﺍﺩﻋﻲ ﻋﻠﻴﻜﻢ ﻭﺑﻜﻞ ﻭﻗﺖ
ﺍﻛﺮﻡ / ﻣﻴﺨﺎﻟﻒ ﻟﻠﺼﺒﺢ ﺍﺩﻋﻲ ﺑﺲ ﺧﻠﺼﻴﻨﻪ ﺗﺮﺭﺭﻩ ﻫﺎﻱ ﻣﻮ ﻭﺿﻌﻴﻪ ﺗﻌﺒﺘﻴﻨﻲ ﻭﺍﻟﻠﻪ
ﺭﺣﺖ ﻟﺒﺴﺖ ﺟﺒﺘﻲ ﻭﻃﻠﻌﺖ ﻭﻳﺎﻫﻢ ﺍﻣﺸﻲ ﺑﻼ ﻭﻋﻲ ﺩﺧﻠﺘﻨﻲ ﺟﻤﻴﻠﻪ ﻭﻳﺎﻫﻪ ﺭﺃﺳﺎً ﻭﻛﺎﻟﺖ ﻟﻠﺴﻜﺮﺗﻴﺮﻩ ﻟﺘﺪﺧﻠﻴﻦ ﺍﺣﺪ ﺑﺲ ﺗﻌﺎﻟﻲ ﺍﻧﺘﻲ ﺳﺎﻋﺪﻳﻨﻲ
ﺍﻭﻝ ﻣﺪﺧﻠﻨﻪ ﻛﺘﻠﻬﻪ ﺍﻧﺘﻲ ﻣﻮ ﺍﺗﻔﻘﺘﻲ ﻭﻳﺎﻱ ﻭﻛﻠﺘﻲ ﻣﺎﺍﺳﻮﻳﻠﺞ ﺷﻲ
ﻳﻌﻨﻲ ﻣﺮﺍﺡ ﺗﻨﺰﻟﻴﻦ ﺍﻟﻄﻔﻞ
ﻻ ﻃﺒﻌﺎً ﻟﻮ ﻋﻠﻰ ﻛﺺ ﺭﻛﺒﺘﻲ ﺍﻧﻲ ﺍﻟﻄﻔﻞ ﺍﺭﻳﺪﻩ ﻛﻠﺖ ﻛﺪﺍﻣﻬﻢ ﺣﺘﻰ ﻳﺮﺟﻌﻠﻲ ﺍﻟﻤﻮﺑﺎﻳﻞ ﺍﻧﻄﻴﻨﻲ ﺍﻧﺘﻲ ﺧﻠﻴﻨﻲ ﺍﺧﺎﺑﺮﻩ
ﺗﺮﻳﺪﻳﻦ ﺗﻜﻠﻴﻠﻪ ﺣﺘﻰ ﻳﻌﻮﻑ ﻛﻠﺸﻲ ﻭﻳﺮﺟﻊ
ﺍﻧﺘﻲ ﻟﻴﺶ ﺍﻧﺎﻧﻴﻪ ﺗﻌﺮﻓﻴﻦ ﻛﻠﺶ ﺯﻳﻦ ﺍﺫﺍ ﻋﺮﻑ ﺟﻬﺎﺩ ﺷﻜﺎﻋﺪ ﻳﺼﻴﺮ ﻳﻌﻮﻑ ﻛﻠﺸﻲ ﻫﻨﺎﻙ ﻭﻳﺮﺟﻊ
ﻣﺎﺍﻛﻠﻪ ﺑﺲ ﺍﺳﻤﻊ ﺻﻮﺗﻪ ... ﻭﺑﺲ ﻭﺍﻟﻠﻪ ﺭﺍﺡ ﺍﻣﻮﺕ ﺑﻌﺪ ﻣﺎﺍﺗﺤﻤﻞ
ﺧﺎﻑ ﻳﺼﻴﺮ ﺑﻲ ﺷﻲ ﻭﺍﻧﻲ ﺣﺘﻰ ﺻﻮﺗﻪ ﻣﺴﺎﻣﻌﺘﻪ
ﻭﻣﻦ ﺗﺨﺎﺑﺮﻳﻦ ﻣﻨﻲ ﻣﻴﺸﻚ ﻣﻦ ﺗﺮﺟﻌﻴﻦ ﺧﺎﺑﺮﻱ
ﺍﻟﻠﻪ ﻋﻠﻴﺞ ﻛﻠﻴﻠﻲ ... ﻳﻌﻨﻲ ﺟﻬﺎﺩ ﺻﺪﻙ ﻣﺮﻳﺾ ﻳﻌﻨﻲ ﻣﺎﻛﻮ ﺍﻣﻞ
ﺍﺣﺘﻤﺎﻝ ﻣﻮ ﻣﺮﻳﺾ ﻻﻥ ﻋﺎﺩ ﻫﻨﺎﻙ ﺍﻟﺘﺤﺎﻟﻴﻞ ﻭﻣﻨﺘﻈﺮ ﺍﻟﻨﺘﻴﺠﻪ
ﻣﻨﻮ ﻛﻠﺞ ﺍﻧﺘﻲ ﺟﻬﺎﺩ
ﺣﺴﻴﺖ ﻣﻦ ﻛﻼﻣﻬﻪ ﻳﺘﻮﺍﺻﻠﻮﻥ ﻫﻴﻪ ﻭﻳﺎ
ﻭﻓﻜﺮﺕ ﺑﻜﻼﻣﻬﻪ ﻳﺠﻮﺯ ﺑﻌﺪﻩ ﻭﻳﺎﻫﻪ ﻻﻥ ﻫﻮ ﻛﻠﻲ ﻳﺤﺒﻬﻪ
ﻳﺠﻮﺯ ﻓﻌﻼً ﺟﺎﻥ ﻳﺸﻔﻖ ﻋﻠﻴﻪ ﺑﺲ ﻣﻦ ﻛﻠﺘﻠﻬﻪ ﻣﻨﻮ ﻛﻠﺞ ﺭﺩﺕ ﺍﻋﺮﻑ ﺍﺧﺒﺎﺭﻩ
ﺑﺲ ﻻﻥ ﻣﻮ ﺑﺤﺎﻝ ﺍﻏﺎﺭ ﻛﻞ ﺍﻟﻲ ﺍﺭﻳﺪ ﺍﻋﺮﻓﻪ ﺟﻬﺎﺩ ﻣﺮﻳﺾ ﻟﻮ ﻻ
ﺟﺎﻧﺖ ﻛﺎﻋﺪﻩ ﻭﺍﻧﻲ ﻭﺍﻛﻔﻪ ﻭﺍﺑﺠﻲ ﻣﻨﺘﻈﺮﻩ ﺗﺠﺎﻭﺑﻨﻲ
ﺭﻓﻌﺖ ﺭﺍﺳﻬﻪ ﻭﻛﺎﻟﺘﻠﻲ
ﻓﺮﺍﺱ ﻛﻠﻲ ﻭﻣﻦ ﻳﻮﻣﻬﻪ ﻣﻜﺎﻋﺪ ﺗﻐﻔﺎﻟﻲ ﻋﻴﻦ
ﻭﻣﺘﺄﺫﻳﻪ ﺟﻨﺖ ﺣﺎﺳﻪ ﺑﻲ ﺷﻲ ﻻﻥ ﺍﻋﺮﻓﻪ ﺍﻛﺜﺮ ﻣﻦ ﺭﻭﺣﻲ
ﺳﻜﺘﺖ ﻣﺤﺠﻴﺖ ﺑﺲ ﺩﺍﺧﻠﻲ ﻳﻐﻠﻲ ﻗﻬﺮ ﻋﻞ ﺳﻤﻌﺘﻪ ﻋﻠﻰ ﻣﺮﺽ ﺟﻬﺎﺩ ﺍﻟﻲ ﻣﻜﺎﻋﺪ ﺍﺳﺘﻮﻋﺒﻪ ﻭﻗﻬﺮ ﻻﻥ ﺍﺣﺐ ﺟﻬﺎﺩ ﻭﺍﻧﻘﻬﺮﺕ ﻻﻥ ﻳﺸﻔﻖ ﻋﻠﻴﻪ
ﻛﺎﻟﺘﻠﻲ ﺫﻣﻪ ﺑﺮﻛﺒﺘﺞ ﺍﺫﺍ ﺣﺠﻴﺘﻲ ﺍﻝ ﺟﻬﺎﺩ ﺍﻧﻲ ﻛﺘﻠﺞ ﺣﺘﻰ ﺍﺫﺍ ﺗﺨﺎﺑﺮﺗﻲ ﻭﻳﺎ
ﻭﺷﻠﻮﻥ ﺍﺻﺒﺮ ﻭﺍﺣﺠﻲ ﻭﻳﺎ ﻭﺍﻧﻲ ﻛﻠﺒﻲ ﻣﻮﺭﻡ ﻭﻣﻴﺘﻪ
ﺍﻧﻲ ﻣﻦ ﻛﺘﻠﺞ ﺍﻋﺮﻑ ﺍﻧﺘﻲ ﺗﺨﻮﻓﻴﻦ ﻭﺍﺣﺘﻤﺎﻝ ﺗﺤﺠﻴﻦ ﻭﻳﺎ ﺑﺲ ﻗﻬﺮﺗﻴﻨﻲ ﻭﺭﺩﺕ ﺍﺻﺤﻴﺞ ﻭﺍﻧﺘﻲ ﻣﺼﺮﻩ ﻣﺘﺼﺤﻴﻦ
ﻭﺍﻟﻠﻪ ﻳﺸﻬﺪ ﻣﻦ ﻛﺎﻋﺪ ﺍﺣﺠﻲ ﻭﻳﺎﺝ ﻟﻮ ﺍﺧﺘﻲ ﻫﻢ ﺟﺎﻥ ﻧﺼﺤﺘﺞ ﺑﻨﻔﺲ ﺍﻟﻨﺼﻴﺤﻪ
ﺷﻜﺮﺍً ﺩﻛﺘﻮﺭﻩ ﻫﺬﺍ ﺍﻟﺠﻤﻴﻞ ﻣﺎﺍﻧﺴﻪ ﺍﻟﺞ ﻃﻮﻝ ﺣﻴﺎﺗﻲ ﻟﻮ ﻣﺎﺍﻧﺘﻲ ﻣﺎﺍﻋﺮﻑ ﺟﺎﻥ ﺷﺼﺎﺭ ﺑﻴﻪ ﻫﺴﻪ
ﻃﻠﻌﺖ ﻣﻦ ﻳﻤﻬﻪ ﺑﻌﺪ ﻣﺎ ﺣﻠﻔﺘﻠﻬﻪ ﻣﺎﺍﻛﻮﻝ ﺍﻝ ﺟﻬﺎﺩ ﺍﻋﺮﻑ ﺑﻤﺮﺿﻪ
ﻭﻫﺎﻱ ﺷﻠﻮﻥ ﺭﺍﺡ ﺍﺩﺑﺮﻫﻪ ﻣﺎﺍﻋﺮﻑ ﺷﺸﻠﻮﻥ ﺭﺍﺡ ﺍﺣﺠﻲ ﻭﻳﺎ ﻭﺍﻧﻲ ﺑﻜﻠﺒﻲ ﺍﻟﻒ ﺳﺆﺍﻝ ﺷﻠﻮﻥ ﺍﺣﺠﻲ ﻭﻳﺎ ﻭﺍﻧﻲ ﻣﻴﺘﻪ ﺧﻮﻑ ﻣﻦ ﺧﺴﺎﺭﺗﻪ
ﻃﻠﻌﺖ ﻣﺒﺎﻭﻋﺖ ﺑﻮﺟﻪ ﺍﻛﺮﻡ ..... ﻭﺟﻤﻴﻠﻪ ﻛﺎﻟﺘﻠﻲ ﺍﺑﻴﻦ ﻭﺿﻌﻲ ﺗﻌﺒﺎﻥ ﻭﺍﻧﻲ ﺟﻨﺖ ﻓﻌﻼً ﺗﻌﺒﺎﻧﻪ ﻭﺗﻌﺒﺎﻧﻪ ﺣﻴﻞ
ﺑﺲ ﺟﻤﻴﻠﻪ ﻋﺒﺎﻟﻚ ﺍﻟﻠﻪ ﺩﺯﻫﻪ ﺍﻟﻲ ﻣﻌﺠﺰﻩ ﺧﻠﺼﺘﻨﻲ ﻣﻦ ﺍﻛﺮﻡ ﻭﺳﻠﻮﻯ
ﺻﺢ ﺻﺪﻣﺘﻨﻲ ﺑﺲ ﻣﻌﺠﺰﻩ ﺍﻟﻲ ﺟﺎﻧﺖ
ﺟﻨﺖ ﻣﺘﺠﻴﻪ ﺭﺍﺳﻲ ﻋﻞ ﺟﺎﻣﻪ ﻣﺎﻝ ﺳﻴﺎﺭﻩ ﻭﺍﺑﺠﻲ
ﻛﻠﻲ ﺍﻛﺮﻡ
ﻳﻌﻨﻲ ﻋﻔﻮﺍً ﻣﻦ ﻫﺎﻱ ﺍﻟﻜﻠﻤﻪ ﺑﺲ ﺑﻌﺪ ﻣﻨﺎ ﻭﻫﻴﺞ ﺍﺳﺘﻌﻤﻠﻲ ﻣﺎﻧﻊ
ﻣﺤﺮﻛﺖ ﻧﻔﺴﻲ ﻭﻻ ﺣﺠﻴﺖ ﺑﺲ ﺣﺴﻴﺖ ﻧﻔﺴﻲ ﻗﺮﻓﺎﻧﻪ ﻣﻨﻪ ﺷﻜﺪ ﻛﺮﻫﺘﻪ ﺍﻭﺻﻞ ﻣﻮﺻﻠﻨﻪ ﻛﺘﻠﻪ ﺍﻟﻤﻮﺑﺎﻳﻞ ﻃﻠﻌﻪ ﻣﻦ ﺟﻴﺒﻪ ﻭﺍﻧﻄﺎ ﺍﻟﻲ
ﻋﺎﺩﻱ ﺣﺘﻰ ﺍﺫﺍ ﻛﻠﺘﻴﻠﻬﻪ ﻫﺴﻪ ﻣﻴﻬﻤﻨﻲ ﻳﻌﻨﻲ ﻛﺎﻋﺪ ﺍﻛﻠﺞ ﺧﺎﻑ ﺗﺮﻳﺪﻳﻦ ﺗﻜﻠﻴﻠﻪ ﻛﻮﻟﻴﻠﻪ
ﺍﺧﺬﺕ ﺟﻬﺎﺯﻱ ﻭﺩﺧﻠﺖ ﻛﺒﻞ ﻟﻠﻐﺮﻓﻪ ﺷﻐﻠﺘﻪ ﺟﺎﻥ ﻣﻐﻠﻖ
ﻛﺒﻞ ﺧﺎﺑﺮﺗﻪ ﺑﺲ ﺳﻤﻌﺖ ﺻﻮﺗﻪ ﺑﺠﻴﺖ ﺍﻟﺪﺭﺟﺔ ﻛﻤﺖ ﺍﻧﺎﺷﻎ
ﻓﺮﺣﻪ ﺣﺒﻴﺒﺘﻲ ﺷﺒﻴﺞ ﻗﻠﻘﺘﻴﻨﻲ
ﻛﻮﻩ ﺳﻜﺘﺖ ﺭﻭﺣﻲ ﻭﻛﺘﻠﻪ ﺗﻌﺎﺑﻪ ﺑﺪﻭﻧﻚ
ﺑﻘﻪ ﺑﺎﻟﻲ ﻳﻤﺞ ﻟﻴﺶ ﺍﻟﺒﺎﺭﺣﻪ ﻣﺎﻛﻮ ﺷﺒﻲ ﺟﻬﺎﺯﺝ ﺻﺪﻙ ﻣﻴﺸﺤﻦ
ﺍﻟﻒ ﺷﻐﻠﻪ ﺍﺟﺖ ﺑﻌﻘﻠﻲ ﺍﻟﺒﺎﺭﺣﻪ ﺍﻟﻨﻬﺎﺭ ﻛﻠﻪ ﺟﻨﺖ ﻣﻠﺘﻬﻲ ﻭﻳﻪ ﻓﺮﺍﺱ ﺳﻮﻳﻨﻠﻪ ﺗﺤﺎﻟﻴﻞ ﻭﺑﻠﻴﻞ ﻳﺎﻟﻠﻪ ﺧﺎﺑﺮﺗﺞ ﻭﺍﻛﺮﻡ ﺍﺳﺘﺤﻪ ﻳﺪﻙ ﺍﻟﺒﺎﺏ ﻋﻠﻴﺞ
ﺍﺣﺠﻴﻠﻲ ﺷﺼﺎﻳﺮ ﺧﻮﻣﺎ ﺍﻛﻮ ﺷﻲ ﻋﻠﻴﺞ ﺍﻟﻠﻪ ﺑﺎﻟﻲ ﻳﻤﺞ
ﺍﺧﺬﺕ ﻧﻔﺲ ﻭﻣﺴﺤﺖ ﻋﻴﻨﻲ ﻳﻜﻠﻲ ﻓﺮﺍﺱ ﺍﻭﻭﻑ ﻳﺎ ﺟﻬﺎﺩ ﻣﺜﻞ ﺑﻼﻋﺔ ﺍﻟﻤﻮﺱ ﺿﺎﻟﻪ
ﻣﺼﺎﻳﺮ ﺷﻲ ﺑﺲ ﺻﺎﺭ ﻋﻨﺪﻱ ﻟﻌﺒﺎﻥ ﻧﻔﺲ
ﻳﻌﻨﻲ ﺣﺎﻣﻞ
ﻣﺎﺍﻋﺮﻑ
ﻟﻴﺶ ﺻﻮﺗﺞ ﻣﻤﺮﺗﺎﺣﻠﻪ
ﻣﺎﺑﻴﻪ ﺷﻲ ﻭﺑﺠﻴﺖ
ﻓﺮﺭﺣﻪ ﻭﻳﺎﻣﻦ ﻣﺘﺤﺎﺟﻴﻪ ﺍﻛﺮﻡ ﺳﻤﻌﺞ ﻛﻼﻡ
ﺳﻠﻮﻯ ... ﺍﺣﺠﻴﻠﻲ
ﻣﺎﺑﻴﻪ ﺷﻲ ﻛﺘﻠﻚ ﺑﺲ ﻣﻤﺘﻌﻮﺩﻩ ﻋﻠﻰ ﻓﺮﺍﻛﻚ ﻭﻣﻦ ﺭﺣﺖ ﺍﻟﻬﺴﻪ ﺍﺧﺎﻑ ﺧﺎﻑ ﺍﻧﺖ ﺍﻟﻤﺮﻳﺾ ﻣﻮ ﻓﺮﺍﺱ
ﻣﻮ ﺍﻧﻲ ﻛﺘﻠﺞ ﻛﻢ ﻣﺮﻩ ﺑﺴﻴﻄﻪ ﻣﻦ ﺍﺟﻲ ﺍﻋﻠﻤﺞ ﺷﻠﻮﻥ ﻣﺘﺼﺪﻛﻴﻦ ﺑﻴﻪ
ﻳﺤﺠﻴﻬﻪ ﺑﺎﻟﺸﻘﻪ ﻭﺍﻧﻲ ﻣﻦ ﺍﺳﻤﻊ ﺻﻮﺗﻪ ﻳﻨﻤﻠﺦ ﻛﻠﺒﻲ
ﺟﻬﺎﺩ ﺍﻧﻲ ﺍﺣﺒﻚ ﺣﺘﻰ ﺍﺫﺍ ﻣﺘﺤﺒﻨﻲ ﺍﻧﺖ ﺍﻧﻲ
ﺍﺣﺒﻚ ﺍﻛﺜﺮ ﺷﻲ ﺑﻬﺎﻱ ﺍﻟﺪﻧﻴﺎ
ﻭﻟﺞ ﻓﺮﺣﻪ ﺗﻌﺒﺖ ﻭﺍﻧﻲ ﺍﻛﻠﺞ ﺍﺣﺒﺞ ﺑﻠﻠﻪ ﺑﺸﺮﻓﺞ ﻟﻮ ﻣﺎﺍﺣﺒﺞ ﺟﺎﻥ ﺗﻘﺮﺑﺘﻠﺞ ﻭﻋﻔﺖ ﺣﺘﻰ ﺍﻟﻮﻋﺪ ﺍﻟﻲ ﻗﻄﻌﺘﻪ ﺍﻧﻲ ﺷﻠﻮﻥ ﺑﻴﺞ
ﺣﺴﻴﺖ ﻧﻔﺴﻲ ﻣﺎﺍﻛﺪﺭ ﺍﻛﻤﻞ ﺣﺠﻲ ﻭﻳﺎ ﻻﻥ ﻃﻮﻝ ﻣﺎﺍﺳﻤﻊ ﺻﻮﺗﻪ ﺍﻧﻲ ﺍﺑﺠﻲ
ﺑﻘﻴﺖ ﻳﻤﻜﻦ ﺑﺎﻝ٣ﺃﻳﺎﻡ ﺍﺗﻬﺮﺏ ﻣﻨﻪ ﻣﻦ ﻳﺨﺎﺑﺮﻧﻲ ﻭﻛﻞ ﻣﻴﺨﺎﺑﺮﻧﻲ ﺍﺑﺠﻲ
ﺍﻧﻲ ﻣﺎﺍﺣﺠﻴﻠﻪ ﻋﻠﻤﻮﺩ ﻣﺎﺍﺃﺫﻱ ﺍﺧﺎﻑ ﻋﻠﻲ ﻭﻟﻪ ﺑﻮﺩﻱ ﺍﻛﻠﻪ ﻋﻞ ﺳﻮﺍ ﺍﻛﺮﻡ
ﻫﻮ ﻭﺳﻠﻮﻯ
ﻋﺒﺎﻟﻬﻢ ﺫﺑﻴﺖ ﺍﻟﻄﻔﻞ ﺍﻛﺮﻡ ﻋﺎﻓﻨﻲ ﺑﺲ ﺳﻠﻮﻯ ﺗﺮﻳﺪﻧﻲ ﺍﻃﻠﻊ ﻣﻦ ﺣﻴﺎﺗﻬﻢ
ﻣﺘﺪﺭﻱ ﺍﻟﻄﻔﻞ ﺑﻌﺪﻩ ﺑﺒﻄﻨﻲ ﺑﻘﻴﺖ ﺍﺻﻠﻲ ﻭﺍﺩﻋﻲ ﻳﻄﻠﻊ ﺟﻬﺎﺩ ﻣﺎﺑﻲ ﺷﻲ
ﻭﻟﻮ ﻣﺄﻳﺴﻪ ﻻﻥ ﺷﻔﺖ ﻭﺿﻌﻪ ﺍﻟﺼﺤﻲ ﺑﺎﺧﺮ ﺍﻳﺎﻡ ﻗﺒﻞ ﻟﻴﺴﺎﻓﺮ
ﻛﻞ ﺷﻮﻳﻪ ﺍﻫﺪ ﻭﺍﺭﻳﺪ ﺍﺣﺠﻲ ﻭﻳﺎ ﻭﺍﻛﻠﻪ ﺍﻧﺖ ﺍﻟﻤﺮﻳﺾ ﻭﺍﻧﺖ ﺗﺠﺬﺏ ﻋﻠﻴﻪ ﻭﺍﺭﻳﺪ ﺍﺳﺄﻟﻪ ﺷﺴﻮﻩ ﻭﺍﺗﺬﻛﺮ ﺟﻤﻴﻠﻪ ﺍﻟﻲ ﺳﺎﻋﺪﺗﻨﻲ ﻭﻓﻀﻠﻬﻪ ﻋﻠﻴﻪ ﻣﻴﻨﺴﻲ ﺟﻨﺖ ﺧﺎﻳﻔﻪ ﺣﻴﻞ ﻭﻳﻤﻜﻦ ﻟﻮ ﻣﻮ ﻫﻴﻪ ﺟﺎﻥ ﺧﺴﺮﺕ ﺍﻟﻄﻔﻞبيج قصص عراقيه حقيقيه من واقعنا.روعه الطائي
ﺻﺢ ﻫﻴﻪ ﺣﺠﺖ ﻋﻠﻴﻪ ﻭﻛﺎﻟﺘﻠﻲ ﺑﺖ ﺷﻮﺍﺭﻉ ﺑﺲ ﻟﻸﺳﻒ ﻫﺬﺍ ﻛﻼﻣﻬﻪ ﺻﺤﻴﺢ ﻻﻥ ﻛﻞ ﻣﺠﺘﻤﻌﻲ ﻳﺸﻮﻓﻨﻲ ﻫﻴﺞ ﺑﺲ ﻛﻞ ﻫﺎﻟﻜﻼﻡ ﻣﻴﻬﻤﻨﻲ ﻛﻞ ﺍﻟﻲ ﻳﻬﻤﻨﻲ ﻫﻮ ﺟﻬﺎﺩ ﻭﺑﺲ ﻭﺷﻴﺸﻮﻓﻨﻲ
ﺣﺒﺴﺖ ﺭﻭﺣﻲ ﺑﺎﻟﻐﺮﻓﻪ ﻻﻥ ﺧﺎﻑ ﺳﻠﻮﻯ ﺗﻠﻜﻔﻨﻲ ﻣﻦ ﺍﺗﻘﻴﺊ ﻋﻔﺖ ﻛﻠﺸﻲ ﺑﺎﻟﺒﻴﺖ ﻣﺎﻟﻲ ﺩﺧﻞ ﺑﻲ ﻭﺩﺧﻠﺖ ﻋﻼﻟﻴﻚ ﺍﺧﺎﻑ ﺍﺭﻳﺪ ﺍﺗﻘﻲﺀ ﺍﺗﻘﻲﺀ ﺑﻴﻬﻦ
ﺟﻨﺖ ﻣﻨﺘﺠﻴﻪ ﻋﻞ ﺟﺮﺑﺎﻳﻪ ﻭﺍﺑﺎﻭﻉ ﻋﻠﻰ ﺻﻮﺭ ﺟﻬﺎﺩ ﻭﺍﺗﺄﻣﻠﻪ ﻭﺍﺑﺠﻲ
ﻣﺎﻋﻨﺪﻱ ﻏﻴﺮ ﺑﺲ ﺍﺩﻋﻲ ﻭﺍﺑﺠﻲ ﻻﻥ ﻣﺨﺘﻨﻜﻪ ﺍﺗﺼﻞ ﻋﻠﻴﻪ
ﻣﺴﺤﺖ ﺩﻣﻮﻋﻲ ﻭﺣﺎﻭﻟﺖ ﺍﻫﻴﻰﺀ ﺭﻭﺣﻲ ﺍﺣﺠﻲ ﻭﻳﺎ
ﻣﺴﺎﺀ ﺍﻟﺨﻴﺮ ﻳﺎ ﺣﻠﻮﻩ ﻣﻤﻜﻦ ﻧﺘﻌﺮﻑ
ﻫﻠﻮ ﺣﺒﻴﺒﻲ
ﻫﺎﻱ ﺷﻨﻮ ﺗﻌﺮﻓﻴﻨﻲ ﺍﻋﺮﻓﺞ ﺣﺘﻰ ﺗﻜﻮﻟﻴﻦ ﺣﺒﻴﺒﻲ
ﺍﺑﺘﺴﻤﺖ .. ﻭﺍﻧﻘﻬﺮﺕ ﺑﻌﺰ ﺍﻟﻤﺮﺽ ﻭﻫﻮ ﻳﺒﺘﺴﻢ ﻛﺘﻠﻪ
ﻭﺍﻧﺖ ﺷﻤﺪﺭﻳﻚ ﺍﻧﻲ ﺣﻠﻮﻩ ﻟﻌﺪ
ﺍﺣﺴﺎﺳﻲ
ﻣﺸﺘﺎﻗﺘﻠﻚ
ﻫﺎﻱ ﺷﻨﻮ ﺍﻧﻮﺏ ﻣﺸﺘﺎﻗﺘﻠﻚ ﻃﻠﻌﺘﻲ ﺍﻧﺘﻲ ﺍﻟﺰﺍﺣﻔﻪ
ﻭﺿﺤﻚ
ﺑﻄﻨﻲ ﻣﺸﺘﺎﻗﺘﻠﺞ ﺗﻜﻮﻝ ﻣﺎﻛﻮ ﻭﺍﺣﺪ ﻳﺰﻋﺠﻬﻪ
ﺷﻮﻛﺖ ﺗﺠﻲ ﺟﻬﺎﺩ
ﻣﺒﻘﻪ ﺷﻲ
ﺑﻘﻪ ﻳﺴﻮﻟﻒ ﻭﻳﺎﻱ ﻭﻳﺘﻐﺰﻝ ﺑﻴﻪ ﻭﻳﺴﻤﻌﻨﻲ ﻛﻼﻡ ﺣﺐ ﻭﺍﻧﻲ ﺩﻣﻮﻋﻲ ﺗﻨﺰﻝ ﺷﻠﻮﻥ ﺑﻴﻪ ﻣﺎﺍﺩﺭﻱ ﺍﺧﺮ ﺷﻲ ﻣﺘﺤﻤﻠﺖ ﻛﺘﻠﻪ
ﺗﻌﺒﺖ ﺟﻬﺎﺩ
ﺷﺒﻴﺞ ﺣﺒﻲ
ﻣﺨﻨﻮﻛﻪ ﺣﻴﻞ
ﻏﻴﺮ ﺍﻋﺮﻑ ﺷﺒﻴﺞ ﺗﻮﺝ ﻃﺒﻴﻌﻴﻪ
ﺳﻜﺘﺖ ﻭﻛﺘﻠﻪ ﺷﻮﻛﺖ ﺗﺠﻲ ﺍﺷﺘﺎﻗﻴﺘﻠﻚ
ﺷﻠﻮﻥ ﺑﻴﺞ ﻛﻞ ﺷﻮﻳﻪ ﻧﺤﺠﻲ
ﺍﺣﺠﻴﻠﻲ ﺷﺒﻴﺞ ﻭﺍﻟﻠﻪ ﺍﺣﺲ ﺑﻴﺞ ﺷﻲ
ﻣﺎﺑﻴﻪ ﺑﺲ ﻣﺸﺘﺎﻗﺘﻠﻚ ﻛﻠﺖ ﻛﻢ ﻳﻮﻡ ﻳﻤﻜﻦ ﻭﺍﺭﺟﻊ ﻭﺻﺎﺭﻟﻚ ﺍﻟﺒﺎﺟﺮ ﺍﻟﺴﺎﺩﺱ
ﻛﺘﻠﺞ ﺍﺳﺒﻮﻉ ﻟﻮ ﺍﺳﺒﻮﻋﻴﻦ
ﺣﺠﻪ ﻭﻳﺎﻱ ﻭﺳﺪﻩ ﺍﻟﻠﻌﺒﺎﻥ ﻧﻔﺲ ﺯﺍﺩ ﻋﻠﻴﻪ ﻭﻛﻞ ﺷﻮﻳﻪ ﺳﻠﻮﻯ ﺗﺪﻙ ﺍﻟﺒﺎﺏ ﺗﺪﺭﺩﻡ ﺷﻮﻳﻪ ﻭﺗﻌﻮﻓﻨﻲ ﻭﺍﻛﺮﻡ ﻣﻦ ﻳﻮﻣﻬﻪ ﻣﺤﺠﻪ ﻭﻳﺎﻱ ﻭﻣﺸﻔﺖ ﺧﻠﻘﺘﻪ
ﻣﺮﻥ ١٦ﻳﻮﻡ ﻋﺪﻝ ﻋﻠﻰ ﺭﻭﺣﺔ ﺟﻬﺎﺩ ﻭﺍﻧﻲ ﺗﻌﺒﺖ ﻭﺗﻮﺗﺮﺕ ﺣﻴﻞ ﻭﺍﺗﻌﺎﺭﻙ ﻭﻳﻪ ﻧﻔﺴﻲ ﺟﻨﺖ ﻗﺎﻓﻠﻪ ﺍﻟﺒﺎﺏ ﻣﺎﺍﺣﺲ ﺍﻟﻪ ﺍﻧﺪﻙ ﻻﻥ ﺍﻗﻔﻠﻪ ﻟﻠﺒﺎﺏ ﻣﻦ ﺭﺟﻌﺖ ﻣﻦ ﺍﻟﻌﻴﺎﺩﻩ ﻟﻠﻴﻮﻡ ﺟﻨﺖ ﻧﺎﻳﻤﻪ ﻛﻤﺖ ﺻﺤﺖ ﻣﻨﻮﻭﻭ
ﻣﺤﺪ ﺟﺎﻭﺏ
ﻛﻠﺖ ﻣﻨﻮﻭﻭﻭ
ﺍﻧﻲ
ﺍﻧﻲ ﺳﻤﻌﺖ ﺻﻮﺗﻪ ﻟﻮ ﺍﺣﺲ ﺭﺩﺗﻠﻲ ﺍﻟﺮﻭﺡ ﻓﺘﺤﺘﻪ ﺑﺴﺮﻋﻪ ﻟﻠﺒﺎﺏ ﺣﺘﻰ ﺍﻟﻘﻔﻞ ﺍﺣﺴﻪ ﻣﻨﻔﺘﺢ ﺑﺴﺮﻋﻪ ﻭﻛﺒﻞ ﺫﺑﻴﺖ ﺭﻭﺣﻲ ﻋﻠﻲ
ﺟﻬﺎﺍﺍﺍﺍﺩ ﻫﺎﻱ ﺍﺟﻴﺖ .... ﻭﺭﺟﻌﺖ ﺷﺒﻜﺘﻪ ﻭﺍﺑﻮﺱ ﺑﻲ ﺑﺮﻛﺒﺘﻪ ﻭﺧﺮﻧﻲ
ﻭﻟﺞ ﺍﺷﺘﻬﺮﺕ ﻣﻦ ﻭﺭﺍﺝ
ﺩﺧﻞ ﻟﻠﻐﺮﻓﻪ ﻭﻃﺒﻚ ﺍﻟﺒﺎﺏ
ﺟﻬﺎﺍﺍﺩ ﺷﻮ ﻣﻜﺘﻠﻲ ﺭﺍﺡ ﺗﺠﻲ
ﺭﺩﺕ ﺍﻓﺎﺟﺌﺞ ﺻﺎﺭ ﻧﺺ ﺳﺎﻋﻪ ﻛﺎﻋﺪ ﻭﺍﻧﺘﻲ ﻧﺎﻳﻤﻪ
ﻣﺴﻤﻌﺘﻚ .... ﺍﻭﻭﻑ ﻣﻤﺼﺪﻛﻪ ﻭﺭﺟﻌﺖ ﺷﺒﻜﺘﻪ
ﻫﻮ ﻫﻢ ﺣﻀﻨﻲ ﻭﺑﺎﺳﻨﻲ ﻭﻳﻀﺤﻚ ﻋﻠﻴﻪ
ﻭﺧﺮﺕ ﻣﻦ ﻳﻤﻪ ﻭﺑﺎﻭﻋﺖ ﻋﻠﻲ ﻭﺿﺮﺑﺘﻪ ﻋﻠﻰ ﺑﻄﻨﻪ
ﺍﺩﺭﻱ ﺑﻴﻚ ﻣﺮﻳﺾ ... ﻭﺍﻟﻠﻪ ﻋﺮﻓﺖ
ﻫﻢ ﺭﺟﻌﻨﻪ
ﺑﺠﻴﺖ ﺍﻱ ﺭﺟﻌﻨﻪ ﻭﻋﺮﻓﺖ ﻣﻦ ﺷﺨﺺ ﻣﻴﺠﺬﺏ ﻫﻢ ﻟﻴﺶ ﺟﻬﺎﺩ ﻣﻜﺘﻠﻲ ﻫﺬﺍ ﻫﻮ ﻋﺮﻓﺖ ﻛﻠﻲ .... ﻛﻠﻲ ﺷﻄﻠﻊ ﺑﻴﻚ ﻭﺍﻛﻮ ﺍﻣﻞ ﻟﻮ ﻻ ﺍﺣﺠﻴﻠﻲ ﻋﻠﻴﻚ ﺍﻟﻠﻪ
ﺑﺎﻭﻉ ﻋﻠﻴﻪ ﻭﺍﺑﺘﺴﻢ ﻭﻟﺰﻡ ﺍﻳﺪﻱ ﺗﻌﺎﻟﻲ ﻛﻌﺪﻱ ﺧﻞ ﺍﺳﻮﻟﻔﻠﺞ
ﺍﺣﻠﻒ ﺗﻜﻮﻝ ﺍﻟﺼﺪﻙ
ﻭﺍﻟﻘﺮﺁﻥ ﺭﺍﺡ ﺍﻛﻠﺞ ﺍﻟﺼﺤﻴﺢ ﻭﺍﻛﻠﺞ ﻟﻴﺶ ﻣﻜﻠﺘﻠﻜﻢ ﻫﻢ
ﻛﻌﺪ ﻛﺒﺎﻟﻲ ﻭﻃﻠﻊ ﺟﻜﺎﺭﻩ
ﻛﺒﻞ ﺟﺮﻳﺘﻬﻪ ﻣﻦ ﺣﻠﻜﻪ ﻗﺒﻞ ﻟﻴﻮﺭﺛﻬﻪ
ﺍﻧﺖ ﺷﻨﻮﻭﻭﻭﻭ ﻫﻢ ﺑﻌﺪﻙ ﺗﺪﺧﻦ
ﺍﻱ ﺍﺩﺧﻦ ......... ﻳﺘﺒﻊ
