#ﺍﻟﻘﺎﺻﺮﺓ_ﻭـــﺬﻭ_ﺍﻟﺸﻌﺮ_ﺍﻻﺑﻴﺾ
ﺑﻘﻠﻤﻲ ﺍﻡ ﻏﺎﻳﺐ
#بارت١٦
ﺑﺼﻤﺖ ﻭﺑﻄﺊ ,,
ﻭﺍﺣﺪﺍﻕ ﺗﺮﻗﺐٍ ...
ﻳﻠﻔﻬﺎ ﺳﻜﻮﻥ ﻓﻲ ﺩﺭﻭﺏ ﺍﻟﺤﻴﺎﻩ ﺗﺨﻄﻮ ..
ﻓﻲ ﺣﻴﺮﻩ ﻭﺍﻧﺘﻈﺎﺭ ,, ﻳﺪﺍﻫﻤﻬﺎ ﺍﻟﺴﺆﺍﻝ ﺑﺄﻟﻒ ﺑﺴﺆﺍﻝ
ﻣﻦ ﺍﻃﻔﺊ ﺍﻟﻘﻨﺎﺩﻳﻞ ﻭﺍﺷﻌﻞ ﺍﻟﺤﺰﻥ ﻓﻲ ﺣﻄﺐ ﺍﻟﺤﻨﺎﻳﺎ ؟
ﻣﻦ ﺍﻳﻘﻆ ﺟﺮﺍﺣﺎ ﻋﻠﻰ ﻭﺳﺎﺋﺪ ﺍﻟﻨﺴﻴﺎﻥ ﻏﺎﻓﻴﻪ ؟
ﻭﻣﻦ ﺍﻏﺘﺎﻝ ﺍﻟﻔﺮﺡ ﻭﺍﻧﺸﺐ ﺍﻟﻔﻘﺪ ﻓﻲ ﺧﺎﺻﺮﺓ ﺍﻟﻠﻘﺎﺀ ؟
ﻓﻲ ﺫﺍﺕ ﺍﻟﺪﺭﻭﺏ ﻭﺫﺍﺕ ﺍﻟﺨﻄﻰ ,,
ﺑﻠﻬﻔﺔ ﺍﻻﺷﻮﺍﻕ ﺗﻤﺘﺪ ﺫﺭﺍﻋﻲ ﻻﺣﺘﻀﺎﻥ ﺍﻃﻴﺎﻑ ﺍﻟﺮﺅﻯ
ﺗﺮﺗﺒﻚ ﺍﻟﺨﻄﻮﺍﺕ ﻣﻦ ﺍﺷﺒﺎﺡ ﺍﻟﻔﺮﺍﻕ ,,
ﺑﻌﺪﻣﺎ ﻻﺡ ﻟﻲ ﻓﻲ ﺍﻻﻓﻖ ﺍﻟﺒﻌﻴﺪ ﻭﻣﻀﻪ ,,
ﻭﺳﺤﺎﺑﻪ ﻓﻲ ﻣﻨﺘﺼﻒ ﺍﻟﺴﻤﺎﺀ ﻻ ﺑﺎﻟﻘﺮﻳﺒﻪ ﻭﻻ ﺍﻟﺒﻌﻴﺪﻩ ,,
ﺍﺟﻬﻞ ﻣﻮﺍﺳﻢ ﻫﻄﻮﻟﻬﺎ ..
ﻳﺮﺍﻭﺩﻧﻲ ﺳﺆﺍﻝ ﻻ ﺍﺟﺎﺑﺔ ﻟﻪ ,,
ﻫﻞ ﻻﺭﺿﻲ ﻧﺼﻴﺒﺎ ﻣﻦ ﻏﻴﺚ ﻭﻣﻄﺮ ؟؟
ﻋﺸﺖ ﻣﻌﻚ ﻣﻨﺘﺼﻒ ﺍﻟﺤﻠﻢ
ﺑﻴﻦ ﻃﻴﻒ ﻳﻬﺰﻩ ﺍﻟﻮﻟﻪ ,,
ﻭﺍﻣﻨﻴﻪ ﻳﺨﺬﻟﻬﺎ ﺍﻟﻤﺤﺎﻝ
ﺣﻴﺚ ﻛﺎﻧﺖ ﺍﻟﺒﺪﺍﻳﻪ
ﻟﺤﻈﻪ ﺗﺠﺮﺩ ﻣﻦ ﻣﻌﺎﻃﻒ ﺍﻟﺼﺒﺮ
ﻛﻔﺮﺍﺷﻪ ﺍﻏﻮﺍﻫﺎ ﺍﻟﻀﻮﺀ
ﻓﻜﺎﻧﺖ ﻟﻠﺠﻨﻮﻥ ﺍﻗﺮﺏ
ﻓﺎﻃﻠﻘﺖ ﻋﺼﺎﻓﻴﺮ ﺍﻟﻠﻬﻔﻪ
ﻣﻦ ﺍﺿﻠﻊ ﺍﻟﻮﻟﻪ
ﻟﺬﺍﻙ ﺍﻟﻀﻮﺀ / ﺍﻟﻮﻣﻀﻪ ,,
ﻭﺗﻠﻚ ﺍﻟﺴﺤﺎﺑﻪ ,,
ﻭﻳﺒﻘﻰ ﺍﻟﺴﺆﺍﻝ ﻳﺪﺍﻫﻤﻪ ﺳﺆﺍﻝ ﻭﺍﻟﻒ ﺳﺆﺍﻝ ,,,,
ﺷﺒﻜﺘﻪ ﺍﻧﻲ ﻫﻢ ﻭﻏﻤﻀﺖ ﻋﻴﻨﻲ ... ﺷﻜﻴﺖ ﺑﻲ ﻛﺎﻋﺪ .... ﻻﻥ ﻫﻮ ﻧﻮﻣﻪ ﺧﻔﻴﻒ ﻳﻌﻨﻲ ﺑﺎﻟﻌﺎﺩﻩ ﺑﺲ ﺍﻃﺨﻪ ﻃﺨﻪ ﺧﻔﻴﻔﻪ ﻳﻔﺰ ﻭﻫﺴﻪ ﺷﺎﺑﻜﺘﻪ ﻭﻗﺮﻳﺒﻪ ﻋﻠﻲ ﻭﻫﻮ ﻭﻻ ﻳﻤﻪ ﻣﻐﻤﺾ ﻋﻴﻨﻪ ﺍﺣﺲ ﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﻣﻜﺎﻧﻪ ﻣﺎﺍﻋﺮﻑ ﺍﻧﻲ ﺑﺤﻠﻢ ﻟﻮ ﺣﻘﻴﻘﻪ ﻛﻞ ﺍﻟﻲ ﺍﻋﺮﻓﻪ ﺣﺴﻴﺖ ﺑﺪﻓﻮ ﻣﻮ ﻃﺒﻴﻌﻲ
ﻓﺘﺤﺖ ﻋﻴﻨﻲ ﻟﻜﻴﺘﻪ ﺑﻌﺪﻩ ﻧﺎﻳﻢ ﻭﺭﺍﺳﻪ ﻳﻢ ﺭﺍﺳﻲ ...... ﺑﻘﻴﺖ ﺍﺑﺎﻭﻉ ﻋﻠﻲ .... ﻓﺮﺣﺎﻧﻪ ﻣﻤﺼﺪﻛﻪ ..... ﺗﻠﻤﺴﺖ ﻭﺟﻬﻪ ﺑﻴﺪﻱ .... ﻓﺘﺢ ﻋﻴﻨﻪ
ﻛﺒﻞ ﻭﺧﺮ ﻣﻨﻲ ..... ﻭﻓﺘﺢ ﻋﻴﻨﻪ
ﻫﺎﺍﺍﺍﻱ ﺷﺘﺴﻮﻭﻭﻭﻳﻦ ﺍﻧﺘﻲ
ﺍﻧﻲ ﺑﻘﻴﺖ ﺟﺎﻣﺪﻩ ﺑﻤﻜﺎﻧﻲ ﻣﺼﺪﻭﻣﻪ ﻣﻨﻪ ﻭﺧﺠﻠﺖ ﺑﻨﻔﺲ ﺍﻟﻮﻗﺖ ﻛﺎﻡ ﻭﻛﻒ ﻋﻠﻰ ﺣﻴﻠﻪ ﻭﺑﺲ ﻳﺨﺰﺭ ﺑﻴﻪ
ﺍﻧﺘﻲ ﻭﺣﺪﻩ ﻣﺘﺴﺘﺤﻴﻦ ﻭﻃﺎﻳﺤﺔ ﺣﻆ ﺷﻠﻮﻥ ﺗﺴﻮﻳﻦ ﻫﻴﺞ ﻟﻴﺶ ﻣﺘﻨﻄﻴﻦ ﻣﺠﺎﻝ
ﺷﻠﺖ ﺍﻟﻐﻄﻪ ﻣﻨﻲ ﺑﻌﺼﺒﻴﻪ ﻭﻛﻤﺖ .... ﺣﻴﻞ ﺍﻧﻘﻬﺮﺕ ..... ﺩﻧﻜﺖ ﻭﺭﺩﺕ ﺍﻃﻠﻊ ﻣﻦ ﺍﻟﻐﺮﻓﻪ ﺟﺮﻧﻲ ﻣﻦ ﺍﻳﺪﻱ
ﺍﻧﻲ ﻣﻮﻭﻭ ﺍﺣﺠﻲ
ﻭﺧﺮﺭﺭ ﻋﻤﻮ
ﻋﻤﻮ .... ﻋﻤﻮﻭﻭﻭ .... ﺗﺸﺒﻜﻴﻨﻲ ﻭﺗﻜﻮﻟﻴﻦ ﻋﻤﻮ ﺍﻧﺘﻲ ﻣﺨﺒﻠﻪ
ﻭﺑﻌﺪﻳﻦ ﺍﻧﺘﻲ ﺷﻠﻮﻥ ﺗﻨﺎﻣﻴﻦ ﻳﻤﻲ
ﺍﻧﻲ ﻧﻤﺖ ﻟﻮ ﺍﻧﺖ
ﺟﻬﺎﺩ / ﻣﻨﻮ ﻳﻨﺎﻡ ﻳﻮﻣﻴﻪ ﻋﻞ ﺟﺮﺑﺎﻳﻪ
ﺍﻧﺖ ﺑﺲ ﺍﻧﻲ ﻫﺎﻟﻤﺮﻩ ﻧﻤﺖ ﻗﺒﻠﻚ ﺍﻧﺖ ﺟﻨﺖ ﺗﺒﺎﻭﻉ ﻓﻠﻢ ﻳﻌﻨﻲ ﺟﺎﻥ ﻛﻌﺪﺗﻨﻲ..بيج قصص عراقيه حقيقيه من واقعنا.روعه الطائي
ﻛﻌﺪﺗﺞ ﻭﺻﺤﺖ ﻓﺮﺭﺭﺣﻪ ﻓﺮﺭﺭﺭﺣﻪ ﻭﺍﻧﺘﻲ ﻣﺎﻛﻮﻭ ﻭﻻ ﻳﻤﺞ ﻣﺪﺭﻱ ﺗﺴﻮﻳﻦ ﺭﻭﺣﺞ ﻧﺎﻳﻤﻪ ﻟﻮ ﻣﻦ ﺍﻟﺴﻬﺮ ﺗﻨﺎﻣﻴﻦ ﻭﻣﺘﺤﺴﻴﻦ ﺑﻌﺪ ﻣﻤﻨﻮﻉ ﺗﺘﺄﺧﺮﻳﻦ ﺑﺎﻟﻨﻮﻡ
ﺟﺎﻥ ﻧﻤﺖ ﺑﺎﻟﻜﺎﻉ ﻟﻌﺪ
ﻣﺎﺍﻛﺪﺭ ﺍﻧﺎﻡ ﺑﺎﻟﻜﺎﻉ ﻣﻤﺘﻌﻮﺩ .... ﺳﻜﺖ ﻭﻛﻠﻲ ﺑﻌﺪ ﻟﺘﻌﻴﺪﻳﻬﻪ
ﺑﺎﻭﻋﺖ ﻋﻠﻲ ﺑﻘﻬﺮ .... ﻣﻌﺮﻓﺖ ﺷﺠﺎﻭﺑﻪ ﺭﺩﺕ ﺍﻛﻠﻪ ﻟﺘﺠﺬﺏ ﻋﻤﻮ ﺍﻧﺖ ﺟﻨﺖ ﻛﺎﻋﺪ ﻻﻥ ﺍﻧﺖ ﺗﻔﺰ ﺑﺴﺮﻋﻪ ﻭﺍﻟﺪﻟﻴﻞ ﻫﺴﻪ ﺑﺲ ﻟﺰﻣﺖ ﻭﺟﻬﻚ ﻛﻌﺪﺕ ﺑﺎﻭﻋﺖ ﻋﻠﻲ ﻋﻔﺘﻪ ﻭﺭﺣﺖ ﻟﻠﺤﻤﺎﻡ
ﺑﻘﺖ ﻫﺎﻟﻜﻠﻤﻪ ﺗﺤﻤﺲ ﺑﻜﻠﺒﻲ ﻻﻥ ﻣﻜﻠﺘﻬﻪ ﺍﻟﻪ .... ﻏﺴﻠﺖ ﻭﻃﻠﻌﺖ ﻟﻜﻴﺘﻪ ﻃﺎﻟﻊ ﻣﻦ ﺍﻟﻐﺮﻓﻪ ﻟﻤﻴﺖ ﻓﺮﺍﺷﻲ ﻭﺍﻧﻲ ﺍﺣﺲ ﻧﻔﺴﻲ ﻋﺼﺒﻴﻪ ﺷﻮﻳﻪ ﻭﺍﺟﻪ ﻭﻛﻒ ﻳﻢ ﺍﻟﺒﺎﺏ
ﺷﻮﻛﺖ ﺗﺴﻮﻳﻦ ﺭﻳﻮﻙ ﺍﻭﻳﺪ ﺍﻃﻠﻊ
ﺭﺣﺖ ﻋﻠﻲ .... ﺍﺻﻼً ﺍﻧﺖ ﺷﺒﻜﺘﻨﻲ ﺍﻟﺒﺎﺭﺣﻪ
ﺑﺎﻭﻉ ﻋﻠﻴﻪ .... ﻟﺘﺠﺬﺑﻴﻦ ﺍﻧﻲ ﺍﺷﺒﻜﺞ ﻟﻴﺶ
ﺍﻧﻲ ﻓﺪ ﻳﻮﻡ ﻛﺘﻠﺞ ﺍﺣﺒﺞ ﻓﺪ ﻳﻮﻡ ﻛﺘﻠﺞ ﺍﺭﻳﺪ ﻗﺮﺑﺞ
ﺍﻧﺘﻲ ﺍﻟﻲ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﺍﺣﺒﻚ ﻭﻣﻦ ﻫﺎﻱ ﺍﻟﺴﻮﺍﻟﻒ ﻳﻌﻨﻲ ﺍﻧﺘﻲ ﺍﻟﻲ ﺷﺒﻜﺘﻴﻨﻲ ﻟﻴﺶ ﺗﺘﺒﻠﻴﻦ ﻋﻠﻴﻪ
ﻭﺑﻌﺪﻳﻦ ﺳﺪﻱ ﺍﻟﻤﻮﺿﻮﻉ ﻟﻴﺶ ﻟﺤﻴﺘﻲ ﺑﻲ ﺍﻧﻲ ﻣﺴﺎﻣﺤﺞ ﺑﺲ ﺑﻌﺪ ﻟﺘﻌﻴﺪﻳﻬﻪ
ﺍﻧﺖ ﺷﺒﻜﺘﻨﻲ ﻭﺍﻟﻠﻪ ﺍﻧﻲ ﺍﺻﻼً ﺭﺩﺕ ﺍﻛﻮﻡ ﺍﻧﺖ ﺗﺘﺒﻠﻰ ﻋﻠﻴﻪ ﻭﻫﺎﺍﺍ ﻧﺴﻴﺖ ﺍﺻﻼً ﺍﻧﺖ ﻧﻮﻣﻚ ﺧﻔﻴﻒ ﻋﻤﻮ ﻳﻌﻨﻲ ﻟﻮ ﺍﻧﻲ ﺷﺒﻜﺘﻚ ﻣﺜﻞ ﻣﺘﻜﻮﻝ ﺟﺎﻥ ﻛﺒﻞ ﺣﺴﻴﺖ ﻭﻭﺧﺮﺗﻨﻲ ﻭﺑﻌﺪﻳﻦ ﺍﻧﻲ ﻟﻴﺶ ﺍﺷﺒﻜﻚ..بيج قصص عراقيه حقيقيه من واقعنا.روعه الطائي
ﺳﺄﻟﻲ ﺭﻭﺣﺞ ﻟﻴﺶ ﺗﺴﺄﻟﻴﻨﻲ ﻓﺮﺣﻪ ﺑﻌﺪ ﻟﺘﻌﻴﺪﻳﻬﻪ ﻛﺘﻠﺞ ﻭﻳﺪﻱ ﺍﻟﻤﻮﺿﻮﻉ ﻭﺑﻌﺪ ﻣﻨﺎ ﻭﻫﻴﺞ ﻣﻤﻨﻮﻉ ﺗﺒﺎﻭﻋﻴﻦ ﺍﻱ ﻓﻠﻢ ﻭﻳﺎﻱ
ﻋﻔﺘﻪ ﻭﻃﻠﻌﺖ ﺳﻮﻳﺖ ﺭﻳﻮﻙ ... ﺍﺟﻪ ﺗﺮﻳﻚ ﻭﺑﺪﻝ ﻭﻃﻠﻊ ﺑﺪﻭﻥ ﻣﻴﺤﺠﻲ ﻭﻻ ﻛﻠﻤﻪ
ﺑﻘﻴﺖ ﺍﻧﻈﻒ ﻣﻘﻬﻮﺭﻩ ﻣﻨﻪ ﻣﻦ ﻳﻜﻠﻲ ﺍﻧﺘﻲ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﺗﻜﻮﻟﻴﻦ ﺍﺣﺒﻚ ﻭﺍﻟﻠﻪ ﻭﺍﻟﻠﻪ ﺍﻧﺖ ﺟﻨﺖ ﻛﺎﻋﺪ
ﺍﻧﻈﻒ ﻭﺍﺣﺠﻲ ﺑﺪﺍﺧﻠﻲ ﺻﺎﺭ ﺍﻟﻈﻬﺮ ﻣﺄﺟﻪ ﻭﺍﺟﻪ ﺍﻟﻠﻴﻞ ﻭﻫﻢ ﻣﺎﻛﻮ
ﺍﻟﺤﺪ ﺍﻟﺴﺎﻋﻪ ٨ﻳﺎﻟﻠﻪ ﺍﺟﻪ ﻭﻛﺒﻞ ﺩﺧﻞ ﻟﻠﻐﺮﻓﻪ ﺑﻘﻴﺖ ﺍﺑﺎﻭﻉ ﺑﺎﻟﺘﻠﻔﺰﻳﻮﻥ ﻣﻦ ﻧﻌﺴﺖ
ﺭﺣﺖ ﻟﻠﻐﺮﻓﻪ ﻟﻜﻴﺘﻪ ﻧﺎﻳﻢ ﻣﺪﺭﻱ ﺟﺬﺏ ﻣﻨﺎﻳﻢ ﺍﻧﻲ ﻫﻢ ﻓﺮﺷﺖ ﻓﺮﺍﺷﻲ ﻭﻧﻤﺖ
ﻛﻌﺪﺕ ﺛﺎﻧﻲ ﻳﻮﻡ ﻋﻠﻰ ﺻﻮﺕ ﺍﻟﻤﻨﺒﻪ .... ﺑﻘﻪ ﻳﺪﻙ ﺍﻟﻤﻨﺒﻪ ﻭﻫﻮ ﻭﻻ ﻳﻤﻪ
ﺍﺧﺮ ﺷﻲ ﺃﻳﺴﺖ .... ﻭﻛﻤﺖ ﻣﻦ ﺍﻟﻔﺮﺍﺵ ﺗﻘﺮﺑﺖ ﻋﻠﻲ ﻧﺪﻫﺘﻪ ﻋﻤﻮﻭ ﻋﻤﻮﻭ
ﻭﻻ ﻳﻤﻪ .... ﻧﺪﻫﺘﻪ ﺣﻴﻞ ﻋﻤﻮﻭﻭﻭﻭ ﻛﻮﻡ ﺍﻟﻤﻨﺒﻪ ﺩﻙ
ﻫﺎﺍﺍﺍ ... ﻣﻤﻤﻢ ﻣﺴﻤﻌﺘﻪ ﻛﻤﺖ ... ﻛﻤﺖ
ﺭﺣﺖ ﺳﻮﻳﺘﻠﻪ ﺭﻳﻮﻙ ﺍﺟﻪ ﺗﺮﻳﻚ ... ﺭﺩﺕ ﺍﺭﻭﺡ ﺍﺭﺟﻊ ﻟﻠﻐﺮﻓﻪ ﻻﻥ ﺿﺎﻳﺠﻪ ﻣﻨﻪ
ﺟﻬﺎﺩ / ﺷﻨﻮ ﻭﻳﻦ ﺭﺍﻳﺤﻪ
ﺍﺭﺟﻊ ﺍﻧﺎﻡ
ﺷﻌﺠﺐ
ﻧﻌﺴﺎﻧﻪ
ﺗﻌﺎﻟﻲ ﻛﻌﺪﻱ ﻳﻤﻲ ﺷﻮﻳﻪ ﺍﺭﻳﺪ ﺍﺣﺠﻲ ﻭﻳﺎﺝ ﻋﻞ ﻣﻌﻬﺪ
ﻛﻌﺪﺕ ﺑﺼﻔﻪ ﻭﻛﻌﺪﺕ ﺍﺳﻤﻊ ﻣﺜﻞ ﺫﺍﻙ ﺍﻟﻴﻮﻡ ﻧﺼﺎﻳﺤﻪ ﻭﺗﻨﺒﻴﻬﺎﺗﻪ ﻣﺎﻛﻮ ﺟﺪﻳﺪ ﺍﻧﻲ ﻭﺍﻫﺰ ﺑﺮﺍﺳﻲ ﺍﻧﻮﺏ ﺳﻜﺖ ﺟﺎﻥ ﻳﻜﻠﻲ
ﻫﺎﻱ ﺍﻻﻳﺎﻡ ﻧﻮﻣﻲ ﺻﺎﻳﺮ ﺛﻜﻴﻞ ﻭﻻ ﺳﻤﻌﺖ ﺍﻟﻤﻨﺒﻪ ﻭﺻﺎﻳﺮ ﺣﺘﻰ ﻣﻦ ﺍﺣﺪ ﻳﻄﺨﻨﻲ ﻛﻮﻩ ﺍﺣﺲ ﺑﻲ
ﺳﻜﺘﺖ ﺍﻧﻲ ﻋﺮﻓﺘﻪ ﻛﻌﺪﻧﻲ ﻭﺷﻜﺪ ﺣﺠﻪ ﻋﻠﻤﻮﺩ ﻫﺎﻱ ﺍﻟﻜﻠﻤﻪ ﻳﺤﺠﻴﻬﻪ
ﺷﻮ ﻣﺘﺤﺠﻴﻦ ﻭﻳﺎﻱ ﻣﻦ ﺍﺣﺠﻲ
ﺷﻜﻮﻟﻚ ﻋﻤﻮ
ﻳﻌﻨﻲ ﻫﺎﻳﻔﺘﻨﻲ ﺍﺣﺠﻲ ﻭﺣﺪﻱ ..... ﺷﻮ ﻣﺘﻐﻴﺮﻩ ﺍﻧﺘﻲ
ﺷﻠﻮﻥ ﻣﺘﻐﻴﺮﻩ ﻋﻤﻮ
ﻫﻴﺞ ﺍﻧﺴﻲ ﺍﻟﺴﺎﻟﻔﻪ ..... ﻛﺎﻡ ﻏﺴﻞ ﻭﻃﻠﻊ ..... ﻣﺜﻞ ﻛﻞ ﻣﺮﻩ ﻧﻈﻔﺖ ﻭﺭﻛﺒﺖ ﺳﻠﻮﻯ ﻣﺘﻮﺗﺮﻩ ﻻﻥ ﻋﻤﻮ ﻣﺤﺎﺻﺮﻫﻪ ﻣﻦ ﻛﻞ ﺍﻟﺠﻬﺎﺕ ﺧﺎﺻﻪ ﻣﻦ ﺩﺭﺕ ﻣﺮﺕ ﺳﻠﻤﺎﻥ ﺭﺍﺟﻌﻪ ﺗﺨﺒﻠﺖ
ﺻﺎﺭ ﺍﻟﻌﺼﺮ ﻳﺎﻟﻠﻪ ﺭﺟﻊ .... ﻣﻦ ﺍﺟﻪ ﺟﺎﻥ ﺷﺎﻳﻞ ﻋﻼﻛﻪ ﺻﻐﻴﺮﻩ ﻭﻳﺎ ... ﺟﻨﺖ ﻣﻄﻠﻌﻪ ﻭﺭﻗﻪ ﻭﻗﻠﻢ ﻭﺍﺷﺨﺒﻂ ﺑﻴﻬﻦ ﻛﻌﺪ ﻛﺒﺎﻟﻲ ﻭﺍﻧﻄﺎﻧﻲ ﺍﻟﻌﻼﻛﻪ ﺑﺎﻭﻋﺖ ﻣﺘﻔﺎﺟﺌﻪ ﻭﺍﺑﺘﺴﻤﺖ
ﻫﺎﻱ ﺃﻟﻲ
ﺍﻱ ﻫﺬﺍ ﻣﻮﺑﺎﻳﻞ ﺍﻟﺞ ﺭﺩﺕ ﺍﺟﻴﺒﻠﺞ ﻣﻦ ﺫﻧﻲ ﺍﻟﺤﺪﻳﺜﺎﺕ ﺍﻟﻲ ﻫﺴﻪ ﻧﺎﺯﻻﺕ ﺑﺲ ﻣﻤﻨﻮﻉ ﺑﺎﻻﻗﺴﺎﻡ ﺍﻟﺪﺍﺧﻠﻴﻪ ﻳﺪﺧﻠﻦ ﻓﺠﺒﺘﻠﺞ ﻋﺎﺩﻱ .... ﻛﻠﺸﻲ ﻳﺼﻴﺮ ﻭﻳﺎﺝ ﺗﻜﻠﻴﻠﻲ
ﻓﺮﺣﺖ ﺑﺎﻟﻤﻮﺑﺎﻳﻞ ﺣﻴﻞ ﺑﺲ ﺍﻧﻘﻬﺮﺕ ﻻﻥ ﻣﻮ ﻣﺜﻞ ﻣﻮﺑﺎﻳﻠﻪ ﻣﻮﺑﺎﻳﻠﻪ ﺣﻠﻮ ﻭﺑﻲ ﻛﺎﻣﺮﺍ ﺑﺲ ﺍﺣﺴﻦ ﻣﻦ ﺍﻟﻤﺎﻛﻮ ﺑﺲ ﻣﻦ ﺣﺴﻴﺖ ﺭﺍﺡ ﺍﺭﻭﺡ ﻭﻗﺮﺏ ﺍﻟﻤﻮﻋﺪ ﻛﻠﺒﻲ ﻛﺎﻡ ﻳﻮﺟﻌﻨﻲ
ﻣﺸﻦ ٣ﻳﻮﻡ ﺑﻘﻠﻲ ﺑﺲ ﻳﻮﻣﻴﻦ ﻭﺍﺭﻭﺡ ﺣﺘﻰ ﻣﻼﺑﺲ ﺍﺷﺘﺮﻳﺖ ﺍﺧﺬﻧﻲ ﻋﻤﻮ ﻟﻠﺴﻮﻙ ﺑﺲ ﺑﺪﻭﻥ ﻣﻴﺤﺠﻲ ﻛﻠﻤﺔ ﻣﻦ ﺫﺍﻙ ﺍﻟﻴﻮﻡ .... ﻣﻜﺪﺭﺕ ﺍﻧﺎﻡ ﺣﺎﻳﺮﻩ ﻭﺧﺎﻳﻔﻪ
ﺍﺣﺲ ﺍﻟﺨﻮﻑ ﺭﺍﺡ ﻳﻤﻮﺗﻨﻲ ﻣﺎﺍﻋﺮﻑ ﻟﻴﺶ ﺧﺎﻳﻔﻪ ﻭﻃﻮﻝ ﻫﺎﻱ ﺍﻻﻳﺎﻡ ﺍﺗﺬﻛﺮ ﺍﻟﻲ ﺻﺎﺭ ﻭﻳﺎﻱ ﺑﺎﻟﻤﻠﺠﺊ ﻭﺑﺒﻴﺖ ﺧﺎﻟﻮ ﺟﺎﻧﺖ ﺍﻟﺪﻧﻴﺎ ﻇﻠﻤﻪ ﻭﻋﻤﻮ ﻧﺎﻳﻢ ﻣﻦ ﺯﻣﺎﻥ ﺗﺬﻛﺮﺕ ﺫﺍﻙ ﺍﻟﻴﻮﻡ ﺷﻠﻮﻥ ﻧﻤﺖ ﺑﺴﺮﻋﻪ ﻭﻫﻮ ﻣﻮﺟﻮﺩ ﻭﺗﺬﻛﺮﺕ ﻣﻦ ﻳﻜﻮﻝ ﻧﻮﻣﻲ ﺛﻜﻴﻞ ﻛﻤﺖ ﻧﻤﺖ ﻋﻞ ﺟﺮﺑﺎﻳﻪ ﻋﻠﻰ ﻛﻴﻒ ﺑﺲ ﺟﺮﻳﺖ ﺍﻟﻐﻄﻪ ﻋﻠﻰ ﻛﻴﻒ ﺗﻮﻧﻲ ﺗﻘﺮﺑﺖ ﻳﻤﻪ ﻭﻏﻄﻴﺖ ﺭﻭﺣﻲ ﺭﻓﻊ ﺭﺍﺳﻪ
ﻓﺮﺭﺣﻪ
ﺍﻱ
ﺷﻜﻮﻭﻭﻭﻭ ﻫﺎﺍﺍﻱ ﺷﺘﺮﻳﺪﻳﻦ
ﻣﻮ ﻋﻠﻰ ﺍﺳﺎﺱ ﻣﺘﺤﺲ ﻭﻧﻮﻣﻚ ﺛﻜﻴﻞ
ﺍﻣﺸﻲ ﺑﻔﺮﺍﺷﺞ ﻧﺎﻣﻲ ﺍﻧﺘﻲ ﺷﻨﻮﻭﻭﻭﻭﻭ
ﻫﻮ ﺭﺍﺡ ﺍﺭﻭﺡ ﺑﺲ ﺑﻌﺪ ﻟﺘﺠﺬﺏ ﻋﻤﻮﻭﻭﻭ ﺍﻧﻲ ﻣﺸﺒﻜﺘﻚ
ﻛﻤﺖ ﻧﻤﺖ ﺑﻔﺮﺍﺷﻲ ﻛﺎﻡ ﻫﻮ ﺷﻐﻞ ﺍﻟﻜﻠﻮﺏ ﻭﺍﺟﻪ ﻋﻠﻴﻪ ﺍﻧﻲ ﻛﻤﺖ ﻛﻌﺪﺕ
ﺷﻨﻮﻭﻭﻭ ﺗﻜﻮﻟﻴﻦ ﺟﺬﺍﺏ ﺍﻧﺘﻲ ﺷﻮ ﻣﻮ ﻣﺆﺩﺑﻪ
ﻻﻥ ﺍﻧﺖ ﺷﺒﻜﺘﻨﻲ .... ﻭﺍﻧﺖ ﺗﺤﺒﻨﻲ ﻣﺜﻞ ﻣﺎﺍﻧﻲ ﺍﺣﺒﻚ ﻭﺭﺍﺡ ﺗﺨﻠﻴﻨﻲ ﺍﺭﻭﺡ ﻟﻼﻗﺴﺎﻡ ﺩﺍﺧﻠﻴﻪ ﺑﺲ ﻋﻠﻤﻮﺩ ﺗﺒﻌﺪﻧﻲ ﻋﻨﻚ ﻭﺍﻟﻠﻪ
ﺍﻧﻲ ﻣﻮ ﺫﻳﺞ ﻓﺮﺣﻪ ﺍﻟﻘﺪﻳﻤﻪ ﺍﻟﻲ ﻣﺘﻌﺮﻑ ﺷﻲ .... ﺍﻣﻲ ﺍﺣﺒﻚ ﻋﻤﻮ
ﻭﺍﻧﻲ ﻣﺎﺍﻛﺪﺭ ﺍﺗﺰﻭﻭﺟﺞ ﺑﺎﺑﺎ ﻓﻬﻤﻲ
ﻟﻴﺶ ﺷﺒﻜﺘﻨﻲ ﻟﻌﺪ ﻭﺧﻠﻴﺘﻨﻲ ﺍﺣﺴﻚ ﺗﺤﺒﻨﻲ
ﻣﺠﻨﺖ ﻛﺎﺍﺍﻋﺪ ﺍﺑﺪ ﻣﺎﺍﻋﺮﻑ ﺑﻠﻲ ﺻﺎﺭ ﺷﻠﻮﻥ ﺍﺷﺒﻜﺞ ﻭﺍﻧﻲ ﺍﻋﺘﺒﺮﺝ ﻣﺜﻞ
ﻗﺒﻞ ﻟﻴﺤﺠﻲ ﺍﻧﻲ ﻣﻮﻭﻭﻭ ﺑﻨﺘﻚ ﺍﻧﻲ ﻣﻮﻭﻭ ﺑﻨﺘﻚ ﺧﺒﻠﺘﻨﻲ ﺑﻬﺎﻱ ﺍﻟﻜﻠﻤﻪ ﺍﻧﻲ ﺍﺳﻤﻲ ﻓﺮﺣﻪ ﻋﺪﻧﺎﻥ ﻭﺍﻧﺖ ﺍﺳﻤﻚ ﺟﻬﺎﺩ
ﻭﺑﻌﺪﻳﻦ ﻻ ﻣﺠﻨﺖ ﻧﺎﻳﻢ ﺍﻧﻲ ﺍﻋﺮﻓﻚ ﺍﻧﺖ ﻧﻮﻣﻚ ﺧﻔﻴﻒ .... ﻣﺎﺍﺭﻳﺪ ﺍﺭﻭﺡ ﻋﻤﻮ ﻟﻠﻤﻌﻬﺪ ﻭﺍﻟﻠﻪ ﺍﺧﺎﻑ ﻫﻨﺎﻙ ﻋﻮﺩﺗﻨﻲ ﻋﻠﻴﻚ ﻋﻮﺩﺗﻨﻲ ﺍﻻﻣﺎﻥ ﺑﺲ ﻳﻤﻚ ﻭﻫﺴﻪ ﺗﺮﻳﺪ ﺗﻌﻮﻓﻨﻲ ﺯﻳﻦ ﺍﻧﻲ ﺷﻠﻮﻥ ﺍﻋﻴﺶ ﻫﻨﺎﻙ ﺑﺪﻭﻥ ﻣﺎﺍﺷﻮﻓﻚ
ﺍﻧﺘﻲ ﻋﻮﺩﺗﻲ ﺭﻭﺣﺞ ﺑﺮﻭﺣﺞ ﺍﻧﻲ ﺍﻧﺴﺎﻥ ﻭﺍﺿﺢ ﻭﻳﺎﺝ ﻓﺪﻳﻮﻡ ﺻﺤﺘﻠﺞ ﺑﻐﻴﺮ ﻣﺎﺍﻛﻠﺞ ﺑﻨﺘﻲ ﻓﺮﺣﻪ ﻟﻮ ﻋﻤﻮ ﻓﺮﺣﻪ
ﻭﺍﻧﻲ ﻫﻢ ﺍﺻﻴﺤﻠﻚ ﻋﻤﻮ ﺑﺲ ﺑﺪﺍﺧﻠﻲ ﺍﺣﺒﻚ
ﻓﺮﺭﺣﻪ ﻧﺎﻣﻲ ﻣﺎﻟﻲ ﺧﻠﻚ ﻛﻼﻣﺞ ﻭﺍﻟﻤﻮﺿﻮﻉ ﺳﺪﻱ ﺷﻨﻮﻭﻭﻭ ﺍﺑﺘﻠﻴﺖ ﻋﻠﻰ ﻋﻤﺮﻱ ﺷﺒﻜﺘﺞ ﺳﻜﺖ ﻭﺭﺟﻊ ﻛﺎﻝ .... ﻳﻌﻨﻲ ﺑﺪﻭﻥ ﻣﺎﺍﺩﺭﻱ ﺍﻻﻧﺴﺎﻥ ﻣﺮﺍﺕ ﻭﻫﻮ ﻧﺎﻳﻢ ﻳﺴﻮﻱ ﺍﺷﻴﺎﺀ ﻣﻴﺪﺭﻱ ﺑﻴﻬﻦ ﻧﺎﻣﻲ ﺑﺎﺑﺎ ﺣﺒﻴﺒﺘﻲ ﻧﺎﻣﻲ ﻭﻓﻜﺮﻱ ﺑﺪﺭﺍﺳﺘﺞ ﻭﻣﺴﺘﻘﺒﻠﺞ ﻭﻋﻮﻓﻲ ﻫﺎﻱ ﺍﻟﻠﻐﻮﻩ ﺷﻮﻛﺖ ﺗﻜﺒﺮﻳﻦ ﻣﺎﺍﺩﺭﻱ
ﺭﺍﺡ ﻃﻔﻪ ﺍﻟﻜﻠﻮﺏ ﻭﻧﺎﻡ
ﺧﻠﺼﻦ ﺍﻟﻴﻮﻣﻴﻦ ﻭﺍﻧﻲ ﻣﻨﺎﻳﻤﻪ ﻫﻮﺍﻱ ﺑﺴﺒﺐ ﺍﻟﺘﻔﻜﻴﺮ ... ﺍﺣﺲ ﺩﻣﺎﻏﻲ ﻛﺎﻡ ﻳﻮﺟﻌﻨﻲ ﻫﻢ ﻣﻨﻪ ﻻﻥ ﺧﻼﻟﻲ ﺍﻣﻞ ﺑﻜﻠﺒﻲ ﻣﻦ ﺷﺒﻜﻨﻲ ﺫﺍﻙ ﺍﻟﻴﻮﻡ ﻭﻫﻢ ﻣﻦ ﺍﻟﺨﻮﻑ ﺍﻛﻮﻝ ﺍﻟﻨﻔﺴﻲ ﻭﺍﺻﺒﺮﻫﻪ ﻳﺠﻮﺯ ﻣﻦ ﺗﺮﻭﺣﻴﻦ ﻳﻨﻜﺴﺮ ﺣﺎﺟﺰ ﻫﺬﺍ ﺍﻟﺨﻮﻑ ﻭﻳﺎﻋﺎﺕ ﺍﻛﻮﻝ ﺧﺎﻑ ﻣﺎﺍﻛﺪﺭ ﺍﻋﻴﺶ ﻫﻨﺎﻙ
ﺩﻙ ﺍﻟﻤﻨﺒﻪ ﺭﺃﺳﺎً ﻛﻌﺪ ﻋﻤﻮ ﺟﻨﺖ ﻣﺘﻐﻄﻴﻪ ﺑﺎﻟﺒﻄﺎﻧﻴﻪ ﻭﻣﻐﻄﻴﻪ ﺭﺍﺳﻲ ﺳﻤﻌﺘﻪ ﺑﺲ ﻣﺎﺍﺭﻳﺪ ﺍﺭﻭﺡ ....
ﺻﺎﺡ ﻋﻠﻴﻪ ... ﻓﺮﺣﻪ ﻛﻮﻣﻲ ﻳﻠﻠﻪ
ﺑﻘﻴﺖ ﻣﻐﻤﻀﻪ ﻭﺑﺠﻴﺖ ﻣﺎﺍﺭﻳﺪ ﺍﺭﻭﺡ ﻋﺒﺎﻟﻚ ﺭﺍﻳﺤﻪ ﻟﻼﻋﺪﺍﻡ
ﺷﺎﻝ ﺍﻟﻐﻄﻪ ﻣﻨﻲ ﻟﻜﻠﻨﻲ ﻛﺎﻋﺪﻩ ﺑﺎﻭﻉ ﻋﻠﻴﻪ ﻭﺳﻮﺍﻟﻲ ﺍﻭﻭﻑ ﻣﻨﺞ
ﻟﻴﺶ ﻣﺘﺠﺎﻭﺑﻴﻦ ﺗﻮﻧﻲ ﻛﻌﺪﺕ
ﻳﻠﻠﻪ ﻛﻮﻣﻲ ﺧﻞ ﺍﻭﺩﻳﺞ
ﺳﻜﺘﺖ
ﻳﻠﻠﻪ ﻛﻮﻣﻲ ﻭﻣﺴﺤﻲ ﺩﻣﻮﻋﺞ ... ﻟﻮ ﺷﻜﺪ ﻣﺘﺒﺠﻴﻦ ﺗﺮﻭﺣﻴﻦ ﺍﻟﻴﻮﻡ
ﺍﺣﺴﻦ ﺍﻟﺞ ﺑﺎﺑﺎ ﻓﻬﻤﻴﻬﻪ
ﺑﺎﻭﻋﺖ ﻋﻠﻲ ﺑﺤﻘﺪ ﻭﻛﻤﺖ ... ﻧﺎﻗﺺ ﺑﺲ ﻳﻄﺒﻞ ﻣﻦ ﺍﻟﻔﺮﺡ ﻻﻥ ﺭﺍﺡ ﺍﺭﻭﺡ
ﺍﺧﺬﺕ ﻣﻼﺑﺴﻲ ﻭﺭﺣﺖ ﺑﺪﻟﺖ ﺑﺎﻟﺤﻤﺎﻡ ﺍﺑﺎﻭﻉ ﻋﻞ ﺣﻤﺎﻡ ﻭﻋﻞ ﺑﻴﺖ ﺭﺍﺡ ﺍﺷﺘﺎﻗﻠﻪ ﻫﻮﺍﻱ ﺭﺟﻌﺖ ﻟﻠﻐﺮﻓﻪ ﻟﻜﻴﺘﻪ ﺑﺎﻟﻤﻄﺒﺦ ﻣﺤﻀﺮ ﺍﻟﺮﻳﻮﻙ .... ﻛﺎﻝ ﺭﺍﺡ ﺍﺧﺬﻟﻲ ﺩﻭﺵ ﻭﻧﺘﺮﻳﻚ
ﻣﺠﺎﻭﺑﺘﻪ ﺑﺲ ﺑﺎﻭﻋﺖ ﻋﻠﻲ .... ﺭﺣﺖ ﺻﻌﺪﺕ ﻓﻮﻙ .... ﺍﻟﻐﺮﻓﺔ ﺭﻳﻬﺎﻡ ﻭﺭﻣﺎﻧﻪ ﻣﺘﺤﻮﻟﻪ ﻳﻤﻬﻪ ﺑﻤﻜﺎﻧﻲ ﻣﺠﺎﻧﻦ ﻳﺪﺭﻥ ﺑﻴﻪ ﺭﺍﺡ ﺍﺭﻭﺡ ﻣﻜﺪﺭﺕ ﺍﻭﺩﻋﻬﻦ ﻭﺍﻛﻠﻠﻬﻦ ﺑﻌﺪ ﻣﺎﺍﺷﻮﻓﺠﻦ ﻭﻋﻤﻮ ﺭﺍﺡ ﻳﻄﻠﻜﻨﻲ ﺑﺎﻭﻋﺖ ﻋﻠﻴﻬﻦ ﻣﻦ ﺑﻌﻴﺪ ﻭﻧﺰﻟﺖ...بيج قصص عراقيه حقيقيه من واقعنا.روعه الطائي
ﺑﺪﻝ ﻋﻤﻮ ﻭﺗﺮﻳﻚ ﻭﻃﻠﻌﻨﻪ ﺑﺪﻭﻥ ﻣﻨﺤﺠﻲ ﺣﺘﻰ ﺑﺎﻟﺴﻴﺎﺭﻩ ﺳﺎﻛﺘﻴﻦ .... ﻓﺠﺄﻩ ﻛﺎﻝ ﻋﻤﻮ
ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﺑﺎﻭﻋﺖ ﻋﻠﻲ ﺑﺤﺰﻥ .... ﻭﺍﻧﺖ ﻟﺘﺸﺮﺏ ﺟﻜﺎﻳﺮ ﻫﻮﺍﻱ ﺍﻟﻜﺤﻪ ﺧﻔﺖ ﻋﻠﻴﺠﻚ ﻭﺍﻧﻲ ﻣﻼﺣﻈﺘﻚ ﻫﺎﻱ ﺍﻻﻳﺎﻡ ﺗﺰﺍﻏﻞ ﻭﺗﺸﺮﺏ ﺟﻜﺎﻳﺮ ﻫﻮﺍﻱ
ﺭﺍﺡ ﺍﺧﻠﺺ ﻣﻦ ﻧﻜﺞ ﻣﻤﺼﺪﻙ
ﺑﺎﻭﻋﺖ ﺑﺤﺰﻥ ﻫﻠﻲ ..... ﺍﻟﻬﺎﻱ ﺍﻟﺪﺭﺟﻪ ﺗﻜﺮﻫﻨﻲ ﻋﻤﻮ
ﻫﻮﻭﻭﺍﻱ ﺍﻛﺜﺮ ﻣﺎ ﺗﺘﻮﻗﻌﻴﻦ
ﺍﻧﺼﺪﻣﺖ ﻭﺭﺩﺕ ﺍﺑﺠﻲ ﺩﺭﺕ ﻭﺟﻬﻲ ﻋﻞ ﺟﺎﻣﻪ ﺍﺣﺲ ﺣﺮﻛﻪ ﺑﻜﻠﺒﻲ ﺻﺎﺭﺕ .... ﻛﻠﻲ
ﺍﻛﻴﺪ ﺍﺣﺒﺞ ﺍﻧﺘﻲ ﻣﺜﻞ ﺑﻨﺎﺗﻲ ﺑﺲ ﻣﻦ ﻛﺜﺮ ﻣﺎ ﺗﺤﺠﻴﻦ ﺭﺩﺕ ﺍﺿﻮﺟﺞ
ﺭﺟﻌﺖ ﺩﺭﺕ ﻋﻠﻲ ....
ﺳﻜﺖ ﺍﺧﺬﺕ ﻧﻔﺲ ..... ﻛﺮﺍﻣﺘﻲ ﺭﺍﺣﺖ ﻭﺍﻧﻲ ﺍﻛﻠﻚ ﺍﺣﺒﻚ ﻭﺍﻛﻠﻚ ﺍﻧﻲ ﻣﻮ ﺑﻨﺘﻚ
ﺷﺴﻮﻱ ﺍﻣﺮﻱ ﻟﻠﻪ ﻣﺜﻞ ﺑﻨﺎﺗﻚ ﻣﺜﻞ ﺑﻨﺎﺗﻚ
ﺩﺍﺭ ﻋﻠﻴﻪ ﺷﻮ ﺳﺎﻛﺘﻪ ﻭﺗﺒﺎﻭﻋﻴﻦ ﻋﻠﻴﻪ
ﻫﻴﺞ
ﻣﻮﺑﺎﻳﻠﺞ ﺷﺤﻨﻲ ﻣﻮ ﺍﺧﺎﺑﺮ ﻋﻠﻴﺞ ﺍﻟﻜﺎﺝ ﻣﻐﻠﻖ ﻭﺍﻱ ﺷﻲ ﻳﺼﻴﺮ ﺑﻠﻐﻴﻨﻲ ﺑﻲ
ﻭﺩﻳﺮ ﺑﺎﻟﺞ ﻣﻦ ﺍﻟﺒﻨﺎﺕ ﺍﻛﻮ ﺑﻴﻬﻦ ﻣﻠﻌﺒﺎﺕ ﻣﻮ ﻳﺴﺘﻐﻠﻦ ﻋﻘﻠﺞ ﻭﻳﺠﺮﻧﺞ ﺍﻟﻄﺮﻳﻖ ﻣﻮ ﺯﻳﻦ ﻭﺩﻳﺮ ﺑﺎﻝ ﺑﺎﻟﺞ ﺗﺤﺠﻴﻦ ﺍﻟﻮﺣﺪﻩ ﻋﻦ ﺣﻴﺎﺗﺞ ﺍﻱ ﺷﻲ ﻣﺘﺤﺠﻴﻦ ﺍﻧﺘﻲ ﺩﺍﺧﻠﻪ ﺗﺪﺭﺳﻴﻦ ﻭﺑﺲ ﻭﺍﻧﻲ ﺍﻥ ﺷﺎﺀ ﺍﻟﻠﻪ ﻫﺎﻱ ﺍﻟﻔﺘﺮﻩ ﺭﺍﺡ ﺍﺑﻠﺶ ﺑﻤﻌﺎﻣﻠﺔ ﺍﻟﻄﻼﻙ
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻱ
ﺍﻭﻝ ﻣﺘﻄﻠﻌﻴﻦ ﻣﻦ ﺍﻟﻤﻌﻬﺪ ﺧﺎﺑﺮﻳﻨﻲ
ﺍﻱ
ﻃﻠﻊ ﻓﻠﻮﺱ ﻭﺍﻧﻄﺎﻧﻴﺎﻫﻦ .... ﻫﺬﺍ ﻣﺼﺮﻓﺞ ﻣﻮ ﺗﺒﺬﺭﻳﻦ ﺍﺻﺮﻓﻲ ﺑﻌﻘﻼﻧﻴﻪ
ﻛﻞ ﺷﻬﺮ ﺭﺍﺡ ﺍﻧﻄﻴﺞ ﻣﺼﺮﻓﺞ ﻣﺜﻞ ﻣﺘﻔﻘﺖ ﻭﻳﺎﺝ
ﻃﻠﻌﻪ ﺧﺎﺭﺝ ﺍﻟﻤﻌﻬﺪ ﻣﺘﻄﻠﻌﻴﻦ ﻭﺍﺫﺍ ﺭﺩﺗﻲ ﺗﻄﻠﻌﻴﻦ ﺗﻨﻄﻴﻨﻲ ﺧﺒﺮ
ﺳﻜﺘﺖ ﻭﺩﺭﺕ ﻭﺟﻬﻲ ﺍﻟﺒﺠﻴﻪ ﺣﺼﺮﺗﻨﻲ ﺑﻌﺪ ﻣﺎﺍﺗﺤﻤﻞ ﻣﺎﺍﺣﺲ ﺍﻟﻪ ﻧﺰﻟﺖ ﺩﻣﻮﻋﻲ ﻛﻤﺖ ﺍﻣﺴﺢ ﺑﻴﻬﻦ ﺣﺘﻰ ﻣﻴﻨﺘﺒﻪ ﻋﻠﻴﻪ ﺑﻘﻴﺖ ﺩﺍﻳﺮﻩ ﻭﺟﻬﻲ ﺍﻟﺤﺪ ﻣﻮﺻﻠﻨﻪ ﻟﻼﻗﺴﺎﻡ ﺍﻟﺪﺍﺧﻠﻴﻪ ﻣﻦ ﻭﻛﻔﺖ
ﻭﺻﻠﻨﻲ ﻧﺰﻟﺖ ﻣﻦ ﺍﻟﺴﻴﺎﺭﻩ .... ﻛﻠﻰ ﺍﻣﻞ ﻳﻐﻴﺮ ﺭﺃﻳﻪ ..... ﻭﺩﻣﻮﻋﻲ ﻣﺎﻛﺪﺭ ﺍﺳﻴﻄﺮ ﻋﻠﻴﻬﻦ ﻳﻌﻨﻲ ﻫﺬﺍ ﻫﻮ ﺑﻌﺪ ﻣﺎﺍﺷﻮﻓﻪ ﻳﻮﻣﻴﻪ ﻣﺎﺍﺻﺒﺢ ﺑﻮﺟﻬﻪ ﻭﺍﻧﺘﻈﺮﻩ ﺑﻠﻬﻔﻪ ﻣﻦ ﻳﺮﺟﻊ ﻣﻦ ﺍﻟﺪﻭﺍﻡ ﻭﻻ ﺍﺗﺄﻣﻞ ﻭﺟﻬﻪ ﻭﻫﻮ ﻧﺎﻳﻢ .... ﺷﻜﺪ ﻳﻮﺟﻊ ﺍﻟﻜﻠﺐ ﻣﻦ ﻳﺤﺐ ﺍﻧﺴﺎﻥ ﻣﻴﺤﺒﻪ
ﺑﺎﻭﻉ ﻋﻠﻴﻪ .... ﻟﻴﺶ ﻫﺬﺍ ﺍﻟﺒﺠﻲ ﻓﺮﺣﻪ ﺷﺤﺠﻴﻨﺎ ﺍﺣﻨﻪ
ﺍﻧﻲ ﻣﻜﺎﻋﺪ ﺍﺑﺠﻲ
ﻫﺴﻪ ﺗﺘﻌﻮﺩﻳﻦ
ﺍﻋﺮﻑ
ﻟﻌﺪ ﺍﺫﺍ ﺗﻌﺮﻓﻴﻦ ﻟﻴﺶ ﺗﺒﺠﻴﻦ
ﻣﺎﺍﺩﺭﻱ
ﻳﻠﻠﻪ ﺑﻨﺘﻲ ﺭﻭﺣﻲ
ﻛﺎﻓﻲ ﺗﻜﻮﻝ ﻫﺎﻱ ﺍﻟﻜﻠﻤﻪ ﻋﻠﻴﻚ ﺍﻟﻠﻪ
ﺑﻨﺘﻲ ﻭﺍﻛﻮﻟﻬﻪ ﻏﺼﺒﺎً ﻣﺎﻋﻠﻴﺞ ﻻﻥ ﺍﻧﺘﻲ ﻣﺜﻞ ﺑﻨﺘﻲ ﻳﻠﻠﻪ ﺣﺒﻴﺒﺘﻲ ﺭﻭﺣﻲ ﻭﻣﺜﻞ ﻣﻮﺻﻴﺘﺞ
ﻟﻮ ﺗﻌﺘﺒﺮﻧﻲ ﺑﻨﺘﻚ ﺻﺤﻴﺢ ﺟﺎﻥ ﻣﺤﺎﻭﻟﺖ ﺗﺘﺨﻠﺺ ﻣﻨﻲ ﺍﻋﺮﻑ ﺍﻧﺖ ﺗﺤﺒﻨﻲ ﻣﺜﻞ ﻣﺎﺍﻧﻲ ﺍﺣﺒﻚ ... ﺣﺘﻰ ﺍﺫﺍ ﻛﺘﻠﻚ ﻫﺎﻟﻜﻼﻡ ﺭﺍﺡ ﺗﻨﻜﺮ ﻓﻤﺎﻛﻮ ﺩﺍﻋﻲ ﺍﺣﺠﻲ ﺧﻠﻲ ﺑﻜﻠﺒﻲ ﺍﺣﺴﻦ ﺩﺧﻠﺖ ﻭﻋﻔﺘﻪ .... ﺑﺎﺟﺮ ﺍﻭﻝ ﻳﻮﻡ ﺍﻟﻲ ﺑﺎﻟﻤﻌﻬﺪ ..... ﺩﺧﻠﺖ ﻟﻼﻗﺴﺎﻡ ﺍﻟﺪﺍﺧﻠﻴﻪ .... ﻓﺘﺸﻮﻓﻨﻲ ﺑﺘﺪﻗﻴﻖ ﻋﺒﺎﻟﻚ ﻣﺎﺍﺩﺭﻱ ﻭﻳﻦ ﺩﺍﺧﻠﻪ ﻛﻠﻪ ﻋﻠﻤﻮﺩ ﺍﻟﻤﻮﺑﺎﻳﻞ ﻭﺍﻧﻲ ﻃﺎﻓﺮﻩ ﺭﻭﺣﻲ ﻭﺯﻫﻜﺎﻧﻪ ﻭﺩﻣﻌﺘﻲ ﻣﺘﻘﺒﻞ ﺗﺴﻜﺖ .....
ﺍﻟﺤﺪ ﻣﺎ ﺩﺧﻠﺖ ﻟﻠﻐﺮﻓﻪ ﻛﺮﻫﺖ ﺭﻭﺣﻲ .... ﺟﺎﻧﺖ ﻏﺮﻓﻪ ﺑﻴﻬﻪ ٣ﺃﺳﺮﻩ ﻭﺑﺼﻔﻬﻪ ﻏﺮﻓﻪ ﺣﻴﻞ ﺻﻐﻴﺮﻩ ﺑﻴﻬﻪ ﻃﺒﺎﺥ ﺻﻐﻴﺮ
ﺍﻟﺴﻼﻡ ﻋﻠﻴﻜﻢ
ﺟﺎﻧﻦ ﺑﻨﺎﺕ ﺍﺛﻨﻴﻦ ﻛﺎﻋﺪﺍﺕ ﻳﺴﻮﻟﻔﻦ ﻭﻣﺒﻴﻨﺎﺕ ﺻﺪﻳﻘﺎﺕ ﻣﻘﺮﺑﺎﺕ ﻭﺣﺪﻩ ﻣﻨﻬﻦ ﺗﺒﺠﻲ ﻭﺍﻟﺜﺎﻧﻴﻪ ﻳﻤﻜﻦ ﺗﺼﺒﺮ ﺑﻴﻬﻪ
ﻭﻋﻠﻴﻜﻢ ﺍﻟﺴﻼﻡ .... ﻭﺭﺟﻌﻦ ﻳﺘﻬﺎﻣﺴﻦ ﺑﻴﻨﺎﺗﻬﻦ ﺣﺴﻴﺖ ﻧﻔﺴﻲ ﺛﻘﻴﻠﻪ ﻋﻠﻴﻬﻦ ﻭﺩﺧﻠﺖ ﺑﻮﻗﺖ ﻣﻮ ﻣﻨﺎﺳﺐ
ﻭﻳﻦ ﺍﻧﺎﻡ ﻋﻠﻰ ﻳﺎ ﺟﺮﺑﺎﻳﻪ
ﻟﻸﺳﻒ ﻣﺎﺍﻟﺞ ﺟﺮﺑﺎﻳﻪ ﻻﻥ ﻫﺎﻱ ﻣﻜﺴﻮﺭﻩ ﻣﻦ ﺗﺮﻳﺪﻳﻦ ﺗﻨﺎﻣﻴﻦ ﻧﺰﻟﻲ ﻓﺮﺍﺷﺞ ﻭﻧﺎﻣﻲ
ﻣﺎﺷﻲ ﺗﺴﻠﻤﻴﻦ
ﺑﻘﻴﺖ ﺷﻜﺪ ﻣﺎﺍﺣﺎﻭﻝ ﺍﻭﺧﺮ ﺑﺎﻟﻲ ﻣﻨﻬﻢ ﺑﺲ ﺑﺎﻟﻲ ﻳﻤﻬﻦ ﻣﻊ ﺍﻟﻌﻠﻢ ﻳﺤﺠﻦ ﺑﺼﻮﺕ ﻧﺎﺻﻲ ﺑﺲ ﻣﺎﺍﻛﺪﺭ ﺳﻤﻌﺖ ﻭﺷﻮﻳﻪ ﻓﻬﻤﺖ ﺍﻟﺒﻨﻴﻪ ﺣﺎﻣﻞ ﻣﺘﺰﻭﺟﻪ ﻣﻤﺘﺰﻭﺟﻪ ﻣﺎﺍﺩﺭﻱ ﺍﻟﻲ ﻓﻬﻤﺘﻪ ﺗﺮﻳﺪ ﺗﻮﻛﻊ ﺍﻟﻄﻔﻞ
ﻣﺴﺄﻟﻨﻲ ﻋﻠﻰ ﺍﺳﻤﻲ ﻭﻻ ﺍﻧﻲ ﺳﺄﻟﺘﻬﻦ ... ﺍﺣﺲ ﻧﻔﺴﻲ ﻣﺨﺘﻨﻜﻪ ﺣﻴﻞ ﻭﺟﻌﺖ ﺷﻠﻮﻥ ﺍﻛﻞ ﻣﺎﺍﻋﺮﻑ ﻫﻤﻪ ﻳﺎﻛﻠﻮﻥ ﻭﻳﻦ ﻟﻮ ﺷﻠﻮﻥ ﻣﺎﺍﺩﺭﻱ ﻭﻫﻨﻪ ﻫﻢ ﻣﺄﻛﻠﻦ ﻓﺮﺷﺖ ﻓﺮﺍﺷﻲ ﻭﺳﻜﺘﺖ ﻛﻠﺸﻲ ﻣﺎﺍﻋﺮﻑ ﻭﻳﻦ ﻣﺎﺍﻭﻟﻲ ﻣﺎﺍﻋﺮﻑ ﺷﻨﻮ ﻭﺷﻠﻮﻥ ﺍﺗﺼﺮﻑ ﻭﺍﻛﻮﻝ ﺑﻜﻠﺒﻲ ﻫﻤﻪ ﻏﻴﺮ ﺍﻻﻗﺴﺎﻡ ﺍﻟﺪﺍﺧﻠﻴﻪ ﻣﻔﺮﻭﺽ ﻳﻨﻄﻮﻧﻪ ﺍﻛﻞ
ﺍﻛﻠﺞ ﺍﻧﺘﻲ ﺷﺴﻤﺞ ﻣﺘﻌﺮﻓﻨﻪ
ﻣﻦ ﺳﺄﻟﺘﻨﻲ ﻋﻠﻰ ﺍﺳﻤﻲ ﺍﺑﺘﺴﻤﺖ ﻭﺍﺧﻴﺮﺍً ﺣﺠﻮ ﻭﻳﺎﻳﻪ ﻓﺮﺣﻪ
ﻭﺍﻧﻲ ﺍﻳﻤﺎﻥ ﻭﻫﺎﻱ ﺭﻭﻧﻖ ﻭﻭﻳﺎﻧﻪ ﻟﺒﻨﻰ ﺑﻌﺪ ﺑﺲ ﺑﻌﺪ ﺍﻻﺳﺒﻮﻉ ﺍﻟﻴﺠﻲ ﻳﺎﻟﻠﻪ ﺗﺠﻲ ﻧﺪﺣﺴﻬﻪ ﻭﻳﺎﻧﻪ
ﻋﺎﺩﻱ
ﻛﻠﺸﻲ ﻋﺎﺩﻱ ﺑﺎﻟﻌﺮﺍﻕ ﺍﻟﻌﻈﻴﻢ .... ﺍﺣﻨﻪ ﻣﻦ ﺫﻳﺞ ﺍﻟﺴﻨﻪ ﻛﻠﺸﻲ ﻧﺘﻘﺎﺳﻢ ﺑﻲ
ﻳﻌﻨﻲ ﻛﻞ ﺷﻬﺮ ﺗﻨﻄﻴﻨﻲ ﻣﺒﻠﻎ ﻋﻠﻤﻮﺩ ﺍﻻﻛﻞ ﻣﻦ ﻛﻞ ﻭﺣﺪﻩ ﺑﻴﻨﻪ
ﻟﻌﺪ ﻭﺍﻻﻗﺴﺎﻡ ﺍﻟﺪﺍﺧﻠﻴﻪ ﻏﻴﺮ ﻫﻤﻪ ﻳﻨﻄﻮﻧﻪ ﺍﻛﻞ
ﻋﻮﻓﺞ ﻣﻦ ﻫﺎﻟﺴﻮﺍﻟﻒ ﺍﻧﻄﻴﻨﻲ ﻫﺴﻪ ١٠٠ ﻭﺍﺫﺍ ﻋﻨﺪﺝ ﻣﺎﻝ ﺷﻬﺮﻳﻦ ﺑﻌﺪ ﺍﺣﺴﻦ
ﺻﻔﻨﺖ ﺑﻮﺟﻬﻪ ﻛﺘﻠﻬﻪ ﻋﻨﺪﻱ ﺑﺲ ﻣﺎﻝ ﺷﻬﺮ
ﺍﻧﻄﻴﻨﻲ ﻟﻌﺪ
ﺑﺎﻭﻋﺖ ﻃﻠﻌﺖ ﺍﻟﻔﻠﻮﺱ ﻛﺪﺍﻣﻬﻪ .... ﺟﺮﺗﻬﻦ ﻣﻨﻲ ﻛﺎﻟﺖ ﺧﻞ ﻧﺸﻮﻑ ﺷﻜﺪ ﻋﻨﺪﺝ
ﻋﻤﻮ ﺟﺎﻥ ﻣﻨﻄﻴﻨﻲ ٢٠٠ﺍﻟﻒ ﺍﺧﺬﺕ ١٥٠ﻭﺍﻧﻄﺘﻨﻲ ٥٠ﺍﻧﻲ ﺑﻘﻴﺖ ﻣﺼﺪﻭﻣﻪ
ﻣﺎﺍﻋﺮﻑ ﺷﺴﻮﻱ ﻓﺸﻠﺖ ﻭﺍﺳﺘﺤﻴﺖ ﺍﺣﺠﻲ ﺿﻤﻴﺖ ﺍﻟﺒﺎﻗﻲ ﻭﺳﻜﺘﺖ
ﺍﻋﺬﺭﻳﻨﻲ ﺑﺲ ﻣﺤﺘﺎﺟﻪ ﻫﺎﻱ ﺍﻟﻔﻠﻮﺱ
ﻋﺎﺩﻱ ﻣﺼﺎﺭ ﺷﻲ
ﺑﺎﻭﻋﺖ ﺭﺍﺣﺖ ﻟﻠﺒﻨﻴﻪ ﺍﻻﺳﻤﻬﻪ ﺭﻭﻧﻖ ﺟﺎﻧﺖ ﺻﺎﻓﻨﻪ ﺑﻐﻴﺮ ﻋﺎﻟﻢ ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﺷﻮﻳﻪ ﻭﺳﻮﺕ ﺑﻴﺾ ﻭﺟﺎﻱ ﺍﻛﻠﺖ ﻭﻳﺎﻫﻪ ﻭﺍﻧﻲ ﻛﻠﺸﻲ ﻣﻤﻔﺘﻬﻤﻪ
ﻋﻤﻮ ﻛﻞ ﺷﻮﻳﻪ ﻳﺨﺎﺑﺮﻧﻲ .... ﺍﺧﺮ ﺷﻲ ﺑﻠﻴﻞ . ﺳﺄﻟﻨﻲ ﻋﻞ ﻭﺿﻊ ﻭﺳﺪﻩ
ﻣﺮ ﺍﺳﺒﻮﻉ ﺍﻟﻲ ﻛﻤﺖ ﺍﺩﺍﻭﻡ ﺑﺲ ﺍﻟﺨﻨﻜﻪ ﺣﺎﺻﺮﺗﻨﻲ ﻭﻳﻮﻣﻴﻪ ﺍﺑﺠﻲ ﺗﻌﺒﺎﻧﻪ ﺣﻴﻞ ﻭﻣﺨﺘﻨﻜﻪ ﻭﻋﻴﻨﻲ ﻋﻠﻰ ﺍﻟﻤﻮﺑﺎﻳﻞ ﺍﻧﺘﻈﺮ ﺍﺗﺼﺎﻟﻪ ﻣﻦ ﻳﺘﺼﻞ ﺑﻴﻪ ﺍﺣﺲ ﻳﺮﺟﻌﻠﻲ ﺍﻟﻨﻔﺲ ﻳﺤﺠﻲ ﻛﻠﻤﺘﻴﻦ ﻭﻳﺴﺪﻩ ﻭﻭﻳﻪ ﻛﻞ ﺍﺗﺼﺎﻝ ﻳﻜﻮﻝ ﻫﻠﻮ ﺑﺎﺑﺎ ﻟﻮ ﻫﻠﻮ ﻋﻤﻮ
ﻭﻣﻦ ﺍﺭﺑﻂ ﺗﺼﺮﻓﺎﺗﻪ ﻭﻳﺎﻱ ﺳﺎﻋﺎﺕ ﺍﺣﺴﻪ ﻳﺤﺒﻨﻲ ﻭﺳﺎﻋﺎﺕ ﻣﺠﺮﺩ ﻭﻫﻢ
ﺷﻠﻮﻥ ﺍﻗﻨﻊ ﺭﻭﺣﻲ ﻭﺍﻋﺘﺒﺮﻩ ﻣﺜﻞ ﻣﻴﻌﺘﺒﺮﻧﻲ ﻣﺎﺍﻋﺮﻑ
ﺗﻌﺮﻓﺖ ﻋﻠﻰ ﺑﻨﺎﺕ ﺑﺎﻟﻤﻌﻬﺪ ﻭﺍﻟﺒﻨﺎﺕ ﺍﻟﻲ ﻭﻳﺎﻳﻪ ﻫﻢ ﺗﻌﺮﻓﺖ ﻋﻠﻴﻬﻦ ﺣﺒﺎﺑﺎﺕ .... ﺑﺲ ﻣﻌﺮﻓﻪ ﺳﻄﺤﻴﻪ
ﺟﻨﺖ ﻧﺎﻳﻤﻪ ﻛﻌﺪﺕ ﻋﻠﻰ ﺻﻮﺕ ﺭﻭﻧﻖ ﺗﺒﺠﻲ ﻭﺗﺼﻴﺢ ﺑﺲ ﺑﺼﻮﺕ ﻣﺨﻨﻮﻙ..بيج قصص عراقيه حقيقيه من واقعنا.روعه الطائي
ﺍﻟﻠﻪ ﻻ ﻳﻮﻓﻘﻚ .... ﺷﺴﻮﻱ ﺍﻧﻲ ﻫﺴﻪ ﺗﺮﻳﺪ ﺍﻫﻠﻲ ﻳﺬﺑﺤﻮﻧﻲ ﺣﻘﻴﺮ
ﺷﻨﻮﻭﻭﻭ ﻣﺸﻜﻠﺘﻲ ﻭﺍﻧﺖ ﻟﻌﺪ ﺷﻨﻮﻭﻭﻭﻭﻭ ﺷﻨﻮﻭ ﻭﺭﻃﺘﻨﻲ ﻭﺧﻠﻴﺘﻨﻲ ﺍﺻﺪﻙ ﺑﻴﻚ ﻟﻚ ﺍﻧﺖ ﻏﻴﺮ ﺗﻌﺘﺒﺮ ﺭﺟﻠﻲ ﻭﺳﻠﻤﺘﻚ ﺭﻭﺣﻲ
ﻛﻌﺪﺕ ﻋﻠﻰ ﺣﻴﻠﻲ .... ﺍﻳﻤﺎﻥ ﺟﺮﺕ ﻣﻨﻬﻪ ﺍﻟﻤﻮﺑﺎﻳﻞ ﻭﻛﺎﻣﺖ ﺗﺮﺯﻝ ﺑﻲ ﻭﺑﻌﺪﻳﻦ ﻛﺎﻟﺖ ﺳﺪ ﺍﻟﺨﻂ ﺑﻮﺟﻬﻪ
ﺷﺴﻮﻭﻱ ﻫﺴﻪ ﺍﻧﻲ ﻓﻬﻤﻴﻨﻲ ﻛﺎﻳﻠﻲ ﺷﺘﺼﺮﻑ ﺍﻣﻲ ﺍﺫﺍ ﺩﺭﺕ ﺗﻤﻮﺕ ﻭﺍﻟﻠﻪ ... ﻭﺍﻟﻠﻪ ﺗﻤﻮﺕ ﻣﻦ ﻭﺭﺍﻳﻪ ﻭﻋﻤﺎﻣﻲ ﻳﺬﺑﺤﻮﻧﻲ
ﻛﻢ ﻣﺮﻩ ﻛﺘﻠﺞ ﻟﺘﺼﺪﻛﻴﻦ ﺑﻲ
ﻟﺞ ﻫﻮﻭﻭ ﺧﺒﻠﻨﻲ ﻳﻠﺢ ﻳﻠﺢ ﻳﻠﺢ ﻭﻏﺼﺒﻨﻲ ﻣﻴﺖ ﻣﺮﻩ ﻛﺘﻠﺞ
ﺍﻧﻲ ﺻﺎﻓﻨﻪ ﺍﺑﺎﻭﻉ ﻋﻠﻴﻬﻪ ﺗﻘﻬﺮ ﻭﺗﺒﺠﻲ ﺑﺤﺮﻛﻪ
ﻧﺰﻟﻲ ﺍﻟﻄﻔﻞ
ﻭﻣﻨﻮ ﻳﺘﺰﻭﺟﻨﻲ ﺑﻌﺪ ﻻﺯﻡ ﺍﺑﻘﻪ ﻃﻮﻝ ﻋﻤﺮﻱ ﺑﺪﻭﻥ ﺯﻭﺍﺝ
ﺍﺑﻘﻲ ﺑﺪﻭﻥ ﺯﻭﺍﺝ ﺍﺣﺴﻦ ﻣﺘﺠﻴﺒﻴﻦ ﺍﻟﻌﺎﺭ ﺍﻝ ﺍﻫﻠﺞ ﺍﻣﺞ ﺧﻄﻴﻪ ﻏﺒﻴﻪ ﺍﻧﺘﻲ ﻓﻜﺮﻱ ﺑﻴﻬﻪ
ﻭﻭﻳﻦ ﺍﻭﻛﻊ ﺍﻟﻄﻔﻞ ﻭﺷﻠﻮﻥ
ﻣﺒﻘﻪ ﺷﻲ ﻭﻳﻜﻤﻞ ﺍﻟﻤﺒﻠﻎ ﻭﻫﺴﻪ ﻫﻢ ﺭﺍﺡ ﺗﺠﻲ ﻟﺒﻨﻰ ﻭﻧﺎﺧﺬ ﻣﻨﻬﻪ
ﺑﻠﻠﻪ ﺻﺎﺭ ﺷﻲ
ﻣﻴﺼﻴﺮ ﺍﻥ ﺷﺎﺀ ﺍﻟﻠﻪ
ﺍﻧﻲ ﺍﺑﺎﻭﻉ ﺻﺎﻓﻨﻪ .... ﺷﺪﻳﺼﻴﺮ ﺩﺍﺭﺕ ﻋﻠﻴﻪ ﺭﻭﻧﻖ
ﻓﺮﺣﻪ ﺫﻣﻪ ﺑﺮﻛﺒﺘﺞ ﺍﺫﺍ ﻃﻠﻌﺘﻲ ﻫﺎﻱ ﺍﻟﺸﻐﻠﻪ ﺧﻄﻴﻪ ﺍﻳﻤﺎﻥ ﻭﺍﻛﻌﻪ ﺑﻤﺼﻴﺒﻪ ﻳﻨﻴﻤﻪ ﻭﻫﺬﺍ ﺍﻟﺴﺎﻓﻞ ﺻﺤﻚ ﻋﻠﻴﻬﻪ ﺧﻄﻴﺒﻬﻪ ﻭﻫﺎﻗﺪﻳﻦ ﺳﻴﺪ ﻭﻣﺤﻜﻤﻪ ﻫﻢ ﻭﻫﺴﻪ ﻣﻦ ﺻﺎﺭﺕ ﺣﺎﻣﻞ ﻣﻴﻘﺒﻞ ﻳﻜﻤﻞ ﺯﻭﺍﺟﻪ ﻣﻨﻬﻪ
ﺍﻟﻠﻪ ﻻ ﻳﻨﻄﻲ ... ﻟﺘﺨﺎﻓﻴﻦ ﻗﺎﺑﻞ ﺍﻟﻤﻦ ﺍﺣﺠﻲ ﺍﻧﻲ
ﺍﻱ ﺑﺸﺮ ﻟﺘﺤﺠﻴﻠﻪ ﺗﻨﻔﻀﺢ ﺧﻄﻴﻪ
ﺍﻱ ﻃﺒﻌﺎً ﻣﺎﺍﺣﺠﻲ ﺍﺣﺘﺎﺟﻦ ﺍﻟﺒﻨﺎﺕ ﻓﻠﻮﺱ ﻭﺗﻮﺳﻠﺖ ﺑﻴﻪ ﺍﻳﻤﺎﻥ ﺍﺩﺑﺮﻫﻦ ﻭﻫﻴﻪ ﺣﺘﻰ ﻣﺘﻌﺮﻓﻨﻲ ﺍﻧﻘﻬﺮﺕ ﻋﻠﻴﻬﻪ ﻭﺧﺎﺑﺮﺕ ﻋﻤﻮ
ﺍﻟﻮ ﻋﻤﻮ
ﻫﻠﻮ ﺑﺎﺑﺎ
ﺑﻜﻠﺒﻲ / ﺧﺮﺏ ﺣﻈﻲ ﻫﻢ ﺑﺎﺑﺎ ﺍﻭﻭﻑ ﻣﻨﻚ ﻳﺎ ﻋﻤﻮ
ﻋﻤﻮ ﺷﻠﻮﻧﻚ
ﺯﻳﻦ ﻭﺍﻧﺘﻲ
ﺯﻳﻨﻪ
ﺗﻌﻮﺩﺗﻲ ﻣﺒﻴﻦ ﻣﻦ ﺻﻮﺗﺞ
ﺍﻱ
ﺧﻮﻣﺎ ﻣﺤﺘﺎﺟﻪ ﺷﻲ
ﻫﺎ
ﻣﺤﺘﺎﺟﻪ ﺷﻲ
ﺍﻱ
ﺷﻨﻮ
ﻣﺤﺘﺎﺟﻪ ﻓﻠﻮﺱ
ﺷﻨﻮﻭﻭ ﻭﺍﻟﻔﻠﻮﺱ ﺍﻟﻲ ﺍﻧﻄﻴﺘﻬﻦ ﺍﻟﺞ ﺷﺴﻮﻳﺘﻲ ﺑﻴﻬﻦ
ﻋﻤﻮ ﻭﺍﻟﻠﻪ ﻣﺎﺍﺩﺭﻱ
ﺷﻨﻮ ﺍﻟﻲ ﻣﺘﺪﺭﻳﻦ ﺑﻘﻪ ﻳﺴﺘﻔﺴﺮ ﻣﻨﻲ ﻫﻮﺍﻱ ﺍﺧﺮ ﺷﻲ ﺟﺬﺑﺖ ﻋﻠﻲ ﻭﻛﺘﻠﻪ ﺿﺎﻋﻦ ﺍﻟﻔﻠﻮﺱ ﻛﻠﻲ ﺑﺎﺟﺮ ﺍﺟﻴﺒﻠﺞ ﺑﺲ ﺍﺣﺲ ﻧﻔﺴﻲ ﻓﺸﻠﺖ ﺑﺲ ﺧﻄﻴﻪ ﺍﻳﻤﺎﻥ ﻗﻬﺮﺗﻨﻲ ﻭﻣﺎﻋﺪﻫﻪ ﺍﺣﺪ
ﺛﺎﻧﻲ ﻳﻮﻡ ﺍﺟﺎﻧﻲ ﻭﺍﺣﺲ ﺭﻭﺣﻲ ﺭﺩﻟﻬﻪ ﺍﻟﻬﻮﺍ ﻣﻦ ﺷﻔﺘﻪ ﻭﻛﻠﺒﻲ ﺭﺍﺩ ﻳﻄﻴﺮ ﻣﻦ ﺍﻟﻔﺮﺡ ﺍﺗﻔﺤﺺ ﻋﻴﻮﻧﻪ ﺑﺎﻛﺖ ﺗﺒﺎﻭﻋﻠﻲ ﺑﺤﺐ ﺍﺣﺲ ﺍﺣﺲ ﺑﺪﺍﺧﻠﻲ ﻋﻴﻮﻧﻪ ﺗﻜﻠﻲ ﻣﺸﺘﺎﻗﺘﻠﺞ ﺑﺲ ﻣﺎﺍﻋﺮﻑ ﺍﺣﺴﺎﺳﻲ ﺻﺤﻴﺢ ﻟﻮ ﻏﻠﻂ
ﻭﻫﻮ ﻳﺤﺠﻲ ﻭﻳﺎﻱ ﻭﺍﻧﻲ ﺳﺮﺣﺎﻧﻪ ﺑﺘﻔﺎﺻﻴﻞ ﻭﺟﻬﻪ ... ﺍﺧﺬﺕ ﺍﻟﻔﻠﻮﺱ ﻣﻨﻪ ﻭﺭﺍﺡ
ﺍﻧﻄﻴﺘﻬﻦ ﺍﻝ ﺍﻳﻤﺎﻥ ﻭﺗﺸﻜﺮﺕ ﻣﻨﻲ ﻭﻓﺮﺣﺖ ﺣﻴﻞ ﺧﻄﻴﻪ ﻭﺗﻮﺳﻠﺖ ﺑﻴﻪ ﺍﺭﻭﺡ ﻭﻳﺎﻫﻦ ﻻﻥ ﺗﺨﺎﻑ ﻭﺛﺎﻧﻲ ﻳﻮﻡ ﺑﺪﺍﻝ ﻣﻨﺮﻭﺡ ﻟﻠﻤﻌﻬﺪ ﺭﺣﻨﻪ ﻟﻤﻜﺎﻥ ﺗﻮﻛﻊ ﺑﻲ ﺍﻟﻄﻔﻞ ﺍﻟﻘﺎﺑﻠﻪ ..... ﺩﺧﻠﺖ ﻭﻳﺎﻫﻪ ﻭﺍﻧﻲ ﺍﺧﺎﻑ ﺧﺎﻑ ﻋﻤﻮ ﻳﺨﺎﺑﺮ ﻋﻠﻴﻪ ﺑﺄﻱ ﻟﺤﻈﻪ..بيج قصص عراقيه حقيقيه من واقعنا.روعه الطائي
ﻭﺍﻳﻤﺎﻥ ﺗﺒﺠﻲ .... ﺍﺧﺮ ﺷﻲ ﺧﺪﺭﺗﻬﻪ ﺍﻟﻘﺎﺑﻠﻪ ﺍﻧﻲ ﻣﺮﺗﺒﻜﻪ ﻭﺧﺎﻳﻔﻪ ﻭﺟﺴﻤﻲ ﻳﺮﺟﻒ ﻋﺒﺎﻟﻚ ﺍﻧﻲ ﺑﻤﻜﺎﻥ ﺍﻳﻤﺎﻥ ﻭﺭﻭﻧﻖ ﻃﻠﻌﺖ ﻭﻋﺎﻓﺘﻨﻲ ﻳﻤﻬﻪ ﻭﺣﺪﻱ ﺍﺭﺗﺒﻜﺖ ﺣﻴﻞ ﻭﺧﻔﺖ ﻭﻟﻌﻨﺖ ﺣﻈﻲ ﺍﻟﻲ ﻭﻳﻦ ﻣﺎﺍﺭﻭﺡ ﺗﻄﻠﻌﻠﻲ ﺷﻐﻠﻪ ﻫﺴﻪ ﺍﻧﻲ ﺷﻌﻠﻴﻪ
ﺍﺑﺎﻭﻉ ﻫﺎﻱ ﺍﻟﻘﺎﻳﻠﻪ ﺍﺭﺗﺒﻜﺖ ﻭﺭﻭﻧﻖ ﻣﺎﻛﻮ ....
ﻛﻠﺘﻠﻬﻪ ﺷﻨﻮ ﺧﺎﻟﻪ ﺷﻜﻮ
ﺭﺍﺡ ﺗﻤﻮﺕ ﺍﻟﺒﻨﻴﻪ ﻣﺪﻳﻮﻛﻒ ﺍﻟﻨﺰﻳﻒ ﻛﻠﺸﻲ ﻣﺴﻮﻳﺘﻠﻬﻪ ﺍﻧﻲ
ﺍﻧﻲ ﻫﻴﻪ ﺣﺠﺖ ﻫﻴﺞ ﻭﺍﻧﻲ ﻣﺘﺖ ﻣﻦ ﺧﻮﻓﻲ ﻣﺤﺴﻴﺖ ﺭﻭﺣﻲ ﻏﻴﺮ ﺍﻃﻠﻊ ﻭﺍﻋﺮﻓﻬﻢ ﻭﺍﻧﻲ ﺍﺭﺟﻒ ﻣﻦ ﺍﻟﺨﻮﻑ .... ﺑﻠﻠﻪ ﻣﺎﺗﺖ ﻭﺍﻧﻮﺏ ﺍﻧﻲ ﻭﻳﺎﻫﻪ
ﺍﻳﺪﻱ ﻭﺟﺴﻤﻲ ﻛﺎﻡ ﻳﺮﺟﻒ .... ﺍﺗﺼﻠﺖ ﻋﻠﻰ ﻋﻤﻮ ﻣﺠﺎﻭﺏ ﻣﺎﺍﺩﺭﻱ ﻣﺎﺗﺖ ﻟﻮ ﻻ ﻣﻠﻜﻲ ﺍﻭﻝ ﻣﺮﻩ ﻣﺎﻛﻮ ﻣﺠﺎﻭﺏ ﺩﻛﻴﺖ ﻣﺮﻩ ﺛﺎﻧﻴﻪ ﺟﺎﻭﺏ ﻛﺘﻠﻪ ﻋﻤﻮ ﺍﻟﺤﻜﻠﻲ ....... ﻳﺘﺒﻊ
