#ﺍﻟﻘﺎﺻﺮﺓ_ﻭـــﺬﻭ_ﺍﻟﺸﻌﺮ_ﺍﻻﺑﻴﺾ
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#ﺗﻜﻤﻠﺔ_ﺍﻟﻮﺍﺣﺪ_ﻭﺍﻟﺜﻼﺛﻮﻥ
ﺩﺣﺴﺖ ﻧﻔﺴﻲ ﻳﻤﻪ ﺻﺮﺕ ﺍﻧﻲ ﻣﻦ ﺟﻬﺔ ﺍﻟﺤﺎﻳﻂ ﻭﻫﻮ ﺑﺎﻟﻄﺮﻑ ﻭﺍﻟﻔﺮﺍﺵ ﺍﺑﻮ ﺍﻟﻨﻔﺮ ..... ﻛﺎﻋﺪ ﺍﺗﻐﻄﻪ ﺭﻓﻊ ﺭﺍﺳﻪ .... ﻭﻛﺎﻡ ﻳﻜﺢ ﻭﻳﺒﺎﻭﻉ ﻋﻠﻴﻪ ...... ﺭﻓﻊ ﺣﺎﺟﺒﻪ ﻭﺩﺍﺭ ﻭﺟﻬﻪ ﻣﻨﻲ
ﺿﺠﺖ ﺣﻴﻞ ﻭﻏﻨﺪﺏ ﻭﺟﻬﻲ .... ﻛﺘﻠﻪ
ﺑﺮﺩﺍﻧﻪ ﻭﺍﻧﺖ ﻣﺎﺧﺬ ﻏﻄﺎﻳﻪ ﻭﻓﺮﺍﺷﻲ
ﺫﺍﻙ ﻓﺮﺍﺵ ﻭﺑﻄﺎﻧﻴﻪ ﻟﻴﺶ ﻣﺘﻨﺎﻣﻴﻦ ﺑﻴﻬﻦ
ﺑﻴﻬﻦ ﺑﻮﻝ
ﺷﻨﻮﻭﻭﻭﻭﻭﻭ .... ﻭﺩﺍﺭ ﻭﺟﻬﻪ ﻋﻠﻴﻪ
ﺍﻧﻲ ﺍﻧﺼﺪﻣﺖ
ﺟﺬﺏ ﺟﺬﺏ ﺩﺍﺍﺗﺤﺎﺭﺵ ﺑﻴﻚ
ﻧﻌﻠﻪ ﻋﻠﻰ ﻏﻴﺮﺗﺞ ﻓﺰﺯﺗﻴﻨﻲ ﺍﻛﻮﻝ ﺷﻮ ﻫﺎﻱ ﺗﺤﺠﻴﻬﻪ ﺑﺮﺣﺎﺑﺔ ﺻﺪﺭ
ﺑﻠﻠﻪ ﺗﻤﺮﺿﺖ ﻣﺜﻞ ﻓﻠﻢ ﺍﻧﺖ ﻣﻨﺰﻟﻲ
ﺍﻟﺒﻄﻠﻪ ﻛﺎﻣﺖ ﺗﺘﺒﻮﻝ ﻋﻠﻰ ﺭﻭﺣﻬﻪ ﻭﺍﻟﺒﻄﻞ ﻣﻌﺎﻓﻬﻪ ﺍﺑﺪ
ﻫﻮ ﻫﺬﺍ ﺍﻟﺤﺐ ﺍﻟﺤﻘﻴﻘﻲ
ﻣﻮ ﺍﻧﺖ ﺑﺎﻟﺠﺬﺏ ﻛﻠﺖ ﺍﻟﻔﺮﺍﺵ ﺑﻲ ﺑﻮﻝ ﻛﻤﺰﺕ ﻭﻛﺸﺖ ﺭﻭﺣﻚ ﻣﻨﻲ ﻳﻠﻠﻪ ﺍﻧﻲ ﺑﻠﺖ ﻋﻠﻰ ﺭﻭﺣﻲ
ﻣﻮ ﺟﺬﺏ ﻭﻣﺎﺍﺗﺤﺎﺭﺵ ﺑﻴﻚ ﻭﺟﺮﻳﺖ ﺍﻟﺒﻄﺎﻧﻴﻪ
ﺻﻔﻨﺖ ﺍﻧﻲ ﺷﻜﺎﻋﺪ ﺍﺣﺠﻲ ﻛﺘﻠﻪ ﺟﺬﺏ ﺟﺬﺏ ﻣﺒﻠﺖ ﻋﻠﻰ ﺭﻭﺣﻲ
ﻛﺎﺍﺍﻓﻲ ﺳﻄﺮﺗﻴﻨﻲ ﺟﻨﺖ ﺧﻠﺼﺎﻥ ﻣﻨﺞ ﻭﻣﻦ ﻧﮕﺞ
ﻫﺎﺍﺍﺍ ﻭﺍﻟﻠﻪ ﻋﻠﺴﺎﺱ ﺍﻧﻲ ﻟﺤﻜﺘﻚ ﺍﺻﻼً ﺍﻧﺖ ﺍﺟﻴﺘﻨﻲ ﻭﻫﺬﺍ ﺑﻴﺘﻲ ﻗﺒﻞ ﻛﻢ ﻳﻮﻡ ﺩﻓﻌﺖ ﺍﻳﺠﺎﺭﻩ ٢٥٠٠٠٠ﻣﻦ ﻓﻠﻮﺳﻲ ﺍﻧﻲ ﻛﻤﺖ ﺍﺷﺘﻐﻞ ﺳﻜﺮﺗﻴﺮﻩ ﻭﺑﺎﺭﻗﻰ ﻣﻨﻄﻘﻪ ﺑﺎﻟﺤﺎﺭﺛﻴﻪ
ﻭﺍﻟﺪﻛﺘﻮﺭﻩ ﻛﻠﺶ ﺣﺒﺎﺍﺍﺍﺑﻪ ﻛﺎﻟﺖ ﺗﻨﻄﻴﻨﻲ ٤٥٠ﺑﺲ ﺍﻧﻄﺘﻨﻲ ٦٠٠ ﺑﺲ ﺍﻡ ﺳﺮﻣﺪ ﺗﻀﻮﺝ ﻣﻨﻲ
ﺗﻜﺮﻫﻨﻲ ..... ﺑﺲ ﻫﻴﻪ ﻣﺘﻬﻤﻨﻲ ﺧﻞ ﺗﻮﻟﻲ
ﺗﺪﺭﻱ ... ﻗﺒﻞ ﻻ ﺍﻟﻜﻪ ﻫﺬﺍ ﺍﻟﺸﻐﻞ ﺗﺄﺫﻳﺖ ﺣﻴﻞ
ﺗﻌﺒﺖ ﺟﻬﺎﺩ .... ﻭﺧﻔﺖ ﺣﻴﻞ ﺗﻌﺒﺖ ﻣﻦ ﺍﻟﺘﺸﺮﺩ
ﺑﺲ ﺍﻟﻠﻪ ﺍﻟﺘﻔﺘﻠﻲ ﻭﺳﺎﻋﺪﻧﻲ ﻭﻛﻞ ﻣﻴﺼﻴﺮ ﺷﻲ ﻳﻮﻛﻔﻠﻲ ﻭﻳﺴﺨﺮﻟﻲ ﻧﺎﺱ ﺣﺒﺎﺑﻴﻦ ﺑﺲ ﻫﺴﻪ ﻻ ﺍﻟﺤﻤﺪﻟﻠﻪ ﺍﺭﺗﺎﺣﻴﺖ
ﻏﻤﻀﺖ ﻋﻴﻨﻲ ﺣﺴﻴﺘﻪ ﻣﻴﺴﻤﻌﻠﻲ ﻛﺘﻠﻪ ﺗﺪﺭﻱ ﺷﺘﻤﻨﻰ
ﺍﺩﺭﻱ ﺑﻴﻚ ﻣﺮﺍﺡ ﺗﺴﺄﻟﻨﻲ ﻓﺮﺍﺡ ﺍﺟﺎﻭﺏ ﺑﺪﻭﻥ ﻣﺘﺴﺄﻟﻨﻲ
ﺍﻓﻜﺮ ﺑﻜﺮﺍﻣﺘﻲ ﻣﻦ ﺍﻧﻲ ﻭﻳﺎﻙ
ﺟﺮ ﺍﻟﻐﻄﻪ ﻭﻏﻄﻪ ﺭﻭﺣﻪ ﺑﺪﻭﻥ ﻣﻴﺤﺠﻲ ﻭﻻ ﻛﻠﻤﻪ ﺩﺭﺕ ﻭﺟﻬﻲ ﻋﻨﻪ ﻭﺍﻧﻄﻴﺘﻪ ﻇﻬﺮﻱ ﺑﺠﻴﺖ ﺑﺼﻤﺖ ﺑﺲ ﺣﺘﻰ ﺍﺫﺍ ﻫﻮ ﻣﺸﺎﺑﻜﻨﻲ ﺑﺲ ﻗﺮﺑﻪ ﻳﻤﻲ ﺷﻌﻮﺭ ﺣﻠﻮ ﻣﺠﺮﺩ ﺍﺷﻢ ﻋﻄﺮﻩ
ﻫﻮ ﺷﻌﻮﺭ ﺣﻠﻮ ﺍﻋﺸﻖ ﻛﻞ ﺗﻔﺎﺻﻴﻠﻪ ﺑﺪﻭﻥ ﻣﺎﺍﺑﺎﻟﻎ ﻫﺬﺍ ﻫﻮ ﻛﻠﺒﻲ ﻫﻴﺞ ﻳﺸﻌﺮ ﺗﺠﺎﻫﻪ ﺍﺣﺴﻪ ﻫﻮ ﺣﻴﺎﺗﻲ
ﺍﺣﺒﻪ ﺍﻛﺜﺮ ﻣﻦ ﻛﻠﺸﻲ ﻣﻮﺟﻮﺩ ﺑﻬﺎﻱ ﺍﻟﺪﻧﻴﺎ ﺑﻘﻴﺖ ﺍﺑﺠﻲ ﺑﺼﻤﺖ ﺍﺣﺎﻭﻝ ﻣﺎﺍﺧﻠﻲ ﻳﺴﻤﻌﻨﻲ
ﺗﻮﻧﻲ ﻛﺎﻋﺪ ﺍﻏﻤﺾ ﺣﺴﻴﺖ ﺑﺄﻳﺪﻩ ﺣﺎﻭﻃﺖ ﺧﺼﺮﻱ
ﻭﺷﻔﺘﻪ ﺍﻧﻄﺒﻌﺖ ﻋﻠﻰ ﺭﻛﺒﺘﻲ ﺧﻔﺖ ﺍﺑﺘﺴﻢ ﺍﻭ ﺍﺗﺤﺮﻙ
ﺍﺩﺭﻱ ﺑﻲ ﻋﺒﺎﻟﻪ ﻧﺎﻳﻤﻪ ﺣﻀﻨﻲ ﺣﻴﻞ ﺍﺣﺲ ﻛﻠﺒﻲ ﻛﺎﻡ ﻳﺪﻙ ﺳﺮﻳﻊ ﻋﺒﺎﻟﻚ ﺍﻭﻝ ﻣﺮﻩ ﻳﺤﻀﻨﻲ ﺑﻴﻬﻪ ﺩﺭﺕ ﻭﺟﻬﻲ ﻋﻠﻲ ﺭﺩﺕ ﺍﺷﺒﻜﻪ ﺟﺎﻥ ﻳﻜﻮﻝ ﺍﺣﺒﺞ ﺟﻤﻴﻠﻪ
ﺣﺴﻴﺖ ﺟﺴﻤﻲ ﺍﺻﻄﻚ ﻭﻓﺘﺤﺖ ﻋﻴﻨﻲ ﻛﻤﺖ ﺍﺑﺎﻭﻉ ﻋﻠﻲ ﻣﻐﻤﺾ ﻋﻴﻨﻪ ﺣﺴﻴﺖ ﻧﻔﺴﻲ ﺍﺧﺘﻨﻜﺖ ﻣﺘﺤﻤﻠﺖ ﻛﻤﺖ ﻛﻌﺪﺕ ﻋﻠﻰ ﺣﻴﻠﻲ ﻭﻛﺘﻠﻪ ﺟﻬﺎﺩﺩ ﺍﻛﻌﺪ ﻭﻛﻤﺖ ﺍﺣﺮﻙ ﺑﺠﺴﻤﻪ ﺑﻴﺪﻱ ﻭﺍﺑﺠﻲ
ﺩﺍﺭ ﻭﺟﻬﻪ ﻟﻠﺠﻬﻪ ﺍﻟﺜﺎﻧﻴﻪ ﻭﺟﺘﻒ ﺍﻳﺪﻩ .... ﻭﻏﻤﺾ ﻋﻴﻨﻪ
ﻛﻮﻭﻭﻡ ﺟﻬﺎﺩ ﺍﺣﺠﻲ ﻭﻳﺎﻳﻪ ..... ﺗﺤﺐ ﺟﻤﻴﻠﻪ ﻣﻮﻭﻭﻭ
ﺟﻬﺎﺩﺩﺩﺩﺩ ﻛﻮﻡ ﺩﺍﺭ ﻭﺟﻬﻪ ﻋﻠﻴﻪ ﺷﻜﻮﻭﻭ ﺷﺒﻴﺞبيج قصص عراقيه حقيقيه من واقعنا.روعه الطائي
ﻛﺸﻔﺘﻚ ﻛﻠﺘﻬﻪ ﻭﺍﻧﺖ ﻧﺎﻳﻢ ﺍﺣﺒﺞ ﺟﻤﻴﻠﻪ
ﻭﺍﻧﺘﻲ ﺷﻌﻠﻴﺞ
ﻻ ﻭﺍﻟﻠﻪ
ﺍﻧﺘﻲ ﻣﻮ ﻋﻔﺘﻴﻨﻲ ﺷﻌﻠﻴﺞ ﺑﻴﻪ ﺑﻌﺪ ﺍﺣﺐ ﺟﻤﻴﻠﻪ ﺍﺣﺐ ﻫﺪﻳﻪ ﺍﻱ ﻭﺣﺪﻩ ﻏﻴﺮﻫﻦ ﺑﻜﻴﻔﻲ ﻭﺑﻌﺪﻳﻦ ﺍﻧﺘﻲ ﺧﺒﻠﻪ ﻣﻜﻌﺪﺗﻨﻲ ﻣﻦ ﺍﻟﻨﻮﻡ ﻭﺗﻜﻠﻴﻠﻲ ﺍﻧﺖ ﻛﻠﺖ ﻫﻴﺞ ﻭﺟﺮ ﺍﻟﺒﻄﺎﻧﻴﻪ ﻭﻏﻄﻪ ﺭﺍﺳﻪ
ﻛﻤﺖ ﺍﺑﺎﻭﻉ ﻋﻠﻲ ﻭﺍﻟﺪﻣﻌﻪ ﺑﻌﻴﻨﻲ ﻣﻘﻬﻮﺭﻩ ﺣﻴﻞ
ﻛﻤﺖ ﻣﻦ ﻳﻤﻪ ﻭﺭﺣﺖ ﻓﺮﺷﺖ ﺍﻟﻔﺮﺍﺵ ﺍﻟﺜﺎﻧﻲ ﻭﻏﻄﻴﺖ ﺭﺍﺳﻲ ﻭﻛﻤﺖ ﺍﺑﺠﻲ ﺍﺧﺘﻨﻜﺖ ﺣﻴﻞ ﻭﺍﻧﻘﻬﺮﺕ ﻭﻛﻤﺖ ﺍﺣﺠﻲ ﻭﻳﻪ ﻧﻔﺴﻲ ﺑﮕﻠﺒﻲ
ﺷﻜﻢ ﻛﺮﻭﻩ ﺑﻜﺮﻭﻩ ﺧﺴﺮﺕ ﺑﺲ ﻋﻠﻤﻮﺩ ﺍﻟﻤﺤﻪ ﻣﻦ ﺑﻌﻴﺪ
ﺷﻜﻢ ﻣﺮﻩ ﺩﺳﺖ ﺑﻜﺮﺍﻣﺘﻲ ﻭﻣﻔﻜﺮﺕ ﺑﻴﻬﻪ ﻋﻠﻤﻮﺩﻩ ﺭﻏﻢ ﻛﻼﻣﻪ ﺍﻟﻲ ﺍﺑﺮﺭﻩ ﺑﺤﺎﻟﺔ ﻋﺼﺒﻴﻪ ﻭﻣﻄﺎﻟﻊ ﻣﻦ ﻛﻠﺒﻪ
ﻭﺗﺎﻟﻲ ﻣﺘﺎﻟﻲ ﻳﻨﻄﻖ ﺑﺄﺳﻤﻬﻪ ﻭﺍﻧﻲ ﺑﺼﻔﻪ ﺟﻨﺖ ﺍﻋﺮﻑ ﺑﻲ ﻳﺤﺒﻬﻪ ﻭﺍﻟﻠﻪ
ﺑﻌﺪ ﻟﻬﻨﺎ ﻭﺑﺲ ﻭﺍﻟﻠﻪ ﺍﺻﻼً ﺍﻧﻲ ﻣﺮﺗﺎﺣﻪ ﺑﺪﻭﻧﻚ ﻭﻋﻨﺪﻱ ﺭﺍﺗﺐ ﻭﻣﺤﺪ ﻳﻌﻴﺮﻧﻲ ﺑﺲ ﮔﻠﺒﻲ ﺍﻟﺤﻘﻴﺮ ﺍﻏﺒﺮ ﻣﺎﺍﺣﺲ ﺍﻟﻪ ﻛﻠﻲ
ﺟﻬﺎﺩ / ﻧﻤﺘﻲ
ﻓﺮﺣﻪ / ﺍﻱ ﻧﻤﺖ
ﻫﺎﺍﺍ ﺧﻮﺵ ﻋﺒﺎﻟﻲ ﻣﻨﻤﺘﻲ ﻟﻌﺪ
ﺷﺘﺮﻳﺪ
ﻻ ﻛﻤﻠﻲ ﻧﻮﻣﺘﺞ ﻭﺑﻌﺪﻳﻦ ﺍﻛﻠﺞ ﺑﻬﺎﻟﻠﺤﻈﻪ ﺩﻙ ﻣﻮﺑﺎﻳﻠﻲ
ﺑﻨﻔﺲ ﺍﻟﻠﺤﻈﻪ ﺗﺬﻛﺮﺕ ﺳﻴﻒ ﻭﻓﻮﻙ ﺍﻟﻘﻬﺮ ﺍﻟﻤﻮﺑﺎﻳﻞ ﻓﻮﻙ ﺭﺍﺱ ﺟﻬﺎﺩ ﻧﻄﻴﺖ ﻣﻦ ﻣﻜﺎﻧﻲ ﻛﺒﻞ ﺑﺲ ﻫﻮ ﺳﺒﻘﻨﻲ ﻟﺰﻣﻪ
ﺯﻣﺰﻡ .... ﻣﻨﻮ ﻫﺎﻱ ﺯﻣﺰﻡ
ﺣﺴﻴﺖ ﺭﻭﺣﻲ ﺭﺩﺗﻠﻲ ﻭﺍﺭﺗﺎﺣﻴﺖ ﻣﻨﺎﻗﺼﺘﻨﻲ ﻣﺸﻜﻠﻪ
ﻛﻤﺖ ﻣﻦ ﻣﻜﺎﻧﻲ ﻛﺘﻠﻪ ﻫﺎﻱ ﺍﻟﺒﻨﻴﻪ ﺍﻟﻲ ﺑﻔﻀﻠﻬﻪ ﻣﺒﻘﻴﺖ ﺑﺎﻟﺸﺎﺭﻉ
ﻋﻠﻰ ﺍﺳﺎﺱ ﻣﻦ ﺗﺤﺠﻴﻦ ﺍﻛﻮ ﺍﺣﺪ ﻃﺮﺩﺝ ﻟﻮ ﻣﺎﺍﻧﺘﻲ ﻃﻠﻌﺘﻲ ﻟﻠﺸﺎﺭﻉ ﺑﻴﺪﺝ .... ﺻﺎﻳﺮ ﺍﻟﺸﺎﺭﻉ ﻋﻨﺪﺝ ﻋﺎﺩﻩ
ﺍﺧﺬﺕ ﺍﻟﻤﻮﺑﺎﻳﻞ ﻣﻨﻪ ﻭﺟﺎﻭﺑﺘﻪ
ﺍﻟﻮ
ﻫﻠﻮ ﺣﺒﻲ ﺷﻠﻮﻧﺞ
ﺍﻟﺤﻤﺪﻟﻠﻪ ﺍﻧﺘﻲ ﺷﻠﻮﻧﺞ
ﺯﻳﻨﻪ ﺍﻧﻲ ﻓﺮﻭﺣﻪ ﺑﺎﺟﺮ ﺭﺍﺡ ﻧﺮﻭﺡ ﺣﻤﻠﺪﺍﺭ ﺍﻟﻜﺮﺑﻼﺀ ﺗﺠﻴﻦ ﻟﻮ ﻻ ﺍﺭﻳﺪ ﺍﺯﻭﺭ ﺭﺿﺎﻭﻱ ﻭﺍﻧﻲ ﻫﻢ ﻣﺨﺘﻨﻜﻪ ﻣﺤﺘﺎﺟﻪ ﺍﻟﺰﻳﺎﺭﻩ
ﺑﺎﻭﻋﺖ ﻋﻠﻰ ﺟﻬﺎﺩ ﺭﺩﺕ ﺍﺿﻮﺟﻪ ﻛﺘﻠﻬﻪ ﺍﻱ ﺣﺒﻴﺒﺘﻲ ﺣﺠﺰﻳﻠﻲ ﺍﺭﻭﺡ ﺑﺎﻭﻉ ﻋﻠﻴﻪ ﺟﻬﺎﺩ ﺑﻨﻈﺮﻩ ﺣﺎﺩﻩ
ﺣﺠﻴﺖ ﻭﻳﺎﻫﻪ ﺷﻮﻳﻪ ﻭﺳﺪﻳﺘﻪ ﺍﺛﻨﺎﺀ ﻣﺎ ﺟﻨﺖ ﺍﺣﺠﻲ ﻛﻌﺪ ﻋﻠﻰ ﺣﻴﻠﻪ ﺍﻭﻝ ﻣﺴﺪﻳﺘﻪ ﻛﻠﻲ
ﺍﻛﻠﺞ ﺍﻧﺘﻲ ﻋﻮﻭﻭﻭﺩ ﺷﻨﻮﻭﻭﻭ ﻣﻌﻨﻰ ﺗﺼﺮﻓﺞ ﻳﻌﻨﻲ ﺗﻜﻠﻴﻠﻲ ﺍﻧﻲ ﻣﺴﺆﻟﻪ ﻋﻠﻰ ﻧﻔﺴﻲ ﻣﺎﻋﻨﺪﻱ ﺭﺩﺍﺩ ﮔﺒﻞ ﺍﺧﺬﺗﻲ ﻗﺮﺍﺭ
ﺍﻧﺖ ﻣﻮ ﻛﻠﺖ ﺍﻋﻮﻓﺞ ﻭﻋﻨﺪﻙ ﺟﻤﻴﻠﻪ ﻣﺎﺷﺎﺀ ﺍﻟﻠﻪ
ﺑﻘﻪ ﻳﺒﺎﻭﻉ ﻋﻠﻴﻪ ﻭﻳﺨﺰﺭ ﺑﻴﻪ ﺍﺟﺬﺏ ﺍﺫﺍ ﻛﻠﺖ ﻣﺨﻔﺖ ﻫﻮ ﻏﻴﺮ ﺭﺍﺩﺕ ﺗﺼﻴﺮ ﺑﻴﻪ ﺳﻜﺘﻪ ﻗﻠﺒﻴﻪ ﺍﺭﺗﺒﻜﺖ ﻭﻛﺘﻠﻪ ﻋﻔﻴﻪ ﺟﻬﺎﺩ ﻣﺎﺍﺭﻳﺪ ﺍﺣﺠﻲ ﻛﻤﺖ ﺭﺣﺖ ﻟﻔﺮﺍﺷﻲ ﻣﺎﺍﺣﺲ ﺍﻟﻪ ﻫﻮ ﻛﺎﻡ .... ﻭﺟﺮﻧﻲ ﻣﻦ ﺍﻳﺪﻱ
ﺍﻧﺘﻲ ﺷﻨﻮﻭﻭﻭﻭ ﻣﺎﻋﻨﺪﺝ ﺍﺣﺘﺮﺍﻡ
ﺑﺎﻭﻋﺖ ﻋﻠﻲ ﻛﺎﻓﻲ ﺟﻬﺎﺩ
ﺷﻨﻮ ﺍﻟﻜﺎﻓﻲ ﺑﻜﻴﻔﺞ ﺍﻧﻲ ﺍﻧﺘﻲ ﻣﺘﺤﺘﺮﺭﺭﺭﻣﻴﻦ ﺍﺑﺪﺩﺩ ﻭﻫﺎﻱ ﻣﻮ ﺍﻭﻝ ﻣﺮﻩ
ﻳﺎ ﻳﻮﻡ ﺍﻧﻲ ﻣﻤﺤﺘﺮﻣﻪ ﺟﻬﺎﺩ
ﺍﺷﻮ ﺍﻧﺖ ﺗﻤﺴﺢ ﺑﻴﻪ ﺍﻟﻜﺎﻉ ﻭﺍﻧﻲ ﺍﻟﻤﻄﻴﻪ ﺍﺳﻜﺖ
ﻳﻌﻨﻲ ﺍﺫﺍ ﻣﺘﺴﻜﺘﻴﻦ ﺷﺘﺴﻮﻭﻭﻳﻦ ﻣﺜﻼً ﻫﺎﺍﺍﺍ
ﻣﺎﺍﺳﻮﻱ ﺷﻲ ﻭﺧﺮ ﺟﻬﺎﺩ ﻋﻔﻴﻪ ﻧﻌﺴﺎﻧﻪ ﺍﺭﻳﺪ ﺍﻧﺎﻡ
ﻭﻫﺎ ﺍﻛﻠﻚ ﺍﺣﺴﺐ ﺣﺴﺎﺑﻚ ﺍﻧﻲ ﻫﺬﺍ ﺍﻟﻄﻔﻞ ﻣﺎﺍﺑﻘﻲ ﺑﺒﻄﻨﻲ ﻟﻮ ﺍﺑﻘﻲ ﺑﺤﺎﻟﻪ ﻭﺣﺪﻩ ﺍﺧﺬﻩ ﺍﻟﻲ ﺑﺲ ﺍﺫﺍ ﺗﺎﺧﺬﻩ ﻣﻨﻲ ﻣﺎﺍﻛﺪﺭ ﺍﻋﺬﺭﻧﻲ
ﺷﺘﺮﻳﺪﻳﻦ ﺍﻃﻠﻜﺞ ﻳﻌﻨﻲ
ﺑﺎﻭﻋﺖ ﻋﻠﻲ ﺑﻘﻴﺖ ﺳﺎﻛﺘﻪ
ﺗﺮﻳﺪﻳﻦ ﺍﻃﻠﻜﺞ ﻣﻮﻭﻭ
ﺍﻱ
ﻣﺎﺷﻲ ﺑﺲ ﺗﺠﻴﺒﻴﻦ ﺗﺪﻟﻠﻴﻦ ﻣﻦ ﻋﻴﻨﻲ ﺍﻧﻲ ﻣﺎﺍﻛﺪﺭ ﺍﺗﺤﻤﻞ ﺫﻧﺐ ﻃﻔﻞ ﻭﺍﻣﻮﺗﻪ ﺟﻴﺒﻲ ﻛﺘﻠﺞ ﻭﺍﻃﻠﻜﺞ
ﺑﺎﻭﻋﺖ ﻋﻠﻲ .... ﻭﺍﻟﺸﻐﻞ ﻳﺮﻭﺡ ﻣﻨﻲ
ﻋﻮﺩ ﺑﺬﺍﻙ ﺍﻟﻮﻛﺖ ﻣﻦ ﺍﻃﻠﻜﺞ ﺍﺫﺍ ﻣﺪﺑﺮﺗﻲ ﺷﻐﻞ ﻣﺤﺘﺮﻡ ﺍﻧﻲ ﺍﺩﺑﺮﻟﺞ ﻟﺘﺨﺎﻓﻴﻦ ﺑﺲ ﻫﺎﺍﺍﺍ ﺷﻮﻓﻲ ﺍﻟﺤﺪ ﻣﺘﺠﻴﺒﻴﻦ ﺍﻧﻲ ﻣﺴﺆﻝ ﻋﻠﻴﺞ ﻃﻠﻌﻪ ﻃﺒﻪ ﻣﻮ ﺑﻜﻴﻔﺞ ﺍﻟﻪ ﺍﻧﻲ ﺍﻭﺍﻓﻖ ﻋﻠﻴﻬﻪ
ﻃﻠﻊ ﻣﻦ ﺍﻟﻐﺮﻓﻪ ﻭﺭﺍﺡ ﻟﻠﺤﻤﺎﻡ ﻭﺻﺎﺡ ﻣﻦ ﺍﻟﺤﻤﺎﻡ ﺷﻨﻮﻭﻭ ﻣﻲ ﺣﺎﺭ ﻣﺎﻛﻮ
ﻻ
ﻟﻴﺶ
ﻻﻥ ﻣﺎﻋﻨﺪﻱ ﻛﻴﺰﺭ
ﺍﻧﻲ ﺍﺳﺘﻐﻠﻴﺖ ﺩﺧﻠﺘﻪ ﻟﻠﺤﻤﺎﻡ ﻭﺗﺬﻛﺮﺕ ﺳﻴﻒ ﺣﺬﻓﺘﻪ ﻣﻦ ﺍﻟﺠﻬﺎﺯ ﻭﺍﻧﻄﻴﺘﻪ ﺣﻈﺮ ﺑﺲ ﺷﻨﻮ ﻛﻠﺸﻲ ﺑﺠﺴﻤﻲ ﻛﺎﻡ ﻳﺮﺟﻒ ﺷﻴﺨﻠﺼﻨﻲ ﻣﻨﻪ ﺍﺫﺍ ﺷﺎﻓﻪ
ﻃﻠﻊ ﻣﻦ ﺍﻟﺤﻤﺎﻡ .... ﺿﺎﻳﺞ ﺍﺑﺪ ﻣﺤﺠﻪ ﺑﻌﺼﺒﻴﻪ ﻏﻄﻪ ﺭﻭﺣﻪ ﻭﻧﺎﻡ ﺍﻧﻲ ﻧﻤﺖ ﻓﺮﺍﺷﻲ ﺑﺎﻭﻋﺖ ﺍﻟﺴﺎﻋﻪ ﺑﺎﻝ٩ﺻﺎﺭﺕ ﺑﻠﻴﻞ ﺩﻙ ﻣﻮﺑﺎﻳﻠﻪ ﻓﺰ ﻭﺍﻟﺪﻧﻴﺎ ﻇﻠﻤﻪ ﺟﺎﻭﺏ
ﻫﺎ ﺑﺎﺑﺎ
ﻻ ﻣﺎﺍﺭﺟﻊ ﻋﻨﺪﻱ ﺷﻐﻠﻪ ﺍﺑﺎﺕ ﺑﺮﻩ ﺍﻟﺒﻴﺖ
ﺩﻳﺮ ﺑﺎﻟﻚ ﻋﻠﻰ ﺧﻮﺍﺗﻚ
ﺍﺳﺘﻬﺰﺋﺖ ﻣﻦ ﺗﺼﺮﻓﻪ ﺩﻭﻣﻪ ﻳﺤﺎﺳﺒﻨﻲ ﺍﻟﻲ ﺣﺘﻰ ﻋﻠﻰ ﺍﻏﻼﻁ ﺍﺑﻨﻪ .... ﺩﺭﺕ ﻭﺟﻬﻲ ﻭﻏﻄﻴﺖ ﺭﺍﺳﻲ
ﺻﺎﺡ ﻓﺮﺣﻪ
ﻣﺠﺎﻭﺑﺘﻪ
ﻣﻮ ﺍﺣﺠﻲ ﻭﻳﺎﺝ ﻟﻴﺶ ﻣﺘﺠﺎﻭﺑﻴﻦ
ﺳﻜﺘﺖ
ﻫﻮ ﻫﻢ ﺳﻜﺖ ... ﺷﻮﻳﻪ ﻭﺣﺴﻴﺘﻪ ﻛﺎﻡ .... ﻭﺭﺍﻫﻪ ﺍﻧﻄﺒﻚ ﺍﻟﺒﺎﺏ .... ﻛﻤﺖ ﺭﺃﺳﺎً ﻣﻌﻘﻮﻟﻪ ﺭﺍﺡ ..... ﻣﺮﺕ ﺑﺎﻟﺮﺑﻊ ﺳﺎﻋﻪ ﻭﻫﻮ ﻣﺎﻛﻮ ...... ﺑﻘﻴﺖ ﺍﺳﺄﻝ ﻧﻔﺴﻲ ﺭﺍﺡ ﻟﻮ ﺷﻨﻮ
ﻣﺮﺕ ﻧﺺ ﺳﺎﻋﻪ ﻭﻣﺎﻛﻮ .... ﻣﺎﺍﺣﺲ ﺍﻟﻪ ﻧﺪﻙ ﺍﻟﺒﺎﺏ ﻛﻠﺖ ﻣﻨﻮ
ﺍﻧﻲ ﻓﺘﺤﻲ ﺍﻟﺒﺎﺏ
ﺳﻤﻌﺖ ﺻﻮﺗﻪ ﺟﻬﺎﺩ ﻓﺘﺤﺘﻪ ﺑﻴﺪﻩ ﻋﻼﻛﻪ ... ﺍﻧﻄﺎﻧﻴﺎﻫﻪ
ﻫﺬﺍ ﻋﺸﺎﺝ
ﻭﺍﻧﺖ
ﺗﻌﺸﻴﺖ
ﺑﺎﻭﻋﺖ ﻋﻠﻲ ... ﻛﺘﻠﻪ ﻣﺎﺍﺭﻳﺪ
ﺑﺮﺍﺣﺘﺞ ... ﺑﺲ ﺟﺎﻱ ﺑﻼﺯﺣﻤﻪ ﻋﻠﻴﺞ
ﺍﻧﻘﻬﺮﺕ ﺣﻴﻞ .... ﻫﻮ ﻭﺍﺿﺢ ﻛﻼﻣﻪ ﻭﺍﻧﻲ ﻃﻠﻌﺖ ﻭﻋﻔﺘﻪ ﻟﻴﺶ ﻛﺎﻋﺪ ﺍﻧﺘﻈﺮ ﻣﻨﻪ ﺍﻫﺘﻤﺎﻡ ﻭﺣﺐ ﻣﺎﺍﻋﺮﻑ ﺭﺣﺖ ﺳﻮﻳﺘﻠﻪ ﺟﺎﻱ ﻭﺧﻠﻴﺘﻪ ﻛﺒﺎﻟﻪ ﺟﺎﻥ ﻛﺎﻋﺪ ﻭﻳﻜﻠﺐ ﺑﻤﻮﺑﺎﻳﻠﻪ
ﻭﺭﺣﺖ ﻟﻔﺮﺍﺷﻲ ﻟﺰﻣﺖ ﻣﻮﺑﺎﻳﻠﻲ ﻭﻛﻌﺪﺕ
ﺍﺑﺎﻭﻉ ﻣﺴﻠﺴﻞ ﻋﺎﺻﻲ ﺑﺎﻟﻨﺖ
ﺷﻨﻮ ﻋﻨﺪﺝ ﺍﻧﺘﺮﻧﺖ
ﺍﻱ
ﻋﻞ ﺧﻂ ﻟﻮ ﻣﺸﺘﺮﻛﻪ
ﻻ ﻣﺸﺘﺮﻛﻪ
ﻣﻤﻤﻢ ﻣﺎﺷﺎﺀ ﺍﻟﻠﻪ ﺧﻮﺏ ﺟﺎﻥ ﺳﻮﻳﺘﻲ ﺍﻟﻜﻴﺰﺭ ﺍﺣﺴﻦ ﻣﻦ ﺍﻟﻨﺖ
ﺳﻜﺘﺖ ﻭﺑﻘﻴﺖ ﺍﺑﺎﻭﻉ ﻋﻞ ﻣﺴﻠﺴﻞ ﺑﻤﻮﺑﺎﻳﻠﻲ ﻫﻮ ﻣﻜﻨﻚ ﻋﻞ ﺧﻂ ﻻﻥ ﻋﻨﺪﻩ ﺍﻧﺘﺮﻧﺖ
ﺍﻟﺤﺪ ﻣﺎ ﻧﻌﺴﺖ ﻭﻧﻤﺖ .... ﻛﻌﺪﺕ ﺛﺎﻧﻲ ﻳﻮﻡ ﻟﻜﻴﺘﻪ ﻧﺎﻳﻢ .....
ﺭﺣﺖ ﺗﻘﺮﺑﺖ ﻋﻠﻲ ﺑﺎﻭﻋﺖ ﻋﻠﻲ ﺑﺤﺰﻥ ﻭﺗﺬﻛﺮﺕ ﺟﻤﻴﻠﻪ ﺍﺳﺄﻝ ﮔﻠﺒﻲ ﻟﻴﺶ ﻫﻴﺞ ﻳﺤﺒﻪ
ﻟﻴﺶ ﻛﻠﺒﻲ ﻭﺭﻭﺣﻲ ﺗﺮﻓﺮﻑ ﻋﻠﻲ ﻣﻦ ﺗﺸﻮﻓﻪ
ﻫﻮ ﻫﻴﺞ ﺍﻟﺤﺐ ﻟﻮ ﺍﻧﻲ ﻣﻮ ﻃﺒﻴﻌﻴﻪ
ﺍﺣﺒﻪ ﺣﺐ ﺍﻟﻄﻔﻞ ﺍﻻﺑﻮ .... ﻭﺣﺐ ﺍﻻﻡ ﺍﻟﻄﻔﻠﻬﻪ
ﻭﺣﺐ ﺍﻟﺤﺒﻴﺐ ﺍﻟﺤﺒﻴﺒﻪ
ﻋﻔﺘﻪ ﻭﺭﺣﺖ ﺟﻬﺰﺕ ﺍﻟﺮﻳﻮﻙ .... ﺩﺧﻠﺖ ﻟﻠﻐﺮﻓﻪ ﻟﻜﻴﺘﻪ ﻛﺎﻋﺪ ﻛﺘﻠﻪ ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ
ﻛﺎﻡ .... ﻭﺭﺍﺡ ﻟﻠﺤﻤﺎﻡ .... ﻭﻃﻠﻊ ﻳﺪﺭﺩﻡ
ﻳﻌﻨﻲ ﺍﻭﻝ ﻣﺮﻩ ﺑﺤﻴﺎﺗﻲ ﺍﺷﻮﻑ ﺑﻴﺖ ﺑﺎﻟﺸﺘﺎ ﻣﺎﺑﻲ ﮔﻴﺰﺭ ﻳﻌﻨﻲ ﺍﻧﺘﻲ ﻣﺸﺘﺮﻳﺘﻠﺞ ﻣﻮﺑﺎﻳﻞ ﻣﺪﺭﻱ ﺑﻴﺶ ﻭﻣﺸﺘﺮﻛﻪ ﺍﻧﺘﺮﻧﺖ ﻭﻛﻴﺰ ﻣﻤﺸﺘﺮﻳﻪ ﻭﺑﻌﺪﻳﻦ ﺍﻧﺘﻲ ﺷﻠﻮﻥ ﺗﺴﺒﺤﻴﻦ
ﺍﺣﻤﻲ ﻣﻲ
ﻛﻮﻣﻲ ﺑﺪﻟﻲ ﻛﻮﻣﻲ ﺍﻧﻲ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﺗﺒﻬﺬﻟﺖ
ﺍﻣﺸﻲ ﺍﻟﺒﻴﺘﻨﻪ ﻫﻨﺎﻙ ﻭﻣﻦ ﻧﺮﻭﺡ ﻫﻨﺎﻙ ﺣﺴﺞ ﻋﻴﻨﺞ ﺗﻄﻠﻌﻴﻦ ﺑﺮﻩ ﺍﻟﻐﺮﻓﻪ ﺗﻘﻔﻠﻴﻬﻊ ﺍﻟﺤﺪ ﻣﺎﺍﺷﻮﻓﻠﻲ ﺣﻞ ﻣﺎﺍﻛﺪﺭ ﺍﺑﻘﻪ ﻫﻨﺎ ﺍﻟﺒﺎﺭﺣﻪ ﺗﻔﻠﺸﺖ ﺑﺎﻟﻔﺮﺍﺵ ﺳﺒﺢ ﻣﺴﺎﺑﺢ ﻣﻦ ﺍﻟﺒﺎﺭﺣﻪ
ﻣﺴﺘﺤﻴﻞ ﺍﻛﺪﺭ ﺍﺗﺤﻤﻞ
ﺍﻧﻲ ﻣﺎﺍﺭﺟﻊ
ﺷﻨﻮﻭﻭ ﺍﻟﻲ ﻣﺘﺮﺟﻌﻴﻦ
ﻣﺎﺍﺭﺟﻊ ﺑﺒﻴﺖ ﺑﻲ ﺍﻛﺮﻡ
ﻭﺍﻧﻲ ﻛﺘﻠﺞ ﺗﻘﻔﻠﻴﻦ ﺍﻟﺒﺎﺏ ﻣﺎﺍﻛﺪﺭ ﺍﻋﻮﻓﺞ ﻫﻨﺎ
ﻣﺎﻋﻠﻴﻪ ﺷﻲ
ﺍﻧﺘﻲ ﺗﺨﺒﻠﺘﻲ ﺍﻛﻴﺪ ﺷﻠﻮﻥ ﺗﻌﻘﻠﻴﻬﻪ ﺍﻋﻮﻓﺞ ﻫﻨﺎ ﺑﻬﺬﺍ ﺍﻟﺒﻴﺖ ﻭﺣﺪﺝ ﺍﻧﻲ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﺍﻓﻜﺮ ﻭﻣﻠﻜﻴﺖ ﻏﻴﺮ ﻫﺬﺍ ﺍﻟﺤﻞ
ﺍﻻﺳﺒﻮﻉ ﺍﻟﻴﺠﻲ ﺗﺘﺰﻭﺝ ﺳﻠﻮﻯ ﻭﺭﺍﻫﻪ ﻣﺒﺎﺷﺮﺗﺎً ﺍﺑﻠﺶ ﺍﻓﺼﻞ ﺍﻟﻔﻮﻙ ﻋﻦ ﺍﻟﺠﻮﻩ ..... ﺍﺳﻮﻱ ﻣﺸﺘﻤﻞ ﻓﻮﻙ ﺍﻝ ﺍﻛﺮﻡ ﻭﺍﻧﻲ ﻭﻳﺎﺝ ﻭﺭﻣﺎﻧﻪ ﺟﻮﻩ ..... ﻭﻫﺎﻱ ﺍﻟﻐﺮﻓﻪ ﺍﻟﻲ ﺑﺴﻒ ﻏﺮﻓﺘﻨﻪ ﺻﺢ ﺻﻐﻴﺮﻩ ﺑﺲ ﺗﻜﻔﻲ ﺭﻣﺎﻧﻪ ﻭﺗﻨﺨﺼﻢ ﺍﻟﺴﺎﻟﻔﻪ
ﺍﻱ ﺧﻠﻴﻨﻲ ﻫﻨﺎ
ﻣﺎﺍﻛﺪﺭ ﻣﺎﺍﻃﻤﺌﻦ ﺍﺑﻘﻴﺞ ﺑﻐﻴﺮ ﻣﻨﻄﻘﻪ
ﺟﻬﺎﺩ
ﻓﺮﺣﻪ ﻛﺎﻓﻲ ﻟﺘﺤﻴﻦ ﻣﺎﺍﻛﺪﺭ ﺑﻌﺪ ﺍﺑﺪﺍً
ﺍﺑﻘﻪ ﻫﻨﺎ ﻛﻮﻣﻲ ﺑﺪﻟﻲ ﺑﺴﺮﻋﻪ
ﻛﺮﻫﺖ ﻃﻔﮕﺘﻲ ﺍﻟﻲ ﺧﻠﺘﻨﻲ ﺍﺭﻭﺡ ﻭﺍﻛﺴﻒ ﻧﻔﺴﻲ ﺷﺴﺘﻔﺎﺩﻳﺖ ﻫﺴﻪ ﺍﻧﻲ ﻣﺎﺍﺩﺭﻱ
ﺑﺪﻟﺖ ﻭﺭﺣﺖ ﻭﻳﺎ ﺍﻟﻄﺮﻳﻖ ﻛﻠﻪ ﺳﺎﻛﺖ ﻣﻴﺤﺠﻲ ﻭﺻﻠﻨﻪ ﻟﻠﺒﻴﺖ ﻃﺒﻚ ﺍﻟﺴﻴﺎﺭﻩ ﻭﻧﺰﻟﻨﻪ ﺍﻭﻝ ﻣﺪﺧﻠﻨﻪ ﻓﺘﺢ ﺍﻟﺒﺎﺏ ﺩﺧﻠﻨﻪ ﻣﻦ ﺑﺎﺏ ﺍﻟﻤﻄﺒﺦ ﺟﺎﻧﺖ ﺳﻠﻮﻯ ﻛﺎﻋﺪﻩ ﻭﺭﻳﻬﺎﻡ ﺟﺎﻳﻪ
ﺍﻧﺼﺪﻣﻦ ﻣﻦ ﺷﺎﻓﻨﻲ
ﺍﻟﻠﻔﺖ ﻧﻈﺮﻱ ﺟﻬﺎﺩ ﺑﺲ ﺑﺎﺱ ﺭﻳﻬﺎﻡ ﻭﻣﻌﺒﺮ ﺳﻠﻮﻯ ﺍﺑﺪ
ﺍﻧﻲ ﻛﻠﺖ ﺍﻟﺴﻼﻡ ﻋﻠﻴﻜﻢ ﻭﻛﺒﻞ ﺩﺧﻠﺖ ﻟﻠﻐﺮﻓﻪ ﻭﻫﻮ ﺩﺧﻞ ﻭﺭﺍﻳﻪ
ﺑﺎﻭﻋﺖ ﺍﻟﻐﺮﻓﻪ ﻧﻔﺲ ﻣﻌﻔﺘﻬﻪ ﺷﻜﺪ ﻣﺸﺘﺎﻗﺘﻠﻬﻪ ﺑﺲ ﺍﺧﺘﻨﻜﺖ ﻣﻦ ﺩﺧﻠﺘﻠﻬﻪ ﻣﺎﺍﺣﺲ ﺍﻟﻪ ﻛﻤﺰﻧﻲ ﺟﻬﺎﺩ ﻣﻦ ﺩﺧﻞ ﻭﺷﻤﺮ ﺍﻟﺴﻮﻳﺞ ﻭﺭﺍﺡ ﻋﻞ ﺟﺮﺑﺎﻳﻪ ﻛﻌﺪ ﻭﻃﻠﻊ ﺟﻜﺎﺭﻩ ﻭﻛﻠﻲ ﺗﻌﺎﻟﻲ ﻛﻌﺪﻱ ﻛﺒﺎﻟﻲ ﺧﻞ ﻧﺤﺠﻲ
ﻛﻌﺪﺕ ﻛﺒﺎﻟﻪ ﻭﻫﻮ ﻛﺎﻡ ﻳﺒﺎﻭﻉ ﻋﻠﻴﻪ ..... ﺑﺪﻭﻥ ﻣﻴﺤﺠﻲ
ﺷﻮﻓﻲ ﻳﺎ ﺑﺖ ﺍﻟﻨﺎﺱ ﺍﻟﻲ ﺳﻮﻳﺘﻲ ﻣﻮ ﺳﻬﻞ ﻭﺑﺎﻟﻌﺸﺎﻳﺮ ﺍﺫﺍ ﺟﻨﺖ ﻣﻦ ﺫﻭﻟﻲ ﺍﻟﻲ ﻳﻌﺘﺮﻓﻮﻥ ﺑﺎﻟﻌﺸﺎﻳﺮ ﺫﺑﺤﺞ ﺣﻼﻝ
ﻫﺎﻱ ﺍﻟﻤﺮﻩ ﺳﻮﻳﺘﻴﻬﻪ ﺍﻟﻤﺮﻩ ﺍﻟﺜﺎﻧﻴﻪ ﺍﺫﺑﺤﺞ ﺑﻴﺪﻱ
ﻟﻮ ﺷﻴﺼﻴﺮﺭﺭﺭﺭ ﻃﻠﻌﻪ ﻣﻦ ﺍﻟﺒﻴﺖ ﻣﺘﻄﻠﻌﻴﻦ
ﺍﻣﺎ ﺍﻛﺮﻡ ﻣﻮﺿﻮﻋﻪ ﺍﺑﺪﺩﺩ ﻣﺘﻔﻜﺮﻳﻦ ﺑﻲ ﻭﺍﻗﻞ ﺍﻟﺸﻬﺮ ﺭﺍﺡ ﺍﻧﻲ ﺑﻬﺎﻱ ﺍﻟﻔﺘﺮﻩ ﺭﺍﺡ ﺍﺣﺎﻭﻝ ﻣﺎﺍﻃﻠﻊ ﻣﻦ ﺍﻟﺒﻴﺖ
ﺍﻟﺼﺒﺢ ﺍﻛﺮﻡ ﺑﺎﻟﺪﻭﺍﻡ ﻻﻥ ﺑﻠﺶ ﺩﻭﺍﻡ ﻭﻳﺮﺟﻊ ﺏ٣ﻳﻌﻨﻲ ﺍﻧﻲ ﻗﺒﻠﻪ ﺍﺭﺟﻊ ﻭﻣﻊ ﺫﻟﻚ ﻣﻦ ﺍﺭﻭﺡ ﻟﻠﺪﻭﺍﻡ ﺗﻘﻔﻠﻴﻦ ﺑﺎﺏ ﺍﻟﻐﺮﻓﻪ ﻋﻠﻴﺞ ﻭﺗﺴﻜﺘﻴﻦ
ﺑﻠﻠﻪ ﺍﻧﺤﺼﺮﺕ ﻭﺭﺩﺕ ﺍﺭﻭﺡ ﻟﻠﺤﻤﺎﻡ
ﺧﺰﺭﻧﻲ .... ﻭﻛﻠﻲ
ﺗﻔﺎﻫﺘﺞ ﺑﻄﻠﻴﻬﻪ
ﻭﻛﺎﻡ ﺍﺧﺬ ﻣﻼﺑﺴﻪ ﻭﻃﻠﻊ ﻟﻠﺤﻤﺎﻡ ..... ﻓﺘﺤﺖ ﺍﻟﻜﻨﺘﻮﺭ ﻣﻼﺑﺴﻲ ﺑﻌﺪﻫﻦ ﻣﻮﺟﻮﺩﺍﺕ ﻣﺸﺎﻣﺮﻳﻬﻦ ﻣﺪﺭﻱ ﺷﻌﺠﺐ
ﻃﻠﻌﺘﻠﻲ ﻣﻼﺑﺲ ﻭﻛﻌﺪﺕ ﺍﻧﺘﻈﺮﺗﻪ ﻳﻄﻠﻊ ﺭﺩﺕ ﺍﻃﻠﻊ ﻛﻠﻲ ﻭﻳﻦ
ﻛﺘﻠﻪ ﺍﺳﺒﺢ
ﺩﺍﺭ ﻋﻨﻲ ﻭﺟﻬﻪ ﻭﻭﻛﻒ ﻋﻞ ﻣﺮﺍﻳﻪ ﻳﻤﺸﻂ
ﺣﺖ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﺟﻮﻩ ﺍﻟﺪﻭﺵ ﺷﻜﺪ ﻣﺸﺘﺎﻗﻪ ﻟﻠﺪﻭﺵ ﺑﻘﻴﺖ ﻫﻮﺍﻱ ﺑﺎﻟﺤﻤﺎﻡ ﺍﻟﺤﺪ ﻣﺼﺎﺭ ﺍﻟﻤﻲ ﺑﺎﺭﺩ ﻃﻠﻌﺖ ﻟﻜﻴﺘﻪ ﻋﻴﻨﻪ ﺑﺎﻟﻤﻮﺑﺎﻳﻞ ﻭﻳﺘﺒﺴﻢ
ﺍﻧﻬﻀﻤﺖ ﺟﻨﺖ ﻣﺮﺗﺎﺣﻪ ﻭﺍﻧﻲ ﺑﻌﻴﺪﻩ ﺭﺟﻌﺖ ﻟﻠﺴﻮﺍﻟﻒ ﺍﻻﺳﺘﻔﺰﺍﺯﻳﻪ ﻭﺍﻟﺘﻌﺒﺎﻧﻪ
ﻣﺸﻄﺖ ﻭﺳﺤﺒﺖ ﺍﻟﻐﻄﻪ ﻣﻨﻪ ﺷﻮﻳﻪ ﻭﺩﺭﺕ ﻭﺟﻬﻲ ﻋﻨﻪ
ﺍﻟﻜﻠﻮﺏ ﻣﻄﻔﻴﺘﻲ
ﻟﻴﺶ ﺭﺍﺡ ﺗﻨﺎﻡ
ﻃﺒﻌﺎً ﺍﻧﺎﻡ ﻣﻴﺖ ﻧﻌﺲ ﻭﻣﻔﺘﻘﺪ ﺟﺮﺑﺎﻳﺘﻲ
ﻛﻤﺖ ﻃﻔﻴﺖ ﺍﻟﻜﻠﻮﺏ ﻭﺭﺟﻌﺖ ﻧﻤﺖ
ﻭﺍﺳﻤﻊ ﺭﺳﺎﺋﻞ ﺗﺠﻲ ﻃﻦ ﻭﻣﺎﻃﻦ ﻣﺘﺤﻤﻠﺖ ﻭﺍﻧﻲ ﺍﺗﺨﺎﻳﻠﻪ ﻳﺤﺠﻲ ﻭﻳﻪ ﺟﻤﻴﻠﻪ ﻭﺍﻧﻲ ﺑﺼﻔﻪ ﺑﺠﻴﺖ ﻭﺍﺧﺘﻨﻜﺖ ﺣﻴﻞ ..... ﻛﻤﺖ ﺭﺩﺕ ﺍﻃﻠﻊ ﻣﻦ ﺍﻟﻐﺮﻓﻪ
ﻛﻠﻲ ﻭﻳﻦ
ﻛﺘﻠﻪ ﻟﻠﺤﻤﺎﻡ ....
ﺷﻨﻮ ﻛﻞ ﺷﻮﻳﻪ
ﺍﻱ
ﺷﻨﻮ ﻛﺎﻋﺪ ﺗﺒﺠﻴﻦ
ﺍﻱ ﺍﺑﺠﻲ ﺗﻌﺒﺖ ﺍﻧﻲ ﺍﻧﺖ ﻣﺘﺤﺘﺮﻣﻨﻲ ﻻﺯﻡ ﺍﻧﻲ ﻏﺼﺒﺎً ﻣﺎﻋﻠﻴﻪ ﺍﻛﻌﺪ ﻫﻨﺎ ﻭﻏﺼﺒﺎً ﻣﺎﻋﻠﻴﻪ ﺍﺗﺤﻤﻞ ﻛﻠﺸﻲ ﺻﺎﺭ ﺳﺎﻋﻪ ﺗﺤﺠﻲ ﻭﻳﺎﻫﻪ ﻭﺍﻧﻲ ﻧﺎﻳﻤﻪ ﺑﺼﻔﻚ ﻣﺘﺤﺴﺐ ﺣﺴﺎﺏ ﺍﻟﻤﺸﺎﻋﺮﻱ ﺍﻟﻠﻪ ﻳﺎﺧﺬﻧﻲ ﻭﺍﺧﻠﺺ ﻭﺍﻟﻠﻪ
ﻭﻃﻠﻌﺖ ﻣﻦ ﺍﻟﻐﺮﻓﻪ ﺍﻧﻲ ﻃﻠﻌﺖ ﺻﺎﺭ ﺑﻮﺟﻬﻲ ﺍﻛﺮﻡ
ﻣﻨﺼﺪﻡ ﻣﻦ ﺷﺎﻓﻨﻲ ﺍﻧﻲ ﺍﺻﻄﻜﻴﺖ ﺑﻤﻜﺎﻧﻲ
ﺑﻘﻴﺖ ﻣﺜﻞ ﺍﻟﻤﺨﺒﻠﻪ ﺍﺑﺎﻭﻉ ﻋﻠﻲ ﺍﺭﺗﺒﻜﺖ ﻭﺭﺃﺳﺎً ﺭﺣﺖ ﻟﻠﺤﻤﺎﻡ ﻣﺤﺠﻪ ﺑﺲ ﺟﺎﻧﺖ ﻋﻴﻮﻧﻪ ﺗﺤﺠﻲ ﻣﺘﺮﻭﺳﻪ ﺣﻘﺪ ﻋﻠﻴﻪ
ﺧﻔﺖ ﺑﺲ ﺷﺴﻮﻱ ﺍﻟﻨﻔﺴﻲ ﺍﻟﻐﺒﻴﻪ ﻭﺍﻝ ﺟﻬﺎﺩ ﺍﻟﻲ ﺭﺟﻌﻨﻲ ﻫﻨﺎ
ﺷﻮﻳﻪ ﻭﺭﺟﻌﺖ ﺩﺧﻠﺖ ﻟﻠﻐﺮﻓﻪ ... ﻧﻤﺖ ﺑﻤﻜﺎﻧﻲ ﻭﻫﻮ ﻭﻻ ﻳﻤﻪ
ﻣﺮ ﺍﺳﺒﻮﻉ ﻛﺎﻣﻞ .... ﺍﺟﻪ ﻣﻮﻋﺪ ﻋﺮﺱ ﺳﻠﻮﻯ ﻭﺍﺣﻨﻪ ﻋﻠﻰ ﻧﻔﺲ ﺍﻟﻮﺿﻊ ﻣﻴﺤﺠﻲ ﻭﻳﺎﻱ ﻣﺘﺤﺎﻫﻠﻨﻲ ﻣﻴﻄﻠﻊ ﻣﻦ ﺍﻟﺒﻴﺖ ﻭﻛﻞ ﺷﻮﻳﻪ ﻳﺘﺼﻞ ﺑﺲ ﻳﻜﻠﻲ ﺧﻮﻣﺎ ﻃﻠﻌﺘﻲ ﻣﻦ ﺍﻟﻐﺮﻓﻪ ﺑﺎﻟﻮﻗﺖ ﺍﻟﻲ ﻳﺮﻭﺡ ﺑﻲ ﻟﻠﺪﻭﺍﻡ ﻛﻤﺖ ﺍﺷﻚ ﺑﻜﻼﻣﻪ ﺻﺤﻴﺢ ﻳﻤﻜﻦ ﻳﺎﺧﺬ ﺍﻟﻲ ﺑﺒﻄﻨﻲ ﺻﺪﻙ ﻣﻦ ﺍﺟﻴﺐ ﻭﻳﻄﻠﻜﻨﻲ
ﻓﻜﺮﺕ ﺍﺭﺟﻊ ﺍﻧﻬﺰﻡ ﻣﻦ ﺍﻟﺒﻴﺖ ﺯﻣﺰﻡ ﺍﺗﺼﻞ ﺑﻴﻬﻪ ﺑﺲ ﻣﺤﺎﺟﻴﺘﻠﻬﻪ ﺍﻟﻮﺿﻊ ﻋﻼﻗﺘﻲ ﻣﻮ ﻛﻠﺶ ﻗﻮﻳﻪ ﺍﺣﺲ ﻧﻔﺴﻲ ﺧﺎﻑ ﺍﺿﺎﻳﻘﻬﻪ ﻭﺍﺟﺒﺮﻫﻪ ﻋﻠﻴﻪ ﻟﺬﻟﻚ ﺑﺲ ﻋﻠﻰ ﻛﺪ ﺍﻟﺴﻼﻡ ﺍﺗﺼﺎﻟﻨﻪ
ﺟﺎﻧﺖ ﺣﻨﺔ ﺳﻠﻮﻯ ﺟﻬﺎﺩ ﻣﻘﺒﻞ ﺍﻃﻠﻊ ﺍﺑﺪ ﻛﻠﻲ ﻣﺘﻄﻠﻌﻴﻦ ﻳﺠﻮﺯ ﻻﻥ ﺟﻤﻴﻠﻪ ﻣﻮﺟﻮﺩﻩ ﻣﻴﺮﻳﺪ ﻳﻜﺴﺮ ﺑﺨﺎﻃﺮﻫﻪ
ﺍﺣﺲ ﻧﻔﺴﻴﺘﻲ ﺗﻌﺒﺖ ﺣﺘﻰ ﺍﻛﻞ ﻣﺎﺍﻛﻞ
ﻛﻌﺪﺕ ﺍﺑﺠﻲ ﺑﺎﻟﺼﺪﻓﻪ ﺧﺎﺑﺮﺕ ﺯﻣﺰﻡ ﻭﻟﺤﺖ ﻛﺎﻟﺖ ﺻﻮﺗﺞ ﻣﻮ ﻃﺒﻴﻌﻲ ﺍﻧﻔﺠﺮﺕ ﺑﺎﻟﺒﺠﻲ ﻭﺳﻮﻟﻔﺘﻠﻬﻪ ﻋﻦ ﺍﻟﻲ ﻳﺼﻴﺮ ﻭﻛﺘﻠﻬﻪ ﺭﺍﺡ ﺍﻧﻬﺰﻡ ﻭﺍﻟﻠﻪ ﻭﺍﺧﻠﺺ
ﺍﻧﺠﺒﻲ ﺩﻳﺮ ﺑﺎﻟﺞ ﺗﺴﻮﻳﻬﺘﻌﺒﺖ ﺯﻣﺰﻡ ﺗﻌﺒﺖ ﻋﺎﻳﺸﻪ ﺑﻤﺼﻴﺮ ﻣﺠﻬﻮﻝ ﻣﺎﺍﺗﺤﻤﻞ ﻳﺎﺧﺬ ﺍﺑﻨﻲ ﻣﻨﻲ
ﻳﺠﻮﺯ ﻛﺎﻋﺪ ﻳﺄﺩﺑﺞ ﺑﻄﺮﻳﻘﺘﻪ ﻻﻥ ﻃﻠﻌﺘﻲ ﻣﻦ ﺍﻟﺒﻴﺖ
ﻭﺟﻤﻴﻠﻪ ﺍﻟﻲ ﻳﺤﺒﻬﻪ ﻭﺍﺻﻼً ﺟﺎﻥ ﻳﺤﺒﻬﻪ
ﻣﻴﺨﺎﻟﻒ ﻓﺮﺣﻪ ﺷﻐﻠﺔ ﺗﻄﻠﻌﻴﻦ ﻣﺮﻩ ﺛﺎﻧﻴﻪ ﻣﻦ ﺍﻟﺒﻴﺖ ﺷﻴﻠﻴﻬﻪ ﻣﻦ ﺑﺎﻟﺞ ﺣﺘﻰ ﺑﺤﻘﻪ ﻣﻮ ﺣﻠﻮﻩ ﻣﺮﺗﻪ ﻣﺮﺗﻴﻦ ﺗﻨﻬﺰﻡ ﻣﻨﻪ ﺍﺣﺠﻲ ﻭﻳﺎ
ﻣﻴﺤﺠﻲ
ﺍﺣﺠﻲ ﻭﻳﺎ ﺑﺜﻜﻞ ﻣﻮ ﺑﺨﻔﻪ ﺑﻴﻨﻴﻠﻪ ﺍﻧﻮ ﻛﻼﻣﺞ ﺟﺪﻱ
ﻣﺎﺍﺩﺭﻱ ﺗﻌﺒﺖ ﻭﺍﻟﻠﻪ ﺗﻌﺒﺖ
ﺑﻘﻴﻨﻪ ﻧﺤﺠﻲ ﺍﻧﻲ ﻭﺯﻣﺰﻡ ﺣﺴﻴﺖ ﺧﻒ ﺍﻟﺤﻤﻞ ﺷﻮﻳﻪ
ﺧﻠﺼﺖ ﺍﻟﻬﻮﺳﻪ ﻭﺍﺳﻤﻊ ﺍﺻﻮﺍﺗﻬﻢ ﻳﻀﺤﻜﻮﻥ ﻭﻳﺴﻮﻟﻔﻮﻥ ﺍﻟﺤﺪ ﺍﻟﺴﺎﻋﻪ ﺏ١١
ﺩﻙ ﺍﻟﺒﺎﺏ ﺟﻬﺎﺩ ﻓﺘﺤﺘﻪ ﺍﻟﻪ .... ﻭﺭﺟﻌﺖ ﻧﻤﺖ ﻭﻏﻄﻴﺖ ﺭﻭﺣﻲ ﻛﻌﺪ ﺷﻮﻳﻪ ﻭﻭﺭﺍﻫﻪ ﺍﺧﺬ ﻣﻼﺑﺴﻪ ﻭﻃﻠﻊ ﻟﻠﺤﻤﺎﻡ ﺑﻘﻴﺖ ﺷﻮﻳﻪ ﺑﻔﺮﺍﺷﻲ ﺳﻤﻌﺖ ﺻﻮﺕ ﺭﺳﺎﻟﻪ ﺍﺟﺘﻪ ﻛﻤﺖ ﺑﺴﺮﻋﻪ ﻋﻞ ﻣﻮﺑﺎﻳﻞ ﻭﺍﻧﻲ ﺍﻳﺪﻱ ﺗﺮﺟﻒ ﺍﺗﺬﻛﺮ ﺍﻟﺮﻣﺰ ﻣﺎﻟﺘﻪ ﺑﺲ ﻣﺎﺍﻋﺮﻑ ﻣﺒﺪﻟﻪ ﺍﻭ ﻻ ﻓﺘﺤﺘﻪ ﺍﻧﻔﺘﺢ
ﺍﺣﺲ ﻧﻔﺴﻲ ﺍﺭﺗﺒﻜﺖ ..... ﺭﺣﺖ ﻋﻞ ﺭﺳﺎﻟﻪ ﻣﻦ ﺻﺪﻳﻘﻪ ﻋﻞ ﺷﻌﻞ ﻛﻤﺖ ﺍﺩﻭﺭ ﺑﺎﻟﺮﺳﺎﺋﻞ ﻋﻠﻰ ﺟﻤﻴﻠﻪ ﻣﺎﻛﻮ ﻭﺍﻟﺒﺮﺍﻣﺞ ﻫﻮﺍﻱ ﻭﺍﻳﺪﻱ ﺗﺮﺟﻒ ﺍﺭﻳﺪ ﺍﺷﻮﻑ ﺷﻴﺤﺠﻲ ﻭﻳﺎﻫﻪ
ﻣﺎﺍﺣﺲ ﺍﻟﻪ ﻓﺘﺢ ﺍﻟﺒﺎﺏ ﻣﺎﻝ ﻏﺮﻓﻪ ﻣﺤﺴﻴﺖ ﻋﻞ ﻭﻗﺖ ﻭﻋﻠﻰ ﻧﻔﺴﻲ ﺑﺴﺮﻋﻪ ﻣﺮ ﺍﻧﺼﺪﻣﺖ ﻭﺗﻮﺗﺮﺕ ﻫﻮ ﺧﺰﺭﻧﻲ
ﺍﻱ ﺍﻱ ﺍﺧﺬﺕ ﻣﻮﺑﺎﻳﻠﻚ ﻻﻥ ﺍﺭﻳﺪ ﺍﺷﻮﻑ ﺑﻌﺪ ﻣﺎﺍﺗﺤﻤﻞ ﻃﺎﻗﺘﻲ ﺧﻠﺼﺖ ﺗﻌﺒﺖ ﻭﺍﻧﻲ ﻣﺼﻴﺮﻱ ﻣﺠﻬﻮﻝ ﺗﻌﺒﺖ ﺣﻴﻞ ﺟﻬﺎﺩ ﺍﻧﺖ ﻣﺘﻔﻜﺮ ﺑﻴﻪ ﺍﺑﺪ ﺩﻭﻡ ﺍﻧﻲ ﺍﻟﻲ ﻏﻠﻄﺎﻧﻪ ﻭﺍﺗﻌﺎﻗﺐ
ﺍﻱ ﺻﺢ ﻃﻠﻌﺖ ﺑﺲ ﺣﺘﻰ ﻃﻠﻌﺘﻲ ﻣﻦ ﺍﻟﺒﻴﺖ ﻋﻠﻤﻮﺩﻙ ﻣﻮ ﻻﻥ ﺻﺮﺕ ﻋﺼﺒﻲ ﻭﻻ ﻻﻥ ﻫﻨﺘﻨﻲ ﻻﻥ ﺍﻧﻲ ﺍﺑﺮﺭﻟﻚ ﺩﺍﺋﻤﺎً
ﻃﻠﻌﺖ ﻋﻠﻤﻮﺩﻙ ﺍﻧﺖ ﻋﻠﻤﻮﺩ ﻣﺘﺘﻔﻠﺶ ﺣﻴﺎﺗﻚ ﻭﺗﺨﺴﺮ ﺍﺑﻨﻚ ﺑﺴﺒﺒﻲ ﻭﻃﻠﻌﺖ ﻋﻠﻤﻮﺩ ﺍﻟﻄﻔﻞ ﺍﻟﻲ ﺑﺒﻄﻨﻲ ﻣﺎﺍﻧﺤﺮﻡ ﻣﻨﻪ ﻭﻫﺴﻪ ﻫﻢ ﻛﺎﻋﺪ ﻳﻜﺒﺮ ﺑﺒﻄﻨﻲ ﻋﻠﻤﻮﺩ ﺗﺎﺧﺬﻩ ﻣﻨﻲ
ﺑﺲ ﺑﻌﺪ ﻣﺎﺍﻓﻜﺮ ﺑﻴﻚ ﻭﻻ ﺑﺄﻱ ﺍﺣﺪ .... ﺍﺑﻨﻚ ﺍﻟﻔﻮﻙ ﺍﺧﺬﻧﻲ ﻭﺭﺍﺩ ﻳﺴﻘﻄﻨﻲ ﺍﻟﻄﻔﻞ ﻭﺍﻧﻄﺎﻧﻲ ﺣﺒﻮﺏ ﻭﻭﻧﺎﻡ ﻓﻮﻛﺎﻳﻪ ﻭﻛﻠﻲ ﻟﻮ ﺷﺮﻓﺞ ﻟﻮ ﺍﺑﻨﺞ ﺍﺧﺘﺎﺭﻱ ﻭﺍﺣﺪ ﻣﻨﻬﻢ ﻭﺍﻧﻲ ﻣﻜﺪﺭﺕ ﺍﺿﺤﻲ ﺑﺎﻻﺛﻨﻴﻦ
ﺑﻌﺪﻧﻲ ﺗﻮﻧﻲ ﻛﺎﻋﺪ ﺍﺣﺠﻲ ﻣﺎﺍﺣﺲ ﺍﻟﻪ ﺟﻬﺎﺩ ..... ﺍﺧﺘﻨﻚ ﻛﺎﻡ ﻛﻮﻩ ﻳﺘﻨﻔﺲ ﻭﻭﻛﻊ ...... ﺭﺃﺳﺎً ........ ﻳﺘﺒﻊ
