القاصرة والشعر الابيض

البارت السابع والعشرون

#ﺍﻟﻘﺎﺻﺮﺓ_ﻭـــﺬﻭ_ﺍﻟﺸﻌﺮ_ﺍﻻﺑﻴﺾ
ﺑﻘﻠﻤﻲ
الكاتبه ام غايب🙋🏻‍♀️🙋🏻‍♀️:
#بارت٢٤
ﺍﻟﺴﻼﻡ ﻋﻠﻴﻜﻢ ﺍﺣﺒﺘﻲ ... ﺍﻛﺜﺮ ﻣﺎﺍﺯﻋﺠﻨﻲ ﺍﻟﻴﻮﻡ ﻣﻦ ﻧﺸﺮﺕ ﺍﻟﻜﻼﻡ ﻋﻠﻰ ﺍﻟﻤﺘﺸﺮﺩﻳﻦ .... ﻫﻮ ﺗﻌﻠﻴﻘﺎﺗﻜﻢ ﺷﻮﻛﺖ ﺍﻟﺒﺎﺭﺕ .. ﻋﺒﺎﻟﻨﻪ ﺑﺎﺭﺕ
ﺍﺟﺎﻭﺑﻜﻢ ﺍﻧﻲ ﺍﺟﻪ ﻣﻮﻋﺪ ﻧﺸﺮ ﺍﻟﻴﺎﺭﺕ ﻭﺍﻧﻲ ﻣﻨﺎﺷﺮﺗﻪ
ﻭﺗﻌﻠﻴﻖ ﺛﺎﻧﻲ ﺍﺣﺐ ﺍﺟﺎﻭﺏ ﺻﺎﺣﺒﺘﻪ
ﺍﻟﺘﻌﻠﻴﻖ / ﺑﺪﺍﻝ ﻣﺘﻔﻠﺴﻔﻴﻦ ﺑﻬﺬﺍ ﺍﻟﻜﻼﻡ ﻧﺰﻟﻴﻠﻨﻪ ﺑﺎﺭﺕ
ﺍﻭﻻ ﺣﺒﻴﺒﺘﻲ ﻫﺬﻱ ﺍﻟﻔﻠﺴﻔﻪ ﺍﻟﻲ ﻛﺘﺒﺘﻬﻪ ﻫﺎﻱ ﻣﺸﺎﻋﺮ ﻣﺘﺸﺮﺩﻳﻦ ﺗﺠﺎﻩ ﻛﻞ ﺍﻡ ﺗﺘﺮﻙ ﻃﻔﻠﻬﻪ ﻣﻦ ﻛﺘﺒﺖ ﻫﺬﺍ ﺍﻟﻜﻼﻡ ﻣﻮ ﺑﺲ ﻟﻴﺎﻥ ﻓﺮﺣﻪ ﻫﺬﺍ ﻟﺴﺎﻥ ﺟﻤﻴﻊ ﺍﻟﻤﺘﺸﺮﺩﻳﻦ ﻻﻥ ﺍﻟﺘﺸﺮﺩ ﻗﻀﻴﻪ ﺩﻳﻮﺍﺟﻬﻪ ﻫﻮﺍﻱ ﺍﻃﻔﺎﻝ ﻭﻛﺒﺎﺭ ﻭﺍﻟﻘﺼﻪ ﺗﺤﺠﻲ ﻋﻠﻴﻬﻢ ﻛﻠﻬﻢ ﻟﻜﻦ ﺑﻠﺴﺎﻥ ﻓﺮﺣﻪ ﺍﻟﻲ ﻣﻦ ﺧﻼﻟﻬﻪ ﺗﻌﺮﻓﻨﻪ ﻋﻠﻰ ﻣﺸﺎﻋﺮﻫﻢ ﻭﻋﻦ ﻣﻌﺎﻧﺎﺗﻬﻢ
ﻭﻣﻦ ﺧﻼﻝ ﻓﺮﺣﻪ ﻳﻤﻜﻦ ﺍﻟﺒﻌﺾ ﻏﻴﺮ ﻓﻜﺮﺗﻪ ﻋﻦ ﺍﻟﻤﺘﺸﺮﺩﻳﻦ
ﺍﻧﻲ ﻭﺣﺪﻩ ﻣﻦ ﺍﻟﻨﺎﺱ ﻓﺮﺣﻪ ﻏﻴﺮﺕ ﺑﻴﻪ ﺷﻲ
ﺟﻨﺖ ﻣﻦ ﺍﺷﻮﻑ ﻣﺘﺸﺮﺩ ﺍﻛﻮﻝ ﻫﺬﻭﻝ ﻋﺼﺎﺑﻪ ﻭﺍﺣﺠﻲ ﻋﻠﻴﻬﻢ
ﺑﺲ ﻫﺴﻪ ﻛﻤﺖ ﻛﻞ ﻣﺎﺍﺷﻮﻑ ﻣﺘﺸﺮﺩ ﺍﺷﻮﻑ ﻣﻌﺎﻧﺎﺓ ﻓﺮﺣﻪ ﻛﺒﺎﻝ ﻋﻴﻨﻲ
ﻭﺍﺗﻌﺎﻃﻒ ﻭﻳﺎﻫﻢ ﻭﺍﻛﻮﻝ ﺣﺘﻰ ﺍﺫﺍ ﻋﺼﺎﺑﻪ ﻻﺯﻣﺘﻬﻢ ﻓﻬﻢ ﻣﺠﺒﺮﻳﻦ
ﺍﺗﻤﻨﻰ ﺗﺘﻤﻌﻨﻮﻥ ﺑﺘﻔﺎﺻﻴﻞ ﺍﻟﻘﺼﻪ ﻭﺗﻬﺘﻤﻮﻥ ﺍﻟﻤﻮﺿﻮﻉ ﺍﻟﻘﺼﻪ ﺍﻛﺜﺮ ﻣﻦ ﺑﻌﺾ ﺍﻟﺘﻔﺎﺻﻴﻞ ﺍﻟﻐﻴﺮ ﻣﻬﻤﻪ
ﺍلقاصرة ﻭﺫﻭ ﺍﻟﺸﻌﺮ ﺍﻻﺑﻴﺾ
ﺑﻘﻠﻤﻲ ﺍﻡ ﻏﺎﻳﺐ
ﺃﻛﺜﺮ ﺍﻟﻠﺤﻈﺎﺕ ﻭﺣﺪﺓ ﻓﻲ ﺣﻴﺎﺓ ﺍﻟﻤﺮﺀ ﻫﻲ ﺣﻴﻦ ﻳﺮﻯ ﻋﺎﻟﻤﻪ ﺑﺄﺳﺮﻩ ﻳﻨﻬﺎﺭ ﺃﻣﺎﻣﻪ ﻭﻛﻞ ﻣﺎ ﻳﺴﺘﻄﻴﻊ ﺃﻥ ﻳﻔﻌﻞ ﻫﻮ ﺃﻥ ﻳﺤﺪﻕ ﺇﻟﻴﻪ ﺑﻌﻴﻨﻴﻦ ﻓﺎﺭﻏﺘﻴﻦ ..
ﺟﻬﺎﺩ / ﺍﻱ ﺍﺩﺧﻦ ﺗﺤﺎﻟﻴﻠﻲ ﻭﻃﻠﻌﺖ ﻧﻀﻴﻔﻪ ﻟﻴﺶ ﻣﺎﺍﺩﺧﻦ
ﻻ ﻭﺍﻟﻠﻪ ﺑﺤﺪﻳﻪ .... ﻣﺎﺍﺻﺪﻛﻚ ﺑﻌﺪ
ﺷﻠﻮﻥ ﺿﺤﻜﺖ ﻋﻠﻴﻪ ﻭﺗﻜﻠﻲ ﻓﺮﺍﺱ ﻭﺍﻧﻮﺏ ﺗﺨﺎﺑﺮﻩ ﺷﻮﻛﺖ ﻟﺤﻜﺖ ﺗﺘﻔﻖ ﻭﻳﺎ
ﻏﻴﺮ ﻋﻠﻤﻮﺩﻛﻢ ﻣﺎﺍﺭﻳﺪﻛﻢ ﺗﻘﻠﻘﻮﻥ
ﻭﺑﻌﺪﻳﻦ ﺍﻧﺘﻲ ﻣﻨﻮﻭﻭ ﻛﻠﺞ
ﺟﻬﺎﺩ ﺑﻌﺪﻳﻦ ﻧﺤﺠﻲ ﻣﻨﻮ ﻛﺎﻝ
ﺑﺲ ﺷﻠﻮﻥ ﺍﺻﺪﻛﻚ ﻫﺴﻪ ﺍﻧﻲ
ﺑﺲ ﺑﺎﻭﻋﻲ ﻋﻠﻴﻪ ﺷﺘﺸﻮﻓﻴﻦ
ﺍﺷﻮﻓﻚ ﻏﻴﺮ
ﺍﻱ ﻃﺒﻌﺎً ﺗﺸﻮﻓﻴﻨﻲ ﻟﻌﺪ ﺗﺸﻮﻓﻴﻦ ﻣﻨﻮ ﺍﻗﺼﺪ ﻭﺟﻬﻲ ﺷﺒﻲ
ﺑﺎﻭﻋﺖ ﻋﻠﻲ ... ﺷﺒﻲ ﻭﺟﻪ ﻃﺒﻴﻌﻲ
ﺍﻱً ﻋﻔﻴﻪ ﻳﻌﻨﻲ ﺑﺮﺑﺞ ﺍﻛﻮ ﻭﺍﺣﺪ ﻋﻨﺪﻩ ﺳﺮﻃﺎﻥ ﻫﻴﺞ ﻭﺟﻬﻪ ﻃﺒﻴﻌﻲ
ﺑﺎﻭﻋﺖ ﻋﻠﻲ ... ﺟﻬﺎﺩ ﻫﺎﻱ ﺩﺭﻭﺑﻚ ﻣﺘﻤﺸﻲ ﻋﻠﻴﻪ ﺑﻌﺪ
ﻭﺍﻟﻠﻪ ..... ﻟﻴﺶ ﻣﺘﺤﺠﻴﻠﻲ ﺍﻟﻲ ﺍﻟﺤﻘﻴﻘﻪ ﻛﻠﻲ ﺣﺘﻰ ﺍﺳﺘﺴﻠﻢ
ﻭﺭﻭﺡ ﺍﻣﻲ ﺍﻟﻲ ﻣﺎﺍﺣﻠﻒ ﺑﻴﻬﻪ ﺟﺬﺏ ﻣﺎﺑﻴﻪ ﺷﻲ
ﻏﻴﺮ ﻟﻮ ﺍﻋﺮﻑ ﺍﻧﺘﻲ ﻣﻨﻮ ﻛﻠﺞ
ﺍﺣﺠﻴﻠﻲ ﻣﻌﻘﻮﻟﻪ ﻓﺮﺍﺱ ﻛﻠﺞ
ﻳﻌﻨﻲ ﻫﺴﻪ ﺍﻧﺖ ﻣﺎﺑﻴﻚ ﺷﻲ
ﻣﺎﺑﻴﻪ ﻛﻞ ﻣﺎ ﺑﺎﻟﻤﻮﺿﻮﻉ ﻋﻨﺪﻱ ﺍﻟﺘﻬﺎﺏ ﺣﺎﺩ ﺑﺎﻟﺮﺋﻪ
ﻣﻦ ﺍﻛﻠﺞ ﺍﻟﺪﻛﺘﻮﺭ ﻣﻴﻔﻬﻢ ﺗﻌﺘﺮﺿﻴﻦ ﻫﺎﺝ
ﻫﻞ ﺧﺒﻠﻨﻲ ﻭﻛﻠﻲ ﺳﺮﻃﺎﻥ ﻭﻣﺮﺣﻠﺘﻚ ﺍﻻﺧﻴﺮﻩ
ﺧﻼﻧﻲ ﺃﻳﺲ ﻣﻦ ﺍﻟﺪﻧﻴﺎ
ﻭﻫﻨﺎﻙ ... ﺧﺎﻑ ﻫﻨﺎﻙ ﻣﺸﺎﻓﻮ ﻋﺪﻝ
ﺳﻮﻳﺖ ﺑﻤﺴﺘﺸﻔﻴﺎﺕ ﺍﺛﻨﻴﻦ ﻣﺨﺘﻠﻔﺎﺕ ﺗﺤﺎﻟﻴﻠﻲ ﻧﻈﻴﻔﻪ
ﻓﺮﺣﻪ / ﻭﺍﻟﻠﻪ
ﻭﺍﻟﻠﻪ ﺷﺒﻴﺞ
ﺭﺃﺳﺎً ﺑﺠﻴﺖ ﻭﺷﻤﺮﺕ ﺭﻭﺣﻲ ﻋﻠﻲ ﺿﻤﻴﺖ ﺭﺍﺳﻲ ﺑﺼﺪﺭﻩ ﻭﻛﻤﺖ ﺍﺑﺠﻲ ﻭﺍﺑﻮﺱ ﺑﻲ
ﺍﻭﻭﻑ ﻳﺎﺭﺑﻲ ﺍﻟﺤﻤﺪﻟﻠﻪ
ﻭﻫﻮ ﻳﻤﺴﺢ ﻋﻠﻰ ﺭﺍﺳﻲ .... ﻛﻠﻲ
ﺗﺪﺭﻳﻦ ﻳﺎ ﻓﺮﺣﻪ ﻣﻦ ﻛﻠﻲ ﺍﻟﺪﻛﺘﻮﺭ ﺍﻭﻝ ﺷﺨﺺ ﺍﺟﻪ ﻋﻠﻰ ﺑﺎﻟﻲ ﻫﻮ ﺍﻧﺘﻲ ..... ﻣﻔﻜﺮﺕ ﺑﺎﻟﻤﻮﺕ ﻭﻻ ﺧﻔﺖ ﻣﻨﻪ
ﻓﻜﺮﺕ ﺍﺫﺍ ﺍﻟﻠﻪ ﺍﺧﺬ ﺍﻣﺎﻧﺘﻪ ﺍﻧﺘﻲ ﻭﻳﻦ ﺗﺮﻭﺣﻴﻦ ﻭﺷﻴﺼﻴﺮ ﺑﻮﺿﻌﺞ
ﺍﻟﺒﻨﺎﺕ ﻣﺎﺍﺧﺎﻑ ﻋﻠﻴﻬﻦ ﻻﻥ ﺍﻛﺮﻡ ﻛﺪﻫﻪ ﻭﻣﻴﻌﻮﻓﻬﻦ ... ﻭﻓﺮﺍﺱ ﻣﻮﺟﻮﺩ ﺃﺃﻣﻨﻪ ﻋﻠﻴﻬﻢ ﻭﺍﺩﺭﻱ ﺑﻲ ﻛﻔﻮ
ﺑﺲ ﺍﻧﺘﻲ .... ﺍﻭﻑ ﻳﺎ ﺍﻧﺘﻲ ﻳﺎ ﻓﺮﺣﻪ
ﺍﺥ ﻳﺎ ﺟﻬﺎﺩ ﻟﻮ ﺗﺪﺭﻱ ﺷﺼﺎﺭ ﺑﻴﻪ ..... ﻋﻘﻠﻲ ﻣﻴﺴﺘﻮﻋﺐ ﺍﺧﺴﺮﻙ ﻣﻮ ﻻﻥ ﺍﺑﻘﻪ ﺑﺎﻟﺸﺎﺭﻉ ﺑﺲ ﻣﺎﺍﻛﺪﺭ ﺍﺗﺨﺎﻳﻞ ﺍﻛﻤﻞ ﺣﻴﺎﺓ ﻣﺎﺑﻴﻬﻪ ﺍﻧﺖ
ﺣﺒﻴﺒﺖ ﻛﻠﺒﻲ ﺍﻧﺘﻲ ..... ﻭﺑﺎﺱ ﺭﺍﺳﻲ
ﻭﺟﺮ ﺍﻟﺠﻜﺎﺭﻩ ﻣﻦ ﺍﻳﺪﻱ .... ﺍﻧﻲ ﻛﻤﺰﺕ ﻭﻛﻤﺖ ﺍﺭﻳﺪ ﺍﺟﺮﻫﻪ ﻣﻨﻬﻪ
ﺍﻧﻄﻴﻨﻲ ﺍﻟﺠﻜﺎﺭﻩ ﺟﻬﺎﺩ
ﻫﺎﺍﺍﺍ ﻣﻮ ﻛﻠﻨﻪ ﻣﺎﺑﻴﻨﻪ ﺷﻲ
ﺟﻬﺎﺩ ﺍﻧﺖ ﺭﺍﺡ ﺗﺨﺒﻠﻨﻲ ﻛﻞ ﺍﻟﻲ ﺑﻴﻚ ﻣﻦ ﻭﺭﻩ ﻫﺎﻱ ﺍﻟﻐﻀﺐ ﻭﺍﻧﺖ ﻭﻻ ﻳﻤﻚ
ﺍﻟﺪﻛﺘﻮﺭ ﻛﻠﻲ ﺩﺧﻦ
ﻳﺎ ﺩﻛﺘﻮﺭ ﻻ ﺭﺑﺤﻨﺎ ﺍﺫﺍ ﺍﻟﺪﻛﺘﻮﺭ ﻛﻠﻚ ﻫﻴﺞ ﻣﻌﻨﺎﻫﻪ ﻫﺬﺍ ﺍﻓﺸﻞ ﺩﻛﺘﻮﺭ ﻭﻻﺯﻡ ﺍﺧﺎﻑ ﻣﻦ ﻧﺘﻴﺠﺔ ﺗﺤﻠﻴﻠﻚ
ﻫﻮ ﻣﻮ ﻛﺎﻝ ﺩﺧﻦ ﻭﻻ ﻛﻠﻲ ﻋﻮﻓﻬﻦ
ﻛﻠﻲ ﺍﺭﺑﻌﻪ ﺑﺎﻟﻴﻮﻡ ﺍﻧﺴﺎﻥ ﻋﺎﺩﻝ
ﻭﻫﻮ ﺍﻟﺸﺮﻉ ﻣﺤﻠﻞ ﻫﻢ ﺍﺭﺑﻌﻪ
ﺑﺎﻭﻋﺖ ﻋﻠﻲ ﺍﺭﺑﻌﻪ ﻣﻮﻭﻭﻭ
ﻭﺍﻟﺜﺎﻧﻴﻪ ﺟﻤﻴﻠﻪ ﻣﻮﻭﻭﻭ
ﺟﻤﻴﻠﻪ ﻫﺎﻱ ﺷﻨﻮﻭﻭ ﺍﻧﻮﺏ
ﻣﻮﺿﻮﻉ ﺟﻤﻴﻠﻪ ﻫﻴﻪ ﺍﺣﺠﻲ ﺑﻲ ﻣﻮ ﻋﺒﺎﻟﻚ ﺍﻏﻠﺲ ﻋﻠﻲ
ﻭﻛﺎﻓﻲ ﺟﻬﺎﺩ ... ﻋﻮﻑ ﺍﻟﺠﻜﺎﻳﺮ ﻭﺍﻟﻠﻪ ﻣﺎﺍﺧﻠﻴﻚ ﻛﺎﺍﺍﻓﻲ ﻓﻜﺮ ﺑﻴﻨﻪ ﻛﻠﻨﻪ
ﻛﻠﻨﻪ ﻣﺤﺘﺎﺟﻴﻚ ﻭﻧﻀﻴﻊ ﺑﺪﻭﻧﻚ ﻭﺍﻧﺖ ﺣﺎﻳﺮ ﺑﺎﻟﺠﻜﺎﻳﺮ
ﻳﻠﻠﻪ ٣
ﻓﺘﺤﺖ ﻋﻴﻨﻲ ﺟﻬﺎﺩ
ﻳﺎﺑﻪ ٢ﺑﺎﻟﻴﻮﻡ ﺑﺲ
ﻭﺣﺪﻩ ﺍﻟﺼﺒﺢ ﻭﻭﺣﺪﻩ ﺑﻠﻴﻞ ﻭﺑﻌﺪ ﻣﺎﺍﺣﺠﻲ ﻭﻻ ﺍﻗﺒﻞ ﺗﺤﺠﻴﻦ ﺑﺎﻟﻤﻮﺿﻮﻉ ﺍﻟﺠﻤﺎﻳﺮ ﺧﻂ ﺍﺣﻤﺮ ﺍﻧﺘﻲ ﻣﺘﻌﺮﻓﻴﻦ ﺷﻨﻮ ﺍﻟﺠﻜﺎﻳﺮ ﺑﺎﻟﻨﺴﺒﻪ ﺍﻟﻲ ﻋﻨﺪﻱ ﺍﻟﻤﻮﺕ ﺍﻫﻮﻥ ﻣﻦ ﺗﺮﻙ ﺍﻟﺠﻜﺎﻳﺮ
ﻭﺍﻟﻠﻪ
ﺍﻱ ﻭﺍﻟﻠﻪ ﻟﻌﺪ ﺷﻌﺒﺎﻟﺞ
ﻭﺧﻠﻪ ﺍﻟﺠﻜﺎﺭﻩ ﺑﺤﻠﻜﻪ ﻭﻫﻮ ﻋﺼﺒﻲ ﻋﻮﺩ ﻳﺨﻮﻓﻨﻲ ﺣﺘﻰ ﻣﺎﺍﺟﺮﻫﻪ
ﺗﺮﻩ ﻫﺎﻱ ﻣﺎﻝ ﺍﻟﻠﻴﻞ
ﻻ ﻫﺎﻱ ﻣﺎﻝ ﺻﺒﺢ ﺍﻟﻴﻮﻡ ﺍﻟﺼﺒﺢ ﻣﺪﺧﻨﺖ
ﺍﻧﺖ ﻣﺘﺪﺧﻦ ﺍﻟﻠﻪ ﺍﻋﻠﻢ ﻳﺠﻮﺯ ﻣﺨﻠﺺ ﺑﺎﻛﻴﺖ
ﺑﺎﻭﻋﺖ ﻋﻠﻲ ﻭﻫﻮ ﻳﺪﺧﻦ ﻭﺍﻧﻲ ﻭﺍﻛﻔﻪ ﺗﺨﻮﺻﺮﺕ ﻭﻛﺘﻠﻪ ﺟﻬﺎﺩ ﺍﻧﺖ ﻭﺟﻤﻴﻠﻪ ﻣﺎﺍﺻﺪﻙ ﻣﺎﺑﻴﻨﻜﻢ ﺷﻲ
ﻣﺴﺢ ﺍﻳﺪﻩ ﺑﻌﻴﻨﻪ ﻭﺟﺎﻥ ﻳﻜﻮﻝ
ﻭﺍﻟﻠﻪ ﺗﻌﺒﺎﻥ ﻭﻧﻌﺴﺎﻥ ﻭﻣﺸﺘﺎﻕ ﺍﻟﺤﻀﻦ ﻭﺣﺪﻩ
ﻣﺨﺒﻠﻪ
ﻛﻮﻝ ﺟﻤﻴﻠﻪ ﻭﺍﺧﺘﺼﺮ ﺍﻟﻄﺮﻳﻖ
ﻟﻴﺶ ﺟﻤﻴﻠﻪ ﻣﺨﺒﻠﻪ
ﺍﻧﻲ ﺣﺴﺐ ﻣﻌﺮﻓﺘﻲ ﺑﻴﻬﻪ ﻫﻴﻪ ﺍﻧﺴﺎﻧﻪ ﻋﺎﻗﻠﻪ ﺟﺪﺍً
ﺑﺎﻭﻋﺖ ﻋﻠﻲ ﺑﺤﺰﻥ ﻫﻮ ﻳﺴﺘﻬﺰﺀ ﻭﺍﻧﻲ ﺍﺣﺠﻲ ﺻﺪﻙ
ﺻﺢ ﺟﻨﺖ ﻣﻤﺮﻛﺰﻩ ﻻﻥ ﺧﺎﻳﻔﻪ ﻋﻠﻲ ﺑﺲ ﻃﺎﻗﺘﻲ ﺧﻠﺼﺖ
ﺭﺣﺖ ﺧﻨﻜﺘﻪ ﻣﻦ ﺭﻛﺒﺘﻪ ﺑﺲ ﻋﻠﻰ ﻛﻴﻒ
ﺍﺧﻨﻚ ﻭﺍﻟﻠﻪ ﺍﺫﺍ ﺗﺨﻮﻧﻲ
ﺿﺤﻚ ﻫﻮ ... ﺧﺒﺎﻝ ﺍﻱ ﻭﺍﻟﻠﻪ ﻛﻞ ﻣﺎ ﺟﺎﻟﺞ ﺗﺘﺨﺒﻠﻴﻦ ﺫﺏ ﺍﻟﺠﻜﺎﺭﻩ ﻣﻦ ﺍﻳﺪﻩ ﻭﻟﺰﻣﻨﻲ ﻣﻦ ﺧﺼﺮﻱ ﻭﺟﺮﻧﻲ ﻋﻠﻲ
ﺗﻐﺎﺭﻳﻦ ﻋﻠﻴﻪ
ﺻﺎﺭ ﻣﻠﻴﻮﻥ ﻣﺮﻩ ﺍﻛﻠﻚ ﺍﻏﺎﺭ ﻭﺍﻧﺖ ﺗﺴﺘﻔﺰﻧﻲ
ﺑﺎﺳﻨﻲ ﻣﻦ ﺷﻔﺘﻲ .... ﻭﻛﻠﻲ ﺧﺒﻠﺘﻴﻨﻲ
ﺷﺠﺎﺑﺞ ﻋﻠﻰ ﺟﻤﻴﻠﻪ ﻭﺷﺬﻛﺮﺝ ﺑﻴﻬﻪ ﻣﻦ ﻭﺻﻠﺖ ﺍﻟﻬﺴﻪ
ﺟﻤﻴﻠﻪ ﻭﺟﻤﻴﻠﻪ ﺣﺒﻴﺒﺘﻲ ﺍﻧﺘﻲ ﺷﻮﻛﺖ ﺗﻜﺒﺮﻳﻦ
ﻳﻌﻨﻲ ﺍﻛﻮ ﺭﺟﺎﻝ ﺟﺎﻱ ﻣﻦ ﺍﻟﺴﻔﺮ ﻭﻫﻴﺞ ﺗﺴﺘﻘﺒﻠﻪ ﺯﻭﺟﺘﻪ
ﺍﻱ ﺍﻟﺨﺎﻳﻦ ﻫﻴﺞ ﻳﺼﻴﺮ ﺍﺳﺘﻘﺒﺎﻟﻪ
ﻻ ﺻﺪﻙ ﻭﻳﻦ ﻟﻜﻴﺘﻲ ﺟﻤﻴﻠﻪ
ﺑﺎﻭﻋﺖ ﻋﻠﻲ .... ﻭﻛﺘﻠﻪ ﺻﺢ ﻫﻴﻪ ﺳﺎﻋﺪﺗﻨﻲ ﺑﺲ ﺍﻫﻢ ﺍﺗﻜﻬﺮﺏ ﻣﻦ ﺗﺠﻴﺐ ﺳﻴﺮﺗﻚ
ﺑﺸﻨﻮ ﺳﺎﻋﺪﺗﺞ ﺟﻤﻴﻠﻪ
ﺳﺎﻋﺪﺗﻨﻲ ﺣﻤﺘﻨﻲ ﻣﻦ ﺟﻬﺎﻟﻚ ... ﺍﻧﺖ ﻋﻔﺘﻨﻲ ﻳﻤﻬﻢ ﻭﺗﻌﺮﻑ ﻫﻤﻪ ﻳﻜﺮﻫﻮﻧﻲ
ﻛﺒﻞ ﻭﺟﻬﻪ ﺍﻧﻜﻠﺐ ﻭﺑﻌﺪﻧﻲ ﻋﻨﻪ ﻭﻛﻠﻲ ﺷﻠﻮﻥ
ﺑﺴﺎﻋﺘﻬﻪ ﻣﻔﻜﺮﺕ ﺏ ﺟﻬﺎﺩ ﻫﺴﺘﻮﻩ ﺟﺎﻱ ﻭﻻ ﻓﻜﺮﺕ ﺑﺎﻟﻤﺸﻜﻠﻪ ﺍﻟﻲ ﺭﺍﺡ ﺗﺼﻴﺮ ﻛﻞ ﻫﻤﻲ ﺍﻧﺘﻘﻢ ﻣﻨﻬﻢ
ﻋﻞ ﺍﻳﺎﻡ ﺍﻟﻲ ﺻﺎﺭﻥ ﺳﻨﻴﻦ ﺑﺎﻟﻨﺴﺒﻪ ﺍﻟﻲ
ﻛﺘﻠﻪ ﻣﻦ ﺩﺭﻭ ﺑﻴﻪ ﺣﺎﻣﻞ ..... ﻭﺣﺠﻴﺘﻠﻪ ﻛﻞ ﺍﻟﻲ ﺻﺎﺭ
ﻭﺟﻬﻪ ﻛﺎﻡ ﻣﻴﺘﻔﺴﺮ ﻭﺍﻛﺘﻔﻪ ﺑﺎﻟﺼﻤﺖ ﻭﺟﺮ ﺟﻜﺎﻳﺮﻩ ﻣﻦ ﺍﻟﻤﻴﺰ
ﺟﻬﺎﺩ ﻫﻢ ...... ﺑﻌﺪﻧﻲ ﻣﻤﻜﻤﻠﻪ ﻋﺎﻁ ﺑﻴﻪ
ﻣﺎﻟﺞ ﺩﺩﺩﺩﺩﺩﺧﻞ ﺍﻧﺘﻲ ﻭﻏﻠﻂ ﻋﻠﻴﻪ
ﺟﻬﺎﺩ ﺷﻮﻭﻭ ﺍﻧﻮﺏ ﺍﻧﺖ ﺍﺧﺬﺕ ﻣﻮﻗﻒ ﻣﻨﻲ
ﻟﺘﺤﺠﺠﺠﺠﺠﺠﺠﻴﻦ ﺑﺎﺑﺎ ﻋﻮﻭﻭﻓﻴﻨﻲ
ﺍﻧﻲ ﺳﻜﺘﺖ ﺧﻔﺖ .... ﺑﻘﻴﺖ ﻭﺍﻛﻔﻪ ﻭﻫﻮ ﻳﺸﺮﺏ ﺟﻜﺎﺭﻩ ﻭﺭﻩ ﺟﻜﺎﺭﻩ ﺑﻘﻴﺖ ﺍﺑﺎﻭﻉ ﻋﻠﻲ ﺑﺤﻘﺪ ﻭﺧﻮﻑ ﻋﻠﻲ ﺑﻨﻔﺲ ﺍﻟﻮﻗﺖ
ﻣﺎﺍﺣﺲ ﺍﻟﻪ ﻛﺎﻡ .... ﺍﻧﻲ ﻫﻨﺎ ﺧﻔﺖ
ﺧﺎﻑ ﺭﺍﺡ ﻳﺴﻮﻱ ﺷﻲ ﻣﻊ ﺍﻟﻌﻠﻢ ﺟﻨﺖ ﺍﻋﺮﻑ ﻣﻴﺴﻜﺖ ﺑﺲ ﺧﻔﺖ ﻫﻢ
ﻟﺒﺴﺖ ﺷﺎﻟﻲ ﻭﻃﻠﻌﺖ ﻭﺭﺍ ﺟﺎﻧﺖ ﺭﻣﺎﻧﻪ ﻛﺎﻋﺪﻩ ﺗﻘﺮﻩ ﺑﺎﻻﺳﺘﻘﺒﺎﻝ
ﺟﻬﺎﺩ / ﺭﻣﺎﻧﻪ ﺻﻴﺤﻴﻠﻲ ﺍﻛﺮﻡ ﻭﺍﺑﻘﻲ ﺍﻗﺮﻱ ﻓﻮﻙ
ﺭﺍﺩﺕ ﺗﺼﻌﺪ ﻛﻠﻬﻪ ﻭﺳﻠﻮﻯ ﻫﻢ ﻭﺩﺍﺭ ﻋﻠﻴﻪ ﻛﻠﻲ ﻛﻌﺪﻱ ﻫﻨﺎ
ﻛﻌﺪﺕ ﻭﺍﻧﻲ ﻣﺪﺭﻱ ﺷﺒﻴﻪ ﺍﺟﺘﻨﻲ ﺍﻟﺮﺟﻔﻪ ﺑﺠﺴﻤﻲ ﺣﺴﻴﺖ ﻧﻔﺴﻲ ﻣﺘﻬﻢ ﻣﻊ ﺍﻟﻌﻠﻢ ﺍﻧﻲ ﻣﻤﺴﻮﻳﻪ ﺷﻲ
ﺍﻭﻝ ﻣﺪﺧﻞ ﺍﻛﺮﻡ ﺑﺎﻭﻉ ﻋﻠﻴﻪ ﻭﺍﺑﺘﺴﻢ ﺑﺎﺳﺘﻬﺰﺍﺀ
ﻭﺭﺍﻓﻊ ﺣﺎﺟﺒﻪ ﻭﻛﺎﻝ ﻫﺎﻳﺎﺑﻪ ﺻﺤﺘﻨﻲ
ﺟﻬﺎﺩ / ﺍﻛﻌﺪ ﻫﻨﺎ
ﻛﻌﺪ ﺑﺘﻤﻠﻞ ﺑﺤﻴﺚ ﺑﻴﻦ ﻣﻦ ﺣﺮﻛﺎﺕ ﻭﺟﻬﻪ
ﻭﺭﺍﻫﻪ ﺍﺟﺖ ﺳﻠﻮﻯ ﻛﺒﻞ ﻛﻌﺪﺕ ..... ﺑﺎﻭﻋﺖ ﻋﻠﻰ ﺟﻬﺎﺩ ﻳﺨﺰﺭ ﺏ ﺍﻛﺮﻡ ﻻﻥ ﺍﻛﺮﻡ ﻳﻮﺯﻉ ﺍﺑﺘﺴﺎﻣﺎﺕ ﺍﺳﺘﻬﺰﺍﺀ
ﺟﻬﺎﺩ / ﺍﺑﻦ ﺍﻟﻘﻨﺪﺭﺍ ﺍﻟﻪ ﺍﻫﻴﻨﻚ ﻣﻦ ﺗﻜﻌﺪ ﻛﺒﺎﺍﺍﺍﺍﺍﻟﻲ ﺗﺤﺘﺮﺭﺭﺭﻡ ﻧﻔﺴﻚ
ﺍﻛﺮﻡ / ﻟﻴﺶ ﺷﻤﺴﻮﻱ ﺍﻧﻲ .... ﻫﺎﺍﺍﺍﺍﺍﺍ ﺍﻭﻑ ﻧﺴﻴﺖ
ﻻﻥ ﺧﻠﻴﺖ ﺑﺖ ﺍﻟﺸﻮﺍﺭﻉ ﺍﻟﻲ ﻣﺪﺭﻱ ﻣﻨﻴﻦ ﺟﺒﺘﻬﻪ ﺗﻮﻛﻊ ﺍﻟﻄﻔﻞ
ﺑﻬﺎﻟﻠﺤﻈﻪ ﺟﻬﺎﺩ ﺟﺎﻥ ﻛﺎﻋﺪ ﻓﺠﺄﻩ ﻣﺎﺍﺣﺲ ﺍﻟﻪ ﻳﻢ ﺍﻛﺮﻡ ﻭﻻﺯﻣﻪ ﻣﻦ ﺧﻮﺍﻧﻴﻜﻪ ﻭﻳﺼﻴﺢ ﻋﻠﻲ
ﺍﻟﻠﺴﺎﻧﻚ ﻫﺬﺍ ﺍﻛﺼﻪ ﻭﺍﻟﻠﻪ ... ﻭﺍﻟﻠﻪ ﺍﻛﺼﻪ ﺍﻟﻚ ﻳﺎ ﻋﺪﻳﻢ ﺍﻟﺘﺮﺑﻴﻪ
ﻭﺧﺮﺭﺭﺭ ﺭﺣﻤﻪ ﺍﻟﺪﻳﻨﻚ ﻛﺎﺍﺍﺍﻓﻲ ﺍﻟﻬﻨﺎ ﻭﺑﺲ ﺍﻧﺖ ﺷﻨﻮﻭﻭﻭ ﻣﺘﻔﻜﺮ ﺑﻴﻨﻪ ﻭﺧﻞ ﺍﻛﻠﻚ ﻛﻞ ﻣﺎ ﺗﺤﺒﻠﻬﻪ ﺍﻧﻲ ﺍﻧﺰﻝ ﺍﻟﻄﻔﻞ ﺑﻴﺪﻱ ﻭﺍﻟﻠﻪ ..... ﻭﺍﻟﻠﻪ
ﺣﺎﻭﻟﻨﻪ ﺍﻧﻲ ﻭﺳﻠﻮﻯ ﻧﻮﺧﺮﻩ ﻣﻦ ﺍﻛﺮﻡ ﻻﻥ ﺍﻛﺮﻡ ﻳﺴﺘﻔﺰﻩ ﺑﻜﻼﻡ
ﻳﺨﻠﻲ ﻳﻐﻠﻲ .... ﺻﺎﺡ ﺑﻴﻪ ﺍﻃﻠﻊ ﻣﻦ ﺍﻻﺳﺘﻘﺒﺎﻝ ﺑﺲ ﺍﻧﻲ ﻣﺮﺣﺖ ﻻﻥ ﺟﺎﻥ ﻳﺮﻳﺪ ﻳﻀﺮﺏ ﺍﻛﺮﻡ ﺍﺧﺮ ﺷﻲ ﺻﻌﺪ ﻋﻞ ﻗﻨﻔﻪ ﺍﻛﺮﻡ ﻭﻋﺒﺮ ﻣﻦ ﻳﻤﻪ ﻭﺍﻧﻲ ﻭﺳﻠﻮﻯ ﻛﺒﺎﻝ ﺟﻬﺎﺩ ﺍ
ﻓﺪﻭﻭﻩ ﻛﺎﺍﺍﻓﻲ ﺟﻬﺎﺩ
ﺑﺖ ﺍﻻﻭﺍﺩﻡ ﻭﻟﻲ ﻣﻦ ﻛﺒﺎﻟﻲ ﺍﻣﺸﻴﻴﻴﻲ ﺭﻭﺣﻲ ﺍﻟﻐﺮﻓﺘﺞ ﻟﺘﺪﺧﻠﻴﻦ ﺍﻧﺘﻲ ﻭﺭﺟﻊ ﻋﻠﻰ ﺍﻛﺮﻡ
ﺍﺑﻦ ﺍﻟﺴﻜﻂ ﻟﻮ ﻣﺎ ﺳﻜﻂ ﺟﺎﻥ ﻣﺤﺠﻴﺖ ﻭﻳﺎﻱ ﻫﻴﺞ ﺳﺎﻗﻂ
ﻟﻚ ﺍﻧﺖ ﺗﻮﻛﻒ ﺑﻮﺟﻬﻲ ﻭﺗﺤﺠﻲ ﻫﻴﺞ
ﺍﻱ ﺍﺣﺠﻲ
ﺍﻭﻛﻒ ﺍﻭﻛﻒ ﻟﻮ ﺑﻴﻚ ﺧﻴﺮ ﺍﻭﻛﻒ ﻳﺎ ﺳﺎﻗﻂ ﻣﻮ ﺗﺸﻤﺮ ﻣﻦ ﺑﻌﻴﺪ ﻭﺭﺍﺡ ﻋﻠﻲ ﻭﺍﻛﺮﻡ ﺭﺍﺩ ﻳﻄﻠﻊ
ﻛﻠﻪ ﺍﻭﻛﻒ ... ﺍﻭﻛﻒ ﺗﻌﺎﻝ ﻣﺎﺍﺳﻮﻳﻠﻚ ﺷﻲ
ﺍﺭﻳﺪ ﺍﻛﻌﺪ ﺍﺣﺠﻲ ﻭﻳﺎﻙ ﻟﺘﻔﺮﺝ ﺍﻟﻨﺎﺱ ﻋﻠﻴﻨﻪ
ﻫﻪ ﻫﻴﻪ ﺍﻟﻨﺎﺱ ﻣﺘﻔﺮﺟﻪ ﻭﺿﺎﻟﻴﻦ ﻋﻠﺞ ﺑﺤﻠﻮﻛﻬﻢ ﻣﻦ ﻭﺭﺍﻙ
ﺧﺮﻓﺖ ﻋﻠﻰ ﺍﺧﺮ ﻭﻛﺘﻚ
ﺧﻠﻠﻔﻠﻪ ﻋﻠﻴﻚ ﺍﻛﺮﻡ ... ﺧﻠﻠﻔﻠﻪ ﻋﻠﻴﻚ
ﻫﺴﻪ ﺍﻧﻲ ﺻﺮﺕ ﻣﺨﻠﻴﻜﻢ ﻋﻠﺞ ﺑﺤﻠﻚ ﺍﻟﻨﺎﺱ ﻻ ﻭﻣﺨﺮﻑ ﻫﻢ
ﻋﻠﻤﻮﺩ ﺷﻨﻮ
ﺣﻴﻞ ﺑﺴﺎﻋﺘﻬﻪ ﺍﻧﻘﻬﺮﺕ ﻋﻠﻰ ﺟﻬﺎﺩ ﻭﻋﻞ ﻣﻮﻗﻒ ﺍﻟﻲ ﺻﺎﺭ ﺑﻲ ﺑﺴﺒﺒﻲ
ﻻ ﺑﺮﺑﻚ ﻋﻠﻤﻮﺩ ﺷﻨﻮ ﻭﻫﺎﻱ ﺍﻟﻄﻔﻠﻪ ﺍﻟﻲ ﻣﺘﺰﻭﺟﻬﻪ
ﻫﺎﺍﺍﺍﺍ ﻭﺭﻭﺡ ﺍﻣﻲ ﻟﻮ ﺍﺩﺭﻱ ﺗﺘﺰﻭﺟﻬﻪ ﺍﻧﺖ ﺟﺎﻥ
ﺍﻧﻲ ﺗﺰﻭﺟﺘﻬﻪ ﻣﻦ ﺍﻭﻝ ﻣﺎﻋﺮﺿﺘﻬﻪ ﻋﻠﻴﻪ
ﺍﻧﺼﺪﻣﺖ ﺍﻧﻲ ﺑﻬﺎﻟﻠﺤﻈﻪ ﻣﻦ ﻛﻼﻣﻪ
ﺟﻬﺎﺩ / ﺍﻳﺎ ﺳﺎﻗﻂ ﻭﻟﻚ ﻫﻴﺞ ﺗﺤﺠﻲ ﻭﻳﺎﻱ ﺷﻮﻭﻭﻑ ﺍﻛﻠﻚ ﺍﻧﺖ ﻭﺍﺧﺘﻚ ﺗﺴﻤﻌﻮﻥ ﻓﺮﺭﺭﺣﻪ ﺯﻭﺟﺘﻲ ﺗﻘﺒﻠﻮﻥ ﻣﺘﻘﺒﻠﻮﻥ
ﻭﻫﻢ ﺍﺯﻳﺪﻛﻢ ﻣﻦ ﺍﻟﺸﻌﺮ ﺑﻴﺖ ﺣﺎﻣﻞ ﻭﺍﻟﻄﻔﻞ ﺑﻌﺪﻩ ﻣﻮﺟﻮﺩ ﻭﺣﺎﻟﻪ ﻣﻦ ﺣﺎﻟﻜﻢ ﺍﺧﻮﻛﻢ ﺍﻭ ﺍﺧﺘﻜﻢ ﻏﺼﺒﺎً ﻣﺎ ﻋﻠﻴﻜﻢ
ﻭﻫﺬﺍ ﺍﻟﻲ ﻋﻨﺪﻱ
ﺍﻧﺖ ﺗﺤﺠﻲ ﺻﺪﻙ ﻭﺍﻟﻠﻪ ﻫﺬﺍ ﺍﻟﻄﻔﻞ ﻣﻴﻨﻮﻟﺪ ﻟﻮ ﺍﻋﺮﻑ ﺍﻣﻮﻭﻭﺕ ﻭﺍﻟﻠﻪ
ﺧﻞ ﺍﺷﻮﻑ .. ﺍﺫﺍ ﺍﻧﺖ ﺭﺟﺎﻝ ﻧﻔﺬ ﺍﻟﻲ ﺗﻜﻮﻟﻪ
ﺍﻗﺴﻢ ﺑﺎﻟﻠﻪ ﺍﻟﻌﻈﻴﻢ ﻻ ﺍﺳﻮﻱ ﺷﻲ ﻣﻴﺨﻄﺮ ﻋﻠﻰ ﺑﺎﻟﻚ
ﺳﻠﻮﻯ / ﺍﺣﻨﻪ ﻧﻜﺮﻫﻚ ﻭﺍﻟﻠﻪ ﻧﻜﺮﻫﻚ ﺍﻧﺖ ﺣﺎﺳﺐ ﺭﻭﺣﻚ ﺍﺏ
ﻭﻳﻦ ﺍﻛﻮ ﺍﺏ ﻳﻔﻜﺮ ﺑﺲ ﺑﻨﻔﺴﻪ
ﺗﻮﻗﻌﺘﻪ ﻳﻀﺮﺑﻬﻪ ﺑﺲ ﺟﻬﺎﺩ ﻣﻮ ﻣﻦ ﺍﻟﻨﻮﻉ ﺍﻟﻲ ﻳﻤﺪ ﺍﻳﺪﻩ ﻋﻠﻰ ﺑﻨﺎﺗﻪ ﻭﺩﻭﻡ ﺍﻟﻼﺣﻈﻪ ﻳﺘﺠﺎﻭﺏ ﻭﻳﺎﻫﻢ ﺑﺎﻟﻜﻼﻡ ﻭﺍﺫﺍ ﻳﺤﺎﺳﺒﻬﻢ ﻓﻬﻢ ﺑﺎﻟﻜﻼﻡ
ﺗﻜﺮﻫﻴﻨﻲ ﺑﺮﺍﺣﺘﺞ ﺑﺎﺑﺎ ﻛﺮﻫﻴﻨﻲ
ﺷﺴﻮﻳﻠﺞ ﺍﺫﺍ ﺍﻧﺘﻲ ﺗﻜﺮﻫﻴﻨﻲ ﺍﻧﻲ ﺍﻧﺴﺎﻥ ﻳﺸﻬﺪ ﺭﺑﻲ ﻋﻠﻴﻪ ﻣﻤﻘﺼﺮ ﻭﻳﺎﻛﻢ
ﺍﻧﺖ ﻭﻫﻴﻪ ﻭﺧﻮﺍﺗﻜﻢ ﺍﻓﻜﺮ ﺑﻴﻜﻢ ﻭﺑﻤﺴﺘﻘﺒﻠﻜﻢ ﻻ ﺣﺎﺭﻣﻜﻢ ﻣﻦ ﺷﻲ ﻭﻻ ﻣﻘﺼﺮ
ﺍﻟﻨﺎﺱ ﺷﻌﻠﻴﻪ ﺑﻴﻬﻢ ﻃﺒﻬﻢ ﻃﺐ ﺍﻧﻲ ﺍﻧﺴﺎﻥ ﺟﺒﻴﺮ ﻭﺍﻋﻲ ﻣﻮ ﻣﺨﺮﻑ ﻣﺜﻞ ﻣﺘﻜﻮﻝ ﺣﻀﺮﺓ ﺟﻨﺎﺑﻚ ﻳﺎ ﻗﻠﻴﻞ ﺍﻟﺘﺮﺑﻴﻪ
ﺍﻧﻲ ﺗﺰﻭﺟﺖ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﻻ ﺑﺎﻳﻚ ﺑﻮﮔﻪ ﻭﻻ ﻣﺄﺫﻱ ﺍﺣﺪ ... ﻣﺮﺗﺎﺡ ﺑﺤﻴﺎﺗﻲ
ﺳﻠﻮﻯ / ﺍﺣﻨﻪ ﻣﺄﺫﻳﻨﻪ
ﺍﻧﺘﻮ ﻣﺄﺫﻳﻦ ﺭﻭﺣﻜﻢ ﺑﺎﻟﺨﺎﻟﻲ ﺑﻼﺵ ﺍﺫﺍ ﺧﺎﻳﻔﻴﻦ ﻋﻞ ﻭﺭﺙ
ﻓﻠﺘﺨﺎﻓﻮﻥ ﻛﻞ ﻭﺍﺣﺪ ﻳﺎﺧﺬ ﺣﻘﻪ ﻭﻫﻢ ﻟﺘﺨﺎﻓﻮﻥ ﺻﺎﺭ ﺳﻨﻴﻦ ﺍﺷﺘﻐﻞ ﻭﺳﻮﻳﺘﻠﻜﻢ ﻭﺭﺙ ﻳﻔﻴﺪﻛﻢ ﺑﺎﻟﻤﺴﺘﻘﺒﻞ
ﺍﻛﺮﻡ / ﻭﺍﻟﻄﻔﻞ ﻫﻢ ﻳﺎﺧﺬ ﻭﺭﺙ
ﺟﻬﺎﺩ / ﻳﻌﻨﻲ ﺍﻟﻲ ﻣﺄﺫﻳﻚ ﻣﻮ ﺍﻟﻨﺎﺱ ﻭﻛﻼﻣﻬﻢ ﺍﻟﻲ ﻣﺄﺫﻳﻚ ﺍﻟﻮﺭﺙ
ﻻ ﺣﺠﻲ ﺍﻟﻨﺎﺱ ﻭﺍﻟﻮﺭﺙ ﻫﻢ ﺣﻘﻨﻪ
ﻋﻮﺩ ﻣﻦ ﺍﻣﻮﺕ ﺍﺣﺠﻲ ﺑﺎﻟﻮﺭﺙ ﺑﻌﺪﻧﻲ ﻋﺎﻳﺶ ﺗﺮﻩ
ﺣﺴﻴﺘﻪ ﺗﺄﺫﻩ ﺣﻴﻞ ﻣﻨﻬﻢ ... ﺍﺧﺮ ﺷﻲ ﺣﺠﻪ ﺑﻬﺪﻭﺀ ﻭﻳﺎﻫﻢ
ﻛﻠﻬﻢ ﺗﺮﻩ ﺍﺑﻮﻛﻢ ﻣﻮ ﺍﻻﺏ ﺍﻟﻈﺎﻟﻢ ﺍﻟﻲ ﻳﻔﻜﺮ ﺑﺲ ﺑﻨﻔﺴﻪ
ﺑﺎﻭﻋﻮﻟﻲ ﺯﻳﻦ ﺍﻟﻲ ﺻﺎﺭ ﻣﺎﺍﺳﻤﺢ ﺑﻌﺪ ﻳﺘﻜﺮﺭ ﻭﺍﺫﺍ ﺗﻜﺮﺭ
ﺭﺍﺡ ﺗﺸﻮﻓﻮﻥ ﻏﻴﺮ ﺟﻬﺎﺩ
ﺍﻱ ﻧﻔﺮ ﻣﻮﺟﻮﺩ ﺑﺒﻴﺘﻲ ﻣﻤﺴﻤﻮﺣﻠﻪ ﻳﺘﺠﺎﻭﺯ ﺍﻟﺤﺪﻭﺩ
ﺗﺴﻤﻌﻮﻧﻲ ﻛﻠﻜﻢ ﻣﺸﻤﻮﻟﻴﻦ ﺑﺎﻟﻜﻼﻡ
ﻭﻃﻠﻊ ﻣﻦ ﺍﻻﺳﺘﻘﺒﺎﻝ ﺭﺣﺖ ﻭﺭﺍ ﺭﺃﺳﺎً ﺩﺧﻞ ﻟﻠﻐﺮﻓﻪ ﻭﺩﻓﻊ ﺍﻟﺒﺎﺏ ﻣﺎﻝ ﻏﺮﻓﻪ ﺣﻴﻞ ﻟﺰﻣﺘﻪ ﺍﻧﻲ ﻭﺩﺧﻠﺖ ﻭﺭﺍ
ﻛﺒﻞ ﻛﻌﺪ ﻋﻞ ﺟﺮﺑﺎﻳﻪ ﻭﻃﻠﻊ ﺟﻜﺎﻳﺮﻩ
ﺍﻧﻲ ﻫﻢ ﺭﺣﺖ ﻛﻌﺪﺕ ﺑﺎﻟﺠﻬﻪ ﺍﻟﺜﺎﻧﻴﻪ
ﻛﺎﻡ ﺑﺴﺮﻋﻪ ﻛﻠﻲ ﺣﻀﺮﻳﻠﻲ ﺍﻟﺤﻤﺎﻡ ﺑﺴﺮﻋﻪ
ﻛﻤﺖ ﻃﻠﻌﺘﻠﻪ ﺗﺮﺍﻛﺴﻮﺩ ﻭﺧﻠﻴﺘﻠﻪ ﻣﻨﺸﻔﻪ
ﻛﺘﻠﻪ ﺟﻬﺰﺗﻪ
ﻛﺎﻡ ﺭﺍﺡ ﻟﻠﺤﻤﺎﻡ ﺳﻴﺢ ﻭﻃﻠﻊ ... ﻭﻫﻮ ﻳﻤﺸﻂ ﻛﺘﻠﻪ
ﺟﻮﻋﺎﻥ ﺍﺣﻀﺮﻟﻚ ﻏﺪﻩ
ﺑﺎﻭﻉ ﻋﻠﻴﻪ ﻭﺑﻌﺼﺒﻴﻪ ﻣﺎﺍﺭﻳﺪ ﺯﻗﻨﺒﻮﺕ ﺣﻮﺵ ﺯﻗﻨﺒﻮﺕ ﺗﺰﻗﻨﺒﺖ ﺳﺎﻋﺔ ﺍﻟﺴﻮﺩﻩ ﺍﻟﻲ ﺭﺟﻌﺖ ﺑﻴﻬﻪ ﺍﻭﻝ ﻣﺮﺟﻌﺖ ﺣﺘﻰ ﺑﻌﺪﻧﻲ ﺑﻤﻼﺑﺴﻲ ﺗﻠﻜﻴﺘﻮﻧﻲ ﺑﺎﻟﻤﺸﺎﻛﻞ
ﺟﺮ ﺍﻟﺒﻄﺎﻧﻴﻪ ﻭﻛﺎﻝ ﺷﻨﻮ ﻫﺎﻱ ﺍﻟﺨﺮﺑﻄﻪ ﻣﺎﻝ ﺑﻄﺎﻧﻴﻪ ﻣﻮ ﺗﻌﺮﻓﻴﻦ ﻫﺬﺍ ﺍﻟﻄﺎﻳﺢ ﺍﻟﺤﻆ ﻣﻴﻌﺮﻑ ﻳﻨﺎﻡ ﺑﺠﺮﺑﺎﻳﻪ ﻣﺨﺮﺑﻄﻪ
ﻓﺮﺣﻪ / ﻏﻴﺮ ﺟﻨﺖ ﻧﺎﻳﻤﻪ ﺍﻧﻲ ﻭﻣﻠﺤﻜﺖ ﺍﺭﺗﺐ ﺍﻟﺒﻄﺎﻧﻴﻪ
ﺑﺎﻭﻉ ﻋﻠﻴﻪ ﺧﺰﺭﻧﻲ .... ﺗﺼﻔﻄﻴﻬﻪ ﺗﺮﺗﺒﻴﻬﻪ ﺍﻟﺘﺮﺗﻴﺐ ﻣﻴﺮﺍﺩﻟﻪ ﺭﻭﺣﻪ ﻟﻠﻘﺎﺿﻲ ﻭﺟﺮ ﺍﻟﺒﻄﺎﻧﻴﻪ ﻭﻧﺎﻡ ﻭﺩﺍﺭ ﻭﺟﻬﻪ
ﻛﻤﺖ ﺍﺩﺭﺩﻡ ﺑﻜﻠﺒﻲ ﻭﺍﻟﻠﻪ ﻳﺎﺭﺑﻲ ﺍﻧﻮﺏ ﻓﻮﻛﺎﻫﻪ
ﺍﻟﻲ ﻳﺸﻮﻓﻪ ﻳﻜﻮﻝ ﺍﻧﻲ ﺍﻟﻲ ﻏﻠﻄﺖ
ﻳﻌﻨﻲ ﺷﺴﻮﻱ ﺍﻧﻲ ﻭﻫﻤﻪ ﻳﺪﺭﻭﻥ ﻭﻛﻌﺖ ﺍﻟﻄﻔﻞ ﻏﻴﺮ ﺍﻧﺖ ﺗﺴﻮﻱ ﺣﻞ ﻭﺍﻟﻠﻪ ﻳﺎ ﺍﻟﻠﻪ ﻭﺍﻟﻴﺤﺠﻲ ﻳﻄﻠﻊ ﻣﻮ ﺍﺩﻣﻲ ﻭﻳﺤﺐ ﺍﻟﻤﺸﺎﻛﻞ
ﻃﻠﻌﺖ ﺻﻮﺕ ﻻ ﺍﺭﺍﺩﻱ ﻣﺎﻝ ﺍﺳﺘﻬﺰﺍﺀ ﺑﺎﻟﻮﺿﻊ
ﺟﻬﺎﺩ / ﺷﻜﻠﺘﻲ ﺳﻤﻌﺘﺞ
ﺩﺭﺕ ﻋﻠﻲ ... ﺍﺻﻼ ﻣﺤﺠﻴﺖ
ﺳﻤﻌﺘﺞ
ﻭﺍﻟﻠﻪ ﻣﺤﺠﻴﺖ
ﺍﻧﻲ ﺳﻤﻌﺖ ﺻﻮﺕ
ﺍﻱ ﺑﺲ ﻣﻮ ﻛﻼﻡ ... ﺍﻧﺖ ﻫﺴﻪ ﺍﺧﺬﺕ ﻣﻮﻗﻒ ﻣﻨﻲ ﻋﻠﻰ ﺷﻨﻮ ﻣﺎﺍﻋﺮﻑ
ﺍﺳﻜﺘﻲ ﻫﺴﻪ ﻓﺮﺣﻪ ﻻﻥ ﻭﺿﻌﻲ ﺍﺑﺪ ... ﺍﺑﺪ ﻣﻴﺴﻤﺤﻠﻲ ﺍﺣﺠﻲ ﻻﻥ ﺍﻟﺸﻴﻄﺎﻥ ﻫﺴﻪ ﻳﻔﺘﺮ ﺩﺍﻳﺮ ﻣﺪﺍﻳﺮﻱ
ﺍﻟﺪﻭﺟﺔ ﻫﺴﻪ ﺍﻛﻮﻡ ﺍﺫﺑﺤﻜﻢ ﻛﻠﻜﻢ ﻭﺍﺫﺑﺢ ﺭﻭﺣﻲ ﻭﺍﺧﻠﺺ ﻣﻦ ﻫﺎﻱ ﺍﻟﻌﻴﺸﻪ
ﻋﻴﺸﻪ ﻣﺘﻨﺮﺍﺩ ... ﺑﺲ ﺿﻴﻢ ﺑﻤﺸﺎﻛﻞ ﺑﺘﻌﺐ ﻭﺍﻟﻜﻞ ﻣﻴﻌﺠﺒﻪ
ﻃﻔﻲ ﺍﻟﻜﻠﻮﺏ ﻭﺧﻠﻴﻨﻲ ﺍﻧﻄﻤﺮ ﺍﺣﺴﻦ
ﺟﻬﺎﺩ ﺍﻧﻲ ﺍﻟﻲ ﺷﻔﺘﻪ ﻣﻦ ﺭﺣﺖ ﺍﻧﺖ
ﺍﻱ ﺷﻔﺘﻲ ﻟﻴﺶ ﻣﺤﺠﻴﺘﻲ ﻃﺒﺞ ﻣﺮﺽ ﻣﻦ ﺍﺧﺎﺑﺮﺝ ﻭﺍﻛﻮﻝ ﺻﺎﻳﺮ ﺷﻲ ﻭﻣﺘﻠﻐﻴﻦ ﻃﺒﺞ ﻣﺮﺽ ﺷﺼﺎﺭ ﺑﻴﺞ ﺗﺴﺘﺎﻫﻠﻲ ﻗﺒﻞ ﻻ ﺍﺭﻭﺡ ﺍﻟﻒ ﻣﺮﻩ ﻭﺻﻴﺘﺞ ﻭﺟﺒﺘﻠﺞ ﺍﻟﻤﻮﺑﺎﻳﻞ ﻋﻠﻤﻮﺩ ﺷﻴﺼﻴﺮ ﺗﻨﻄﻴﻨﻲ ﻋﻠﻢ ﺑﻲ ﻛﺎﻡ ﻋﻠﻰ ﺣﻴﻠﻪ ﻭﻳﻦ ﺍﻟﻤﻮﺑﺎﻳﻞ ﻭﻳﻨﻪ
ﺷﺎﻓﻪ ﻋﻞ ﻣﻴﺰ ﺭﻛﻌﻪ ﺑﺎﻟﺤﺎﻳﻂ
ﻫﺬﺍ ﺟﺒﺘﻪ ﻋﻠﻤﻮﻭﻭﻭﺩ ﺗﻜﻠﻴﻠﻲ ﺷﻴﺼﻴﺮ ﻣﻮ ﺗﻠﺰﻣﻲ ﺗﺒﺎﻭﻋﻴﻦ ﺑﻲ ﺍﻟﻤﻦ ﻟﻌﺪ ﺟﺒﺘﻪ ﻓﻬﻤﻴﻨﻲ ﻟﻴﺶ ﻣﻨﻄﻴﺘﻴﻨﻲ ﻋﻠﻢ
ﻻﻥ ﺧﻔﺖ ﻋﻠﻴﻚ
ﻧﻔﺲ ﺍﻟﺸﻲ ﻩ
ﺍﺫﺍ ﻫﻨﺎﻙ ﻟﻮ ﻫﻨﺎ ﻫﺴﻪ ﺷﻨﻮ ﺍﻟﻔﺎﺋﺪﻩ
ﺍﻭﻝ ﻣﻮﺻﻠﺖ ﺣﺠﻴﺘﻲ
ﻳﻌﻨﻲ ﻗﺼﺪﻙ ﺟﺎﻥ ﻣﻔﺮﻭﺽ ﻣﺎﺍﻛﻠﻚ
ﻏﻴﺮ ﻟﻮ ﻣﻜﺎﻳﻠﺘﻲ ﻭﺍﻟﻠﻪ ﻭﺍﻟﻠﻪ ﺍﺧﻠﺼﺞ ﺧﻼﺹ
ﻛﺎﻓﻲ ﻟﺘﺤﺠﻴﻦ ﺑﻌﺪ ﻭﻻ ﻛﻠﻤﻪ ﺭﺟﻊ ﻧﺎﻡ ﺑﺎﺭﺑﺎﻱ ﻭﻛﻠﻲ ﻃﻔﻲ ﺍﻟﻤﻬﺠﻮﻡ
ﺭﺣﺖ ﻃﻔﻴﺖ ﺍﻟﻜﻠﻮﺏ ﻭﻃﻠﻌﺖ ﻣﻦ ﺍﻟﻐﺮﻓﻪ
ﺻﺢ ﺑﻴﻨﻲ ﻭﺑﻴﻦ ﻧﻔﺴﻲ ﺧﺎﻳﻔﻪ ﻣﻦ ﺍﻛﺮﻡ ﺑﺲ ﺿﻮﺟﻨﻲ ﺟﻬﺎﺩ .... ﺭﺣﺖ ﺷﺮﺑﺖ ﻣﻲ ﻣﺎﺍﺣﺲ ﺍﻟﻪ ﻭﺭﺍﻳﻪ ﺍﻛﺮﻡ
ﺳﺪﻳﺖ ﺍﻟﺜﻼﺟﻪ ﺑﺴﺮﻋﻪ ﻭﺭﺩﺕ ﺍﺭﻭﺡ ﺗﺤﺮﻛﺖ ﺗﺤﺮﻙ ﻭﻳﺎﻱ ﺑﻨﻔﺲ ﺍﻻﺗﺠﺎﻩ . ﺭﺟﻌﺖ ﺑﺎﻻﺗﺠﺎﻩ ﺍﻟﺜﺎﻧﻲ ﻫﻢ ﺗﺤﺮﻙ
ﻳﻌﻨﻲ ﺍﻟﻄﻔﻞ ﺑﻌﺪﻩ ﺑﺒﻄﻨﺞ
ﺩﻧﻜﺖ
ﺍﻧﺘﻲ ﺩﺗﺘﺤﺪﻳﻦ ﻣﻨﻮ
ﻣﺎﺍﺗﺤﺪﺍ ﺍﻱ ﺍﺣﺪ ﺑﺲ ﻣﺎﺍﻛﺪﺭ ﺍﻛﺘﻞ ﺭﻭﺡ
ﺍﻧﺖ ﻟﻴﺶ ﻣﺤﺴﻮﺑﻪ ﻋﻞ ﺑﺸﺮ ﺣﺘﻰ ﻣﺘﻜﺪﺭﻳﻦ
ﺍﻻﻣﻮﻣﻪ ﻭﻗﺘﻞ ﺍﻟﺮﻭﺡ ﻣﺘﻌﺮﻑ ﺣﻴﻮﺍﻥ ﻭﺑﺸﺮ
ﻻﺯﻡ ﻣﺸﺎﻳﻒ ﺍﻟﺒﺰﻭﻧﻪ ﺍﻟﺘﻨﻔﺦ
... ﺍﻟﺒﺰﻭﻧﻪ ﺍﻟﺘﻨﻔﺦ ﺷﻨﻮ ﻫﺎﻱ
ﺍﻟﻲ ﺑﺎﻟﻤﻨﻮﺭ ﺫﺍﻙ ﺍﻟﻴﻮﻡ ﺑﺲ ﻓﺘﺤﺖ ﺍﻟﺒﺎﺏ ﻧﻔﺨﺖ ﺑﻮﺟﻬﻲ ﻻﻥ ﺟﺎﻳﺒﻪ ﻭﺗﺨﺎﻑ ﻋﻠﻰ ﺍﻃﻔﺎﻟﻬﻪ ﻭﺍﻧﻲ ﻫﻢ ﺍﺧﺎﻑ ﻋﻠﻰ ﻃﻔﻠﻲ
ﺷﻮ ﺑﻠﻠﻪ ﻧﻔﺨﻲ ﺑﻮﺟﻬﻲ ﺧﻞ ﺍﺷﻮﻑ
ﺭﺩﺕ ﺍﺭﻭﺡ ﻫﻢ ﺧﻠﻪ ﺟﺴﻤﻲ ﻛﺒﺎﻟﻪ
ﻳﺎ ﺑﺰﻭﻧﻪ .... ﻣﻨﻔﺨﺘﻲ ﺑﻮﺟﻬﻲ
ﻳﻠﻠﻪ ﻣﻦ ﺍﻧﺰﻟﺞ ﺍﻟﻄﻔﻞ ﺍﻟﻲ ﺑﺒﻄﻨﺞ ﻧﺠﺮﺏ ﺍﻟﻨﻔﺨﻪ ﻣﺎﻟﺘﺞ
ﻋﻔﺘﻪ ﻭﺭﺣﺖ ﺩﺧﻠﺖ ﻟﻠﻐﺮﻓﻪ ﺯﻫﻜﻨﻲ ﺑﺎﺳﻠﻮﺑﻪ ﻭﻧﺒﺮﺓ ﺗﻔﺎﻫﺘﻪ
ﺩﺧﻠﺖ ﻟﻠﻐﺮﻓﻪ ﻟﻜﻴﺖ ﺟﻬﺎﺩ ﻣﺘﻤﺪﺩ ﻭﻳﺒﺎﻭﻉ ﺑﻤﻮﺑﺎﻳﻠﻪ
ﻭﻻ ﺑﺎﻭﻉ ﻋﻠﻴﻪ ﻭﻻ ﻋﺎﺭﻧﻲ ﺍﻫﻤﻴﻪ
ﻛﻌﺪﺕ ... ﻭﺑﻘﻴﺖ ﺍﺑﺎﻭﻉ ﻋﻠﻲ ﻭﻫﻮ ﻭﻻ ﻳﻤﻪ
ﻛﺘﻠﻪ ﻣﻮ ﻋﻠﺴﺎﺱ ﺗﻨﺎﻡ
ﺩﺍﺭ ﻭﺟﻬﻪ ﻋﻠﻴﻪ ﺑﺎﻭﻉ ﻋﻠﻴﻪ ﻭﺭﺟﻊ ﺩﺍﺭ ﻋﻞ ﻣﻮﺑﺎﻳﻞ
ﺻﺪﻙ ﺍﻧﺖ ﻛﺎﻳﻞ ﺍﻝ ﺍﻛﺮﻡ ﻳﺘﺰﻭﺟﻨﻲ
ﺍﻧﺖ ﺗﺪﻟﻞ ﻋﻠﻴﻪ ﻳﻢ ﺍﻟﻨﺎﺱ ﻛﻠﻬﻪ
ﻛﺎﻡ ﻛﻌﺪ ﻋﻠﻰ ﺣﻴﻠﻪ .... ﺍﻧﺘﻲ ﺷﺪﺗﻠﻐﻴﻦ ﻫﺎﺍﺍﺍﺍﺍﺍﺍ
ﻟﺞ ﺷﻨﻮﻭﻭﻭ ﺍﺩﻟﻞ ﻋﻠﻴﺞ ﻟﻮ ﻣﺎ ﺍﻧﺘﻲ ﺍﻛﺜﺮ ﻭﺣﺪﻩ ﺟﻨﺘﻲ ﺗﻌﺮﻓﻴﻦ ﺑﺎﻟﺒﺪﺍﻳﻪ ﺟﻨﺖ ﺍﻋﺘﺒﺮﺝ ﻣﺜﻞ ﺑﻨﺎﺗﻲ
ﻫﺎﺍﺍﺍﺍﺍ .... ﺍﻧﺘﻲ ﻟﺸﻮﻛﺖ ﺗﺒﻘﻴﻦ ﻫﻴﺞ ﻣﺘﻮﺯﻧﻴﻦ ﺍﻟﻜﻼﻡ
ﺍﻧﺘﻲ ﺍﻛﺜﺮ ﻭﺣﺪﻩ ﺗﻌﺮﻓﻴﻦ ﺟﻨﺖ ﺍﺩﻭﺭﻟﺞ ﻋﻠﻰ ﺍﺣﺪ ﻳﺴﺘﺮ ﻋﻠﻴﺞ ﻭﺑﺲ ﻣﺠﺮﺩ ﺍﻗﺘﺮﺍﺡ ﺍﻗﺘﺮﺣﺖ ﻋﻠﻲ ﻣﻦ ﺟﺒﺘﺞ ﻭﺍﻧﺘﻲ ﺑﻌﺪﺝ ﺑﻌﻤﺮ ﺍﻝ١٢ﺳﻨﻪ ﻛﺎﺍﺍﻓﻲ ﻓﺮﺭﺭﺣﻪ ﻭﺻﻠﺖ ﺣﺪﻫﻪ ﻭﻳﺎﺝ ﺑﻌﺪ ﻣﺎﺍﺗﺤﻤﻞ ﺗﺼﺮﻓﺎﺗﺞ ﻭﻛﻼﻣﺞ ﺍﻟﻔﺎﺭﻍ ﺗﺠﻔﺼﻴﻦ ﺑﻤﺼﺎﺭﻳﻦ ﺍﻟﺒﻄﻦ ﻭﺍﻛﻮﻝ ﻃﻔﻠﻪ ﺑﻌﺪﻫﻪ ﺳﻮﻳﻪ ﺷﻮﻳﻪ ﺗﺘﻌﻠﻢ
ﻭﺍﻧﺘﻲ ﺗﺘﺮﺍﺟﻌﻴﻦ ﻣﺘﺘﻌﻠﻤﻴﻦ
ﺳﻜﺘﺖ ﻭﻛﻤﺖ ﺍﺑﺎﻭﻉ ﻋﻠﻲ ﺣﺼﺮﺕ ﺑﺠﻴﺘﻲ ﻛﻮﻩ
ﻛﻤﺖ ﻭﻋﻔﺘﻪ ﻭﺭﺟﻌﺖ ﻃﻠﻌﺖ ﻛﺒﻞ ﺩﺧﻠﺖ ﻟﻠﺤﻤﺎﻡ
ﺑﺠﻴﺖ ﺷﻮﻳﻪ ﻭﻃﻠﻌﺖ ﻟﻜﻴﺘﻪ ﻣﻤﻮﺟﻮﺩ ﺑﺎﻟﻐﺮﻓﻪ
ﺑﺎﻭﻋﺖ ﻣﻮﺑﺎﻳﻠﻲ ﻣﺘﻔﻠﺶ ﺷﻠﺘﻪ ﻭﻛﻨﺴﺖ ﺍﻟﻤﻜﺎﻥ ﻭﺍﺧﺬﺕ ﻣﻼﺑﺴﻲ ﻭﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻟﻜﻴﺘﻪ ﺭﺍﺟﻊ ﻟﻠﻐﺮﻓﻪ ﺑﺎﻭﻋﺖ ﻳﺪﺧﻦ ﺟﺎﻳﺐ ﺟﻜﺎﻳﺮ
ﺑﺎﻭﻋﺖ ﻫﺴﻪ ﺑﺤﺎﻟﺘﻲ ﻣﻨﻮ ﻣﻔﺮﻭﺽ ﻳﺰﻋﻞ ﻋﻠﻰ ﻣﻨﻮ ﺷﻮ ﻫﻮ ﻣﻦ ﺍﺟﻪ ﺍﻟﺤﺪ ﺍﻻﻥ ﺑﺲ ﻳﺮﺯﻝ ﺑﻴﻪ ﻣﺸﻄﺖ ﺷﻌﺮﻱ ﻭﺗﻮﻧﻲ ﺗﻤﺪﺩﺕ ﻏﻄﻴﺖ ﺭﺍﺳﻲ ﻭﺩﺭﺕ ﻭﺟﻬﻲ ﻋﻨﻪ ﻛﻠﺖ ﺧﻞ ﺍﻧﺎﻡ ﺍﺣﺴﻦ ﻣﻦ ﻫﺎﻱ ﺍﻟﻠﻌﺒﺎﻥ ﻧﻔﺲ
ﻣﺎﺍﺣﺲ ﺍﻟﻪ ﻛﻠﻲ
ﻛﺮﻣﻲ ﺻﺒﻴﻠﻲ ﻏﺪﻩ
ﻛﻤﺖ ﺑﺪﻭﻥ ﻣﺎﺍﺣﺠﻲ ﺣﻤﻴﺖ ﺍﻟﻐﺪﻩ ﺟﺎﻧﺖ ﺳﻠﻮﻯ ﻃﺎﺑﺨﻪ ﺑﺮﻳﺎﻧﻲ ﻛﻠﻴﺘﻠﻪ ﺍﻟﺪﺟﺎﺝ ﺗﻮﻣﻲ ﻛﺎﻋﺪ ﺍﺻﺒﻠﻪ ﺍﻧﺪﻙ ﺟﺮﺱ ﺍﻟﺒﺎﺏ ﻃﻠﻊ ﻫﻮ ﺳﻜﻌﺖ ﺻﻮﺕ ﺍﻡ ﺳﻠﻤﺎﻥ ﻭﺳﻠﻤﺎﻥ
ﻭﺑﻴﺖ ﺍﻡ ﺭﺷﺎ ... ﻛﻠﻬﻢ ﺟﺎﻳﻴﻦ ﻣﻦ ﺩﺧﻞ ﻛﻠﻲ ﺟﻴﺒﻲ ﻟﻼﺳﺘﻘﺒﺎﻝ ﺩﺧﻠﺖ ﺍﻡ ﺳﻠﻤﺎﻥ ﻣﺘﺴﻠﻢ ﻋﻠﻴﻪ ﺑﺲ ﺍﻡ ﺭﺷﺎ ﺑﻮﺳﺘﻨﻲ ﻭﺍﻟﻮﻟﺪ ﺳﻠﻤﻮ ﻋﻠﻴﻪ ﺑﺲ ﺳﻠﻤﺎﻥ ﺍﺻﻼً ﻣﺒﺎﻭﻉ ﺑﻮﺟﻬﻲ ﻭﺑﻌﺪ ﺍﺣﺴﻦ .... ﻭﺟﺎﻥ ﺟﺎﻱ ﺍﺧﻮ ﺍﻟﺜﺎﻧﻲ ﻗﻠﻴﻞ ﻳﺠﻲ ﻭﻣﺆﺩﺏ ﺍﺳﻤﻪ ﺗﻴﺴﻴﺮﻫﻮ ﻭﺑﺎﻗﺮ ﺍﺧﻮ ﺭﺷﺎ ﻛﺎﻟﻮ ﺍﻟﺴﻼﻡ ﻋﻠﻴﻜﻢ ﻭﺩﺧﻠﻮ
ﻭﺩﻳﺖ ﺍﻟﻐﺪﻩ ﻭﺟﻬﺎﺩ ﻛﻠﻲ ﺻﺒﻴﻠﻬﻢ ﻏﺪﻩ
ﻛﺎﻟﻮ ﺷﺒﻌﺎﻧﻴﻦ
ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﺭﺣﺖ ﺍﺳﻮﻳﻠﻬﻢ ﺟﺎﻱ ﻭﺍﻛﻮ ﻣﻮﺍﻟﺢ ﻫﻢ ﻳﺤﺒﻮﻫﻦ ﺩﻭﻡ ﻳﺠﻴﺒﻬﻦ ﺍﻛﺮﻡ
ﺍﺟﺘﻲ ﺳﻠﻮﻯ ﻭﺍﻡ ﺳﻠﻤﺎﻥ ﻟﻠﻤﻄﺒﺦ ﻓﺘﺤﺖ ﺍﻟﺠﺪﻭﺭﻩ
ﺳﻠﻮﻯ / ﺍﺻﺒﻠﺞ ﻋﻤﻪ
ﻻ ﺍﻳﻊ ﺍﻧﻲ ﺍﻛﻞ ﻣﻦ ﺍﻳﺪ ﻫﺎﻱ
ﺳﻠﻮﻯ / ﻫﻬﻬﻪ ﻻ ﻋﻤﻪ ﺍﻧﻲ ﻣﺴﻮﻳﺘﻪ
ﻟﺘﺠﺬﺑﻴﻦ ﻋﻠﻴﻪ ﺍﺳﺘﻨﻜﺲ ﺍﻧﻲ
ﻛﻠﺖ ﺍﺳﺘﻐﻔﺮ ﺍﻟﻠﻪ ... ﻣﺘﺤﻤﻠﺖ ﻛﻠﺖ ﻫﺎﻱ ﻧﻌﻤﺔ ﺍﻟﻠﻪ ﺗﺮﻩ
ﺷﻮ ﻣﺎﺍﺣﺲ ﺍﻡ ﺳﻠﻤﺎﻥ ... ﺍﺟﺘﻲ ﻋﻠﻴﻪ ﺩﻓﻌﺘﻨﻲ
ﻋﻴﺐ ... ﺗﺄﺩﺑﻲ ﻭﺣﺠﺖ ﺑﺼﻮﺕ ﻋﺎﻟﻲ ﺣﺘﻰ ﺗﺴﻤﻊ ﺟﻬﺎﺩ
ﻫﺎﻱ ﺍﻛﺜﺮ ﻣﻦ ﻣﺮﻩ ﺗﺘﺠﺎﻭﺯﻳﻦ ﺣﺪﻭﺩﺝ ﻭﻳﺎﻱ
ﺍﻧﻲ ﻣﻜﻠﺖ ﺷﻲ ﺍﻧﺘﻲ ﻛﻠﺘﻲ ﺍﺳﺘﻨﻜﺲ ﻛﺘﻠﺞ ﻫﺎﻱ ﻧﻌﻤﺔﺍﻟﻠﻪ
ﻭﺗﻜﻮﻭﻟﻴﻦ ﺑﻮﺟﻬﻲ ﺍﺍﺍﺍﺍﺍﺳﺘﻨﻜﺲ
ﺍﻧﻲ ﺻﻔﻨﺖ ﺑﻮﺟﻬﻪ .... ﻣﺎﺍﺣﺲ ﺍﻟﻪ ﺍﻛﻮﻡ ﻭﺟﻬﺎﺩ ﻭﻛﻠﻬﻢ ﻓﻮﻙ ﺭﺍﺳﻲ ﺑﺤﻴﺚ ﺣﺮﺕ ﻣﺎﺍﻋﺮﻑ ﺷﺴﻮﻱ ﺷﺤﺠﺎﻧﻲ ﺍﻧﻲ ﺍﻣﺪﺍﻧﻲ ﺟﻨﺖ ﻣﻔﺮﻭﺽ ﺍﺗﺠﻨﺒﻬﻪ
ﺟﻬﺎﺩ ﺷﺼﺎﻳﺮ
ﺟﻬﺎﺩ ﻛﻞ ﻣﺮﻩ ﺍﻧﻬﺎﻥ ﺑﺒﻴﺘﻚ ﻣﻦ ﻫﺎﻱ ﺍﻟﺰﻋﻄﻮﻃﻪ ﻭﺍﻧﺖ ﺗﺴﻜﺖ ﺭﺣﻢ ﺍﻟﻠﻪ ﻭﺍﻟﺪﻳﻚ
ﺷﺴﻮﺕ ﻓﺮﺣﻪ
ﻣﺎﺍﻋﺮﻑ ﺍﻓﻜﺮ ﺑﻨﻔﺴﻲ ﻟﻮ ﺑﺎﻟﻤﻮﻗﻒ ﺍﻟﻲ ﺗﺨﻠﻪ ﺑﻲ ﺟﻬﺎﺩ
ﺑﻨﻔﺲ ﺍﻟﻠﺤﻈﻪ ﻛﺘﻠﻬﻪ ﺍﺳﻔﻪ ﺍﻡ ﺳﻠﻤﺎﻥ ﻭﺍﻟﻠﻪ ﻣﻮ ﻓﻬﻤﺘﻲ ﻏﻠﻂ ﺟﻨﺖ ﺑﺲ ﺍﺭﻳﺪ ﺍﻧﻘﺬ ﺟﻬﺎﺩ ﻣﻦ ﻫﺬﺍ ﺍﻟﻤﻮﻗﻒ ﺗﻤﻨﻴﺖ ﻟﻮ ﻣﻜﺼﻮﺹ ﺍﻟﻠﺴﺎﻧﻲ ﻭﻻ ﻧﺎﻃﻘﻪ ﺑﺲ ﻫﻴﻪ ﺑﻘﺖ ﺗﻠﻌﻠﻊ
ﺟﻬﺎﺩ / ﻫﺴﻪ ﻏﻴﺮ ﺍﻓﺘﻬﻢ ﺍﻟﻲ ﺻﺎﺭﺭﺭ
ﻻ ﺗﻔﺘﻬﻢ ﻭﻻ ﺷﻲ ﺗﻮﺑﻪ ﺑﻌﺪ ﺍﺩﺧﻞ ﺑﻴﺘﻚ ﻋﻠﻰ ﺷﻨﻮﻭﻭﻭ ﺻﻮﺟﻲ ﺍﻧﻲ ﺍﺟﻴﺖ ﺍﺷﻮﻓﻚ ﻋﻠﻰ ﺷﻨﻮ ﺍﺟﻲ
ﺍﻡ ﺭﺷﺎ / ﺍﻡ ﺳﻠﻤﺎﻥ ﺍﻟﺒﻨﻴﻪ ﺍﻋﺘﺬﺭﺕ
ﻛﺎﻣﺖ ﻛﻠﻬﻬﺘﺤﺠﻲ ﺳﻠﻤﺎﻥ ﻳﻬﺪ ﻭﺍﻟﻮﻟﺪ ﻳﻠﻬﻮ
ﻭﺗﻢ ﺭﺷﺎ ﺗﻬﺪﻱ ﻭﺍﻡ ﺳﻠﻤﺎﻥ ﺗﻠﻌﻠﻊ
ﻋﺎﻁ ﺟﻬﺎﺩ ﻛﺎﺍﺍﻓﻲ ﻟﺘﻠﻐﻮﻭﻭﻭﻥ ﻟﻐﻮﻭﻩ ﺯﺍﻳﺪﻩ ﻭﺍﺫﺍ ﻓﺮﺣﻪ ﻣﺘﺠﺎﻭﻭﻭﺯﻩ ﺣﺪﻭﺩﻫﻪ ﻭﻳﺎﺝ ﺍﻧﻲ ﺃﺩﺑﻬﻪ ﺍﻡ ﺳﻠﻤﺎﻥ
ﻭﻛﺎﺍﺍﻓﻲ ﻣﺸﺎﻛﻞ ﺭﺣﻤﻪ ﺍﻟﺪﻳﻨﻜﻢ ﻭﺍﻟﻠﻪ ﻛﻠﺒﻲ ﺧﻠﺼﺎﻥ ﺍﻟﻴﻮﻭﻭﻡ ﺍﺟﻴﺖ ﺍﻧﻲ
ﻭﺩﺍﺭ ﻋﻠﻴﻪ ﻭﺑﺤﺪﻳﻪ ﻛﻠﻲ ﺍﻣﺸﻲ ﻟﻠﻐﺮﻓﻪ ﻓﺮﺭﺭﺣﻪ
ﻻ ﺗﺮﻭﺡ ﻭﻻ ﺗﺠﻲ ﺍﻧﻲ . ﺭﺍﺡ ﺍﻭﻟﻲ ﺑﺎﻟﺠﺬﺏ ﻣﺼﺤﺖ ﺑﻴﻬﻪ ﻋﻞ ﺍﻗﻞ ﻛﺪﺍﻣﻲ
ﺍﺫﺍ ﻣﺮﺗﻲ ﻏﻠﻄﺎﻧﻪ ﺍﻛﺴﺮ ﻇﻬﺮﻩ ﺑﺲ ﻣﻮ ﻛﺪﺍﻡ ﺍﺣﺪ ﺑﻴﻨﻲ ﻭﺑﻴﻨﻬﻪ ﺟﻨﺎﻥ
ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ ﻳﺎﺑﻪ ﺷﻜﺪ ﻛﺮﻫﺖ ﺭﻭﺣﻲ ﻣﻦ ﺣﻴﺎﺗﻲ ﺍﻟﻲ ﻋﺎﻳﺸﺘﻬﻪ ﻣﺎﺍﺩﺭﻱ ﻭﺗﺎﻟﻴﺘﻬﻪ ﻭﻳﺎﻫﻢ ﺑﻘﻴﺖ ﺍﺳﻤﻊ ﺻﻮﺗﻬﻪ ﺗﺤﺠﻲ ﻭﺭﺍﻫﻪ ﺻﺎﺭﺕ ﺳﻨﻄﻪ ﺍﻇﺎﻫﺮ ﺭﺍﺣﻮ
ﺩﺧﻞ ﺟﻬﺎﺩ ﻭﺭﻛﻊ ﺍﻟﺒﺎﺏ
ﺍﻧﺘﻲ ﺗﺎﻟﻴﺘﻬﻪ ﻭﻳﺎﺝ ﺷﻨﻮﻭﻭ
ﺍﻧﻲ ﻣﻜﻠﺖ ﻭﺍﻟﻠﻪ ﻫﺎﻱ ﺍﻟﻜﻠﻤﻪ ﻫﻴﻪ ﻛﺎﻟﺘﻬﻪ ﺗﻜﻮﻝ ﻣﺎﺍﻛﻞ ﺍﺳﺘﻨﻜﺲ ﻻﻥ ﺍﻧﻲ ﻋﻮﺩ ﻣﺴﻮﻳﻪ ﺍﻟﻐﺪﻩ ﻋﺒﺎﻟﻬﻪ
ﻛﺘﻠﻬﻪ ﻫﺎﻱ ﻧﻌﻤﺔ ﺍﻟﻠﻪ
ﺷﻜﻮﻭﻭﻭ ﺗﺤﺠﻴﻦ ﺍﻧﺘﻲ ﻣﻮ ﺗﻌﺮﺭﻓﻴﻦ ﺟﻨﺎﻥ ﺷﻨﻮﻭﻭﻭ ﺗﻌﺮﻓﻴﻬﻪ ﻟﻮ ﻣﺘﻌﺮﻓﻴﻬﻪ
ﺍﻋﺮﻓﻬﻪ ﺑﺲ ﻭﺍﻟﻠﻪ ﺗﻨﺪﻣﺖ
ﺗﻨﺪﻣﺖ ﺗﻨﺪﻣﺖ ﻟﺢ ﺑﺎﺑﺎ ﺍﻧﺘﻲ ﻣﺘﻌﻮﺩﺗﻲ ﻋﻠﻴﻬﻢ ﻟﺞ ﻟﻴﺶ ﺗﺨﻠﻴﻨﻲ ﺑﻤﻮﻗﻒ ﻛﺪﺍﻣﻬﻢ ﻟﻮ ﺿﺎﺭﺑﺞ ﻛﺪﺍﻣﻬﻢ ﺷﻨﻮﻭﻭ ﻣﻮﻗﻔﺞ
ﻓﻬﻤﻴﻨﻲ ... ﻓﻬﻤﻴﻨﻲ ﻟﺢ ﺑﺎﺑﺎ ﺗﺠﻨﺒﻴﻬﻢ ﺍﺧﺘﻲ ﺍﻧﻲ ﺍﻛﻠﺞ ﺍﺧﺘﻲ ﻣﻮ ﺍﺩﻣﻴﻪ ﻭﺍﺭﺗﻜﺎﺑﻴﻪ ﺣﺘﻰ ﺩﺍﻟﻴﺎ ﺍﻟﻠﻪ ﻳﺮﺣﻤﻬﻪ ﺍﻟﻲ ﻫﻴﻪ ﻣﺎﻛﻮ ﺍﻓﻘﺮ ﻣﻨﻬﻪ ﻣﺨﻠﺼﺖ ﻣﻨﻬﻪ ﺗﺠﻨﺒﻴﻬﻪ ﺗﺠﻨﺒﻴﻬﻪ ﺭﺣﻤﺔ ﺍﻻﻫﻠﺞ
ﺧﺮﺭﺭﺏ ﺳﺎﻋﺔ ﺍﻟﺴﻮﺩﻩ .... ﺍﻱ ﻭﺍﻟﻠﻪ
ﻃﻠﻊ ﻣﻼﺑﺲ ﻣﻦ ﺍﻟﻜﻨﺘﻮﺭ ﺑﺲ ﺷﻨﻮ ﻳﺮﻛﻊ ﺑﻴﻬﻦ ﺗﺮﻛﻊ
ﻳﺘﻌﺎﺭﻙ ﻭﻳﺎﻫﻦ ﺑﺪﻝ ﻭﻃﻠﻊ
ﺍﻧﻲ ﺑﻘﻴﺖ ﺳﺎﻛﺘﻪ ﺧﻔﺖ ﺍﺣﺠﻲ
ﻭﻛﻤﺖ ﺃﺃﻧﺐ ﺑﺮﻭﺣﻲ ﺳﻮﺩﻩ ﻋﻠﻴﻪ ﺍﺟﻪ ﺗﻌﺒﺎﻥ ﻣﻦ ﺍﻟﺴﻔﺮ ﻛﻀﺎﻫﻪ ﺑﺎﻟﻤﺴﺘﺸﻔﻴﺎﺕ ﻭﺍﻧﻲ ﺍﻭﻝ ﻣﺄﺟﻪ ﺍﺳﺘﻠﻤﺘﻪ ﻛﺘﻠﻪ ﻫﺴﻪ ﺍﻧﻲ ﺷﺠﺎﻧﻲ ﺻﺒﺮﻱ ﺷﻮﻳﻪ ﺑﺴﺒﺒﻲ ﺳﻤﻌﻮ ﻛﻼﻡ ﻳﺄﺫﻱ
ﻭﺍﻧﻲ ﺯﻭﺩﺗﻬﻪ ﻣﻦ ﺟﺎﻭﺑﺖ ﻫﺎﻱ ﺍﻟﺤﻴﻪ
ﻃﻠﻊ ﻣﻦ ﺍﻟﻈﻬﺮ ﻟﻠﻴﻞ ﻭﻫﻮ ﻣﺎﻛﻮ ﺻﺎﺭﺕ ﺍﻝ ١٢ﻭﻫﻮ ﻣﺎﻛﻮ
ﻭﺻﺎﺭﺕ ﺍﻟﻮﺣﺪﻩ ﻭﻫﻢ ﻣﺎﻛﻮ ﺗﻮﺗﺮﺕ ﺣﻴﻞ ﻭﺗﻌﺒﺖ ﻣﻦ ﺍﻟﺴﺎﻋﻪ ﺑﻜﺪ ﻣﺎ ﺑﺎﻭﻋﺖ ﻋﻠﻴﻬﻪ
ﻭﻣﺎﻋﻨﺪﻱ ﻣﻮﺑﺎﻳﻞ ﺍﺧﺎﺑﺮ ﻋﻠﻲ ﻻﻥ ﻓﻠﺶ ﻣﻮﺑﺎﻳﻠﻲ
ﺑﻘﻴﺖ ﺍﻟﻠﻮﺏ ﻃﻠﻌﺖ ﻣﻦ ﺍﻟﻐﺮﻓﻪ ﻣﺎﻛﻮ ﺣﺲ ﻧﺎﻳﻤﻴﻦ ﻳﻤﻜﻦ
ﻇﻞ ﺑﺎﻟﻲ ﻳﻤﻪ ﻋﻠﻲ ﺣﻴﻞ
ﺑﻴﻨﻲ ﻭﺑﻴﻦ ﻧﻔﺴﻲ ﺍﻓﻜﺮ ﺍﺻﻌﺪ ﺍﻝ ﺍﻛﺮﻡ ﻳﺨﺎﺑﺮ ﻋﻠﻲ
ﻻﻥ ﺳﻤﻌﺘﻪ ﻣﻦ ﺩﺧﻞ ﻟﻠﺒﻴﺖ ﻗﺒﻞ ﺷﻮﻳﻪ ﻛﻠﺖ ﺧﻞ ﺍﻧﺘﻈﺮ ﺷﻮﻳﻪ
ﺻﺎﺭﺕ ﺍﻝ٢ﻭﻫﻮ ﻣﺎﻛﻮ ﻣﺎﺍﺗﺤﻤﻞ ﺑﻌﺪ
ﺻﻌﺪﺕ ﻓﻮﻙ .... ﺩﻛﻴﺖ ﺍﻟﺒﺎﺏ ﻋﻠﻰ ﺍﻛﺮﻡ ﻣﺎﻛﻮ
ﺭﺟﻌﺖ ﺩﻛﻴﺘﻪ ﺣﻴﻞ ﻃﻠﻊ ﻻﺑﺲ ﻓﺎﻧﻴﻠﻪ ﺳﻮﺩﺍ ﻭﺷﻮﺭﺕ ﻭﺭﻳﺤﺘﻪ ﺗﻠﻌﺐ ﺍﻟﻨﻔﺲ ﺍﻟﺪﺭﺟﺔ ﺭﺩﺕ ﺍﺗﻘﻲﺀ ﺭﺇﺳﺎً ﺭﺣﺖ ﻟﻠﺤﻤﺎﻡ ﻭﺗﻘﻴﺌﺖ ﺍﻳﻊ ﻣﺎﺗﺤﻤﻠﺖ ﺍﻟﺮﻳﺤﻪ
ﻭﺍﻧﻲ ﺍﺗﻘﻲﺀ ﻭﻣﺪﻧﻜﻪ ﻋﻞ ﻣﻐﺴﻠﻪ ﻣﺎﺍﺣﺲ ﺍﻟﻪ ﺣﺴﻴﺖ ﺟﺴﻢ ﻣﻠﺘﺴﻖ ﺑﻴﻪ ﻣﻦ ﻭﺭﻩ
ﺗﺸﻨﺠﺖ ﺍﻋﺼﺎﺑﻲ ﺩﺭﺕ ﻟﻜﻴﺘﻪ ﺍﻛﺮﻡ ﺻﺎﻳﺮ ﻃﻴﻨﻪ ﻛﻮﻩ ﻳﺤﺠﻲ ﻳﺠﺮ ﺑﻠﺴﺎﻧﻪ ﺭﺃﺳﺎً ﻭﺧﺮﺕ ﻣﻨﻪ
ﻟﻴﺶ . ﺗﺒﺎﺍﺍﺍ ... ﻭﻋﻴﻦ ﻋﻠﻴﻪ ﻏﻤﻀﻲ .... ﻏﻤﻀﻴﻬﻦ
ﻭﺿﺤﻚ
ﺍﻭﻝ ﻣﺮﻩ ﺍﺷﻮﻓﻪ ﻫﻴﺞ ﺑﻌﻨﻲ ﺩﻭﻡ ﻳﺼﺎﺩﻓﻨﻲ ﺍﺷﻮﻓﻪ ﻣﻦ ﻳﺪﺧﻞ ﻟﻠﺒﻴﺖ
ﻭﺧﺮ ﺍﻛﺮﻡ ﻻ ﺍﺻﻴﺢ ﻭﺍﻟﻢ ﺍﻟﻨﺎﺱ
......... ﻳﺘﺒﻊ