(Unicode)
Tao သည် သူ့ Tablet ထဲမှ ဖိုင်တချို့ကို ဖွင့်ပြလျှက်
"ဆရာကြီးWangက သူနဲ့ အမြဲအဆက်အသွယ် ရှိခဲ့တာပဲ နှစ်တိုင်း ငွေထောက်ပံ့ပေးခဲ့တယ်ဆိုတော့ ----"
"အဲဒါက သူရသင့်တဲ့ငွေတွေပါ --- သူအိမ်က ထွက်သွားပြီးနောက်ပိုင်း ကျနော်သူ့ပုံတွေပဲဆွဲပြီး အောင်မြင်သွားခဲ့တာလေ --- ဒါပေမယ့် အဲ့ငွေတွေ သူမသုံးပါဘူး သူနေခဲ့တဲ့ ဂေဟာတိုင်းမှာ လှူပစ်ခဲ့တာချည်းပဲ --- သူ့အတွက်သုံးတာ တချိန်ပဲရှိမယ် မဂ်လာပွဲပျက်အပြီး နေရာပြောင်းဖို့ထင်တာပဲ ---"
"အိမ်ငှားခပါ ကျနော့်ဘေးအိမ်ကို ပြောင်းလာဖို့ပေါ့ --- ခင်ဗျားက KunKun နဲ့ လက်ထပ်ခဲ့တာလား ----"
LiNong သည် Tao ဆွဲထားသည့် ကြားကပင် ပန်းချီဆရာကြီး Wang ကို ရှုးရှုးရှဲရှဲနဲ့ ထမေးလိုက်သေးသည် ပန်းချီဆရာကြီး Wang မှာမူ LiNong ၏ ဒေါသကို မမြင်နိုင်သေး အညှို့ခံထားရသည့်သူပမာ အတိတ်ဇာတ်ကြောင်းထဲ မျောပါနေတုန်းပင်
"သူ့ကို ---- လက်ထပ်ချင်ခဲ့တာပေါ့ ---"
________________"ကိုယ် --- KunKun ကို လက်ထပ်ပါရစေ ----"
Ziyi လက်ထဲမှ စိန်လက်စွပ်လေးကို ကြည့်ရင်း KunKun သည် မျက်လုံးအဝိုင်းသား
"Ziyi ---- ဘာဖြစ်လို့လဲဟင် ပန်းချီကားကြောင့်လား အဲဒါကြောင့်နဲ့တော့ မယူပါနဲ့ ငါခွင့်ပြုပါတယ်"
"မဟုတ်ဘူး ပန်းချီကားကြောင့် မဟုတ်ဘူး အစတည်းက ငါမင်းကို သဘောကျနေခဲ့တာ စမြင်တည်းက ----"
Ziyi သည် စကားတွေပြောရင်း လက်တွေပင်တုန်လာသည် KunKun စိတ်ထဲရော ဘာတွေတွေးနေမလဲ အကဲခတ်၍မရ သေချာတာတော့ သူရှက်နေသည် ပါးလေးတွေရော နားရွက်ဖျားလေးတွေပါရဲလို့
"ဒါပေမယ့် မင်းငါ့နောက်ကြောင်းသေချာမသိဘူးလေ စဥ်းစားပါအုံး Ziyi ရဲ့"
"အိမ်ပြေးဖြစ်လည်းရတယ် ဘာပိုင်ဆိုင်မှုမှ ရှိစရာမလိုဘူး တကောင်ကြွက်ဆိုလည်း ကိုယ်က ပိုပြီးတော့တောင် ချစ်ပေးမှာ ---"
Ziyi ကိုကြည့်ရင်း သူက သက်ပြင်းချည်း ချနေတော့သည်
"အာ Ziyi ရယ် အားနာလွန်းလို့ ဘယ်လိုလုပ်ရမလဲ ငါက မင်းထင်သလို မရိုးရှင်းဘူး ----"
YOU ARE READING
Mysterious Neighbour
Mystery / Thrillerသူငယ္ခ်င္းေတြနဲ႔ စားေသာက္ဆိုင္ စပ္တူဖြင့္ထားတဲ့ NongNong ဟာ ဆိုင္ကိုလာစားေနက် အိမ္နီးခ်င္းေကာင္ေလးကို ႀကိဳက္မိပါတယ္ ဖြင့္ေျပာဖို႔ၾကံရြယ္တဲ့ေန႔မွာပဲ ေကာင္ေလးက ႐ုတ္တရက္ ေပ်ာက္သြားခဲ့ပါတယ္ NongNong အေနနဲ႔ ေကာင္ေလးကို ျပ...