لن أنكسر💔

البارت الاول

وصلت الى باب المقهى والوقت جان نهاية العصر ونظرات عيوني كلها على الطاولات حتى أختار أكثرهم هدوء

شفت أحسن مكان الطاولة الاخيرة الي بل قرب من كم سندانة صغيرة لطيفة .

كانت الطاولة لاربع اشخاص بزاوية المقهى

اجاني الكابتن ورحب بوجودي ومثل العاده وين تحب هذا المكان او هذا مثل نظام باقي المطاعم او المقاهي

أختاريت مكاني وخليت حاسبتي , ودفتر الملاحظات , القلم , الجكاير , الجداحة

وطلبت ماء وقهوة نوع اكسبريسو

شغلت الكمبيوتر وخليت الهيدفون وختاريت وحدة من معزوفات للموسيقار ياني ( yanni )

دافكر شنو اكتب اليوم ؟؟؟؟؟؟؟؟؟

تذكرت واني امشي بل شارع الي يوصلني للمقهى وجوة الناس السعيد والزعلان والمنبهر وغاضب والمستمتع والي يتغزل ويتحرش بل رايحه وجايه .

قررت اكتب احداث يومي هذا

طبعا الموسيقى اخذتني بعيداعن هذا المكان والتركيز بنوع الرواية الي اكتبها كتبت اول كم سطر وتوقفت وغمضت عيوني لزيادة التركيز حتى اكدرأكون سرد مميز

سمعت صوت عالي !!!!!!

لشي أنكسر فتحت عيوني كان واحد من الي يشتغلون بل مقهى وكع منة كلاص عصير او شي ثاني  اكثر الناس الي جانوا كاعدين بل مكان أنتبهت للصوت

بس المنظر مو جدا واضح لان جان بين وبينهم اكو اشجار صغيرة قريب الباب 

وجانت بنت تحجي وية الولد الي وكع لكلاص بنفعال ملامحها وحركاتها تبين شخص متعصب يمكن  توسخت ملابسها او حذاها بل عصير الي وكع 

وراها واكفين  صديقاتها ثنين يمكن بسبب الضحك على صديقتهم وكانهم كانوا ينتضرون هذة الفرصة 

حقيقة ما اعرف هي جذابة وملفتة للنتباه جدا لو اختيارها للون الأسود مع بشرتها البيضة خلاها تكون بهذة الجاذية

شكلها زعلت هي وصديقاتها لان طلعوا من المقهى

اتذكرت القهوة مالتي الي راح تبرد شربت  ورثت جكارة وغمضت عيني حتى ازيد من تركيزي بعد متشتت بسبب هذا الموقف

بعد ما شربت قهوة

رجعت اكتب قررت ادخل الاحداث الي صارت مع البنية بل رواية واضيف الها شوي احداث وضف الها لقائي مع الدكتور النفسي ايضا الي هسة اجيت من عندة 

حسيت اني محتاج اروح للحمام صحت للكابتن وسألتة على مكان الحمام وصفلي المكان الي هو خارج المقهى داخل بناية المول اخذت تلفوني ومحفظتي وتمشيت