لن أنكسر💔

البارت السابع

واكف بمكاني وانتظر بفارغ الصبر شوفتها كلي امل احد يرفع الغطاء من عليها بس اني 

مداكدر اتحرك ولا اقترب عليها

 تحرك ابوها وقترب اكثر ورفع الغطاء من راسها وعيوني تتحرك بطء حركة ايدة الي  من شافهوها اتجمعوا يم راسها وزداد الصراخ والبجي بحرقة اكبر 

فجأة حسيت الكل سكت اباوع بوجوهم اشوفهم يبجون ويصرخون ويتالمون بس مداسمع صوت منهم احس المكان صار هدوء 

حركت عيني اتجاه ميريام كان شعرها نازل من السدية وتذكرت هاي خصلات الشعر الي كنت كل مرة اجرها بل مزاح والشقة وهي تبتسم بوجهي........ بلا شعور اقتربت وتقدمت اتجاها وجتني ابتسامة جنت اباوع عليها واحسها مبتسمة بوجهي ايدي بلا شعور اتحركت ولمت شعرها المتبعثر وتقربت اكثر شميت عطره واني قريب منها 

وحسيت اكو قطرة وكعت على ايدي من دموعي الي اني ماتذكر يوم نزلت ولا حسيت يوم اكدر ابجي 

ولا اعرف هذا الشعور كنت اتمنى احس ....... جانت تنزل دمعتي غصب عني من شميت عطره شعرها 

اباوع بملامح وجها مكانت زعلانة على الي هي علية 

رجعت ذكرياتي الحلوة وياها وية عماد ومواقفها وطيبت كلبها 

فجاة ونعصر صدري بقوة لا تطاق فزيت من العالم الي اني بي رجعت الاصوات بأذاني مرة اخرى وهم يسحبون السدية 

اجتني الممرضة 

~~ الممرضة : اخوية العزيز ميصير الي دتسسوا كافي لازم ناخذها اكو اجرائات لازم نكملها 

........ سمعت صوت عالي ناعم حزين مجروح 

انداريت لكيت رانيا تصيح

............. كافي بعد ما اتحمل شنو هل عذاب كافي كافي 

~~ دكتورة زينة : حبيبتي روحي للبيت اني ما اكدر اعوف اهلها بهيج وضع هاي لبنية غالية على كلبي روحي  واني ارجع وحدي

~~ رانيا : ماعوفج بس كلبي يوجعني بحياتي محسيت بهيج الم ياريت بيدي اكدر اسوي شي ماما ......... وخلت راسها على صدر امها وهي تبجي

~~ الممرضة : دكتورة زينة ... الله يخليج انتي عندج علاقة وياهم اكثر وحدة حاولي تاثرين عليهم 

~~ دكتورة زينة : عيني قيصر ...... مسحت دموعي ورفعت راسي 

عيني انتة اعرف وحاسة بل الم الي بداخلكم بس مابيد احد شي هذا يومها وساعتها ندعيلها بحسن الختام

اهلها وزوجها مو بوعيهم هسة ولازم انت تتصرف اكو اجراءات لازم نسويها بداخل المستشفى شهادة الوفاة وغيرها 

اني اكرامن لميريام راح ابقة وياكم الى ان تخلصون كلشي بس اريدك تساعدني الله يخليك انت مبين عليك قوي وتتحمل