لن أنكسر💔

البارت الخامس

واكف يم الشباك بل ممر الي بي غرفة ميريام هي خامس غرفة احنة بل طابق الثالث 

اروح ادخل للغرف  دقيقتين اشوف الوضع شنو صار صحت حجت شي جديد وارجع اوكف نفس المكان قريب الشباك اشرب جكارة تخلص وارجع للغرفة وبقة الوضع هيج تقريبا ساعة 

ام ميريام وضعها سيئ جدا جدا صعبة عليها بعد فراق سنين لبتها تجي تشوفها ثاني او ثالث يوم بنتها تصير بهيج حالة مدتكدر تتحمل هذا الوضع ابوها ساكت منطق ولا كلمة حتى من اجيت الصبح وسلمت مرد السلام خايف عليهم وعماد الطيب الكاسر كلبي يقرة قران ودموعة مفاركت خدة بس يرفع راسة شوية ياخذ نظرة عليها تزيد دموعة ويرجع يقرة الوضع صعب والمشكلة مدنفهم شي من الي ديصير مديوضحولنة حالتها بس اني عن طريق الممرضة فهمت شي بسيط

واني واكف يم الشباك خلصت الجكارة بيدي وانجويت جنت صافن على طفلة بل شارع وهي تركض ورة السيارات حتى تمسح الجام وينطوها اي شي 

سمعت صوت وحدة وراية اتكول هذا وياهم 

انداريت مجموعة من الاطباء ومساعديهم وبيدهم كومة اوراق 

رحت يمهم 

~~ السلام عليكم 

~~ عليكم السلام : انت من اهل المريضة وباوع بل اوراق الي بيدة ميريام 

~~ اي نعم بس هي مو مريضة هي عدها ولادة 

~~ شنو تقربلك ومنو غيرك جاي وياها ....... اني دكتور علاء اخصائي اورام 

دكتورة زينة المتخصصة بل امراض النسائية والتوليد الي ميريام تراجع يمها من فترة طويلة طلبت مني

ان  اجي واتابع الحالة الي وصلت الها المريضة رجائن اريد ابوها او اخوها او زوجها 

لازم احجي وياهم وقت ماكو لازم نستعجل

~~ اي دكتور زوجها امها ابوها يمها بل غرفة تعالي لو تريد اصيح عليهم يجون 

طلب من الممرضة تصيح عليهم 

كانو واكفين اكثر من 5 اطباء ويقرون بل اورق 

قلبي انقبض واختنكت من كلي اخصائي اورام 

~~ انت اخوها 

~~ لا اني صديق العائلة 

~~ شنون وضع اهلها وزوجها 

~~ شنو تقصد وضعهم المادي لو المعنوي

~~ المعنوي 

~~ حقيقة دكتور اقل من صفر واتمنى ان تخليني اني بل صورة الكبيرة وتبسط الامور عليهم لا سامح الله اذا كان اكو شي خطر 

~~ بصراحة خطر جدا ..... وما اكدر اتصرف باي شي بدون موافقت اهلها صداقتك متكفي 

........... اجتي الام والاب وعماد يركضون