لن أنكسر💔

البارت الرابع

صحيت على صوت المنبه
ساعه ٧ صبح
تعبان مالي واهس لشي كعدت وسندت ظهري على الجرباية ماعرف بشنو ابدي او افكر  مشكلة عماد ' ايجار المكتب ' اكعد ارتب المشروع الي كنت انتظرة بفارغ الصبر ' هاي لبنية الي تريدي متعت شهواتها

 اخ اخ مالي واهس لشي 

خلي اكوم اخذ دوش بلكت اصحصح سبحت وبدلت
وطلعت لكيت وحدة من البنات كاعدة تقرة خالة كرسي بل حديقة وفنجان نسكافية بيدها
واني ماشي
~~ صباح الخير
~~ صباح النور والسرور اكلك عيني بصراحة داشوفك عايش وحدك وتجي يومية بليل
واكيد اكلك برة كلة
اذا تحب احنة يومين نتعشة سوية تعال اكل ويانة او اذا تريد نعزلك ومن تجي اكل بدل اكل البرة
~~ شكرا  لحسن ذوقج يعجبني التقي وياكم فد يوم بس وقت ضيق جدا بحيث ارجع انام بدون اكل
بس اوعدك احاول باقرب وقت ارتب وضعي نجتمع اهنا
~~ اكرر شكري الك
~~ بس للعام هذا مو مقترحي بس البارحة جنة نسوف بموضوعك وقررنة نحجي وياك
واني اجيت اقرة اهنا حتى احجي وياك
~~ شكرا الكم جميعا باقرب فرصة انطيكم خبر باي
طلعت ورحت للمكتب حتى ارتب كم شغلة وبعدها اروح للمستشفى
وصلت سويت قهوة ورثت جكارة وصافن
شكد عماد وميريام غالين علية وهم هسة بوضع مخربط
بس والله هاي الانسانة ام البناية شاغلتني اكثر منهم وعقلي مديبطل تفكير بيها
مزعوج مخنوك من الي صار البارحة
ماريد لا ايجار رخيص ولا مكتب كبير
راح تخربطلي حياتي هاي
اليوم اذا دزت اي نتيجة اني ارفض او اسوي تفاوض عملي مو مقايضة ابردلي راس هو اني من البيت للشغل ومرات ازور اصدقاء او اروح نادي رياضي ولا بتفكيري علاقات ولا نسوان ولا زواج شنو بسبب هل زيادة اخليها تستعبدني 

اوكي حلوة ومثيرة ومغرية وكل هذا بي فايدة ايضا 
بس هو اني شخصران    ايجار زين مكتب مرتب وبنية حلوة وسهلة
شنو هل تناقض الي اني بي
يا الهي شلون ازعاج ؟؟؟؟؟؟؟؟؟؟؟؟؟؟؟؟

المشكلة شكلها مو رايدتني يوم او ليلة او مرة يمكن الموضوع طويل جدا لان الاتفاق عقد سنتين يعني راح انام بسريرها اكثر من سريري 

والله دخت ثنين براسي متناقضين 

 1____واحد يكلي وين شخصيتك وين قرارك وين كبريائك وين نظرت المجتمع وين الاتزان والرزانة الي تمتاز بيها بكليتك ومنطقتك ومنطقت عملك شخص مهيوب محترم الة حجمة بحترام وتقدير الناس راح تظيعها بنزوة او كم الف دولار

 زين وين حبك واحترامك للاتفاقات الي كونتها وية ربك على ان تكون شخص متزن منظم مو اعتقد هذا خارج الاتفاق والنظام

2_______ والثاني يكلي ادري شنو انت حجر لعد لو صنم حالك حال ملايين البشر الي تتمتع وتتسلة وتكون طموحة وتحاول ان تبني نفسها بشق الانفس هسه عمي انت مو بشق الانفس انت 

مع بنت مرتبة ومثيرة وجميلة ونظيفة وحظنها ناعم ودافي وشتريد من الله ينطيك احسن من هيج فرصة تاكل وتنام وياها ويمكن بعد فترة تكوم  انت تملي شروطك عليها وفوكها  تنطيك اكبر مكتب بل بناية بدون ايجار لتخليني احجي حجي زايد خابرها وكلها اليوم اجيج واريدها ليلة حمرة وللصبح