لن أنكسر💔

البارت السادس

حتى اتخلص من توتري كمت امشي بداخل الممر الطويل الي يوصل  الى غرفة العمليات وكل شوي اروح اشوف وضع ام ميريام ومر هذا الوضع اكثر من ساعة 

جنت مشدود عصبيا جدا قلق مشوش الوضع مربك مصيرها غير واضح وضع ابوها وامها وزوجها يزيد علية قلقي الصداع براسي مدمر احس اريد اضرب راسي بشي حتى يخفف علية ما اكلت شي ومشارب قهوة والشد العصبي والتوتر سلبني كل طاقتي تعبت من المشي قررت اطلع باب المشتسفى اشرب قهوة وجكارة 

اخذت قهوة وكعدت بل باب كان في بداية مدخل المستشفى مدرجات اخذت زاوية وكعدت مخنوك شربت اول جكارة محسيت برتياح طلعت جكارة اخرى وكسرت الفلتر منها وشرتها سخونتها وشدة قوة الدخان حسسني اني اتذوقتها بطريقتي 

دخلت اشوف اذا اكو تطورات وكان الوضع مثل ماتركتة بقيت على هذا الوضع الى ان اقترب وقت المغرب ولا اكو اي خبر من الاطباء عن الاحداث او التطورات الي عدهم 

صحت ام ميريام وضعها كان سيئ كلش وهي في مرحلة انهيار عصبي بس المهدئات الي مساعدتها على المقاومة 

واجتي وحظنت زوجها جان كاعد على الكرسي ورافع رجلة وخال راسة بين رجليناتة وهادء بس اني حاسس بس هو اكو بركان بداخلة يغلي من الخوف والمشاعر الهائجة تجاها بنتة الي مصيرها مجهول

رحت للممرضة طلبت منها ان تحاول تدخل وتعرف شنو الاخبار 

مسمحو الها بل دخول 

بديت احس اني مختنك واتمنى اكدر اطلع الي بداخلي مثلهم ابجي او اصيح بعد مدا اتحمل احس اكو حجر على صدري واكو حبل حول ركبتي خانكني حتى الجكارة بعد ما اشربها بدون فلتر متفيدني طلعت بر اريد اشتم اوكسجين حسيت راح يغمة علية من الضغط النفسي والتفكير جان وقت الغروب

كعدت بمكاني المعتاد الي على مدرجات باب المستشفى 

فات من يمي شخص وهو صاعد باوعت شفت بوت طويل اسود نسائي

مرفعت راسي بس اعتقد اني شايف مثل هذا البوت قبل بعد دقيقة طلع هذا الشخص وكف كدامي مباشرة يبعد بايتين وتصل بتلفون 

وكان صوت بنت 

~~ البنت : الو ها ماما شكد اتصلت عليج متردين وبعدين صار التلفون مغلق قلقت عليج وخابرت بابا وكلي اجي اشوفج ................
اوكي اني واكفة برة على الدرج تعرفين ماحب ادخل للمستشفيات 

بقت البنية واكفة بمكانها بس خنكتني بكمية الريحة العطر  الي خالتها وهي واكفة مباوعت عليها لاني مكنت طايق نفسي 

وبعد خمس دقايق تقريبا اتحركت لبنية صاعدة على الدرج 

~~البنت: هلو ماما 

~~الام : هلو حبيبتي>> رانيا<< اسفة قلكتج بس جانت اكو حالة خطرة جدا ومشغولين جدا بيها لهذا مكدرت ارد عليج