لن أنكسر💔

البارت الثاني

واني بل طريق اتصلت على ميريام

~~ مرحبا ميريام شلونك اني بل طريق شنو تحتاجين

~~ اهلا اني بخير انت شلونك اتأخرت هواي ... ما احتاج شي .... لحظة لحظة وياك صمون وية الاكل اطيب اذا حار

~~ صار تدللين ... ولو اكلج هو حشو معدة بس شنسوي هههههههه

~~ خلي اشوف من تجي كم ماعون وصمونة راح تخلص ههههههه اوكي باي .باي

واني ماشي اخذت صمون وكرزات وعلبة جكليت

وصلت للباب دكيت الجرص طلعلي عماد

~~ ها اخوية شلونك .... قبل متدخل بداعت الخوة مو تفشلني كدام اهل مرتي وتحجي علية

~~ لا عماد انت اخوية ... شتنطيني واسكت ههههه

دخلت ... كانت ام ميريام وابوها كاعدين بل حديقة

حديقتهم صغيرة بس مرتبة وبيها لمسات ذوق مميزة ... واني دائما احب اكعد كبال شجرة السايكس الي عماد محوطها بنشرة بيها كلوبات صفر صغيرة منظرها رائع حقيقة

!!!!!!!!!!!!!!(( يمكن هذا الشي الوحيد الي سوى عماد مرتب )) !!!!!!!!!!!!!!!!

~~ مرحبا شلون الصحة جدا جدا اسف على التأخير

~~ابو ميريام وامها ... لا عادي براحتك اهلا وسهلا بيك

~~ الاب : تفظل استريح

~~ شكرا بعد ما صافحتة

~~ عماد : اعرفكم >> قيصر << صديقي واخوية ... ميحتاج احجيلك عنهم تعرفهم 

~~  اتشرف جنت متشوق التقي بيكم

طبعا اهلها مبينين ناس تعبانين على نفسهم الام لابسة  فستان انيق وتراجي وسوارات بسيطة وجنطتها اثارت فضولي

الاب لابس قاط رصاصي ورباط وقميص ابيض وساعة ومناظر الطبية بتصميم شبابي وشفقة كلاسك عجبوني جدا

مع العلم جان باين عليهم علامات الكبر جدا بس روحهم بعدها ريانة

~~ ابو ميريام : اي عمو احجيلي عن حياتك ؟؟؟؟

~~ والله يا عمو ما اعرف شلون ومن وين ابدي اسألني واجاوبك قصتي طولة ومعقدة

~~ الاب : لا لا ماريد شي توضيحي اريد شي تفصيلي لا تترك شي طبعا اذا ماتنحرج من هذا الطلب

~~ لا اكيد انتو هم اهلي ... فجأة وعيوني انغلقت واحد خلة ايديناتة عليها واكف وراية

~~ عماد : منو تتوقع ؟؟؟؟

~~ ضحكت منو يعني غير ام بطن الجبيرة ريحة الدولة هوية مالتها الغالية ميريام

~~ ميريام : شلونك ولك مشتاقتلك وكامت تجرجر بلحيتي اموت عليهن انوبة بدة  يطلعلهن شيب