اركض لو سمعت الوطن ناداني
رشاشه يصير بايدي شرياني
وامي تطلع وياي تشمر طاسة الماي
توصيني اطيحن قبل خواني
يايمه الوطن محتاج دمنه
ننزف روحنه ونصبغ علمنه
خيي الله واكبر كلنه لمنه
سرايا تزف سرايا وابد ماتنصه رايه
بيه الله واكبر هيبة اوطاني
اذا عنج رحت تلكيني راجع ييمه
آذان تصلي يم راسي الجوامع ييمه
من درة حنينج غيره راضع
رضعت بصدرج الزود حليبج صار باروود
اثور اليوم لو قابلت عدواني
اركض لو سمعت الوطن ناده ييمه
اريد اليضغط الروح بزناده ييمه
الشهاده بموتنه تدور الشهاده
ييمه وشوقي بيه يوقع بين اديه
يطش روحه ورد بعيون بستاني
اركض للعراق بروحي لوصاح ييمه
واصد بصدري عنه انصال الارماح ييمه
اليطيح بحبه ميت يعني ماطاح
واقف بعده تلقاه لان قاعه اتلقاه
تصيحه الجنه وينك بعد شمتاني
كلمات الشاعر"مهند السيد هاشم"
أنت تقرأ
اناشيد وقصائد واشعاروطنية مكتوبة لتظاهرات العراق
Poetryالاناشيد والقصائد والهوسات العراقية الوطنية الخاصة بالتظاهرات العراقية
