كلها تبجيها الشعب وانتو تفرحونه
لازم نشعجكم لإن ع الحــب تشجعونه
" منكول منيا طائفة كلكم تمثلونه "
' انتو مثل شط العرب مينه تجمعونه "
العراقي العراقي .. ابوالغيرة العراقي
العراقي العراقي ابو الغيرة العراقي
العراقي العراقي آساس ولعبه راقي
يمخلين الكبار تهوس مثل الصغار
خصمكم لعب بالنار انحرگ جو الملاعب
بسببكم فرحت الناس عرفنا الگاع تنباس لون ادريسكم ياس يعرسان الملاعب
العب سلم انطلق عوف الوگت يجي الهدف
يركض يعرض مايمل ذيب الملاعب لو خطف
" النه الكاس مسوينه ولا تلعب ويانه
الطوبه اتلوگ الرجلينه وماطلعت زعلانه "
رقم ثنعش گلب الوطن ع المسطبه وياكم
وچم طفل شايل علم گوه ايتهجاكم
ع الغيم دگيتو العلم بالگلب شلناكم
يفتح ابسعفاته النخل راد ايتلكاكم
العراقي العراقي ابو الغيرة العراقي
العراقي العراقي آساس ولعبه راقي
امكم من تلعبون تغطي الشاشة تدرون
عليكم من العيون تخاف امن الحبايب
شعب كله يناديك العب فوگ مابيك لعب ع الخطة تكتيك يالمسوي العجايب
قاتل شارك يا آسد العب سهل وانته الصعب
راوغ مرر وانفرد والفوز يندل الدرب
" آآ والنه الكاس امسوينه ولا تلعب ويانه
الطوبه اتلوك الرجلينه وما ردت زعلانه "
هذا العراقي المنتصر ع الساتر وبالساحه
هالمنتخب ماينگدر شاهين عالي اجناحه
والله حرام اليحتفل ع الناس يرمي اسلاحه
موصعبة لو هذا الوطن يگضي ابسلام افراحه
العراقي العراقي ابو الغيرة العراقي
العراقي العراقي آساس ولعبه راقي
تجي الطوبة اعله يمناك وكلنه انشوت وياك تدنگ الها يمحلاك رافع راسي عالي
انسه همومي والروح وادور ماكو الجروح واگول الفرح مسموح يغالي الوطن غالي
فايز ترد مثل الورد مي غيرتك لا مانشف
محد يعبرك ياجبل تستاهل الفوز ابشرف
والنه الكاس مسوينه لا تلعب ويانه
الطوبه اتلوگ الرجلينه وماطلعت زعلانه
كلمات الشاعر فاضل حسن
أنت تقرأ
اناشيد وقصائد واشعاروطنية مكتوبة لتظاهرات العراق
Poezjaالاناشيد والقصائد والهوسات العراقية الوطنية الخاصة بالتظاهرات العراقية
