وطن بس بالاسم عدنه
ولده بس غربه نعيش
ضحكة اطفالك اسالك
ياوطن مذبوحه ليش
العمر خلص بس وداع
الياوكت هذا الضياع
كل واحد بولدك اكو
بعيونه دنيه من العتب
مسلوب حقه الضحى الك
وشينوم الحقه انسلب
ركضو حلم يسبكـ حلم
ورجعو ذهب شايل ذهب
ضعنه لان جف الجذب
عالروج اسامينه كتب
ماله موسم دم شبابك
كل وكت لاجلك يطيح
ياامام الدنيه كلهه
ماتكفيلك ضريح
العمر خلص بس وداع
الياوكت هذا الضياع
يوميه ننزفلك ضوه
علا تمر بيك العتم
شما طاح من ولدك شهم
فوكه يذب روحه العلم
يتمدد بطوله ويضل
يصرخ يتربات الخيم
أنت تقرأ
اناشيد وقصائد واشعاروطنية مكتوبة لتظاهرات العراق
Poetryالاناشيد والقصائد والهوسات العراقية الوطنية الخاصة بالتظاهرات العراقية
