اناشيد وقصائد واشعاروطنية مكتوبة لتظاهرات العراق

شهيد الناصرية احمد الساعدي كلمات مكتوبة

ياناس يا عالم متت والوحشه سلبت راحتي
لو عندي خاطر من صدق اخذوني اشوف ولايتي
متروس قبري وفارغات جيوبي
رجعوني ساعه لشارع الحبوبي
جايب هوى من الناصريه
للنجف خله يمر عليه
بالقبر صح اتغيرت حيل
بس المشاعر هيه هيه

نفس المكان البي طحت ودوني
ولمو الكلام الطاح من عيوني

ماريد اموت ومتت قوه ياامي ياام المروه
لوشفتي طير يحوم عالبيت  قولي بعلاة الصوت هوه

الولهان مايرجع بعد قولولها اتشق صورتي
ماريد توقف موتتي عثره بدرب محبوبتي

كولولها بكل ذكرى لا تتعلق
من قبري راح ادعيلها تتوفق
لو سيرت صدفه اعله بابي
خل تبجي وي امي بثوابي
منطيها كلمه نعيش فد بيت
قبل العرس طفو شبابي

ماشفت شي من عمري ليش يخلص
حرموني من قعدة حسين ارخيص
باقرب حلم دمعاتي ادزها والقعده ويه ربعي شمعزها
خرزات سبح الناصريه طلقاتهم طشرو خرزها