بنات نور حلقة 4 🔥
الشخص : صوتك مش غريب عليا اني نعرفك قبل هكي
قمر : لا و اللهي عمري ما شايفاتك الحق بس ممكن نعرف اسمك
الشخص : اسمي فارس
قمر : شني
الشخص : فارس و انتي
قمر : اني
واحد من الزبائن : يا هانم
قمر : شويا و راجعة
شوشو : سنة واقفة تهدرزي عليه من بكري الزبون يستني
( نضمت أمور الزبون )
شوشو : شنو طلعتوا معرفة
قمر : اني و منو
شوشو : و الزبون
قمر : تعرف نسيته خلي نمشيله
شوشو : روح يا ماما ليه ساعة و انتي ليش تاترتي باسمه
قمر : الله ياريت ما قال الاسم هذا
شوشو : ليش
قمر : ليه معزا خاصة و بعدين شن تسال فيا باين عليك استانست برا امشي شوف الزبائن و بعدين حقا كلمك صالح ( صاحب الملهي )
شوشو : لالا ليه فترة
قمر : باهي توا انكلمه اني
اسمع اني مروحة تعبانة هلبا الحق و غدوا نتلاقوا باي باي
...
طلعت من الملهي
روحت الحوش
طقيت الباب فتحتلي احلام
قمر : هاي
احلام : هايين
قمر : شدي
احلام : شني هذا
قمر : شوية فواكة
احلام : عندنا ليش حرام تقعد تخرب
قمر : خلاص اعطيها لبنات الحي
احلام : اسمعي لقيتيلي زبونة
قمر : باهي خليني نغير و ندير حمام و نهدرزوا
بعد الحمام و التغيير قعمزت اني و احلام ديما عندنا وقت في الليل انصبوا شاي و نقعمزوا في داري اني و ياها و نهدرزوا
📍 الحوش مقسم دار ليا اني و احلام و دار لي ليلي و ليال و صالة و حمام و كوجينة و هذا الحوش
احلام : احكيلي اليوم شن صار معاك
قمر : شن بيصير يعني نفس الإشكالات و الخلايق
جئ زبون من طبقة فوق و دفع ما شاء الله ( للعلم مش علي فارس )
احلام : وكم عطوك
قمر : 1300
احلام : باهي اعطيهملي سلف
قمر : هبلتي مزال ما عطيتش حق البنات يلي روحوا معاه
احلام : باهي شن صار في الزبونة
قمر : واللهي شفتلك شوشو و قالي رح يكلم كل يلي يعرفهم
احلام : ياريت و اللهي السوق راقد
جت ليلي
احلام : اس اس صوت ليلي جاية
خشت
قمر : اهلن اهلن
ليلي : اهلين قمور
قمر : تفضلي روحي تبي حاجة
ليلي : ايه كنت بندكرك في ال 200 متع الرحلة
قمر : ايه باهي تبيهم توا
ليلي : و اللهي ياريت كنت نبي نشري شوية حاجات لزوم الرحلة
قمر : باهي جيبيلي شنطتي
ليلي : حاضر
قمر : تفضلي هادم 250 مرات 200 شوية غير خففي مكياج شوي و رد بالك تخلي حد يمسك
ليال : فيه خائنة كبيرة هني
قمر : 😂 أهي جت التانية تفضلي ليال هانم
ليال : حتي اني قمور كنت نبي فلوس الرحلة
قمر : ال 200 و 250
ليال : و اللهي يلي بيجي منك بركة
قمر : سلمها المرضية خودي حتي انتي 250
ليال : صحيتي قمور
قمر : سلمكم المهم بس القراية تمام
ليلي و ليال : تمام
قمر : هذا اهم شي هي بروا ارقدوا
احلام : باهي كملي هدرزي
قمر : اسمعي اني تعبانة هلبا و جسمي مكسر بنرقد تصبحي علي خير
احلام : ارقدي
قمر : ( قعدت طول الليل انفكر هل هذا فارس ولد ناهد يلي كنا عنده زمان و كنت نحبه و يحبني و احني صغار بس عاد مش كل حد اسمه فارس يعني هوا مرات زبون قديم لينا و اني ناسياته
الله اعلم )
احلام : قمر شن تفكري
قمر : اخخخخخخخخخ
احلام : 😂😂 باين عليك تحبي
تصبحي علي خير
🔥اليوم التاني 🔥
احلام : قمر نوضي افطري
قمر : هي هي صباح الخير
احلام : صباح الورد
نضت غيرت و لبست و جيت بنفطر
قمر : ماشاء الله لابسين و متكمين
ليلي : ايه بنطلعوا بنشروا شوية حاجات
قمر : باهي و اذا نقصكم شي كلموني
ليال : صحيتي قمور
قمر : من عندي غيركم . حقا عندي موضوع نبي انقوللكم عليه
احلام : موضوع
قمر : ايه و اني نخطط فيه من فترة بس نستنا في اننا نكونوا مع بعض باش نهدرزوا فيه
ليلي : ان شاء الله خير
قمر : لالا خير . اني الحق جاني شخص من الزبائن عندي في محل المكياج و عرض عليا فيلات بسعر حلو و مكان راقي و عجبوني و بعدين اصلا لامتي بنقعدوا في الشقة الصغيرة هادي
ليلي : حلو
ليال : ايه و اللهي حلو
احلام : وشن يلي خطر عليك
قمر : قتلك عرض عليا بأسعار حلوة و ايجار رخيص و مكان قنين
ليلي : و اللهي الفكرة حلوة
ليال : ايه
احلام : هيا انتم اتاخرتوا اكيد بروا كان بتشروا و بتدهوروا
ليلي : هيا ليال
ليال : هي
طلعوا ليلي و ليال
احلام : قمر خيرك امس ما قلتيليش
قمر : نسيت و بعدين اني نبي الموضوع يكون كنا موجودين
احلام : ومني الشخص يلي عرض عليك
قمر : شخص نعرفه و قالي علي العرض يلي حطاطه الشركة يلي يخدم فيها و عجبني
احلام : مرات غالي يا قمر
قمر : لالا لأغالي لا شي الحمد الله ربي عاطينه و بعدين لامتا قاعدين في الشقة هادي و الحي المعفن
احلام : الشقة و الحي يلي مش عاجبينك احسن من يلي كنا فيه زمان فوق السطح و لا نسيتي
قمر : ووواك باهي خلاص احلام
احلام : كلمة و بنقولهالك قمر ياريت ما طتمعيش في شي ما تقدريش توصليه لانك في النهاية رح تنصدمي
قمر : وووه صكرتيها في وجهي
نضت
احلام : قمر وين ماشية
قمر : طالعة
احلام : خيرها شن زعلت
حتي كان تمشي تملح
.
🔥 انتقال الي ليلي و ليال 🔥
ليال : الو احمد انت وين
احمد : انتي يلي وين
ليلي : انقضوها وين وين قوليله كان مش جاي خلي نطلب شي نأكله لينا ساعة مقعمزين في المطعم
ليال: شبحتك شبحتك
ليلي : وينه تراه
احمد : أهلا . طلبتوا حاجة
ليال : لا لا روحي
ليلي : نستنوا في زولك 😂
احمد : باهي شن تبؤ تطلبوا
طلبوا و فطروا و مشو للمحلات و شروا كل شي و يد احمد مشبكة في يد ليال 😍
و وصلهم للحوش
ليلي : صحيت بارك الله فيك ان شاء الله ما يفقدوك
احمد : ادللي ليلي في اي وقت
ليال : باي حمود
احمد : ما تنسيش تكلميني
ليلي : اسمعي نزلتي البورزة الفسفورية
ليال : أهيا
ليلي : اوكي هي باي
ليال : باي صحيت
..
🔥 انتقال الي قمر 🔥
قمر : الو احلام
احلام : ما تنسيش تجيبي حلويات صحباتي بيجوا غدوا
قمر : باهي
سكرت
اتصلت بصاحب الوحدات السكانية
قمر : الو أستاذ فوزي
فوزي : اهلين استاذة قمر شن صار منها الفيلا
قمر : إمانا ليش مكلماتك
فوزي : خلاص لما تفضي كلميني باش انوريهالك
قمر : اني توا فاضية و ما عندي شي كان تقدر تدلني علي المكان و نلقاك غادي و توريهالي
فوزي : اوكي
دلني علي المكان و فعلا شفت الفيلا و كانت رائعة الحق و مكان كان جميل جذا و فعلا حجزتها و بنبداء انحول في أغراضنا
❤️
🔥 انتقال الي احلام 🔥
مديرة الكوافير ( نجوي ) : احلام كلمتي الزبونة يلي قتلك عليها
احلام : ايه كلمتها
نجوي : باهي بتمشيلها
احلام : ايه بنمشي اني و خلود و فادية
نجوي : باهي كلميني بعد ما تكلموا
احلام : ان شاء الله 😒
( تقول بناكلوها في المربح متعها علي 60 دينار )
.
( احلام تشتغل في اكبر صالون في البلاد و مشهور هلبا و هيا الان رئيسة و تحتها عاملات يمشو للعروسة في حوشها و ياخدوا حقهم و اكيد في نص ياخده الصالون التابع ليهم )
.🔥
وصلت ليلي و ليال و وتوا حوايجهم للرحلة
ليلي : رد بألك تنسي حاجة
ليال : رفعتي الفانيليات الداخلية
ليلي : و لاش هو كله يوم
ليال : باهي العطر
ليلي : ايه ايه موجود
🔥 و مع الصبح انطلقوا 🔥
وصلوا لساحة الكليات
ليلي : ليال وين ماشية
ليال : الحافلة يلي فيها احمدً
ليلي : تي تعالي هني يا ليال
ليال : اسكتي عليا اركبي و توا نتلاقوا لما نوصلوا و بيناتنا تليفون
ليلي : و اللهي الا امسخه البنت هيا
ركبت ليال في حافلة 7 و ليلي في حافلة 2 و للاسف طلع احمد راكب في حافلة 2😂
ليلي : قعمزت . السلام عليكم
احمد : و عليكم السلام
ليلي : 😱 احمد
احمد : خيرك انصدمتي وين ليال
ليلي : يعطك سخطة البنت ركبت حافلة 7 لقت اسمك فاها
احمد : و اني لقيت اسمها اهنئ ركبت
ليلي : طيح سعدكم 😂😂😂
🔥 الي ليال في حافلة 7 🔥
ليال : هذا وينه انكلم فيه ميبيش يرد
جئ حد قعمز بحداها
ليال : الو احمد وينك اني في الحافلة متعك
ليلي : هات أنكلمها اني
ليلي : الو ليال
ليال : ليلي
ليلي : طيح سعدكم هوا خدي مكانك و انتي خديتي مكانه 😂😂😂😂
ليال : 🤦🏻♀️ لا لا
هوا غبي قتله متتحركش من مكانك شن الغباء هذا
افففففف خلاص سكري نتلاقوا باي
سبحان الله قصدي الطريق كلها بنقعد بروحي
كان مش عيب انوقف الباص و ننزل
الشخص : أهلا
ليال : أهلا
ليال : قعد نشبح فيه الغزال يلي قعمز بحداي
ليال : كاني شبحاتك قبل هكي
الشخص : ايه في ندوات الكلية
ليال : اها
الشخص : انتي ليال صح
ليال : ماشاء الله تعرفني
الشخص : التالتة علي الدفعة صح و لا لا
ليال : 😄 اها ايه و انت
الشخص : الاول علي الدفعة
ليال : 😐😦احم شن اسمك
الشخص : زين
ليال : تشرفنا ........يتبع
الحلقة الجاية بنشوفوا شن بيصير في الزردة و يلي ميعرفش زين يرجع للحلقات الأولي
و بنشرفوا الحوش الجديد و من جيرانهم 😱🔥
و رح تعرفوا اكتر علي ليلي جميلة العائلة و اوقح و اهبل وحدة فيهم مع انها احلا وحدة
. نبي رأيكم
أنت تقرأ
بنات نور ( روايات ليبية )
Romanceتدور الاحدات حول امرأة اسمها نور ام ل5 بنات . نور امرأة فقيرة تشتغل خادمة في المنازل و دخلت السجن بتهمة الرديلة مع صاحب البيت الذي تشتغل فيه بعد ان اتهمتها زوجته بلزور و بعد 7 سنوات خرجت نور و لكن بعدها توفت نور لتترك وراها 5 بنات لوحدهم فهل سيتمكنو...
