بنات نور ( روايات ليبية )

حلقة 17 🔥

رواية #بنات_نور
( حقيقة ممزوجة بلخيال )
للكاتب #أحمد_عبدالله
الرواية بلهجة الليبية
الجزء الاول من حلقة 17
🔥

وصلوا ليلي و يزن
ليلي : هذا حوش مني يزن
يزن : حوشنا
ليلي : هذا كله حوشكم 😍
يزن : هيا انزلي
نزلني
وخشيت العيد ميلاد
ليلي : هذا شني
هذا عرس
محلاها الجردينة
.
خش هوا و ليلي لعيد الميلاد
يزن : تهبلي
ليلي: ساد خلاص عرفت
يزن : تعالي نعرفك علي أصحابي
ليلي : بشوية عليا و انت ترفع و تجيب فيا
ليلي ( كنت مستغربة في الحوش و حياتهم المتفتحة اكتر من اللازم و كنت خاطري نصور قدام المسبح بس اتحشمت )
..
يزن : او شن الجو شباب
الشباب : مليح مني يزن يلي معاك
فارس : ( قعد يشبح بعيونه
يزن : حبيبتي و قريبا خطيبتي
الشباب : ايوا احني ايوا
فارس : علي مني تتكلم ( بصوت واطي )
يزن : ليلي
فارس : 🤦🏻‍♂️ قصدك انت جبت ليلي
يزن : أونها
فارس : 🤦🏻‍♂️🤦🏻‍♂️🤦🏻‍♂️🤦🏻‍♂️
( مشي فارس يجري لليلي )
ليلي : ☺️ فارس كيف حالك
فارس : نورتينا
ليلي : النور نورك . الحق نبي نشوف العيلة نسلم عليهم بس من الزحمة معش عرفت حد الحق
🔥 انتقال الي ناهد 🔥
انعام ( صديقة ناهد ) : مني القمر يلي جاية مع يزن هاذي
ناهد : شني
انعام : ( البنت يلي جاية مع ولدك للحفلة )
ناهد : وينها
انعام : اهيا غادي
ناهد : 😳
انعام : ناهد
ناهد : ها
انعام : تعرفيها
ناهد : 😳
انعام : ناهد
( مشت ناهد و خلت انعام تهدرز بروحها )
..
🔥 انتقال الي قمر 🔥
مقعمزة لا بيها و لا عليها في المستشفي مع ليال و زين
و زين يوري صور العيد الميلاد لليال و قمر
قمر : ان شاء الله بطولة عمرها يا رب و يحفظلها امها يا رب

لين وحدة من الصور جت فيهم ليلي
ليال : محلاها ليلي طلعت
قمر : من ليلي
زين : ليلي اختك
قمر : وين
ليال : يزن عزم ليلي لعيد الميلاد
قمر : و مشت ان شاء الله
ليال : وراها زين الصورة
قمر : هاذي ليلي
😱🤦🏻‍♂️ من يلي لبسها و مكيجها و خلاها تمشي من الأساس
ليال : خيرك قمر مشت تغير في جو و بعدين خلي تتعرف علي اخت زين و يزن و قالي زين حتجي تزورني في الحوش
قمر : لالا عادي ما قلت شي بس نسال
( طلعت قمر تجري و ايدها ترعش اتصلت بأحلام )
احلام : الو قمور
قمر : اهلين حلومة
احلام نبي نسألك وين ليلي
احلام : مشت لعيد ميلاد يزن علي ما أطن
قمر : عيد ميلاد يزن و لا عيد ميلاد اخت يزن
احلام : و اللهي ما نندري حاجة زي هكي
قمر : يا ...... يا ....... يا .......
احلام : قمر خيرك
قمر : 🤦🏻‍♂️🤬 اخت يزن يلي هيا شروق
و هيا نفس البنت يلي تعاركت قبل هكي هيا و ليلي
يا غبية
احلام : انتي شن تقولي
قمر : توا مروحتلك انهارك احرف
و سكرت التليفون
و طول اتصلت بفارس
و للاسف ما يردش لاهي في العيد الميلاد
🤦🏻‍♂️🤦🏻‍♂️🤦🏻‍♂️ ياربي سترك
رجعت للغرفة خدت شنطتها و حاجاتها
قمر : نستأذنكم
ليال : خيرك اقعدي
( ما ردتش عليها و طلعت )
ليال : خيرها هاذي
🔥انتقال الي الحفلة 🔥
ليلي مستغربة و تشبح لكل الناس
ناهد : أهلا
ليلي : أهلا
ناهد : اعرفتيني
ليلي : ام يزن صح
ناهد : ايوه
ليلي : كيف ننساك
ناهد : انتي من عزمك
ليلي : 😳 ( ☺️ يزن )
ناهد : كويس كويس
و مشت من بحداي
( قصدي هاذي كلمة تقولها و كيف ما قالتليش انستي شرفتي أهلا و سهلا بيك اي حاجة )
يزن : خيرك ليلي
ليلي : خيرني
يزن : قصدي تحركي ادهوري الحوش حوشك
ليلي : اسمع اني جاية نبي نشوف اختك وينها
يزن : توا اندورلك عليها و نخيبهالك
نستاذنك شوي و جاي
🔥 انتقال الي شروق 🔥
فستان قصير و تسريحة و شعر و طلعت للحفلة و تسلم علي الناس
موضفين الشركة : الف مبروك
شروق : شرفتوني
( بدو يحطو في الهدايا في الطاولة )
شروق : شكرا
تمتعوا بلحفلة
.
شروق :ما حدش شاف مالك
مالك : بس ❤️
شروق : أندور فيك وينك
مالك : هاني جيت
كل سنة و انتي بألف الف خير
شروق : و كل عام و انت بخير
مالك : تفضلي
شروق : شني هاذي
مالك : هذية
شروق : و اللهي ما كان فيه داعي
مالك : تي كيف
شروق : باهي تعالا بنعطيك حاجة
مالك : وين رافعتني
شروق : للحوش الداخل
🔥 انتقال الي ليلي 🔥
قعدت واقفة بحدا يلي يدير في العصير و نتفرج علي الناس
علي جية واحد خدي عصير و بعدين قعد واقف
مد ايده يبي يسلم
مدير أيدي و سلمت
الشخص : مهند صاحب شركة مورتيل
ليلي : تشرفت
الشخص : اني يلي تشرفت
ليلي : 😳
و أيدي قاعدة في ايده
نحيت أيدي و قعد واقف بحداي
الشخص : ممكن اني نتعرف عليك
ليلي : ليلي صديقة صاحبة العيد ميلاد
الشخص : 😍
ليلي : 😳
الشخص : هذام أرقامي اذا تبي اي شي شغل او اي حاجة تكلميني
ليلي : ان شاء الله
( مشي علي أساس بيرجع الطاسة يلي في ايده و بقصد بزعها عليا و علي جهة الصدر متع القفطان )
ليلي : 😱
( و بدي بلعاني بيمسح )
ليلي : نحي أيدك غادي عليا شن هذا
الشخص : خيرك انتي
ليلي : انت يلي خيرك من بكري و انت تتحسس ضارد الوسع شن هذا
ناهد : 🔥
شن فيه خيرها
ليلي : 😶
الشخص : مش عارف ترمي في بلاها عليا لأني بلغلط كبيت الطاسة عليها
ليلي : و اني و لا كلمة
ناهد : ( تفضل أستاذ مهند و اي حد يزعلك يطلع برا )
ليلي : 😳
( قصدي المرة يلي فاتت مشيتها لكن توا خلاص الكلام باين خديت شنطتي و قعدت ندور علي يزن ما لقيتاش بعتله رسالة و طلعت )
ناهد : 😈
.
و للاسف فارس شاف المشهد كله يلي صار مع ليلي
و رجع لمهند و لزه و قاله ان يلي ما يحترمش حد من الضيوف الباب
و زعل مهند و طلع
.
🔥 انتقال الي شروق 🔥
مالك :وين رافعتيني
شروق : تعالا
مالك : هذي وين
شروق : هاذي داري
غمض عيونك
مالك : 😌
شروق : افتح
مالك : 🙂
شني هذا
شروق : هذي هدية ليك
مالك : قصدي عيد ميلادك انتي مش اني
شروق : وكان هذا اني بنجيبلك هذية
افتحها
مالك : 😍 حلوة شكرا
شروق : عارفاتك تحب الساعات هلبا
مالك : شكرا شروق
شروق : حتي انت شكرا
( و كيف اني نشوفله و يشوفلي خشت الشغالة قالت ان امي تبيني نطلع طلعت اني و ياه لان الناس تسال عليا )
.
طلعت
يزن : شروق
شروق : زيزو
اظبت اخته
يزن : الف الف الف الف مبروك
شروق : سلمك يا رب
يزن : ما تخافيش هديتك موجودة بس حنعطيهالك اخر واحد
شروق : انت كلك هدية
يزن: شروق نبيك تسلمي علي شخص عزيز عليا
شروق : مني
يزن : تي غير تعالي
شروق : هي
.
😳 (و للاسف ليلي مش في الحفلة )
وينها
شروق : هي وينها
يزن : كانت هني توا
شروق : لما تلقاها جيبهالي
.
يزن دماغه وقف
قعد يسال في متع العصير
و متع الحلويات و يسال في الناس
و يتصل عليها خارج التغطية
.
لين بعد وقت شد الخط
يزن : الو ليلي وينك
ليلي : الو يزن اني روحت صارلي ضرف ضروري اني آسفة
يزن :كيف تروحي و ما تقولليش
ليلي : بعتلك رسالة ان آسفة و اللهي ضرف طارق للاسف
و سكرت المكالمة
.
( زعل هلبا و حتي الحفلة معش خاطره يكملها )
🔥 انتقال الي قمر و احلام 🔥
عركة للسمي بين احلام و قمر علي خاطر كيف تمشي ليلي للعيد ميلاد
قمر : شن انتي غبية و لا شني
احلام : اني آسفة
قمر : غبية غبية غبية
.
لين نسمعوا في حد فتح الباب
قمر : ليلي
ليلي : ☺️ هاي
قمر : كيف حالك ليلي
ليلي : الحمد الله
قمر : يعني ما صار شي
ليلي : شن بيصير يعني العيد ميلاد كان حلو و تمتعنا
قمر : كويس كويس 😬
ركبت ليلي لدارها
احلام : اهو ما صار شي ماعرفتش خيرك انتي معصبة بس
قمر : 😤 احلام احلام احلام
احلام : خلاص خلاص خلاص
.
( الحق وجعتها كلام ام يزن يعني الحق كأنها تلز فيا بس بطريقة غير مباشرة و لكن ليش ادير هكي معاي شن هيا وين تعرفني )
.
تم العيد الميلاد و بدت الناس تروح و كل شي و لا يرجع زي ما كان
في الليل بعد العيد الميلاد
فارس : ماما نبيك شوي في المكتب
ناهد : اني تعبانة اليوم غدوا
فارس : ماما اني نبيك توا في المكتب
ناهد : انقولك تعبانة
فارس : ماما 😡
..
يزن معصب و خاطره يعرف ليش ليلي زعلت و روحت او شن صارلها كانت فرحانة قبل الحفلة بألك حد ناشبها .
و شروق لاهيا تفتح في الهداية يلي جوها لين و هيا تفتح في الهدايا جاها اتصال من جمعة السواق استغربت
ردت
جمعة : شروق نبيك شوي بنتي لوطة
شروق : حاضر بابا
نزلتله
شروق : تفضل بابا ( تحترم فيه )
جمعة : هي تفضلي
شروق : شني هذي
جمعة : هديتي
تحسبيني نسيت
شروق : 😍❤️
شكرا شكرا
( كانه بوي و الله ❤️❤️ )
.
🔥انتقال الي ناهد 🔥
ناهد : تفضل يا سيد فارس شن تبي
فارس : ليش لزيتي البنت
ناهد : اي بنت
فارس : ليلي
ناهد : قصدك جايبني علي خاطر الكلمتين هاذم
فارس : ايه علي خاطر الكلمتين هاذم
خيرك يا امي عليهم
ما سد يلي درتيه فيهم و مزال ما شفعتيش
ناهد : برا ارقد فارس امشي ما خاطريش نهدرز و نوجع راس
فارس : لامتا انتي و بنات نور هكي
اهم ولادك رجعولهم شن بديرلي
ناهد : شن قصدك
فارس : قصدي ان يزن جاب اليوم ليلي و غدوا زين بيجيب ليال
ناهد : و يلي بعده
فارس : شني
ناهد : قولها : ويلي بعده بتجيب انت قمر صح و لا لا
نبي نسألك سوال
اني امك و لا عدوتك
ليش تبي تكسر كلمتي
ليش تبي تحرق قلبي يا فارس
هيا كلمة و بنقولهالك
يلي يكسر كلمتي و لا يعارضني و يطلع روحه الطيب الملاك
نكسرله خشمه و انت تعرف كسرتي كويس
زي ما كسرت ناصر نكسر اي حد بعده 🔥
.
( علي جية شروق راكبة لدارها سمعت صوت امها في المكتب قالت خلي نمشي انوريها هدية عمي جمعة )
و هيا كيف جاية لباب المكتب
و قعدت تسمع
ناهد : ( فارس انت تبي شروق تعرف و لا شني انت هذا يلي تبي توصله برا قوللها و ريحني برا )
شروق : شن بيقولي
ناهد : 😳🔥🔥🔥🔥
فارس : 😳😳
شروق: خيركم سكتوا
ناهد : لا هوا هوا كان بيقول هوا
شروق : 😂🔥 ماما خيرك قولوا
باين عليها هذية كبيرة قولو قولو
فارس : ايه و الله هذية كبيرة و خليها في وقتها احسن
كل شي في وقته حلو
و طلع
و ناهد تفنص فيه
( ورجعت شروق تهدرز علي امها علي الهداية و نست المرضوع )
🔥 اختصار الاحدات 🔥 لانكم مليتوا
قمر بدت في مشروعها الجديد
و هوا بوتيك المكياج و معاها احلام تساعد فيها
و للعلم احلام في حد معجب بيها ديما تتلاقا معاه رح نحكوا عليه في الحلقة القادمة ان شاء الله
و ليلي ما قالت شي ليزن و رجعت علاقتهم دبلوماسية و المرة هادي من ليلي لان شافت ردة فعل امه و قاعدة زعلانة
.
و ليال قاعدة هيا و زين جو مليح و جت شروق شافت ليال في الجامعة و غريبة الزوز نسو بعض من بعد عركة السيارة
.
و كترت طلعات فارس و قمر مع بعض

و للاسف كل هذا يوصل اول بأول لناهد
و بعد ما سمعت ناهد بكل هذا كانت لازم ادير حل و هوا ان نتقابل قمر و تحكي معاها ودي و بكل قوية بالك توصل لحل
.
وافقت قمر ان يكون فيه لقاء بينها و بين ناهد من غير علم فارس و بلفعل مشت للمكان و قابلت ناهد
.
و كلام ناهد كان نفس الكلام ابعدوا علي ولادي أحسلكم و وجهي التاني للان ما شفتوشي و حاجات زي هكي
و لكن رد قمر كان عنيف شوي
و هوا
قمر : ( الانتقام منك توا رح يبدا يا ناهد يلي درتيه فينا و في امي رح تلقيه تالت و متلت )

ممكن رد قمر كان بعد ما حست انها توا في أمان و معش عندها زلة في حياتها و يلي هيا شغلتها في الملاهي الليلية
و ختمت كلامها
قمر : و اخر حاجة حابة نقولهالك يا ناهد
( خالق الرأس قاطعه )
ناهد : 🤬💔🔥
و ناضت و طلعت
..الكلام خش لناهد زي الموس و بعد ما سمعت الكلام هذا ممكن اقل حاجة تقدر أديرها انها تقتل قمر
ناهد : الو
السواق : الو
ناهد : البنت يلي نزلت توا
السواق : خيرها
ناهد : نبيك تصورهالي كويس و نبيك اليوم ادورلي علي حد ينفيهالي البنت هاذي
السواق : حاضر
( بدت ناهد في بعت أشخاص لقمر و يلحقوا فيها و يستنوا في الإشارة يلي تقول فيها تم باش يقوموا بلواجب )
بس بعد مرور أسبوع و نص علي المراقبة
جئ اتصال لناهد من واحد من يلي يراقبوا في قمر يقوللها
ان فيه حد تاني يراقب في قمر هل انتي باعتيه و صورهولها
.
بعد ما بعتوا الصورة ليها
ناهد : هذا راجل و لا بنت
الشخص : و اللهي اللقيناه يلحق في قمر في كل مكان و اكتر من مرة نلقوا فيه يراقب حتي في الحوش
ناهد : جيبه
الشخص : شني
ناهد : جيبه خلي نشوفوا شن قصته ؟
الشخص : حاضر ........ يتبع
و اللهي الحلقة كانت فيها احدات اكتر من هكي بس للاسف صارتلي لخبطة في الاحدات فا لازم نمسح حاجات
غدوا نكملوا الباقي ان شاء الله
.
تتفكروا لما قمر و هيا مروحة من الكباريه لقت سيارة تلحق فيها
اكتر من مرة ❓
.
رح نعرفوا هلبا حاجات الحلقة الجاية
يلي نقدر انقولهولكم ان بتصير فضيحة لقمر بس كيف و وين و امتي ❓🔥
.
تصبحوا علي الف الف الف خير