بنات نور حلقة 6🔥
فارس : لوسمحتي
رجعت تلفتت
قمر : تفضل
فارس : المرة يلي فاتت معرفتش اسمك ممكن نعرف اسمك
قمر : اسمي قمر
و رجعت باش نكمل طريقي
فارس : بنت نور
قمر : 😶 جمدت ( قلبي في بطني )
رجعت تلفتتله
قمر : لا لا غالط
فارس : اها اوكي اني اسف
و رجعت باش نكمل طريقي جسمي كانه معش نحس بيه و الدنيا لادت بيا هل يلي سمعته صح او لا معش عرفت
ركبت سيارتي و طلعت
وقفت في نص الطريق
قعدت نتذكر في لحظة لقيته في المحل و شافني و اني نتسهوك عليه و حتي لما قابلته توا كيف خديتها بضحكة
ما كنتش نتوقع انه فارس
كنت غبية
واضح فارس من نضرة عينه و الله بس كيف رح انقابله
قعدت نبكي نبكي نبكي كيف الدنيا لما تبي تهينك تهينك
كملت مشواري
🔥 انتقال الي ليال 🔥
ليال : ليلي نوضي عندك محاضرة نوضي
ليلي : مش ماشية
ليال : ديما هكي شادتها روايات و خلاص توا يفيدوك
ليلي : اخخخخخخ
ليال : ( لبست و طلعت تلفتت لقيت زين )
ليال : زين شن ادير اهنئ
زين : ليال انتي يلي شن اديري
ليال : هذا حوشنا
زين : اجرتوا هني
ليال : ايه و انت تسكن هني
زين : لا اني نسكن في المزارع و هذا حوش خوي الكبير و هو قاعد بروحه فا قاعدين معاه و منها قريب للجامعة اكتر من المزارع
ليال : اوكي هي باي
زين : تعالي نوصلك
ليال : لالا شكرا
زين : لالا عيب لازم نوصلك
ليال : قتلك لا خلاص توكل
زين : اوكي نتلاقوا 😕
( ليال قاعد مأتر فيها كلام احمد علي زين يلي هوا كله كذب في كذب هكي غيرة و خلاص )
وصلت للجامعة 🔥
ليلي قعدت تكلم في احمد و كان ما يردش من امس خشت المحاضرة و قالت اكيد راقد و توا بعدين تكلمه تاني
..
🔥 انتقال الي احلام و ليلي 🔥
ليلي : صباح الخير
احلام : خيرك غايبة حتي اليوم انت شن في دماغك فهميني
شادتها روايات روايات ما مليتيش النهار المبروك و بدأت هلصفحة الباردة متع الروايات خربولك مستقبلك
ليلي : تي باهي خلاص نفختيهم اسمعي عندنا نسكافي
احلام : عندنا امس ضربته قلت بألك اليوم يجوني صحباتي يباركوا علي العتبة الجديدة
ليلي : مشت دارت نسكافي و شرباته و قاعدة مسخسخة
احلام : ليلي نوضي اشحطي روحك و لوحي شكارة الكناسة
ليلي : و راس بوك فوتيني
احلام : علي رحمة اميمتك
ليلي : هاتي قصدي بنطلع قدام الناس و اني بلحفال هذا
احلام : تي وينهم الناس هذا حي راقي كل حد شاد حوشه مش زي يلي كنا فيه غير عيطة الصغار لتوا في ودني
ليلي : وين الكناسة
.
طلعت باش تلوح الكيسة و شعر مقيوم كودة و لابسة توتة حوش و فوقها تب متع حوش
و هي بتقص الطريق متع الشارع و سطل الكناسة قدامهم تسمع في صوت سيارة تعيط و شدت فرينوا
ليلي : اااهعهععه لوحت الكناسة جت علي المرش
و هيا دارت روحها ميتة و هيا الكذب السيارة ما مستهاش بكل
نزل يلي يسوق
الشخص : صار ليك حاجة
ليلي : طاحت الكودة و الشعر علي الوجه و الوجه ولا اصفر و ليلي مع انها واعرة بس قلبها رهيف
ليلي : روح بيا 😭
الشخص : انتي وين تسكني
ليلي : 😭اااهعه روح بيا
الشخص : اهدي في حاجة توجع فيك
ليلي : حرام عليك حرام عليك
الشخص : انتي يلي حرام عليك السيارة ولت كلها كناسة
ليلي : خايف علي السيارة و مش خايف عليا
الشخص : 😕 لا اكيد خايف عليك اكتر
ليلي : وقفني اسندني
وقفني
الشخص : انتي وين تسكني
ليلي : في الفيلا هادي
الشخص : اها انتم مأجرين جدد
ليلي : ايه
أنت تقرأ
بنات نور ( روايات ليبية )
Romansaتدور الاحدات حول امرأة اسمها نور ام ل5 بنات . نور امرأة فقيرة تشتغل خادمة في المنازل و دخلت السجن بتهمة الرديلة مع صاحب البيت الذي تشتغل فيه بعد ان اتهمتها زوجته بلزور و بعد 7 سنوات خرجت نور و لكن بعدها توفت نور لتترك وراها 5 بنات لوحدهم فهل سيتمكنو...
