بنات نور حلقة 5🔥
الشخص : أهلا
ليال : أهلا
ليال : قعد نشبح فيه الغزال يلي قعمز بحداي
ليال : كاني شبحاتك قبل هكي
الشخص : ايه في ندوات الكلية
ليال : اها
الشخص : انتي ليال صح
ليال : ماشاء الله تعرفني
الشخص : التالتة علي الدفعة صح و لا لا
ليال : 😄 اها اي التلاتة و تعرف الفرق بيني و بين الاول درجتين و التاني درجة انت مني
الشخص : الاول علي الدفعة
ليال : 😐😦احم احم اها شن اسمك
الشخص : زين
ليال : تشرفنا يا زين
بعد مرور ساعة
سواق الحافلة : بننزلوا شوية في المنطقة هادي نرتاحوا
نزلنا
ليال : الو احمد احني نزلنا في منتزة البحيرة انتم وين
احمد : احني قاعدين وراء و نزلنا في منتزه الدائرة
ليال : ايح عاد بنقعد بروحي
قعدت مقعمزة نتفرج علي البحيرة
جئ زين و قعمز بحداي جايب معاه عصير
زين : خيرك مكسدة تفضلي
ليال : شكرا . صديقي و اختي راكبين في حافلة تانية و قعدت بروحي
زين : انتي عندك صديق
ليال : ايه
زين : اها و شن اسمه
ليال : احمد
زين :و يدرس معانا
ليال : ايه
زين : شن لقبه
ليال : احمد كوجاك
زين : احمد كوجاك
ليال : ايه تعرفه
زين : نعرفه
ليال : اها و خيره وجهك زي يلي مش عاجبك احمد
زين : لالا احمد كوجاك شخص محترم و كويس
ليال : اوكي شكرا علي العصير
زين : العفو 😐
ركبوا للحافلة و قعمزوا بحدا بعض
خليني نعرفكم من هوا زين
( زين هوا اصغر واحد في ولاد التاجي يلي امهم ناهد اكيد قاعدين مذكرين ان كان عندها 4 أولاد فارس . زياد . يزن . زين و شأت الصدف ان يكون زين مع ليال في نفس الجامعة بس للاسف ليال و حتي ليلي ما يذكروش شي و لا حتي هوا لانهم كانوا صغار رح تعرفوا اكتر القدام )
🔥 انتقال الي قمر 🔥
قمر : الو احلام كلمتي البنات اسالتي عليهم
احلام : ايه ما تخافيش سالت
قمر : باهي اسمعي راهو صار منه موضوع الفيلا
احلام : باهي مبروك علينا
قمر : اسمعي توا بنبعتلك مصممين ديكور للحوش مرات ياخدوا اتات من الحوش و يركبوا في الفيلا
احلام : باهي
قمر : تبي نجيب حاجة معاي
احلام : لالا
🔥 انتقال الي ليلي 🔥
سواق الحافلة : غنوا خيركم
الراكبين : ارزقني بنصيبي يا مولاي يا مولاي يا الله
وصلت الحافلة لمكان الرحلة و بدوا المدرسين يقسموا البنات بروحهم و الأولاد بروحهم و رفعوهم للمابيت و للان و ليال ما شافتش احمد
ليلي : خيرك تزربزي
ليال : من بكري أنكلم في احمد مايردش
ليلي : اكيد مش فاضين يأكلوا او مقعمزين في الحديقة اهدي
ليال : اف اف اف شن هلرحلة
ناضوا من غدوا ادهوروا بيهم في الأماكن الأترية و شافت ليال احمد و كان كل الرحلة زين يتبع في ليال و مش قادر ينساها
و يشوف فيها هيا و احمد كيف يصورا و شادين بعض
و فات الوقت
و بدوا يوتوا في روحهم باش غدوا الصبح يرجعوا
🔥انتقال الي قمر 🔥
قمر مشت للملهي
قمر : كيف حال المحل
شوشو : كويس مية مية
رن التليفون
قمر : الو
صاحب الفيلات : تم حجز الفيلا متعك و كله تمام
قمر : شكرا شكرا ليك الحق
صاحب الفيلات : اوكي أمتا تجيني للإدارة التابعة للوحدة السكانية
قمر : بكرا ان شاء الله نكون عندك
صاحب الفيلات : اوكي نستنا فيك
قمر : مع السلامة
صاحب الفيلات : مع السلامة
.
🔥 اليوم التاني 🔥
ليلي : هيا ليال هيا حلا الباصات قريب يوتوهم
ليال : اسمعي التيشرت الرصاصي وينه
ليلي : فتشوا علي حاجاتكم قبل ما نطلعوا ردوا بالكم
ليال : باهي بري انتي اصبقينا و توا نلحقك اني و حلا
ليلي : باهي
وتوا روحهم و جو باش يرتبوا و يعدوا الطلبة و يركبونا في الحافلات
ليال : ليلي بري اركبي في الحافلة متع احمد و اني و احمد نركبوا في الحافلة هادي
ليلي : لا يا ماما منطلعش من مكاني آسفة
ليال : باهي مع مني بنبدل
لقت زين قدامها
ليال : كيف حالك زين
زين : اهلين ليال
ليال : ممكن تركب الحافلة هديكا تبدل انت و شخص
زين : اوكي عادي
ليال : شكرا . الو احمد انت وين
احمد : اني أندور في حد انبدل اني و ياه
ليال : لقيت تعالا
احمد : منو
ليال : تي غير تعالا
جئ احمد و لما شبحه زين اعتقد ان فيه علاقة بينه و بين ليال او تعرفه
احمد : هذا شن يدير هني
ليال : تي هذا يلي بدلت معاه
احمد : تعرفيه
ليال : تي غير اركب و بعدين ساهل
ليال : شكرا شكرا هلبا زين
زين : لالا عادي
ركبوا
احمد : تعرفيه
ليال : ايه نعرفه يقراء معاي
احمد : و كيف علاقتك بيه
ليال : شن علاقتي تي قعمز معاي لما جينة بس
احمد : باهي اذا شفتك معاه تاني انهارك يلي ادوري فيه
ليال : و انت تعرفه
احمد : تي هذا ولد حرام مصفي و معش توقفي بحداه
( منعرفش ليش احمد كان كل همه ان يغير وجه نضر ليال في زين لان عارفه ولد حلو و من عيلة غنية و ممكن ليال تسيبه و تمشي لزين ) ( هكي يفكروا الرجالة )
و عقل زين كان في ليال و رقة ليال و ميعرفش ليش كل ما يشبحها قلبه يرهف
رجعت ليلي و ليال للحوش
ليلي : تعرفي كانت رحلة تجنن ولا في الخيال الحق
ليال : تجنن 🥴 الكذب الأحرف
احلام : باهي المهم غيرتوا جو
جت قمر
قمر : انستوا و شرفتوا و شن صار معاكم استحشناكم
ليلي : تبي الحق الرحلة كانت تجنن
قمر : بلحقاء
ليلي : ايه و غيرنا جو الحق
احلام : ليال خيرك مطرمة
ليال : اندمت الحق اني مشيت الرحلة
قمر : 😂😂 تي خلاص المهم غيرتوا جو
ليال : وين الاتات مشي
احلام : رفعوه لحوشنا الجديد
ليال : لالا 🙀
ليلي : حقا شن صار في الفيلا الجديدة
قمر : صار منها و شفتها حتي الشوفان تجنن
ليلي : شن رايك ترفعينا اني و ليال و احلام نشوفوها
احلام : اني شفتها بس انتم خليها مفاجاء اوكي
ليلي : ايواة حني ايواة حني
بديت قمر توتي في الحاجات و تحول في الاتات في الحوش الجديد و رفعت ليلي و ليال باش يشوفوا الفيلا قي التجمع الجديد ( حي راقي هلبا )
و بعد فترة وتي الحوش و انتقلوا لحوشهم الجديد
احلام : خشوا برجلكم اليمين
ليلي : ووووااااااوووو تجنن
ليال ؛ تعيشي و تجيبي قمور
قمر : سلمكم يا رب
ليلي : من يومك و انتي خاطرك بس تفرحينا
قمر : ما تقولوش هكي فرحتكم فرحتي و اكتر و اللهي
( استقرينا في الحوش و قعدنا اليوم كله و احني انضموا و انساووا و انرتبوا و اخواتي هابلات فيه الحوش )
بعد الحوسة كلها طلبنا عشي من برا و قعدنا ناكلوا و الله يديمها لما يا رب
( و اللهي و يشهد عليا ربي كانهم بناتي همي الوحيد في الدنيا اني نشوفهم فرحانين و مبسوطين صح فلوس حرام بس و اللهي الدنيا هيا يلي جبرتني )
🔥 تمت الليلة و من غدوا طالعة بندير اوراق بتجديد الحساب الجاري في المصرف و طلعت بكري
احلام : استني افطري
قمر : لالا توا نفطر اول ما نوصل ناخد من اي قهوة
احلام : بسلامة صباحك مبارك يارب
قمر : ياررب
و اني طالعة تلفتت جت عيني في عين فارس ( الزبون متع المحل )
قعدنا دقيقة نشوفوا لبعض
فارس : صباح الخير
قمر : صباح الخير
فارس : شني أمانا أجرتي الشقة هادي
قمر : اها ايه
فارس : خلاص أمانا ولينا جيران
قمر : انت تسكن هني
فارس : الشقة يلي في جنبك
قمر : تشرفنا
( حي عليا شن جيبه هذا بحداي و كان يفضحني لخواتي و في الحي ) يارب سترك
قمر : للعلم اني ما نخدمش غادي راه
فارس : شني
قمر : قصدي انت مدكر وين شفتني صح
فارس : ايه في كباريه الخميس يلي فات
قمر : لا لا لا لا لا اني منشتغلش فيه
فارس : اها
قمر : ايه لالا قصدي باش تكون واضحة الصورة عندك
هوا مكان ملك صديقتي فا مرات تقولي تعالي اتسهوكي علي الزبائن
فارس : اها المهم اننا تشرفنا
قمر : اكيد اكيد
و تلفتت و قعدت نتمشي للسيارة
فارس : لوسمحتي
رجعت تلفتت
قمر : تفضل
فارس : المرة يلي فاتت معرفتش اسمك ممكن نعرف اسمك
قمر : اسمي قمر
و رجعت باش نكمل طريقي
فارس : قمر 😕بنت نور
قمر : 😶 جمدت ........يتبع
شن رأيكم في الحلقة
و زي ما وعدتكم الحلقات الجاية رح انركزوا علي شخصيات تانية زي ليلي و شخص رح يطلع الحلقة الجاية و احلام و شخص رح يطلع الحلقة الجاية و شن بيصير بعد هذا الموقف هل ممكن يعرف فارس ان هذي قمر او لا
( و شن صار في شروق وينها مش باينة في الرواية )
كل هذا في حلقة 6

أنت تقرأ
بنات نور ( روايات ليبية )
Romansaتدور الاحدات حول امرأة اسمها نور ام ل5 بنات . نور امرأة فقيرة تشتغل خادمة في المنازل و دخلت السجن بتهمة الرديلة مع صاحب البيت الذي تشتغل فيه بعد ان اتهمتها زوجته بلزور و بعد 7 سنوات خرجت نور و لكن بعدها توفت نور لتترك وراها 5 بنات لوحدهم فهل سيتمكنو...
