بنات نور ( روايات ليبية )

حلقة 9 🔥

بنات نور حلقة 9🔥

الصدمة لما زدت ركزت ( هيا هيا شروق 💔🔥🔥🔥👁👁
نفس الملامح
نفس الشكل
نفس الحركات ) 🥺💔😭 😭😭💔
..
ليلي :خيرك انتي خيرك منين كاسبتها الرخصة من اي مزين
قمر : خلاص ليلي
ليلي : تي غير خليني هاتي امها مفتاح السيارة
قمر : ليلي خلاص
ليلي : تي أنهارها اليوم احرف
.
( من غير ما انحس رتفعت أيدي و ضربت ليلي كف قدام خواتي و البنت )
البنت : 👁👁
ليال : 👁👁
احلام : 👁👁
ليلي : 😳💔🔥
قمر : قتلك خلاص
ليلي : 😢😭
( و مشت تجري للسيارة و سكرت الباب )
البنت : اني آسفة هلبا
قمر : لالا عادي احني يلي اسفين
( احلام كانت مستغربة هلبا  اما ليال فا ركبت للسيارة معصبة علي حركة )
مشت السيارة متع البنت و رجعت اني للسيارة
ركبت كلهم ساكتين و يشبحولها
قمر : هي اما مطعم اتفقتوا عليه
ليال : قمر روحي بينا الحوش
( و نسمع في صوت ليلي تبكي )
احلام : قمر روحي بينا
قمر : خيركم
احلام : ( بصوت عالي ) خيرنا لا ما خيرنا شي روحي بينا معش خاطرنا نسمسوا
قمر : حاضر
رجعت للحوش بسيارة
🔥 انتقال الي شروق 🔥
وصلت لحوش فارس طقطقت
فتحلي زين
زين : شروق
شروق : ايه
زين : شن جيبك مش قتلك ابعتيها مع السواق
شروق : السواق روح ليه ساعة و بعدين عادي ما صار شي
فارس : مني
زين : شروق جايبة تليفونك
فارس : شروق وين السواق الحيوان
شروق : خلاص قداش تكبروا في المواضيع
فارس : باهي صحيتي بعدين خيره وجهك اصفر في شي
شروق : اني صفرة كيف بيكون لون وجهي
و راس بوك شد تليفونك و ياريت معش تنسي حاجة و نتشحطوا 
فارس : زين خود السيارة و خليك وراء اختك لين توصل الحوش
شروق : و راس بوكم شدو مكانكم
و طلعت
.
و هيا كيف طالعة من حوشهم لقت البنات كيف وقفوا قدام الحوش
نزلت ليلي تجري و ليال وراها و احلام معصبة و نزلت قمر معاهم
اول ما شبحتهم شروق طول ركبت لسيارتها و طلعت
خايفة منهم
.
🔥 انتقال الي البنات 🔥
خشوا و سكروا الباب و بدي الصوت يعلي
ليلي : ( بصوت عالي هلبا )
انتي كيف تتجري تضربيني كيف
قمر : اني آسفة بس
ليلي : نحي أيدك من عليا و شن بس علي خاطر كلمت وحدة ق.... كانت بتقتلنا
قمر : باهي اني آسفة
ليلي : تي بري عليا أمشي
و ركبت تجري هيا و ليال
قمر : ليلي ليلي ليلي
🔥 انتقال الي ليلي و ليال 🔥
خشوا و سكروا الباب بلقوة
و ليلي كانت تبكي بلعبرة
ليال : خلاص خلاص
ليلي : شني خلاص ضربتني قدام البنت هكي من أمتا تضرب فينا المشكلة ياريت حتي علي سبب
ليال : خلاص خلاص بالك ما كانتش في وعيها
ليلي : شن مش في وعيها مهبولة و لا سكرانة
ليال : خلاص خلاص ليلول حتي هيا قمر زي امنا تضرب و تضرب علينا
ليلي : 😭😭😭😭🔥
🔥 انتقال الي قمر و احلام 🔥
احلام : شن يلي درتيه هذا
قمر : خلاص حلوا عليا
و ركبت خشت لدار
لحقتها احلام
و سكرت الباب
احلام : اني نكلم فيك
قمر : شني
احلام : ليش ضربتي ليلي
سكتت قمر
احلام : قعدة انعاودلك فيها ليش ضربتي ليلي
و قمر قاعدة ما تكلمتش بكل
احلام بصوت عالي جت قربت علي قمر و فنصت بعيونها
( ليش ضربتي ليلي ردي )
قمر : ما نيش متكلمة و فكيني من شرك و خلي الليلة تمشي علي خير
احلام : مازال فيها خير بعيد يلي درتيه
توا نعرف ليش توا
قمر : احلام الله يبارك فيك حلي عليا
احلام : قمر اني مش ماشية الا لما نعرف وبنقعد الليلة هكي لين نعرف
و بعدين تعالي هني أسبوع و انتي مرتبكة و قلنا ماشي مرضتي و مخبية علينا قلنا ماشي ساكتة طول الوقت و تفكري قلنا ماشي لكن توا انك تضربي ليلي يلي عمرك ما مديتي عليها أيدك و علي خاطر بنت متعرفيهاش لا لا لا لا
لازم نعرف
قمر : 😭 احلام خلاص الله يبارك فيك
احلام : قمر شن فيه خيرك راهوا في الدنيا هادي كلها محدش يعرفك زيني حاسة انك وارك شي من لما شرينا الخربة هادي
شن مش قادرة تدفعي الإيجار خلاص ندفع معاك خيرك تكلمي
قمر : لا مش علي خاطر الإيجار بس مدايقة في الشغل
احلام : لا في شي في البنت هادي
قمر : لا بس سخفتني
احلام : و اللهي سخفاتك تي انتي عيونك ما تحولتش من عليها
قمر من الأخير بتتكلمي او لا
قمر : لا
احلام : لا لازم تتكلمي و توا
قمر : اسمعي يلي بنقوله سر احلام
احلام : سر 🤨 شن فيه تكلمي
قمر : 😓
احلام : تي تكلمي
قمر : 😰😓😓 مش قادرة
احلام : شن فيه قمر تكلمي 😰
قمر : البنت يلي ضربت ليلي علي خاطرها تكون شروق
احلام : من شروق
قمر : شروق اختنا
احلام : و راس بوك اللعبي بعيد كل ما تشبحي وحدة شقراء تشبه امي تقولي شروق
قمر : اني قلت يلي عندي
احلام : باهي حتي شروق كيف عرفتي و شن جيبها هني
قمر : كانت جاية لخوتها
احلام : من خوتها
( استني استني استني جارنا اسمه فارس و خوه اسمه يزن و خوه الصغير اسمه يزن و اني كاني ناسية الموضوع و لا حتي لاحضت شن الغباء يلي عندي )
( لما فكرت في الموضوع كان دماغي وقف ساعتها و حسيت نفسي بنطيح
قمر : احلام احلام احلام
ليلي ليال
.
جت ليال تجري
قمر : أمية و سكر بسرعة بسرعة
مشت تجري دارت أمية و سكر و فاقت احلام
احلام : فاقت و هيا تبكي و تعيط
ليال : خيرك احلام خيرك
قمر : لالا غير مضايقة بري انتي لأختك هاني اني معاها
احلام : 😭😭💔
قمر : خلاص احلام خلاص
احلام : خليني 😓😭
قمر : اسمعي رد بألك تسمع وحدة من خواتك
احلام : 😢😢😢😢 سبحان الله تشبه امي هلبا
قمر : خلاص كتمي علي الموضوع
...
🔥 اليوم التاني 🔥
احلام كانت تفكر في زياد يلي كان يحبها زمان و تتخيل كيف شكله خاطرها تشوفه
احلام : قمر نوضي عندك عمل
قمر : لالا اليوم عندي في الليل
احلام : باهي
قمر : اصلا خلاص بنوض
ناضت قمر و نزلت هيا و احلام و بعدهم نزلت ليال
ليال : صباح الخير احلام
قمر : ايه و الباقي انهار احرف وله
ليال : هاني ماشية للجامعة عندي محاضرة
احلام : تعالي افطري
ليال : لالا صحة
و طلعت و هيا مطرمة علي قمر
احلام : عادي عادي واقفة مع اختها ما تعدليش
قمر : خيرها ليلي ما نزلتش
احلام : بألك ما عندهاش محاضرة
قمر : لا قصدي ليش ما نزلتش باش تفطر
احلام : توا انركبلها فطورها
قمر : لا توا انركبه اني
احلام : تي فكينا و انتي ادوري في انشاف
قمر : قتلك توا انركبه
و ركبت قمر لليلي بلفطور
🔥 انتقال الي ليال 🔥
وصلت الجامعة متاخرة مشيت نجري للمحاضرة طول
قعمزت بحدا زين بلصدفة
زين : صباح الخير ليال
ليال : صباح النور قداش فات عليا
زين : توا كيف بدي
ليال : باهي اسكت خل نفهم
زين : 😳
🔥 الرجوع الي قمر و ليلي 🔥
طقيت الباب
قمر : ليلي ليلي
ليلي : 😓
قمر : ردي به
ليلي : 😓
خشت قمر للدار لقتها مقعمزة فوق فراشها
قمر : ليلي
تلفتت لجهة الحيط
قمر : ليلي اني آسفة
ليلي : 😓😰😢
قمر : ياريتني انشليت قبل ما نرفع أيدي عليك يا ريتني متت قبل ما تشريك يا ريتني انكسرت قبل ما نزعلك سامحيني ليلي سامحيني
ليلي : 😭😭 سامحتك خلاص
( ولت قمر تبكي )
قمر : لا لا قوليها و انتي عينك في عيني
تلفتت ليلي
ليلي : مسامحاتك 😭😭😢
( طول اضبطت قمر ليلي و قعدت تبكي )
قمر : يا وخيتي سلمها يلي عمرها ما كسرت بخاطري 😭😭 سامحيني ليلوش
ليلي : تبكي بلعبرة ( وجعتني الحركة يا قمر هلبا و اللهي )
قمر : يا رب يارب ياريتني
ليلي : لالا معش تدعي و راس بوك انتي امي قمر تضربيني و تضربي عليا
قمر : يا وخيتتتي 🔥💔💔
( اضبطوا بعض و يبكوا و تسامحوا )
و نزلوا لوطة باش ليلي تفطر
احلام : شني تسامحتوا
قمر : ايه
احلام : ووووووللللللييييي 😍
( البنات كلهم يحبوا قمر هلبا و يعزوها لانها امهم امهم بمعني الكلمة
🔥انت تقدر تزعل من امك مستحيل 🔥
.
🔥 انتقال الي ليال 🔥
تمت المحاضرة و طلعت ليال و معاها زين
.
بنات في الجامعة
حنين : هاي ليال وينك مغيبة
ليال : 😒 و اللهي عندي ما اندير
حنين : اها . باهي كويس
( و شائت الصدفة ان كان معاها يزن )
حنين : سمعتي
ليال : ان شاء الله خير
حنين : لالا خير
ليال : شني
حنين : أحمد
ليال : خيره
حنين : امس خطبته
ليال : واللهي . شن عزمك 😳
حنين : لا ماهي خطب بنت عمه في كندا
ليال : مبروك
حنين : خيره مودك تغير
ليال : لالا اني مالكة الدنيا كلها و اني معاي زين حبيبي
حنين : 😳
زين : 😳😳😳😳😳😳😳🤯
( عرفت ليال كيف تكسب الموقف و ما تحسسش حد بلضعف )
حنين : شني
ليال : من الان يلي مش سامع يسمع اني و زين حبيبين و قريب حتي ننخطبوا و اذا علي احمد اصلا اني يلي قتله اقلب خليقتك لكندا
حنين : WOW
زين : 😳
( صدمة زين 😂 كان مصدوم لدرجة انه معش يسمع ولا يتكلم )
شدت يد زين و مشت من بحداهم
ليال : اني آسفة بس كنت مجبورة اني نقول هكي
زين : لالا عادي . توا عرفت ليش هداكا اليوم تبكي
ليال : 😢 مش قادرة نحكي
زين : تعالي نخشوا لأقرب كافي و نهدرزوا
...
🔥 انتقال الي شروق و ناهد و فارس 🔥
شروق : الو ماما شن فيه
ناهد : تي شني شن فيه خوك جاي من فرنسا ما حدش مستنيه في المطار
شروق : مزال طيارته مع ال 12 و نص
ناهد : مرات تجي قبل وقتها انتم خيركم
شروق : حاضر توا نمشي اني و فارس حاضر
ناهد : هيا
شروق : اف
.
كلمت فارس
شروق : الو فارس
فارس : الو شروق
شروق : وين انت توا
فارس : في الشركة
شروق : باهي تجيني و لا نجيك
فارس : ليش
شروق : خوك توا مروح
فارس : باهي بري انتي بروحك
شروق : اذا عليا اني نمشي بروحي عادي لكن امي قالتلي لازم خوك معاك
فارس : باهي توا نجيك
شروق : توا تطلع من الشركة مش توا نجيك و تعطل
فارس : حاضر
.
مشي فارس لشروق و اتجهوا للمطار و قعدوا يستنوا لين وصلت طيارة فرنسا و نزل زياد
.
زياد : فارس شروق
جئ يجري اضبط خوه و اخته
زياد : تعالي جوان
شروق : أهلا أهلا أهلا
فارس : اهلين حمدالله علي السلامة
جوان : اهلين الله يسلمك
شروق : أمانا وين العصافير
زياد : اهم وراي جايين ....يتبع