بنات نور حلقة 2🔥
و في يوم و اني في المطبخ شفت من الروشن مراة حسيتها امي قاعدة مذكرتها
جاية للحوش و تطق في الباب 🤭
نزلت بشوية و من غير اي حس
فتحت التانية الشغالة الباب و خشت ناهد هيا و المراة لدار و نسمع فيها تقول نبي بناتي باي طريقة و نسمع في ناهد تقوللها عارفة يوم طلوعك بلساعة و اسمعي من غير دوشة اقلبي وجهك انتي و بناتك و للعلم اني شريتهم من بوهم ب 4000 لكن لما كبروا ولوا هم فوق راسي
( لانها حست ان ولادها تعلقوا بينا )
فتحت الباب و لقتني في وجهها و قالتلها
ناهد : اها و هادي قمر اول وحدة خوديها
نور : قمر قمر 😢😢 ماشاء الله كبرتي و وليتي عروسة يا قمر
قمر : شديتها و اضبتتها و قعدت نبكي و نقول امي امي
مشت ناهد نزلت احلام و ليلي و ليال
امي قعدت تبكي و تقول ماشاءالله ماشاءالله 😭
ليلي و ليال ميعرفوش امي هلبا لانهم صغار اما احلام فا كانت تذكر فيها
قتلي اركبي لموا حاجتكم
اني هديكا اللحظة سبحان الله استخدمت الفطانة متعي و حسبت ان امي اكيد معندهاش فلوس و اكيد طالعة من الحبس رجل وراء و رجل قدام فا خشيت لدار ناهد خديت فلوس و زدت خديت من الفلوس يلي اني نحوش فيهم و لميت دبشي و اني طالعة لقيت فارس
فارس : قمر وين ماشية
قمر : بنروح مع امي
فارس : و بترجعي
قمر : ما اطنش يا فارس خلاص طلعت امي من الحبس لازم نرجع
فارس : قمر اني نحبك و انتي تحبيني و اكيد رح نتزوجوا بس نكبر شوي
قمر : 😁 شن قتلك أمك احني مزال صغار علي الكلام هذا
فارس : قمر خودي مني السلسة هادي و ياريت ديما تخليها في رقبتك باش لو لقيتك في المستقبل نعرفك
قمر : 😍 حاضر شكرا فارس
فارس : 😢
نزلت و معاي حاجاتنا كلها
نور : وين شروق
ناهد : شروق لا
نور : 🤭 كيف لا
ناهد : شروق بنتي اني و انتي تعرفي هذا كويس
نور : لا شروق بنتي اني
ناهد : بنتك انتي يا زانية
قمر : 🥺🤭
نور : صيحتي و بارك الله فيك جيبيلي بنتي خيرلك
ناهد : قمر بري جيبي شروق . و توا نشبحوا كيف متوكلها
خديت خواتي و طلعت اني و امي
..
خذينا تاكسي و جينا لحوشنا و سبحان الله قاعد زي ما هوا لكن لما تقطقنا فتح شخص تاني و قال ان الحوش هذا باعه ليا ناصر يلي هوا بويا امي كانت صدمتها كبيرة و قريب بكت لان الحوش هيا شارياته و تعبت عليه باش خداته فا غيرنا اتجاهنا و لحوش جداي قاعدة تشتغل في نفس الشغل و توا مدايرا أدارة يلي تبي تشتغل في الشغل الوسخ تجي ليها خشينا و اول ما شافت بنتها و بناويتها و لا كأنها شافت حد
شمس : نور و بناويتها 😒 عاش من شافك
ليلي : مني هادي يا قمر
قمر : إش
نور : يا اميمتي اني جاياتك و قاصداتك اني و بناويتي معش عندنا وين نمشوا
شمس : شوفي يا نور دسكة تقعدي عندي انتي و بناويتك هادي لا يلي يقعد عندي لازم يشتغل
نور : و اني كيف بنشغل و اني في الحال هذا
شمس : اي حال
نور : اني عندي الوباء الكبدي يا امي
شمس : مش مشكلتي تبي تقعدي معاي استغلي ما تبيش ارقدي في الشارع
نور : صحيتي يا اميمتي المهم رضاك و ان شاء الله ما نقصدك في حاجة
قمر ( دمعة امي هديكا اللحظة كانت كبيرة و حسبتها انها مريضة هلبا و مش علي بعضها طلعتنا و مشينا لصاحبة ليها قديمة ساكنة في عمارة في حي أوسخ منه ما فيش قالتلها عندي غرفة في السطح و لكن اسمعي ردي بالك يوم اتطقي عليا و تقولي نبي حاجة او اعطيني حاجة لان راجلي يطلقني رضت امي و قعدنا في الغرفة هادي و بعدها بيوم شفتها تفكر جيتها
قمر : امي عارفاتك باش تفكري هادم فلوس عندي جيبيلنا بيهم ماكلة كسكسي رز و مكرونة و بهرات و انطيب حتي بلمية و ناكلوا و ما تشيليش هم
مشيت اني و ياها للمحل و جبنا الماكلة و قعدنا فترة و احني عايشين علي الماكلة يلي بلمية و لكن حالة امي كل يوم في النازل و كانت تنزل علي ما أطن تشحت لان تجيب معاها في فلوس رقاق و جنيات بديت اني أنحوش في هديكا الفلوس و رجعت ليلي و ليال للمدرسة في الشارع عندنا و خشت اختي احلام في تدريب الخياطة و الطريزة و بدينا عايشين علي قد حالنا
و في يوم و هيا تشحت في محطة الباصات توفت و راحت لحد يقدرها و ما ينساهاش الي ربي و دمعتها في عينها و تفكر فينا و شن بيصيرنا بس اكيد ربي يلي رح يرحمها مش زي الدنيا يلي مرحمتهاش و ارتاحت امي الغالية و لان محدش يعرفها قعدوا يسالوا لين وصلوا للمرأة يلي عاطيتنا الدار و ركبت و قالتلي و بكل دم بارد ( اسمعي أمك في المستشفي و بألك ماتت )
اول ما سمعت بالخبر طلعت و سكرت الباب باش محدش يعرف من خواتي و قلتلها وين مكان المستشفي و مشيت نجري
وصلت للمستشفي العام و دورت و لقيتها 😢🥺😣 الدمعة معش تبي تنزل خشيت قعدت انعيط ( امي امي نوضي امي حرام عليك خليتينا امي نوضي ) شدتني الممرضة وسعي بالك يا بنتي هادا قضاء الله و قدره
تلفتت
قمر ( خيرها امي )
الممرضة : أمك مريضة و عندها مرض في الكبد و للاسف ما تخدش في الدواء ممكن لانه غالي و اني متاكدة انها ارتاحت لانها اكيد كانت تتعذب
بستها و خدتني الممرضة من أيدي
الممرضة : ما عندكش حد كبير يوقع علي تصريح الدفن بوك عمك خالك
قمر : لالا ما عنديش
الممرضة : باهي زيدي تأكدي
قمر : لالا ما عنديش حد لكن توا انكلم جيران الحي
مشيت نجري كلمت جيران الحي و مشوا داروا لوراقي و يوم دفنها رفعت معاي اختي احلام يلي لما سمعت قريب ماتت و مشيت و جنازتها ما كان في حد ابداء الا اصحاب المقبرة بس في هديكا اللحظة عرفت ان الشخص ولا شي و بدأت كان فقير ولا حد يعبرك دفناها و احلام كانت قريب تموت و قرينا عليها الفاتحة و طلعنا و احني دموعنا في عينا و حسينا الدنيا خلت 5 بنات بروحهم مع ناس ديابة
رجعت لدار يلي في السطح و بدت ليلي و ليال يسالوا وين ماما وين ماما و بديت نكدب عليهم و نحكيلهم في قصص و أن ماما مسافرة و بتجيب كنز و فلوس و قعدنا علي هذا الحال و بدت الماكلة تنقص و الفلوس معش فيه و كل يوم تنقص حاجة و لان خواتي كلهم في مدارس فا اكيد يبوا مصروف بعد ما حسيت اني بديت محتاجة فلوس قلت معنديش الا جداي اكيد رح تحن لما تسمع ان امي ماتت مشيتلها و خشيت للحوش
قمر : السلام عليكم
شمس : وعليكم تفضلي
( باين عليها نستني )
قمر : كيف حالك جداي
شمس : جذاك انتي من
قمر : اني قمر بنت بنتك نور
شمس : قمر
قمر : ايه
شمس : وشن جابك يا بنت نور
قمر : اني محتجتلك هلبا يا جداي امي ماتت مريضة و خلتنا 5 بنات بروحنا ساعدينا
شمس : نور ماتت
قمر : ايه قبل أسبوعين تقريبا
شمس : و انتي و أخواتك وين قاعدين
قمر : قاعدين في عمارة صديقة امي عاطيتنا دار فوق السطح من غير شي
شمس : اها وشن تبي بزبط
قمر : نبيك جنبي و جنب خواتي
شمس : و فلوس اكيد
قمر : لالا احني نبو نكونوا معاك و نعيشوا معاك بس
شمس : انسي
قمر : 😥
شمس : سمعتيني و لا نعاود . انسي
قمر : باهي شكرا صحيتي
شمس : الا بشرط واحد
قمر : شني
شمس : تشتغلي معاي و نعطيك فلوس تعيشي بيها انتي و خواتك
قمر : عادي نشتغل
شمس : خلاص غدوا تعالي مع المغرب
قمر : ان شاء الله
( طلعت زعلانة لانها متعاطفتش معاي بس قلت المهم انها بتشغلني )
روحت الحوش
قمر : ليلي ليال خشو ارقدوا غدوا مدرسة
ليلي : وين ماما مزال ماجتش
قمر : توا كيف كلمتني قتلي سلميلي علي ليلي و ليال
ليال : قوليلها تجيبلي شكلاته
قمر : قلتلها
احلام : شن صار معاك معاك
قمر : قتلي رح انخدمك
احلام : شن بتخدمك
قمر : اكيد بنضف الحوش بنطيب اي شي
احلام : باهي ان شاء الله خير
قمر : ان شاء الله
......
🔥 نضت لبست خواتي و درت الفطور و نضفت الدار اني و احلام و فات الوقت للمغرب
لبست و طلعت للحوش
خشيت
شمس : هذا كله و قتلك المغرب
قمر : اني آسفة
شمس : أستاذ ناجي هذي قمر يلي قتلك عليها . هي تفضلي
قمر : وين
شمس : تفضلي 😾
ناجي : 🤤
خشيت و تفكري وقف
ناجي : باين عليك قاعدة جديدة
تكلمي خيرك
( بدت ايده تمس في وجهي و ايده التانية في خصري و يشد في سنونه بفمه )
طلعت من دار نجري
شمس : قمر قمر قمر طالعة لامها ق.....ة
نجري نجري
وصلت الحوش و قلبي يدق بسرعة
وصلت السطح متع الدار قعدت واقفة مصدومة و نبكي و نفكر كيف بنعيش خواتي الماكلة ولت ناقصة و تفكري وقف و الناس ما فيهاش الخير و اني ما نعرف حد
خشيت الحوش لقيت احلام تقري في ليلي و ليال
قمر : احلام تعالي نبيك
احلام : هي شويا
جتني احلام
احلام : بشري شن صار معاك
احكيتلها كل يلي صار معاي ولت تبكي
احلام : لذرجة هادي 😰 حرام عليها
قمر : احلام خطرت في بالي حاجة و نبي رايك
احلام : في شني
قمر : احلام نبي رايك شن رايك انرجع شروق لناهد
احلام : قمر انتي شن تقولي
كانت قمر تتكلم و تبكي
قمر : غير افهمي شروق قاعدة صغيرة مش حمل هم معانة حرام تعيش هكي
احلام : ومن قالك ناهد رح تقبلها
قمر : لا تقبلها لان انتي تعرفي كويس ان ناهد شاكة انها بنت راجلها و ليها معزا خاصة عندها و اكيد رح تاخدها
احلام : 🥺😢😰 كيف كيف تعطي اختنا
قمر : 😔 اني قلبي خلاص سواد و مش ضامنة ان مستقبلنا رح يكون حلو و ما نبيش نظلم شروق معانا ساد ليلي و ليال
احلام : يلي تشوفيه ديريه
قمر : بري رقدي خواتك غدوا قراية . اسمعي تعشوا
احلام : ايه عشيتهم مكرونة بلمية
قمر : منين
احلام : خنبتها من الدكان
قمر : 😊 قعدت نضحك و الدمعة في عيني
مشت احلام رقدت ليلي و ليال و اني قعدت نشوف في شروق و هيا راقدة
احلام : قمر شني مش راقدة
قمر : قاعدة نملي عيني من شروق يا عالم نشوفها تاني و لا لا
احلام : خلاص نتراجعوا علي القرار
قمر : لا لا لا اني متاكدة ان هذا احسن قرار رح ناخده في حياتي
و اكيد حياتها رح تكون احلي🥺 احلام اني تعبانة هلبا هلبا هلبا
جت احلام اضبطتني و قعدنا نبكوا علي أيامنا يلي جاية
🔥اليوم التاني 🔥
نضت بكري كان يوم جمعة مشيت للقصر علي رجلية و في أيدي شروق لان ماكانش عندي حق تاكسي او اي مواصلات
وصلت للقصر الساعة 2 الضهر خشيت للساحة متع القصر جت عيني في عين فارس في روشن داره طقيت الباب فتحتلي الشغالة و دخلتني للمكتب و نادتلي ناهد و فارس كان واقف في الدروج يشوف
خشتلي للمكتب
ناهد : احم
نضت من الكرسي
ناهد : قعمزي . تفضلي شن تبي
قمر : اني امي توفت و قررت اني و خواتي ان نسافروا مع جداي و جيت و جبتلك شروق
ناهد : ايه مافهمتش
قمر : خوديها ...يتبع

أنت تقرأ
بنات نور ( روايات ليبية )
Roman d'amourتدور الاحدات حول امرأة اسمها نور ام ل5 بنات . نور امرأة فقيرة تشتغل خادمة في المنازل و دخلت السجن بتهمة الرديلة مع صاحب البيت الذي تشتغل فيه بعد ان اتهمتها زوجته بلزور و بعد 7 سنوات خرجت نور و لكن بعدها توفت نور لتترك وراها 5 بنات لوحدهم فهل سيتمكنو...
