للكاتبة 🔞زينب علي 🔞
....
ﻫﻮﺳﻪ ﻭﺍﻟﺒﻴﺖ ﻣﻜﻠﻮﺏ ﻭﻣﺤﺪﺩﻳﻦ ﺭﻗﻢ ﺍﻟﻤﻮﺑﺎﻳﻞ ﻭﻳﻦ ﺑﻴﺎ ﺟﻬﻪ ﻭﻧﺰﻟﺖ ﺍﻟﻄﻴﺎﺭﺍﺕ ﻭﺑﺤﺚ ﻭﺗﺤﺮﻱ ﻭﺭﻩ ﺳﺎﻋﺘﻴﻦ ﻛﺎﻟﻮ ﻣﻤﻮﺟﻮﺩﻳﻦ ﺑﺲ ﺟﺜﺚ ﻣﻮﺟﻮﺩﻩ ﺟﺜﺚ ﻟﺨﻤﺲ ﺷﺒﺎﺏ ﺟﺎﺑﻮﻫﻢ ﻟﻠﻄﺐ ﺍﻟﻌﺪﻟﻲ . ﻃﺒﻌﺎ ﺍﻧﻲ ﻭﺻﻠﺖ ﻟﻼﻧﻬﻴﺎﺍﺍﺭ ﻭﻛﻞ ﺷﻮﻳﻪ ﺍﻭﻛﻊ ﻫﺎ ﻫﻴﻪ ﺩﻗﺖ ﺳﺎﻋﺔ ﺍﻟﺼﻔﺮ ﻣﺜﻞ ﻣﻴﻜﻮﻟﻮﻥ ﻫﺴﻪ ﺭﺍﺡ ﻳﻌﺮﻓﻮﻥ ﺍﻟﻨﺘﻴﺠﻪ . ﺍﻟﻤﺸﻜﻠﻪ ﺩﻣﺎﻏﻲ ﻣﻴﻜﺪﺭ ﻳﺴﺘﻮﻋﺐ ﻫﻠﺸﻲ ﺍﺑﺪ ﻳﻌﻨﻲ ﻣﻮ ﺑﻴﺪﻱ ﻭﺍﻧﻲ ﺣﺎﻟﻴﺎ ﺑﺤﻠﻢ ﺍﺭﻓﺾ ﺍﺻﺪﻙ ﻧﻌﻤﺘﻲ ﺭﺍﺡ ﺗﺰﻭﻝ ﺍﻧﻲ ﺧﻮ ﺍﺩﺭﻱ ﺍﻟﺪﻧﻴﺎ ﺟﺎﺭﻩ ﻋﻜﺲ ﻭﻳﺎﻱ ﺑﺲ ﻣﻮ ﻟﻬﻞ ﺩﺭﺟﻪ . ﺟﺎﻥ ﻛﺮﺍﺭ ﻭﻳﺎﺳﺮ ﻣﻴﺘﻴﻦ ﻣﺘﺎﻧﻴﻦ ﻣﺨﺎﺑﺮﻩ ﻣﻦ ﻋﻠﻲ . ﻋﻠﻲ ﺑﻠﻄﺐ ﺍﻟﻌﺪﻟﻲ . ﻭﺑﺎﻗﺮ ﺑﻠﺸﺎﺭﻉ ﻣﺪﺭﻱ ﻭﻳﻦ . ﻣﺎ ﺣﺴﻴﺖ ﺍﻻ ﻋﻠﻰ ﺍﻻﺻﻮﺍﺕ ﺗﺘﺼﺎﻳﺢ ﻭﺍﻟﺰﻟﻢ ﺍﺩﻙ ﻋﻠﻰ ﺻﺪﺭﻫﺎ ﻭﻛﻠﻬﺎ ﺗﺼﻴﺢ ﻳﺎ ﺧﻮﻭﻭﻭﻭﻳﻪ ﻭﻋﻤﺘﻲ ﺗﻤﻠﺦ ﺑﺮﻭﺣﻬﺎ ...
ﺍﺟﻴﺖ ﺍﺭﻛﺾ ﺷﺒﻴﻜﻢ ﺷﺒﻴﻜﻢ ﻭﺻﻮﺕ ﻋﺎﻟﻲ ﻳﺼﺮﺥ ...
ﻣﺎ ﺣﺴﻴﺖ ﻋﻠﻰ ﺍﻣﻲ ﻟﺰﻣﺘﻲ ﺷﺒﻜﺘﻨﻲ . ﺍﻧﻲ ﺻﺤﺖ ﻋﻠﻴﻬﺎ ﺷﺒﺒﺒﺒﺒﺒﺒﺒﻴﺞ ﺷﻮﻛﺖ ﺍﺟﻴﺘﻲ ...
ﻣﺎﻣﺎ ﺣﺒﻴﺒﺘﻲ ﺍﻟﺼﺒﺮ ﻣﻦ ﻋﻼﻣﺎﺕ ﺍﻻﻳﻤﺎﻥ ﻋﻨﺪ ﺍﻻﻧﺴﺎﻥ ﻭﻫﺎﻱ ﻣﺼﻴﺮ ﻭﺣﺮﺍﻡ ﺍﻟﺠﺰﻉ ...
ﺍﻧﺘﻲ ﻭﺍﻧﺘﻢ ﺷﺠﺎﻱ ﺗﻤﺨﺮﻃﻮﻥ ﻳﺎ ﺻﺒﺮ ﻳﺎ ﻣﺼﻴﺒﻪ ﺷﺒﺒﺒﺒﺒﺒﺒﺒﻴﻜﻢ . ﻓﻬﻤﻮﻭﻭﻭﻭﻭﻭﻭﻧﻲ ﻟﻴﺶ ﺗﺨﻠﻮﻧﻲ ﺍﻛﺘﻞ ﺭﻭﺣﻲ ﻫﺴﻪ ....
ﻃﺒﻌﺎ ﺟﺎﻥ ﺿﻤﻴﺮﻱ ﺍﻟﺒﺎﻃﻨﻲ ﺧﺎﻳﻒ ﻭﻣﺼﺪﻙ ﺑﻬﻠﺤﺠﻲ ﻻﻥ ﺻﺎﺭﺕ ﻛﺪﺍﻣﻲ ﺗﺠﺮﺑﻪ ﻧﻮﺭ ﺑﺲ ﻫﻠﻤﺮﻩ ﺷﻜﻞ ﺛﺎﻧﻲ ﻫﻠﻤﺮﻩ ﻋﻘﻠﻲ ﻣﻴﺮﺿﻪ ﻳﺴﺘﻮﻋﺐ ....
ﺑﺪﺕ ﺍﻣﻲ ﺗﺒﺠﻲ ﻭﺍﻟﻲ ﺳﻤﻌﺘﻪ ﻣﻨﻬﻢ ﺍﻧﻮ ﻫﻤﻪ ﻻﻛﻴﻬﻢ ﺭﺍﻣﻴﻦ ﻋﻠﻴﻬﻢ ﺧﻤﺴﺘﻬﻢ ...
ﺍﺍﺍﺍﺍﺍﻩ ﻳﺎ ﻛﻠﺒﻲ ﺭﻣﻮﻙ ﺑﺼﺪﺭﻙ ﺟﺎﻥ ﻳﺄﺷﺮﻟﻲ ﻋﻠﻴﻪ ﻭﻳﻜﻠﻲ ﺍﻧﺘﻲ ﻫﻨﺎ ...
ﻛﻌﺪﺕ ﻣﻦ ﺍﻟﻨﻮﻡ ﺣﺴﻴﺖ ﺑﺮﻭﺣﻲ ﻧﺎﻳﻤﻪ ﺑﺲ ﻣﺎ ﺍﻋﺮﻑ ﺍﺣﺲ ﺑﺜﻜﻞ ﻗﻮﻱ . ﺻﺤﺖ ﺍﺣﻤﺪﺩﺩﺩ ﻛﻮﻟﺖ ﺑﻠﻜﻲ ﻳﻜﻠﻲ ﻫﺎ ﻭﺍﺧﺬﺕ ﻧﻔﺲ ﺣﺴﻴﺖ ﺗﺠﻤﻊ ﺍﺍﻧﻔﺲ ﻣﺎﻟﺘﻲ ﺑﻤﻜﺎﻥ ﻣﻌﺰﻭﻝ ﻫﺎﻱ ﺷﻨﻮ ﻛﻞ ﻃﺎﻗﺘﻲ ﻓﺘﺤﺖ ﻋﻴﻨﻲ ﻟﻜﻴﺖ ﺣﺎﻃﻴﻠﻲ ﺍﻭﻛﺴﺠﻴﻦ ﻭﻛﺎﻧﻮﻧﻪ ﺑﻴﺪﻱ ﺭﻛﺰﺕ ﻗﻮﻱ ﺷﻔﺖ ﻣﺤﻤﺪ ﻭﻧﺴﻮﺍﻧﻪ ﺛﻨﻴﻨﻬﻦ ﻭﺍﻛﻔﺎﺕ ﻋﻠﻰ ﺭﺍﺳﻲ ﺣﺴﻦ ﺑﻴﻪ ﺻﺎﺣﻦ ﺍﻟﺪﻛﺘﻮﺭﻩ ﺍﺟﺘﻲ ﻛﺎﻟﺖ ﺧﻞ ﻧﺠﻴﻚ ﺣﺎﻟﺘﻬﺎ ﺣﺘﻪ ﺍﻛﺘﺒﻠﻬﺎ ﺧﺮﻭﺝ ﺑﺲ ﺩﻳﺮ ﺑﺎﻟﻜﻢ ﻋﻠﻴﻬﺎ ...
ﻭﺿﻠﻮ ٤ ﺳﺎﻋﺎﺕ ﻳﺎﺧﺬﻭﻥ ﺗﺤﺎﻟﻴﻞ ﻭﺷﻐﻼﺕ ﻭﻛﻞ ﺳﺎﻉ ﺩﻛﺘﻮﺭ ﻳﻄﺐ ﻭﺩﻛﺘﻮﺭ ﻳﻄﻠﻊ . ﻭﺍﺳﻤﻌﻬﻢ ﻳﺤﺠﻮﻥ ﺑﻼﻧﻜﻠﻴﺰﻱ ﻭﺍﺣﺪ ﻳﻜﻮﻟﻪ ﻣﺮﻳﻜﻞ . ﻳﻌﻨﻲ ﺍﻋﺠﻮﺑﻪ ...
ﺍﺧﺮ ﺷﻲ ﻗﺮﺭﻭ ﻳﻄﻠﻌﻮﻧﻲ ﻭﻛﺎﻟﺖ ﺍﻟﺪﻛﺘﻮﺭ ﺗﺠﻲ ﺗﺠﻴﻚ ﻭﺿﻌﻬﺎ ﻛﻞ ﺳﺒﻮﻉ ..
ﻟﺒﺴﺖ ﻋﺒﺎﺗﻲ ﻛﻮﻩ ﻟﺒﺴﻨﻲ ﻭﻛﻌﺪﺕ ﺍﺭﻳﺪ ﺍﺳﺄﻟﻬﻦ ﻋﻦ ﺍﺣﻤﺪ ﻟﻜﻮ ﻟﻮ ﻻ ﻣﺎ ﻛﺪﺭﺕ ﺍﺑﺎﻭﻋﻠﻬﻦ ﺛﻨﻴﻨﻬﻦ ﻻﺑﺴﺎﺕ ﺍﺳﻮﺩ ﻫﻨﻪ ﺻﺢ ﺧﺒﻴﺜﺎﺕ ﻭﻛﻞ ﻣﻦ ﺑﻴﻬﻦ ﺗﻔﻜﺮ ﺑﻤﺼﻠﺤﺘﻬﺎ ﺑﺲ ﻻ ﻣﻦ ﺗﻮﺻﻞ ﺍﻟﺸﻐﻠﻪ ﻟﻠﺼﺪﻙ ﻳﺤﺒﻨﻲ ﻣﻴﻨﻄﻦ ﺑﻴﻪ . ﻃﻠﻌﺖ ﺑﻠﺴﻴﺎﺭﻩ . ﻛﻠﻲ ﻣﺤﻤﺪ . ﺍﻣﻮﻧﻪ ﻭﻳﻦ ﺗﺮﺩﻳﻦ ﺍﻭﺩﻳﺞ ﻛﻮﺗﻠﻪ ﻳﻢ ﺟﻬﺎﻟﻲ ﻛﻠﻲ ﻳﻼ ﺭﺣﻨﻪ ﻟﺒﻴﺖ ﻋﻴﺎﻟﻲ ﻃﺒﻴﺖ ﺍﻧﻲ ﺗﻌﺒﺎﻧﻪ ﻭﺍﺣﺲ ﻧﻔﺴﻲ ﺗﻌﺒﺖ ﺑﻠﺰﺍﻳﺪ ﻣﻦ ﺭﺟﻌﺖ . ﻟﻜﻴﺖ ﻋﻤﺘﻲ ﻧﺎﻳﻤﻪ ﻉ ﺍﻟﻘﻨﻔﻪ ﻭﻣﺨﻠﻴﻪ ﺍﺩﻳﻬﺎ ﻋﻠﻰ ﺭﺍﺳﻬﺎ . ﺳﻠﻤﺖ ﻋﻠﻴﻬﺎ . ﻛﺎﻟﺖ ﻫﺎ ﻳﻤﻪ ﺍﺟﻴﺘﻲ . ﻛﻮﺗﻠﻪ ﺍﻱ ﻋﻤﻪ . ﻣﺎ ﻟﻜﻴﺖ ﻭﻻ ﺍﺣﺪ ﻣﻮﺟﻮﺩ . ﺳﺄﻟﺘﻬﻢ ﺷﺼﺎﺭ ﻛﺎﻟﺖ ﻋﻤﺘﻲ ﻳﻤﻪ ﺭﺍﺡ ﺭﺍﻋﻲ ﺑﻴﺘﺞ ﺍﺑﻮ ﻃﻮﻝ ﺍﻟﺤﻠﻮ ﺣﻤﻮﺩﻱ ﺑﻨﻴﻲ ﻣﺎ ﺗﻬﻨﻴﺖ ﺑﺠﻬﺎﻟﻚ . ﺍﻧﻲ ﻛﻮﺗﻠﻬﺎ ﻋﻤﻪ ﺗﺮﻩ ﻣﺴﺘﺤﻴﻞ ﻟﺘﺼﺪﻛﻴﻦ ﻫﺴﻪ ﺷﻮﻓﻲ ﺍﺫﺍ ﻣﺎ ﻃﻠﻊ ﻋﺎﻳﺶ . ﻭﺿﻠﻴﺖ ﺍﺑﺠﻲ ﺳﺄﻟﺖ ﺍﺳﺮﺍﺀ ﻣﺮﻩ ﻣﺤﻤﺪ ﺍﺧﻮﻳﻪ ﻛﻮﺗﻠﻬﺎ ﺍﻧﻲ ﻭﻳﻦ ﺟﻨﺖ ﺷﻮﺩﺍﻧﻲ ﻟﻠﻤﺴﺘﺸﻔﻪ ﻛﺎﻟﺖ ﺻﺎﺭﻟﺞ ٨ ﺍﻳﺎﻡ ﻧﺎﻳﻤﻪ ﻭﺍﻟﺪﻛﺘﻮﺭﻩ ﻛﺎﻟﺖ ﺍﺫﺍ ﻣﺎ ﻛﻌﺪﺕ ﺧﻼﻝ ﻫﻼﻳﺎﻡ ﻣﻌﻨﺎﺗﻬﺎ ﺗﻀﻞ ﻋﻠﻰ ﺍﻟﺠﻬﺎﺯ ﺑﺲ ﺩﻣﺎﻏﻬﺎ ﻳﺸﺘﻐﻞ ﻭﺍﻋﻀﺎﺋﺞ ﻛﻠﻬﺎ ﺗﻮﻗﻔﺖ ....
ﺍﻧﻲ ﺑﺴﺮﻋﻪ ﻛﻮﺗﻠﻬﺎ ﻟﻌﺪ ﻟﻴﺶ ﺭﺟﻌﺖ ﻣﺎ ﺿﻠﺖ ﻣﺘﻮﻗﻔﻪ ﻭﻛﻤﺖ ﺍﺑﺠﻲ ﻧﻬﺎﺭﻳﺖ ﺑﻠﺒﺠﻲ . ﺍﻟﻤﻦ ﺭﺟﻌﺖ ﻣﻮ ﺟﺎﻥ ﺑﻴﻨﻲ ﻭﺑﻴﻦ ﺍﻟﻤﻮﺕ ﺷﻌﺮﻩ ﺍﻟﻤﻦ ﺭﺟﻌﺘﺖ . ﻭﻟﻄﻤﺖ ﻋﻠﻰ ﺻﺪﺭﻱ ﻭﺍﺻﻴﺢ ﻭﻟﻚ ﺣﻤﻮﻭﻭﺩﻱ ﻣﻦ ﺻﺤﺘﻲ ﻋﻠﻰ ﺻﺤﺘﻚ ﻣﻦ ﺣﻴﻠﻲ ﻋﻠﻰ ﺣﻴﻠﻚ ﻣﻦ ﺭﻭﺣﻲ ﻋﻠﻰ ﺭﻭﺣﻚ . ﻟﻴﺶ ﻫﻴﺞ ﻛﻄﺖ ﻳﻴﻪ ﺑﻬﻼﺛﻨﺎﺀ ﻃﺒﺖ ﺍﻣﻲ ﻟﺰﻣﺘﻨﻲ ﻭﻟﺞ ﻣﺎﻣﺎ ﻫﺬﺍ ﻗﻀﺎﺀ ﻭﻗﺪﺭ ﻭﻟﺞ ﺍﺻﺤﻲ ﻟﺒﻴﺘﺞ ﻭﻟﺠﻬﺎﻟﺞ ....
ﻭﺧﺮﺭﺭﺭﺭﻱ ﺟﻬﺎﻟﻲ ﺷﺴﻮﻱ ﺑﻴﻬﻢ ﻭﺑﺪﻭﻥ ﺍﺑﻮ ﻭﻳﻨﻲ ﻭﻳﻨﻬﻢ ﻭﺧﺮﻭﻭﻭﻭﻭ ﻋﻨﻲ ﻣﺎ ﺍﺭﻳﺪ ﺍﺣﺪ ﻳﻠﺰﻣﻨﻲ ...
ﻭﻟﺞ ﻣﺎﻣﺎ ﺣﺮﺍﻡ ﻋﻠﻴﺞ ﺍﻧﺘﻲ ﻫﺴﻪ ﺣﺎﺩﻩ ﻭﺻﻮﺗﺞ ﻛﻮﻥ ﻣﻴﻨﺴﻤﻊ ﺣﺮﺍﻡ ﻋﻠﻴﺞ .....
ﻭﺧﺮﺭﺭﺭﺭﻱ ﺟﺎﻱ ﺍﻛﻠﺞ ﺣﺎﺩﻩ ﺷﻨﻮ . ﺍﻧﻲ ﻣﺎ ﺍﺣﺪ ﻋﻠﻰ ﺍﺣﻤﺪ ﻟﻮ ﺍﻣﻮﺕ . ﻻﻥ ﻳﺮﺟﻊ ﺍﻧﻲ ﻣﺘﺄﻛﺪﻩ ...
ﻣﺎﻣﺎ ﺍﻛﻮ ﺍﻛﺜﺮ ﻣﻦ ﻧﻮﺭﻩ ﻣﺎﺗﺖ ﻭﻫﺬﺍ ﺍﻟﺒﺰﺭ ﺍﻋﺰ ﻣﻦ ﻛﻞ ﺷﻲ . ﺍﻟﻠﻪ ﻭﻛﻴﻠﺞ ...
ﻫﻬﻬﻬﻪ ﻭﺍﻟﻠﻪ ﻳﺎ ﻣﺎﻣﺎ ﻳﺎ ﻳﺎﺑﺰﺭ ﻭﻟﺞ ﻭﺍﻟﻠﻪ ﺭﻭﻭﻭﻭﺣﻲ ﺭﻭﺣﺤﺤﺤﻲ ﺭﺍﺡ ﺗﻄﻠﻊ . ﺍﺟﺘﻲ ﻋﻤﺘﻲ ﺷﺒﻜﺘﻴﻨﻲ ﻛﺎﻟﺖ ﺗﻌﺎﻱ . ﺭﺣﺖ ﻭﻳﺎﻫﺎ ﻭﻣﺎ ﺍﺩﺭﻱ ﻭﻳﻦ ﻣﺎﺧﺬﺗﻨﻲ ﻛﻌﺪﺕ ﻟﻜﻴﺖ ﺟﺎﻳﻪ ﻣﻮﺍﺟﻬﺎ ﻭﻣﻠﻪ ﻟﺰﻣﺘﻨﻲ ﻟﺒﺴﺘﻨﻲ ﺍﺳﻮﺩ ﻭﻛﺎﻟﺖ ﺗﻌﺎﻱ . ﻭﺿﻠﺖ ﺗﻘﺮﻩ ﺍﻟﻤﻠﻪ ﺍﻧﻲ ﺍﺑﺠﻲ ﻣﺎﺧﻠﻴﺖ ﻻ ﺧﺪﻭﺩ ﻣﺎ ﺧﺮﻣﺸﺘﻬﺎ ﻭﻻ ﺷﻌﺮ ﻣﺎ ﻛﻄﻌﺘﻪ ﻭﻻ ﺭﺟﻠﻴﻦ ﻭﻻ ﺻﺪﺭ ﻣﺎ ﺩﻛﻴﺖ ﻋﻠﻴﻬﻦ ﻭﺑﺲ ﺍﺑﺠﻲ ﻭﺭﻩ ﺳﺎﻋﻪ ﻃﻠﻌﺖ ﺍﻟﻤﻠﻪ ﻭﺍﻧﻲ ﺍﺑﺠﻲ ﻭﺿﻠﺖ ﻋﻤﺘﻲ ﺗﺴﻮﻟﻒ ﻭﻳﺎﻱ ﻋﻠﻰ ﺍﻟﺤﺪ ﻭﺗﻜﻠﻲ ﺗﻀﻞ ﺳﻠﺴﻪ ﺑﺮﻛﺒﺘﻪ ﺍﻟﺮﺟﺎﻝ ﺍﻟﻲ ﻣﺘﺤﺪ ﻋﻠﻴﻪ ﻣﺮﺗﻪ ﻭﺧﻠﺘﻨﻲ ﺍﻧﻮﻱ ﺍﺣﺪ ﻋﻠﻴﻪ ﻭﺍﻧﻲ ﻣﺜﻞ ﺍﻟﺼﻨﻢ ﺑﺲ ﺩﻣﻮﻋﻲ ﺗﺼﺐ ﻭﻛﺎﻟﺖ ﺿﻠﻲ ﺑﺠﻨﺎﺣﺞ ﻋﻠﻤﺎ ﺗﺨﻠﺼﻴﻦ ﺣﺪ ﻭﻣﻨﺎ ﺍﺫﺍﻙ ﺍﻟﻮﻗﺖ ﺍﻟﻠﻪ ﻛﺮﻳﻢ ...
ﻣﺪﺓ ﺍﻟﺤﺪ ٤ ﺍﺷﻬﺮ ﻭ١٠ ﺍﻳﺎﻡ ﺍﻧﻲ ﻧﻮﻳﺖ ﺍﺣﺪ ﻭﻏﺴﻠﺘﻠﻲ ﻋﻤﺘﻲ ﻭﻛﺎﻟﺖ ﺣﺘﻪ ﺑﺎﻗﺮ ﻣﺎ ﻳﻮﺻﻞ ﻟﻠﺒﻴﺖ ﺑﻬﺬﻧﻲ ﺍﻻﻳﺎﻡ ...
ﻃﺒﻌﺎ ﺍﻧﻲ ﺧﻼﻝ ﻫﺎﻱ ﺍﻟﻔﺘﺮﻩ ﻛﻞ ﻳﻮﻡ ﺍﻣﻮﺕ ١٠٠ ﻣﻮﺗﻪ ﻛﻞ ﻳﻮﻡ ﺍﺣﺲ ﺑﺮﻭﺣﻲ ﺑﻠﺬﻝ ﻋﺎﻳﺸﻪ ﻣﻊ ﺍﻟﻌﻠﻢ ﻣﺤﺪ ﺩﺍﻳﺴﻠﻲ ﻋﻠﻰ ﻃﺮﻑ ﻭﺟﻬﺎﻟﻲ ﻳﻮﻣﻴﻪ ﻳﺠﻲ ﻋﻤﻬﻢ ﻋﻠﻲ ﻳﺎﺧﺬﻫﻢ ﻭﻳﺮﻭﺡ ﻭﻳﺮﺟﻌﻬﻢ ﺗﺎﻟﻲ ﺍﻟﻠﻴﻞ ﺍﺻﻼ ﻣﺎ ﺍﺷﻮﻓﻬﻢ ﻭﻻ ﺍﺷﻮﻑ ﻋﻠﻲ ﺿﻠﻴﺖ ﺣﺒﻴﺴﻪ ﺍﻟﻐﺮﻓﻪ ﺍﻛﻮﻡ ﻣﺜﻞ ﺍﻟﺴﻜﺮﺍﻧﻪ ﻭﺍﺭﺟﻊ ﺍﻧﺎﻡ ﻭﻳﻮﻣﻴﻪ ﺍﺣﻠﻢ ﺑﺄﺣﻤﺪ ﺿﻠﻴﺖ ﻛﺄﻧﻤﺎ ﻋﺎﻳﺸﻪ ﻭﻳﺎ ﺑﻠﺤﻠﻢ ﻭﺣﺘﺬﺍ ﺑﻌﻴﺪ ﻋﻨﻲ ﺑﺲ ﺍﻧﻲ ﻛﻠﺶ ﻣﺘﻮﻧﺴﻪ ﻭﻳﺎ ﺍﺳﻮﻟﻒ ﻭﻳﺎ ﻭﺍﺣﺠﻲ ﻭﻳﺎ ﻭﻫﻮ ﻳﻜﻠﻲ ﺍﻧﻲ ﻣﺎ ﻣﻴﺖ . ﻭﻳﺒﺎﻭﻉ ﻟﺠﻬﺎﻟﻪ ﻭﻳﺄﺷﺮﻟﻲ ﻋﻨﻬﻢ . ﻳﺮﺑﻲ ﻣﻌﻘﻮﻟﻪ ﻫﻴﺞ ﺻﺎﺭﺕ ﺣﻴﺎﺗﻲ ﻣﻌﻘﻮﻟﻪ ﻋﺎﻓﻨﻲ ﻭﺭﺍﺡ . ﺟﺎﻥ ﺍﻟﺰﻣﻦ ﻛﻔﻴﻞ ﺍﻧﻮ ﻳﻬﺪﺃﻧﻲ ﺑﺲ ﻣﺴﺴﺴﺘﺤﻴﻞ ﺍﻧﺴﺎ ﺍﺑﺪ ﻣﺴﺘﺤﻴﻞ ﺍﻧﺴﻪ ﺭﻭﺡ ﺍﺭﺗﺒﻄﺖ ﺑﺮﻭﺣﻲ .
ﻣﻤﻜﻦ ﺍﻻﻧﺴﺎﻥ ﻳﻨﺴﻪ ﻧﻔﺴﻪ ﻟﻜﻦ ﻣﻦ ﻏﻴﺮ ﺍﻟﻤﻤﻜﻦ ﺍﻥ ﻳﻨﺴﻰ ﺭﻭﺡ ﺳﻜﻨﺖ ﻧﻔﺴﻪ ..
ﻫﺎﻱ ﺟﺎﻧﺖ ﺍﻟﻤﻘﻮﻟﻪ ﺍﻟﻲ ﺗﻨﻄﺒﻖ ﻋﻠﻴﻪ ﻛﻮﻭﻟﺶ . ﺍﺍﺍﺍﺍﻩ ﻳﺎ ﺯﻣﻦ ﺩﺭﺕ ﻋﻠﻴﻪ ﺧﻮﺵ ﺩﻭﺭﻩ ﻭﺟﺮﺓ ﻋﻠﻴﻪ ﺧﻮﺵ ﺟﻮﺭﺓ . ﺭﺣﻢ ﺍﻟﻠﻪ ﻭﺍﻟﺪﻳﻚ ﻛﻔﻴﺖ ﻭ ﻭﻓﻴﺖ . ﺑﻌﺰ ﺷﺒﺎﺑﻲ ﺍﺧﺬﺕ ﺍﺧﻴﺘﻲ ﻭﻫﺴﻪ ﺯﻭﺟﻲ ﻭﺍﺑﻮ ﺑﻴﺘﻲ ﻭﺍﺑﻮ ﺟﻬﺎﻟﻲ . ﺩﺍﺋﻤﺎ ﺍﺑﺎﻭﻉ ﺍﻟﻬﻢ ﺍﻛﻮﻝ ﺫﻭﻟﻪ ﺍﻧﻜﺲ ﻣﻦ ﺣﻆ ﺍﻣﻬﻢ ﻋﻠﻰ ﺍﻻﻗﻞ ﻣﺎ ﺗﻴﺘﻤﺖ ﻣﻦ ﺟﻨﺖ ﺻﻐﻴﺮﻩ ﻋﻠﻰ ﺍﻻﻗﻞ ﺟﻨﺖ ﻣﺮﻓﻮﻉ ﺭﺍﺳﻲ . ﺍﺍﺍﺍﺍﻩ ﺗﻤﺸﻲ ﻓﺘﺮﻩ ﺍﻟﺤﺪ ﻭﺍﻧﻲ ﺑﺲ ﺍﺗﺼﻔﻦ ﻣﻌﻘﻮﻟﻪ ﺍﻟﻲ ﺻﺎﺭ ؟؟؟ ﻭﺟﺎﻧﺖ ﻋﻼﻣﺎﺕ ﺍﻻﺳﺘﻔﺎﻫﻢ ﺑﺪﻣﺎﻏﻲ ﻳﻌﻨﻲ ﻣﻌﻘﻮﻟﻪ ﻫﺬﺍ ﺍﺧﺘﺒﺎﺭ ﻣﻌﻘﻮﻟﻪ ﻫﺬﺍ ﺍﻣﺘﺤﺎﻧﻲ ﺑﻠﺪﻧﻴﺎ ﺍﻟﺼﺒﺮ ﺍﺻﺒﺮ ﻋﻠﻰ ﺷﻨﻮ ﻋﻠﻰ ﻳﺎ ﻣﺼﻴﺒﻪ ﺍﺻﺒﺮ ﺑﻴﻬﺎ ...
ﻛﺎﻣﻮ ﺣﻤﻮﻳﻨﻲ ﻳﺎﺧﺬﻭﻥ ﺷﻬﺎﺏ ﻭﻋﻠﻴﺎ ﻭﻳﺮﺣﻮﻥ ﻟﻠﻴﻞ ﻳﺠﻴﺒﻮﻫﻢ . ﺧﻠﺺ ﺍﻟﺤﺪ ﻗﺮﺭﺕ ﺍﺭﻭﺡ ﻟﺒﻴﺖ ﺍﻫﻠﻲ ﻭﻋﻤﺘﻲ ﻣﺎ ﻭﻛﻔﺖ ﺑﻄﺮﻳﻘﻲ ﻭﻻ ﺣﻤﻮﻳﻨﻲ ﻛﺎﻟﻮ ﺷﻲ . ﺍﺧﺬﺕ ﺟﻬﺎﻟﻲ ﻭﺭﺣﺖ ﻃﺒﻴﺖ ﻟﺒﻴﺖ ﺍﻫﻠﻲ ﺭﺟﻌﺖ ﻟﻐﺮﻓﺘﻲ ﺟﻬﺎﻟﻲ ﻛﺒﺮﻭ ﻭﺻﺎﺭﻭ ﻭﺣﺪﻫﻢ ﻣﺴﺄﻭﻟﻴﻪ ﺛﻨﻴﻦ ﺣﻔﺎﻇﺎﺕ ﻭﺣﻠﻴﺐ ﻋﻴﺎﻟﻲ ﻣﺎ ﺳﻜﺘﻮ ﺑﻴﻦ ﻳﻮﻡ ﻭﻳﻮﻡ ﻳﻤﻨﻪ ﻛﻞ ﻣﺎ ﻳﺠﻲ ﻋﻠﻲ ﺟﺎﻳﺐ ﺣﻔﺎﻇﺎﺕ ﻭﺣﻠﻴﺐ ﻭﻳﺴﺄﻝ ﻋﻦ ﺻﺤﺘﻬﻢ ﻭﻳﺨﻠﻲ ﻓﻠﻮﺱ ﻭﺑﺎﺑﺎ ﻣﻴﻘﺒﻞ ﻳﻜﻮﻟﻪ ﺑﺘﻲ ﻭﺟﻬﺎﻟﻬﺎ ﻣﺴﺄﻭﻟﻴﻦ ﻣﻨﻲ ﻭﺍﻧﻲ ﺧﻴﺮ ﻣﻦ ﺍﻟﻠﻪ ﻣﻤﺤﺘﺎﺝ ﻓﻠﻮﺱ ﻭﻋﻠﻲ ﺻﺎﺭ ﻋﺼﺒﻲ ﻛﻠﻪ ﺍﺑﻮ ﻣﺤﻤﺪ ﺗﺮﻩ ﺍﻟﺠﻬﺎﻝ ﺟﻬﺎﻟﻨﺎ ﻭﻫﻠﺤﺠﻲ ﻣﺎ ﻣﻘﺒﻮﻝ ﺑﺘﻚ ﺗﺼﺮﻑ ﻋﻠﻴﻬﺎ ﺑﺮﺍﺣﺘﻚ ﻣﺤﺪ ﻳﻤﻨﻌﻚ ﻭﺍﺫﺍ ﺗﻀﻞ ﻋﻠﻴﻨﻪ ﺍﺣﻨﻪ ﺷﺎﻳﻠﻴﻦ ﺍﻟﺠﻬﺎﻝ ﻭﺍﻣﻬﻢ ﻭﺍﺣﻨﻪ ﻣﻨﻘﺼﺮ . ﺑﺎﺑﺎ ﺳﻜﺖ ﺑﻌﺪ ﻣﺎ ﺣﺠﻪ . ﺍﻣﻲ ﻫﻢ ﺧﻄﻴﻪ ﻣﻜﺴﻮﺭﻩ ﻛﺴﺮﻩ ﺷﻜﺒﺮﻫﺎ ﺳﺎﻋﺎﺕ ﺍﺣﺴﻬﺎ ﻫﻲ ﺍﻟﻲ ﺗﺮﻣﻠﺖ ﻣﻮ ﺍﻧﻲ . ﻛﻞ ﻣﺎ ﺍﻓﻮﺕ ﻏﺮﻓﺘﻬﺎ ﺍﻟﻜﺎﻫﺎ ﺗﺒﺠﻲ . ﻃﺒﻴﺖ ﻳﻤﻬﺎ ﻛﻌﺪﺕ ﻋﻠﻰ ﺣﺎﻓﻪ ﺍﻟﺠﺮﺑﺎﻳﻪ . ﻛﻤﺖ ﺍﺑﺠﻲ ﺷﺒﻜﺘﻨﻲ ﻭﻛﺎﻟﺘﻠﻲ ﺷﺒﻴﺪﻱ ﻋﻠﻴﺞ ﻋﻤﺮ ﺑﻴﺪﻱ ﻭﺟﺎﻥ ﺷﻠﺘﻪ ﻭﺧﻠﻴﺘﻪ ﺍﻟﻪ . ﺭﻭﺡ ﺑﻴﺪﻱ ﺟﺎﻥ ﺷﻠﺘﻪ ﻭﺧﻠﻴﺘﻪ ﺍﻟﻪ . ﺍﻧﻲ ﻭﻳﺎﻫﺎ ﻛﻤﻨﻪ ﻧﺒﺠﻲ ﻟﺤﺪ ﺍﻟﻠﻴﻞ ﺍﺟﻪ ﺑﺎﻗﺮ ﺟﺎﻳﺐ ﺍﻟﺠﻬﺎﻝ ﻭﻳﺎ . ﻭﺍﺟﺘﻲ ﻋﻤﺘﻲ ﺑﺎﺳﺘﻨﻲ ﻣﻮ ﺫﻳﺞ ﻋﻤﺘﻲ ﺍﻟﻲ ﺷﺨﺼﻴﺘﻬﺎ ﻗﻮﻳﻪ ﺍﺷﻮﻓﻬﺎ ﺷﻠﻮﻥ ﻣﻜﺴﻮﺭﻩ ﻭﺩﻣﻌﺘﻬﺎ ﺑﻄﺮﻑ ﻋﻴﻨﻬﺎ . ﺗﺬﻛﺮﺕ ﺍﺣﻤﺪ ﻣﻦ ﻛﻠﻲ ﺍﺭﻳﺪﺝ ﺗﺼﻴﺮﻳﻦ ﻗﻮﻳﻪ ﻣﺜﻞ ﺍﻣﻲ . ﺍﻣﻲ ﻗﻮﻳﻪ ﻭﺭﺑﺘﻨﻪ ﻋﻠﻰ ﺍﻟﻘﻮﻩ ﻧﺎﺧﺬ ﺣﻘﻪ ﻣﻦ ﺣﻠﻚ ﺍﻟﺴﺒﻊ . ﺍﺗﻔﻘﺖ ﺍﻧﻲ ﻭﺑﺎﺑﺎ ﺑﺲ ﺍﺩﻭﺭ ﺍﻟﺴﻨﻪ ﻣﺎﻝ ﺍﺣﻤﺪ ﺍﻧﻲ ﺍﺩﺭﺱ ﺩﺭﺍﺳﺎﺕ ﻋﻠﻴﺎ ﻭﺍﻛﻤﻞ ﺍﺣﺴﻦ ﻣﻦ ﻣﺎ ﻛﺎﻋﺪﻩ . ﻛﻠﻲ ﺑﺎﺑﺎ ﺍﻳﻤﺎﻥ ﺳﺪﻱ ﻫﻠﻤﻮﺿﻮﻉ ﻭﺩﻳﺮﻱ ﺑﺎﻟﺞ ﻋﻠﻰ ﺟﻬﺎﻟﺞ ﺍﺣﺴﻦ ﻣﺎ ﻳﺎﺧﺬﻭﻫﻢ ﻣﻨﺞ . ﻛﺘﻠﻪ ﺑﺎﺑﺎ ﻳﺎﺧﺬﻭﻥ ﻣﻨﻮ . ﻣﻨﻮ ﺍﻟﻲ ﻳﺎﺧﺬﻭ . ﻛﺎﻝ ﺑﺎﺑﺎ ﺣﻤﻮﻳﻨﺞ ﻣﺒﻴﻨﻴﻦ ﻳﺮﺩﻭﻥ ﺟﻬﺎﻟﺞ ...
ﺷﺤﺪﻫﻢ ﺍﻛﺒﺮ ﻭﺍﺣﺪ ﺍﺳﺤﻜﻪ ﺟﻮﻩ ﻧﻌﺎﻟﻲ ﺍﻧﻌﻞ ﺍﺑﻮﻫﻢ ﻻﺑﻮ ﺍﻟﺨﻠﻔﻬﻢ ...
ﻋﻴﺐ ﺑﺎﺑﺎ ﻫﻠﺤﺠﻲ ﻫﻠﺤﺠﻲ ﻣﻮ ﻻﻳﻖ ﺑﻴﺞ ﺍﻧﺘﻲ ﺍﻧﺴﺎﻧﻪ ﻭﺍﻋﻴﻪ ﻭﻣﺜﻘﻔﻪ ﻭﺍﻟﺠﻬﺎﻝ ﻣﻦ ﺣﻘﻬﻢ ...
ﺣﻘﻴﺸﺸﺸﺸﺸﺶ ﺣﻘﻴﺸﺸﺸﺸﺸﺶ ....
ﻫﺴﻪ ﺍﻧﺘﻲ ﻟﻴﺶ ﺗﺼﻴﺤﻴﻦ ﺟﺎﻱ ﺍﺣﺠﻲ ﻭﻳﺎﺝ ﺣﺠﻲ ﻣﺎﻝ ﺍﻭﺍﺩﻡ ﻣﻮ ﻣﺎﻝ ﺣﻴﻮﺍﻧﺎﺕ . ﻟﻮ ﺍﻧﺘﻲ ﺑﻬﻴﻤﻪ ﻭﻣﺘﻔﺘﻬﻤﻴﻦ ....
ﺍﻧﻲ ﺑﻬﻴﻤﻪ ﺧﻠﻔﻠﻪ ﻋﻠﻴﻚ ...
ﻳﺎ ﺑﺎﺑﺎ ﻳﺎ ﺑﻨﺘﻲ ﺍﻧﺘﻲ ﺑﻌﺪﺝ ﺻﻐﻴﺮﻩ . ﻭﺍﻟﺠﻬﺎﻝ ﻣﻦ ﺣﻖ ﺍﻫﻠﻬﻢ ﻫﻢ ﻻﺯﻡ ﻳﺸﻮﻓﻮﻫﻢ ...
ﻭﻫﻮ ﻣﻨﻮ ﻣﺎﻧﻌﻬﻢ . ﻋﻠﻴﺶ ﻫﻠﺤﺠﻲ ﺟﻬﺎﻟﻲ ﻳﻀﻠﻮﻥ ﻳﻤﻲ ﻭﻫﻮ ﺷﻮﻛﺖ ﻣﻴﺠﻮﻥ ﺍﻫﻼ ﻭﺳﻬﻼ ﺑﻴﻬﻢ . ﻭﺍﻟﺠﻬﺎﻝ ﺟﻬﺎﻟﻬﻢ ﺑﻜﻴﻔﻬﻢ ﺷﻮﻛﺖ ﻣﻴﺮﺩﻭﻥ ﺧﻞ ﻳﺠﻮﻥ ﻳﺸﻮﻓﻮﻫﻢ ...
ﺑﻜﻴﻔﺞ ﺑﺎﺑﺎ ﺳﻮﻱ ﺍﻟﻲ ﻳﻌﺠﺒﺞ ...
ﻋﺎﻓﻲ ﻭﺭﺍﺡ . ﻭﺍﻧﻲ ﺑﻜﻠﺒﻲ ﻫﺬﺍ ﺷﺒﻲ ﺍﺑﻮﻳﻪ ﻳﻤﺨﺮﻁ ﺷﻴﺮﻳﺪ ﺷﻮ ﻛﻠﺸﻲ ﻣﺎ ﻓﻬﻤﺖ ....
ﺍﺟﻴﺖ ﻳﻢ ﺍﻣﻲ ﺗﻠﻜﺘﻨﻲ ﺑﻮﺳﺘﻨﻲ . ﻛﺎﻟﺖ ﻣﺎﻣﺎ ﺣﻤﺎﺝ ﻋﻠﻲ ﻛﺎﻳﻞ ﻻﺑﻮﺝ ﻋﻠﻴﺞ ﻳﺮﻳﺪ ﻳﺎﺧﺬﺝ ﻟﺒﺎﻗﺮ ...
ﺵ ﺵ ﺵ ﺵ ﺵ ﻥ ﻥ ﻥ ﻭﻭﻭﻭﻭﻭﻭﻭﻭﻭﻭ .....
ﺑﺎﺍﺍﺍﺍﺍﺍﺑﺎﺍﺍﺍﺍﺍ ﺑﺎﺍﺍﺍﺍﺑﺎﺍﺍﺍ ﻭﻳﻨﻚ ....
ﻫﺎ ﺑﺎﺑﺎ ﺷﺒﻴﺞ ... ﺟﺎﻥ ﺑﻠﻐﺮﻓﻪ ﻭﺍﺟﺎﻧﻲ ﻳﺮﻛﺾ ... ﻫﺎ ﺧﻴﺮﺝ ....
ﺷﻨﻮ ﻫﻠﺤﺠﻲ ﻳﺎ ﻗﻨﺪﺭﻩ ﻳﺎ ﺑﺎﻗﺮ . ﻟﻚ ﺫﻭﻟﻪ ﺻﺪﻭﻙ ﻣﻮ ﺍﻭﺍﺩﻡ ...
ﺑﺴﺒﻄﻪ ﻟﺰﻣﺖ ﺍﻟﺘﻠﻔﻮﻥ ﺑﺎﺑﺎ ﺳﺤﺒﻪ ﻣﻦ ﺍﻳﺪﻱ . ﻛﻠﻲ ﺑﺎﺑﺎ ﺍﻧﻲ ﻣﻦ ﻳﻤﻲ ﺭﻓﻀﺖ ﻭﺍﻧﺘﻬﻰ ﺍﻟﻤﻮﺿﻮﻉ ﻋﻠﻴﺶ ﺗﻜﺒﺮﻳﻦ ﺍﻟﺴﺎﻟﻔﻪ ...
ﺍﻭﻝ ﻣﺎ ﺭﺍﺡ ﺩﻛﻴﺖ ﻋﻠﻰ ﻋﻤﺘﻲ ...
ﻫﻼ ﻳﻤﻪ ﺷﻠﻮﻧﺞ ...
ﻋﻤﻪ ﺷﻨﻮ ﻫﻠﺤﺠﻲ ﺍﻟﻲ ﺳﻤﻌﺘﻪ ...
ﻋﻠﻴﺶ ﻳﻤﻪ ....
ﻋﻤﻪ ﺷﻮﻓﻲ ﻻ ﺑﺎﻗﺮ ﻭﻻ ﺍﻱ ﺍﺣﺪ ﻏﻴﺮ ﺑﺎﻗﺮ ﺍﻧﻲ ﺍﺧﺬﻩ ﻭﺍﺗﻔﻜﺮﻭﻥ ﺑﻠﻬﺸﻲ ﻭﺍﺫﺍ ﻓﻜﺮﺗﻮ ﺍﺧﺬ ﺟﻬﺎﻟﻲ ﻭﺍﺳﺎﻓﺮ ﻭﻣﺘﻠﻜﻮﻥ ﺍﻟﻲ ﻭﺟﻮﺩ ﺑﻌﺪ ﺗﺤﻠﻤﻮﻥ ﺑﻴﻪ ﻫﺬﺍ ﺍﺧﺮ ﺣﺠﻲ ﻋﻨﺪﻱ ﺑﺎﻗﺮ ﻭﻏﻴﺮﻩ ﻟﻮ ﺍﻣﻮﺕ ﻣﻴﻠﺰﻣﻮﻥ ﺷﻌﺮﻩ ﻣﻨﻲ ﻭﻣﺴﺘﻌﺪﻩ ﺍﻭﺍﺟﻪ ﺍﻟﻌﺎﻟﻢ ﻛﻠﻪ ﻋﻠﺤﺴﺎﺏ ﺟﻬﺎﻟﻲ ﻭﺟﻬﺎﻟﻲ ﺍﻟﻲ ﺷﺘﺮﺩﻭﻥ ﺗﺴﻮﻭﻥ ﺳﻮﻭﻭ . ﻭﻃﺒﻜﺖ ﺍﻟﺘﻠﻔﻮﻥ ﺍﻧﻲ ﺟﺎﻥ ﻣﺤﺘﺮﻙ ﻛﻠﺒﻲ ﺑﺲ ﺍﻋﺮﻑ ﺗﺼﺮﻓﻲ ﻏﻠﻂ ﻣﻦ ﺗﺼﺮﻓﺖ ﻫﻴﺞ ....
.
.
.
ﻭﺭﻩ ﺳﺎﻋﻪ ﻣﻦ ﺍﻟﻤﺨﺎﺑﺮﻩ ﻋﻤﺘﻲ ﻭﺣﻤﻮﻳﻨﻲ ﻛﻮﻭﻟﻬﻢ ﺍﺟﻮ ...
ﻭﻛﻠﻬﺎ ﺗﺸﻤﺮ ﺑﻜﺘﺮ ﻭﺍﻟﻲ ﻳﻜﻮﻝ ﻧﻘﻴﻢ ﺩﻋﻮﻩ ﻭﺍﻟﻲ ﻳﺤﺠﻲ ﻭﻳﺼﻴﺢ ﻭﺍﺑﻮﻳﻪ ﻳﻜﻠﻪ ﺍﻟﻤﻦ ﻣﺨﺎﺑﺮﻩ ﻻﻥ ﺍﺑﻮﻳﻪ ﻣﺎ ﻣﻔﺘﻬﻢ ﺷﻲ ﻭﻣﺤﻤﺪ ﺍﺧﻮﻳﻪ ﻳﻜﻠﻪ ﻛﻤﺘﻮ ﺗﺘﺒﻠﻮﻥ ﻋﻠﻴﻨﻪ ﺑﺰﺭﻛﻢ ﺍﺧﺬﻭﻫﻢ ﻭﺍﺧﺘﻲ ﺗﻀﻞ ﻳﻤﻨﻪ . ﺍﻧﻲ ﺳﻤﻌﺖ ﻣﺤﻤﺪ ﻛﺎﻡ ﻳﺠﻔﺺ ﻟﺒﺴﺖ ﻋﺒﺎﺗﻲ ﻭﻃﺒﻴﺖ . ﻛﻮﻭﻭﻟﻬﺎ ﺳﻜﺘﺖ ﻛﻮﻭﻟﻬﺎ ﺑﺎﻭﻋﺘﻠﻲ ﺑﺲ ﺑﺎﻗﺮ ﻣﺒﺎﻭﻋﻠﻲ .
.
.
.
ﺍﺧﺬﺕ ﻧﻔﺴﺴﺴﺴﺴﺴﺲ .
ﺍﻭﻝ ﺷﻲ ﺳﻼﻡ ﻋﻠﻴﻜﻢ .
ﻛﻮﻟﻬﺎ ﺭﺩﺕ ﺍﻟﺴﻼﻡ ﻛﺎﻧﻤﺎ ﺻﻮﺕ ﻭﺍﺣﺪ .
ﺛﺎﻧﻲ ﺷﻲ ﻳﺎ ﻣﺤﻤﺪ ﺍﺣﺠﻲ ﻭﺍﻭﺟﻪ ﻋﻴﻮﻧﻲ ﻟﻤﺤﻤﺪ ﺍﺧﻮﻳﻪ . ﺟﻬﺎﻟﻲ ﻣﺎ ﺍﻋﻮﻓﻬﻢ ﻟﻮ ﺍﻋﺮﻑ ﺗﺼﻴﺮ ﻣﺬﺍﺑﺢ . ﺷﻲ ﺛﺎﻟﺚ ﻳﺎ ﺑﺎﻗﺮ ﻣﺎ ﺍﺗﺰﻭﺟﻚ ﻟﻮ ﻣﺪﺭﻱ ﺷﻴﺼﻴﺮ ﺳﻤﻌﺖ .
ﻫﻮ ﺿﻞ ﺻﺎﻓﻦ ..
ﻋﻠﻲ ﻛﺎﻝ . ﺍﻡ ﺷﻬﺎﺏ ﺗﻌﺎﻱ ﻛﻌﺪﻱ ﻋﻨﺪﻱ ﺣﺠﻲ ﻭﻳﺎﺝ ..
ﻛﻌﺪﺕ . ﻛﺎﻡ ﻳﺤﺠﻲ ﺧﻮﻳﻪ ﻭﻫﻴﺞ ﻭﻫﻴﺞ ﺍﺣﺴﻦ ﻭﺍﺣﺴﻦ ﻟﻠﺠﻬﺎﻝ ﻭﺍﺣﻨﻪ ﻣﺮﺍﺡ ﻧﻨﺘﻈﺮﺝ ﻟﻤﻦ ﺗﺎﺧﺬﻳﻬﺎ ﻭﺗﺸﺮﺩﻳﻦ ﺑﻴﻬﻢ ...
ﺍﻭﻝ ﺷﻲ ﺷﻮﻛﺖ ﻣﺎ ﺗﺮﺩﻭﻥ ﺗﺠﻮﻥ ﻭﺗﺸﻮﻓﻮﻫﻢ ﻫﻼ ﺑﻴﻜﻢ ﺑﺲ ﻣﺎﻝ ﺍﻧﻲ ﺍﺭﺟﻊ ﻭﻳﺎﻛﻢ ﺗﻌﺬﺭﻭﻧﻲ ﺑﻌﺪ . ﺛﺎﻧﻲ ﺷﻲ ﺍﻧﻲ ﻣﺎ ﺍﺭﻳﺪ ﺍﺯﻭﺝ ....
ﺧﻮﺵ ﺑﺮﺍﺣﺘﺞ ﺍﺣﻨﻪ ﻛﻠﻨﺎ ﺍﻟﻲ ﻋﻠﻴﻨﻪ . ﻭﺿﻞ ﻳﺴﻮﻟﻒ ﻭﻱ ﺍﺑﻮﻳﻪ ﻭﺍﻧﻲ ﻃﻠﻌﺖ ﺑﺲ ﻣﺎ ﺍﺣﺎﺟﻲ ﻣﺤﻤﺪ ﺍﺧﻮﻳﻪ . ﻭﺗﺎﻟﻲ ﺍﺑﻮﻳﻪ ﻣﺼﻴﺢ ﻋﻠﻴﻪ ﻛﻠﻪ ﻟﺘﻤﻀﺮﻁ ﻣﻦ ﻛﻴﻔﻚ . ﻛﻠﻪ ﻳﺎﺑﻪ ﻳﺼﻴﺮ ﻫﺴﻪ ﺍﻧﻲ ﻭﺣﺪﻩ ﻣﻦ ﻧﺴﻮﺍﻧﻲ ﺗﻤﻨﻊ ﺟﻬﺎﻟﻲ ﻋﻨﻜﻢ . ﺍﻧﻲ ﻃﻔﺮﺕ ﻣﻦ ﻣﻜﺎﻧﻲ ﻫﻮ ﻣﻨﻮ ﺍﻟﻲ ﻣﺎﻧﻊ . ﻫﻤﻪ ﻳﻤﻲ ﻭﺷﻮﻛﺖ ﻣﺎ ﻳﺮﺩﻭﻥ ﻳﺠﻮﻥ ﻳﺎﺧﺬﻭﻫﻢ ﺍﻧﺘﻢ ﻟﻴﺶ ﻫﻤﺞ . ﺿﻞ ﻫﻠﺤﺠﻲ ﻣﺴﺘﻤﺮ ﻋﻠﻰ ﻃﻮﻭﻭﻝ ﺍﻟﻔﺘﺮﻩ ﺗﺎﻟﻲ ﺍﺧﺮ ﺷﻲ . ﺍﻧﻲ ﻛﻤﺖ ﺍﻏﻠﺲ ﻳﺎﻫﻮ ﺍﻟﻲ ﻳﺤﺎﺟﻴﻨﻲ ﺍﻏﻠﺲ ﻣﺎ ﺍﻓﺘﺢ ﺍﻟﻤﻮﺿﻮﻉ ...
.
.
.
ﻃﺒﻌﺎ ﺟﻬﺎﻟﻲ ﻛﺎﻣﻮ ﻳﻔﺘﻬﻤﻮﻥ ﻳﻌﻨﻲ ﺻﺎﺭﻭ ﻛﺒﺎﺭ ﺩﺧﻠﻮ ﺑﻠﺜﺎﻣﻦ ﻳﻌﻨﻲ ﻭﻛﻞ ﺍﻟﻲ ﺑﻴﻬﻢ ﻳﺰﺣﻔﻮﻥ ﻭﺣﺮﻛﻪ ﻛﻮﻭﻭﻟﺶ ﻗﻮﻳﻪ ﻭﺟﻬﺎﻝ ﻣﺤﻤﺪ ﻫﻮﺍﻱ . ﻣﺤﻤﺪ ﻣﺎﺧﺬ ﺛﻨﻴﻦ ﻧﺴﻮﺍﻥ ﻭﺣﺪﻩ ﻋﺪﻫﺎ ٤ ﻭ ﻭﺣﺪﻩ ﻋﺪﻫﺎ ٣ ﻭﻛﻮﻭﻭﻟﻬﻢ ﺻﻐﺎﺭ ﻭﻃﺒﻌﺎ ﺻﺎﻳﺮﻳﻦ ﺫﻭﻟﻪ ﺍﻟﺠﻬﺎﻝ ﺍﺣﺰﺍﺏ ﻛﻠﻤﻦ ﻭﻱ ﺍﻣﻪ ﻭﺍﻟﻲ ﻃﺎﻳﺢ ﺑﻠﻨﺺ ﺟﻬﺎﻟﻲ ﻳﻮﻣﻴﻪ ﻭﺍﺣﺪ ﻣﻌﻀﻮﺽ ﻛﻞ ﺳﺎﻉ ﺍﻃﻔﺮ ﻋﻠﻰ ﺻﺮﺧﻪ ﻣﻴﻜﻮﻣﻮﻥ ﻣﻨﻬﻢ ﺍﻟﻤﻦ ﻳﺸﻠﻌﻮﻥ ﻭﺫﺭﻩ ﻣﻨﻬﻢ ﻭﺍﻧﻲ ﺍﺿﻞ ﺍﻓﺮﻓﺢ ﻭﻧﻮﺑﺎﺕ ﺣﺘﻪ ﺍﺿﺮﺏ ﺟﻬﺎﻝ ﺍﺧﻮﺗﻲ ﻣﻊ ﺍﻟﻌﻠﻢ ﻫﻢ ﺻﻐﺎﺭ . ﺑﺲ ﺻﺎﺭﺕ ﺍﻟﻮﺿﻌﻴﻪ ﻻ ﺗﻄﺎﻕ ﺍﺧﺮ ﺷﻲ ﻗﺮﺭ ﺑﺎﺑﺎ ﺍﻧﻮ ﻳﻌﺰﻟﻲ ﻗﺴﻢ ﻣﻦ ﺍﻟﺒﻴﺖ ﻭﻳﺒﻨﻲ ﺍﻟﻴﻪ
....
