رواية سفاح الكوابيس
من البارت الاول وحتي التاسع
للكاتب المصري محمد مالك
[١٤/١١ ٦:٤١ ص] ٠: سفاح الكوابيس
رواية للكاتب المصري محمد مالك
تدخل خديجه السيده الخمسينيه ربة المنزل منزعجه ومتوتره وفي حاله فزع وقلق شديد غرفة النوم لإيقاظ زوجها المحامي الشهير امين الشحات والذي ذهب الي فراش النوم لأخذ قيلوله خفيفة بعد تناول طعام الغداء
خديجة .. امين .. امين اصحي يا امين
امين يستيقظ فزعا .. ايه في ايه يا خديجه ؟!!
خديجه .. ولاء دخلت اوضتها عشان اصحيها مش راضيه تصحي ووشها مزرق زي ما تكون مخنوقة
امين .. ايه ؟!!
امين ينهض مسرعا ويتوجه الي غرفة ولاء
امين .. ولاء .. ولاء اصحي يا بنتي
خديجه .. البنت مش بتتحرك خالص يا أمين!! .. بنتي جري لها ايه يا أمين ؟!!
امين .. اهدي يا خديجه امال .. بنتك زي الفل
امين يتحسس نفسها فيجد هناك شهيق وزفير ويضع اذنه علي قلبها فيسمع دقات قلبها
امين .. بتتنفس كويس والقلب زي الفل !! امال مالها مش عايزه تصحي ليه ؟!!
خديجه .. يا عيني عليكي يا بنتي .. هي قالتلي يا ماما انا خايفة انام !! وانا اللي قلتلهت بقالك اسبوع مبتناميش عشان امتحانات الكليه ادخلي نامي شوية
امين .. وخايفة تنام ليه ؟!!
خديجه .. بتقولي بيجيلها كوابيس وحشة اوي
امين .. يعني مقلتليش علي الحكاية دي قبل كدا ؟!!
خديجة .. محبتش اشغلك كفاية عليك شغلك في المكتب
امين يمسك بالمحمول ويتصل بالاسعاف
خديجه .. هتعمل ايه ؟!!
امين .. هطلب الاسعاف .. جايز البنت تكون في غيبوبة
خديجة .. يا لهوي !! غيبوبة؟!! .. ولاء قومي يا ولاء .. اصحي يا بنتي ..ياربي ما توريني فيها حاجة وحشة ابدا محلتيش غيرها يارب
امين .. استر يارب
وتأتي الاسعاف ويتم حمل ولاء الي المستشفي ويخرج الطبيب من غرفة الفحص حيث ينتظره الابوان وهما في منتهي القلق والتوتر والانزعاج
امين .. خير يا دكتور طمني ؟!!
الطبيب .. الفحص سليم تماما !! القلب بيعمل بشكل طبيعي والضغط والسكر طبيعين جدا والسونار مش مبين اي مشاكل في البطن!!
خديجة .. امال بنتي مالها مش عاوزه تصحي ليه ؟!!
الطبيب .. انا هعملها اشعة مقطعيه ع المخ وهنشوف .. هي بتشتكي من اي حاجة ؟!!
خديجة .. انا بنتي عمرها ما اشتكت من حاجة بالعكس دي بتخاف علي نفسها اوي واكلها دايما من البيت وصحي ومبتعديش يوم الا لما بتلعب رياضة
امين .. علي فكره انا بنتي دكتوره زيك يابني هي في سنه سادته السني دي
الطبيب .. اطمنوا ان شاء الله خير .. هنعمل الاشعة ونشوف ...بعد ازنكم
خديجه .. ايه يا امين بنتي راحت مني خلاص ؟!!
امين .. فال الله ولا فالك يا شيخه .. ايه اللي انتي بتقوليه دا ؟!!
وفجأة يرن تليفون امين والمتصل مجهول وهي سيدة
امين .. الو .. مين معايا ؟!!
السيدة ... هههههه.. قلبي عندك يا متر .. طمنا ع الدكتوره اخبارها ايه ؟!!
امين .. انتي مين ؟!!
السيدة .. مش معقول !! نسيت صوتي بالسرعة دي ؟!!
امين .. يا تقولي انتي مين يا اما هقفل السكة في وشك انا مش فايق للمعاكسات دلوقتي خالص من فضلك
السيدة .. انا اللي معنديش وقت اعاكسك هما كلمتين مفيش غيرهم لو عايز بنتك تصحي وتفوق تقبل انك تدافع عن ابني .. سلام
ثم تغلق الخط وامين يندهش فيتذكر انها احدي السيدات التي طلبت منه الدفاع عن ابنها في قضية اتجار بالمخدرات ولكنه رفض لأن ابنها مدان
امين .. سهير المغربي !!!!!
البارت التالي لا يصل الا للمتفاعلين .. اكتب تم واعمل مشاركة وانتظر البارت التالي علي الماسنجر .. تحياتي..
[١٤/١١ ٦:٤١ ص] ٠: رواية سفاح الكوابيس
للكاتب المصري محمد مالك
البارت الثاني
خديجة .. مين دي اللي كنت بتكلمها يا امين ؟!!
امين .. دي ست كانت عايزاني ادافع عن ابنها الوحيد اتقبض عليه متلبس في قضية مخدرات وانا رفضت لما اتأكدت انه فعلا مدان
خديجة .. وعايزة منك ايه الست دي ؟!!
امين .. بتقلي لو عايز بنتك تصحي وتفوق تقبل تدافع عن ابني
خديجه .. ودي ايه علاقتها باللي حصل ل بنتي ؟!!
امين .. مش عارف ؟!! قالت الكلمتين دول بس وراحت قافله السكة علطول
خديجة .. وهي عرفت منين ان بنتي دلوقتي في المستشفي ؟!! امين .. الست دي ما دام قالت كدا يبقي فعلا ليها علاقة باللي حصل لبنتي .. مين الست دي يا امين ؟!!
امين .. اسمها سهير المغربي سيدة اعمال معروفة عندها جروب شركات استيراد وتصدير
خديجة .. طب ودي وصلت ازاي لبنتي وازاي خلتها في الحالة دي ؟!!
امين .. جايز تكون بتستغل الموقف لصالحها عشان تضغط عليا واقبل ادافع عن ابنها وهي اصلا ملهاش علاقة باللي فيه البنت دلوقتي .. ودا انا اللي انا متأكد منه .. يعني هتكون عملت في البنت ايه ؟!! ما الدكتور قدامك قال ان فحص البنت والبنت زي الفل
خديجه .. امين انا الفار بيلعب في عبي .. ما يمكن يكون كلام الست دي صح وهي ورا اللي حصل ل ولاء ..
امين .. طب استنيني هنا .. مشوار وراجع
خديجة .. رايح فين ؟!!
امين .. هروح للست دي الشركة اعرف حكايتها ايه بالظبط ..
خديجه .. يارب .. احفظ بنتي ونجيها يارب
ويذهب امين لمقابلة سهير
سهير ترحب بزيارته ترحيبا شديدا
سهير .. اهلا اهلا اهلا امين باشا .. اخيرا تواضعت حضرتك وجيت تزورني في شركتي ؟!! اتفضل اقعد .. تشرب ايه ؟!!
امين .. انا مش جاي اضايف .. انا عاوز افهم ايه معني الكلام اللي انتي قلتهولي في التليفون دا ؟!!
سهير .. طب اهدي كدا واقعد عشان نعرف نتكلم
امين .. يا مسهل .. اديني قعدت .. اتفضلي اتكلمي
سهير .. اظن كلامي مش محتاج توضيح !!
امين .. يعني افهم من كدا انك ورا اللي حصل لبنتي والحاله اللي هي فيها دلوقتي ؟!!
سهير .. لا طبعا !! انا مالي ومال بنتك اصلا .. انا كل اللي اقصده ان عندي علاج بنتك
امين .. وانتي عرفتي منين ان بنتي تعبانه ؟!!
سهير .. مش مهم انا عرفت منين .. اللي بهمك اكيد ان علاج بنتك عندي انا .. انا وبس
امين .. وانتي تعرفي ايه علة بنتي عشان تقولي علاجها عندي ؟!! وبعدين الدكاتره بيقولوا ان مفيهاش حاجة
سهير .. اكيد هيقولوا مفيهاش حاجة .. لأن الدكتور مبيعرفش غير اشعة وتحاليل وبنتك هتطلع اشعتها وتحاليلها زي الفل
امين .. هو في ايه بالظبط ؟!! انتي بتتكلمي بكل ثقة ليه كدا ؟!!هو انتي تعرفي سبب الحالة اللي فيها بنتي ؟!!
سهير .. اكيد .. الا مكنتش قلتلك ان علاجها عندي
امين .. وايه سبب حالتها دي ؟!!
سهير .. مش مهم تعرف برضوا .. المهم ان بنتك تصحي كدا وتفوق وترجع تضحك وتلعب زي الاول.. ولا انت عاوزها تفضل كدا لحد ما تعفن وريحتها تطلع وبعد كدا جسمها يضرب كله بالدود !!
امين .. انتي عايزه مني ايه يا ست انتي ؟!!
سهير .. تدافع عن طارق ابني
امين .. ابنك تاجر مخدرات واتقبض عليه وهو متلبس ب ٥ كيلو هيروين واعترف بأنه بيتاجر فيهم كمان .. عاوزاني اعمله ايه ؟!!
سهير .. انا هقلك تعمل ايه يا متر ؟!! دا انت استاذ جامعي ومحامي كبير اد الدنيا وانا ابني مش اقل من ابن سعد الهادي الوزير اللي انت دافعت عن ابنه وجيلتله برآه
امين .. بس ابن سعد الهادي كان فعلا برئ وظروف وملابسات واحداث القضية مختلفة اختلاف جذري عن قضية ابنك
سهير .. كله شبه بعضه .. القتل زي تجارة المخدرات بس انت متقدرش تقول لسيادة الوزير لا
امين .. انا اقول لأي مخلوق لا ما دمت مش مؤمن ببرآته .. انا عمري ما دافع عن الباطل وبعدين اشمعني انا ؟!! ما المحاميه الكبار كتير شوفي اي حد فيهم واكيد هتلاقي اللي يقبل يدافع عن ابنك
سهير .. محدش هيدافع عن ابني غيرك يا امين
امين .. آسف .. وانا بحذرك ان لو اكتشفت ان بنتي عندها مشكلة وانتي سبب فيها .. انا مش هسيبك
ثم يتركها وينصرف وسهير تضحك بسخرية وتحادث نفسها قائلة
سهير .. هههههه.. هنشوف ياسي أمين اذا كنت هتقبل تدافع عن ابني ولا لا
ويعود امين الي المستشفي
خديجة .. عملت ايه يا امين ؟!! قابلت الست دي
امين .. قابلتها وزي ما قلتلك انها ست كدابه بتستغل الظرف اللي احنا فيه لمصلحتها عشان اقبل قضية ابنها وخصوصا ان ميعاد محكمته قرب .. لكن واضح جدا من كلامي معاها انها متعرفش اي حاجة عن حالة ولاء
خديجة .. طب عرفت منين ان ولاء تعبانه وانها هنا في المستشفي ؟!!
امين .. دي حاجة سهله جدا .. اكيد مراقباني عشان تدور علي نقطة ضعف ليا تدخلي منها واهي لفيت بالصدفه
ثم يأتي الطبيب لمقابلة أمين
الطبيب .. استاذ امين
امين .. ايوا يا دكتور
الطبيب ..احنا عملنا الاشعة المقطعية علي مخ ولاء ومطلعش فيها حاجة
امين .. يعني ايه ؟!! طب والحالة اللي فيها ولاء دي سببها ايه ؟!!
الطبيب .. للأسف معنديش تفسير علمي واضح يقول سبب حالتها دي ايه ؟!! انا بعتقد ان يمكن يكون في تغيير في كيميا المخ !! قلي هي عندها مشاكل نفسية ؟!!
خديجة .. لا يا دكتور .. انا بنتي عمرها ما كان عندها اي مشاكل نفسية بنتي مؤمنه وتعرف ربنا كويس وكل حاجة كانت سايباها علي ربنا
امين .. طب وبعدين يا دكتور ؟! ايه العمل ؟!!
الطبيب .. سافر بيها بره احسن يا استاذ امين
.. دا اللي اقدر اقلهولك .. انا اول مره اشوف حالة بالشكل دا ؟!! ربنا عنده الشفا .. بعد ازنك ..
ويقرر امين السفر بأبنته الي الخارج لعله يحد علاج لها وفي المساء عندما يدخل الي غرفتها يجد شيئا غريبا ؟؟؟؟!!!!!
باقي الرواية لا يصل الا للمتفاعلين .. تحياتي
#محمد_مالك
[١٤/١١ ٦:٤١ ص] ٠: رواية سفاح الكوابيس
البارت الثالث
للكاتب المصري محمد مالك
ويدخل امين في المساء الحجرة التي ترقد بها ابنته داخل المستشفي فيتعجب عندما يري ان نور الغرفة العادي مُطفأ وتضئ اضاءة حمراء خافته بالقرب من سرير ولاء ولكن بدون وجود لمبه ويلمح رجل طويل القامه يرتدي بالطو ابيض يقف امام سرير ولاء وظهره ناحية امين .. امين يندهش من وجود هذا الرجل يظنه طبيبا لارتدائة بالطو ابيض
امين يقترب نحو هذا الرجل
امين .. مساء الخير .. مساء الخير يا دكتور
الرجل لا يدير ظهره ولا يجيب ..
امين .. يا دكتور !!!
الرجل يدير نفسه فجأة ليصبح وجهه في وجه امين ..
الرجل .. نعم !! عايز ايه ؟!!
امين يتعجب عندما يري ان وجه هذا الرجل قبيح عيناه حمراء بالكامل هناك بعض السوائل اللزجة بيضاء اللون تتساقط من انفه وفمه
امين .. اعوذ بالله من الشيطان الرجيم .. انت مين ؟!!
الرجل بغضب . اخرج بره حالا
امين .. اخرج بره ازاي ؟!! انت مين وبتعمل ايه هنا ؟!! انا فكرتك دكتور !! لكن دا مش شكل دكتور ابدا !! انت بتعمل ايه هنا اوعي ابعد عن بنتي
امين يبعد الرجل عن سرير ابنته فينصدم عندما يجد عدد كبير من الفئران السوداء متجمعه حول ابنته تلتهم جسدها حتي ظهرت عظام اطرافها
امين .. يا ساتر يارب !!
امين يحاول ابعاد الفئران عن ابنته ولكن كلما اراد تفريقهم تجمعوا مره اخري وامين يستغيث
امين .. يا ناس حد يجي يساعدني .. الفيران كلت بنتي ..
وفجأة ولاء تفتح عينيها والتي اصبحت عيناها هي الاخري حمراء وتنظر الي والدها في غضب ثم تنهض من علي السرير
امين .. ولاء !!
ولاء تقوم من علي السرير ..
ولاء .. ايه الدوشة اللي انت عاملها دي ؟!! مش قالك اخرج بره ؟!!
امين .. ولاء .. انتي مالك يا بنتي !! الفيران اكلت جسمك خالص !!
ولاء تقترب من امين وامين يرجع الي الوراء
ولاء .. امشي اطلع بره .. يلا
ثم تنفخ في وجهه بقوه وكأن ريح شديدة اطاحت ب امين خارج الغرفة حتي يرتطم بالحائط المقابل ثم يُغلق باب الغرفة
امين ينهض مره اخري ويجري نحو باب الغرفة مسرعا ويطرق الباب بكل قوة
امين .. ولاء .. افتحي يا ولاء .. افتحي يا بنتي حرام عليكي .. الحقوني يا ناس ..
تابعوني والبارت الرابع .. تحياتي
#محمد_مالك
[١٤/١١ ٦:٤٢ ص] ٠: رواية سفاح الكوابيس
للكاتب المصري محمد مالك
البارت الرابع
يأتي الطبيب المعالج ل ولاء ويدعي قاسم مسرعا ومعه امن المستشفي ومجموعة من الاطباء والتمريض
قاسم .. في ايه يا استاذ امين ؟!! بتزعق ليه كدا ؟!!
امين .. اكسر الباب بسرعة بنتي جوه ومعاها واحد شكله وحش اوي ولامم علي بنتي فيران سودا كتير بياكلوا في جسمها !!
قاسم .. اهدي لو سمحت .. بنتك مين ؟!!
امين .. بنتي ولاء !! في ايه يا دكتور انت نسيت المريضة بتاعتك؟!!
قاسم .. لا انا منستش المريضة بتاعتي ولا حاجة .. بس اللي انت بتقوله دا من المستحيل انه يحصل وهنا في المستشفي
امين .. يعني انا كداب ولا ايه ؟!! بقلك اكسر الباب بسرعه بنتي جوة لوحدها
قاسم .. بنتك اصلا مش هنا !!
امين .. ايه ؟! امال بنتي فين ؟!!
قاسم .. انسه ولاء فاقت من ٥ ساعات وصممت انها تمشي
امين .. فاقت !! ومشيت راحت فين ؟!!
قاسم .. معرفش ..
امين .. وما اتصلتش بيا لي اول ما فاقت ؟!! وازاي تسيبها تمشي لوحدها ؟!!
قاسم .. اولا انا حاولت اتصل بيك اكتر من مره انت ووالدتها وتليفوناتكم كلها مغلقة والارضي مرفوع من الخدمه
امين .. انت كداب .. تليفوني انا ومامتها مفتوح بأستمرار والارضي كمان شغال
قاسم .. الله يسامحك .. بس دا اللي حصل وبعدين مكناش نقدر نمنعها انها تمشي لأن بنتك اصلا مش مريضة بالنسبة لنا لأن كل فحوصاتها سليمه ميه الميه .
امين .. انا مش مصدقك .. انا بنتي جوة هنا .. اكسر الزفت الباب دا حالا بدال ما اكسروا علي دماغك انت وصاحب المستشفي
قاسم .. ونكسره ليه ؟!! اتفضل الباب مفتوح
ويفتح قاسم الباب بكل سهوله فيتعجب امين فالباب منذ قليل كان مغلقاً بإحكام
قاسم .. اتفضل شوف بنتك جوة ولا لا
ويدخل امين الغرفة فيجد السرير مرتب ولا يوجد عليه احد والفئران اختفت والاضاءة النيون عادت كما هي بالغرفة
قاسم .. صدقتني ؟!! انا عازر حضرتك برضوا
امين يتصل بالمحمول علي خديجة زوجته
امين .. ايوا يا خديجة .. ولاء رجعت البيت ؟!! خديجة .. ولاء هتيجي ازاي وهي في غيبوبة ؟!!
امين .. الدكتور بتاعها بيقول انها فاقت من خمس ساعات وخرجت من المستشفي
خديجة .. طب ما دام فاقت من خمس ساعات وخرجت من المستشفي .. مرجعتش ليه البيت لحد دلوقتي ؟!! وادارة المستشفي ما اتصلتش بينا ليه وعرفتنا انها فاقت ؟!! وازاي سابوها تخرج لوحدها اصلا ؟!! بنتي لو جري لها حاجة مسئوليتهم هما يا أمين
امين .. اقفلي دلوقتي يا خديجة وهكلمك تاني .. بنتي فين يا دكتور ؟!!
قاسم .. لسة مش مصدقني برضوا .. اتفضل معايا من فضلك
ويذهب امين مع الدكتور قاسم الي حجرة المكتب ..
قاسم .. اتفضل اقعد
ثم يتصل الطبيب بالحسابات ويقول هات الشيك اللي مضت عليه الدكتورة ولاء امين انهارده .. بص حضرتك هنا
وينظر الي شاشة كمبيوتر علي المكتب
امين .. دي مش بنت حضرتك ؟!! اللي واقفة قدام الريسبشن دي
امين .. ايوا بنتي
قاسم .. اهي دي لحظة خروجها من المستشفي وهي بتدفع المصاريف
ثم يحضر موظف الحسابات بالشيك
قاسم .. وادي الشيك اللي مضت عليه بنتك لما دفعت حساب المستشفي
امين ينظر بالشيك
امين .. سته واربعين الف جنيه !! انا بنتي مش معاها المبلغ دا عشان تدفعه للمستشفي ؟!! جابت الفلوس دي كلها منين ؟!!
قاسم .. معرفش .. بس طبعا انت عارف امضتها كويس .. اتفضل شوف كدا .. مش توقيعها دا اللي علي الشيك ؟!!
امين يدقق النظر .. ايوا بس !!
قاسم .. بس ايه تاني ؟!! استاذ امين احنا مستشفي محترمه وسمعتنا عالميه وانت عارف دا كويس فرجاء بلاش شوشره بدون داعي واديك اتأكدن ان بنتك خرجت بسلام من عندنا .. لكن حكاية جابت مصاريف المستشفي منين دي مش قصتنا
امين .. لا حول ولا قوة الا بالله
ثم ينهض من امام قاسم وينصرف واثناء خروجه يدخل الحمام لقضاء حاجته ويفاجأ بممرضه خلفة تدخل وراءه الحمام وهي مرتبكه بشدة
الممرضة .. بس .. يا استاذ .. يا استاذ
امين .. نعم !! يا ستي دا حمام رجالي مش حريمي
الممرضة .. يا استاذ انا بشتغل هنا وعرفة طبعا انه رجالي .. انا جاية اقلك كلمتين .. بنتك هيقدموها قربان للطيار .. الحقها قبل ما تطير
امين .. مين الطيار دا ؟!!
الممرضة .. مش هقدر اتكلم هنا.. كلمني في النمرة دي كمان ساعتين .. سلام
الرواية في قمة الروعة واخر جزء من رواية ذئب في الكواليس هيكون موجود غدا في المدونة وفي قناتي علي اليوتيوب .. تابعوني
#محمد_مالك
[١٤/١١ ٦:٤٢ ص] ٠: رواية سفاح الكوابيس
البارت الخامس
للكاتب المصري محمد مالك
جميع الحقوق محفوظة
ويعود امين الي منزله حزينا الي منزله وفي استقباله خديجة والتي تتلهف علي معرفة آخر اخبار ابنتها التي لم تعود الي المنزل
خديجة .. عملت ايه يا امين ؟!!
امين .. ولا حاجة !!
خديجة .. ولا حاجة ازاي ؟!! بنتي فين يا امين ؟!!
امين .. ما انا قلتلك يا خديجة ان بنتك سابت المستشفي بعد ما فاقت من ساعات
خديجة .. طب مرجعتش البيت ليه لحد دلوقتي ؟!!
امين .. مش عارف ؟!! والعجيب انها دفعت مصاريف المستشفي !!
خديجة .. وجابت الفلوس منين ؟!!
امين .. برضوا مش عارف !! ومبلغ كبير مش قليل
خديجة .. لأحسن تكون اللي اسمها سهير دي خطفت البنت ؟؟!
امين .. بس بنتك طالعة في الكاميرا وهي خارجة لوحدها من المستشفي وكانت بتتصرف طبيعي جدا
خديجة .. امال هتكون راحت فين يعني ؟! لا الحكاية فيها ان .. هي كام الفلوس اللي دفعتها ؟!!
امين .. ٤٦ الف جنيه
خديجة .. ايه ؟!! وبنتك جابت الفلوس دي كلها منين ؟!! لا يبقي كدا فعلا الحكاية فيها ان وبنتك اتخطفت يا امين واللي خطفتها الست اللي اسمها سهير بمساعدة المستشفي كمان .. قدم بلاغ في النيابة يا امين قبل ما يعملوا في البنت حاجة
امين .. اهدي يا خديجة .. الساعة كام دلوقتي ؟!!
خديجة .. بقينا ٤ الفجر ..ليه ؟!!
امين .. هعمل تليفون
خديجة .. بمين ؟!!
امين .. ما انا خايف اقلك تعمليلي مناحة والحكاية مش ناقصة
خديجة .. قول يا امين انت مخبي عني ايه ؟!! بنتي جري لها حاجة ؟!!
امين .. صدقيني مش عارف ومش فاهم حاجة !! ثواني اعمل التليفون دا واحكيلك اللي حصل
امين يتصل بالنمرة التي اعطته اياها الممرضة ولكنها لا ترد
امين .. يعني مردتش ؟!!
خديجة .. مين دي اللي مردتش؟!! ما تفهمني ايه الحكاية يا أمين
امين .. يا ستي اهدي عليا عشان خاطر النبي .. هفهمك كل حاجة قلتلك
امين يعاود الاتصال مره اخري وفي تلك المره يرد شخص
امين .. الو .. لو سمحت دي مش نمرة مني الممرضة ؟!!
الرجل .. ايوا
امين .. طب ممكن اكلمها بعد ازنك؟
الرجل منفعل بشدة وحزين ويبدوا ءلك من نبرة صوته .. رحلها الآخرة وانت تكلمها .. مراتي ماتت يا استاذ
امين .. ماتت !! يا ساتر يارب .. ماتت ازاي ؟!!
الرجل .. واحد ابن حرام اتصل عليها وقالها ابنك عمل حادثة ومات نزلت تجري من المستشفي اللي شغالة فيها قامت ضرباها عربية قتلتها في الحال
امين .. لا حول ولا قوة الا بالله .. انا اسف جدا وشد حيلك البقاء لله
ثم يغلق الخط
امين مندهش .. الست ماتت في حادثة عربية !!
خديجة .. مين دي يا امين ؟!!
ونذهب الي سهير المغربي التي تجلس في منزلها ويحادثها مدير اعمالها شوكت بالمحمول
سهير .. يعني ايه فاقت وسابت المستشفي من غير ما تعرف يا شوكت ؟!!
شوكت .. دا اللي حصل يا ست الكل
سهير .. والدكتور اللي انت بتقول تبعنا مكلمكش ليه اول ما فاقت ؟!! هو انت مش مظبطه ؟!!
شوكت .. دا انا مروقه آخر روقان
سهير .. طب ايه الحكاية فهمني ؟!! البنت ازاي تفوق وتمشي كدا لوحدها ؟!! وبعدين تعالي هنا البنت جابت منين مصاريف المستشفي دي كلها وانت بتقول ان ابوها ميعرفش وكان مستغرب لما عرف ؟!!
شوكت .. الله اعلم !! حاجة فعلا غريبة ؟!!
سهير .. ومرجعتش البيت لحد دلوقتي ؟!!
شوكت .. لا ..
سهير .. اهو دلوقتي امين افندي يفكر اني خطفت بنته او عملت فيها حاجة .. اسمع .. عينك علي بيت امين واول ما ترجع البنت تكلمني.. فاهم ؟!!
شوكت .. عنيا يا ست الكل .. تؤمريني
سهير .. غور بقي عاوزه انام جاتك البلاوي انت وسي امين بتاعك
شوكت .. تصبحي علي خير يا ست الكل
سهير تغلق الخط وتقول لنفسها
سهير .. هو في ايه ؟؟!!
تابعوني والبارت السادس .. تحياتي
#محمد_مالك
[١٤/١١ ٦:٤٢ ص] ٠: رواية سفاح الكوابيس
البارت السادس
للكاتب المصري محمد مالك
وتوجه امين الي قسم الشرطه التابع له محل سكنه وقام بتحرير محضر بأختفاء ابنته ولكن لم يذكر بالمحضر وجود شبه جنائيه ولم يتهم احد بسوء ليعود بعدها ليخبر خديجة بما حدث مما اثار غضبها
خديجة .. يعني ايه ما اتهمتش حد ورا غياب بنتك ؟!! امال تهديد الست اللي اسمها سهير دي ليك تسميه ايه واسلوب المستشفي الغريب اللي معرفكش ان بنتك فاقت وسابها تخرج من المستشفي بكل سهوله والفلوس اللي دفعتها للمستشفي واحنا مش عارفين مصدرها ايه ؟!! انت ايه اللي جري يا استاذ القانون ازاي تنفي التهمه عنهم ؟!!
امين .. لأن مينفعش اتهم حد بدون دليل قاطع
خديجة .. والبنت الممرضة اللي قالتلك الحق بنتك قبل ما يخطفها الطيار وباين عليها عرفة حاجة وكانت عايزة تقولهالك عشان كدا قتلوها
امين .. كل دا كلام ومفيش دليل واحد علي انه كلام صحيح وانا لو اتهمت الناس دي بدون دليل قاطع ابقي بضيع وقت ع الفاضي لأن محامي تحت التمرين هينفي الاتهام عنهم بكل سهوله واصبح انا المحامي الكبير المعروف استاذ القانون مبفهمش حاجة وحايز يرجعوا عليا بالتشهير بعد كدا
خديجه .. وانت هتفضل قاعد متكتف مستني لحد ما تلاقي دليل ادانه ؟!
امين .. انا مش عارف اعمل ايه تاني ؟!! انا هتجنن يا خديجة!!
وفجأة يرن جرس الباب
امين .. يارب تكون ولاء
ويذهب مسرعا ويفتح الباب ليفاجأ ب ولاء ترتدي فستان فرح ابيض عيناها باكيتان ووجهها اصفر ذابل وتمسك كاسيت بيدها والكاسيت يعمل علي اغنية ما تزوقيني يا ماما قوام يا ماما دا حبيبي هياخدني بالسلامه يا ماما وباليد الاخري تحمل بوكيه ورد
امين يتعجب بشدة .. ايه دا يا بنتي ؟!!
وفجأة تسقط ولاء علي الارض مغشيا عليها
البارت التالي لا يصل الا للمتفاعلين ..
تحياتي .. ملك الروايات .. الكاتب والشاعر والسيناريست المصري محمد مالك.
[١٤/١١ ٦:٤٢ ص] ٠: رواية سفاح الكوابيس
البارت السابع
للكاتب المصري محمد مالك
جميع الحقوق محفوظة
امين وخديجة قلقان بشدة لا يعلمان ما الذي حدث ل ولاء ولماذا ترتدي هذا الفستان الابيض .. ولاء تستعيد وعيها تدريجيا
خديجة .. ولاء .. ولاء فوقي يا بنتي ابوس ايدك
ولاء تفتح عينيها وتنظر حولها ثم ترتجف خوفا وتقول
ولاء .. انا فين ؟!!
امين .. متخفيش يا حبيبتي انتي هنا في بيتك
ولاء .. بيتي ؟!! هو دا بيتي ؟!!
امين .. ايوا يا ولاء بيتك اللي اتولدتي واتربيتي فيه !!
خديجة .. مالك يا ضنايا ايه اللي جري لك بس ؟!! ما انتي كنتي زي الفل
ولاء .. انتي مين ؟!!
خديجة .. انا مين !! انا امك يا بنتي
امين .. معقول يكون عندها اضطراب في الذاكرة ؟!!
خديجة .. اضطراب في الذاكرة ؟!! انا امك خديجة يا ولاء ودا ابوكي امين
ولاء .. ابويا ؟!! امال هو يبقي مين ؟!!
امين .. تقصدي مين ؟!!
ولاء .. هو قالي انا ابوكي وجوزك واخوكي
خديجة .. مين دا اللي قالك كدا ؟!
امين .. الواضح انها بتخترف بالكلام .. قليلي يا بنتي انتي خرجتي من المستشفي رحتي فين ؟!! وجبتي منين الفلوس اللي دفعتيها للمستشفي ؟!! ومين اللي لبسك الفستان دا ؟!!
ولاء تنظر الي الفستان .. فستان !! دا فستان الفرح ؟!!
امين .. انا عارف يا حبيبتي ان دا فستان الفرح !! انا بسألك مين اللي لبسك الفستان دا وليه ؟!!
ولاء .. مين اللي لبسني الفستان ؟!! ماما
خديجة .. انا ؟!!
ولاء .. ايوا انتي .. انتي مش قلتي حالا انك ماما ؟!!
خديجة .. ايوا انا امك طبعا
ولاء .. يبقي انتي اللي لبستيني الفستان وانا كنت بغني وبقول ما تزوقيني يا ماما قوام يا ماما .. دا حبيبي هياخدني بالسلامة يا ماما .. وهو جه بعد كدا وخادني بالسلامة
امين .. مين دا اللي خدك ؟!! وخدك وداكي فين ؟!!
ولاء .. مقدرش اقول يموتني
امين .. انتي فيه هددك انك لو اتكلمتي هيموتك ؟!! اتكلمي يا بنتي احكي ايه اللي حصل ؟!!
ولاء .. هو قالي اديك دا ؟!!
وتعطي ولاء منديل ابيض به بقع دماء حمراء مكتوب عليه عبارة بالهنا والشفا .. ههههههه
خديجة .. يا لهوي .. ايه دا يا امين ؟!!
امين .. ايه دا يا بنت ؟!!
الاحداث قد اشتعلت والرواية واحدة من اعظم رواياتي .. تفاعل من فضلكم ومشاركه لكي استمر بالنشر ..
تحياتي
#_محمد_مالك
[١٤/١١ ٦:٤٢ ص] ٠: رواية سفاح الكوابيس
البارت الثامن
للكاتب المصري محمد مالك
جميع الحقوق محفوظة
ويذهب امين الشحات بأبنته ولاء الي النيابة العامه لتقديم بلاغ يتهم فيه سهير المغربي ومستشفي الافراح بالاعتداء الجنسي علي ابنته ولاء ..
وكيل النيابة .. دا كلام كبير وحساس جدا يا استاذ امين ولازم يكون معاه دليل واضح
امين .. بقول لسيادتك بنتي تم الاعتداء عليها جنسيا مما افقدها عذريتها وانا بتهم سهير المغربي ومستشفي الافراح اللي بنتي قعدت فيها اربع ايام لما كانت في غيبوبة هي اللي ورا الاعتداء دا .. سهير المغربي بتعاقبني عشان رفضت ادافع عن ابنها تاجر المخدرات
وكيل النيابة .. والدليل علي اتهامك دا ايه يا استاذ امين ؟!!
امين ..الدليل ان اول ما بنتي دخلت المستشفي سهير المغربي اتصلت بيا وقالت ان علاج بنتي عندها واني لو عاوزها تفوق اقبل ادافع عن ابنها ودا اكبر دليل ان في تواصل بين المستشفي وسهير المغربي واتصلوا بيها وعرفوها ان بنتي عندهم عشان تتصل بيا وتستغل خوفي ولهفتي علي بنتي عشان مصلحتها وبعدين اخبروني في المستشفي ان حالة بنتي ملهاش تشخيص علمي وان التحاليل كلها سليمه وطلبوا مني اسافر بيها بره افاجئ بعد كدا انها فاقت وخرجت دون علمي ودفعت كمان المصاريف وهي مش معاها اصلا فلوس والمستشفي المحترمه متعرفنيش غير لما انا اروح اسال علي بنتي !! وبعدين بنتي ترجع البيت لابسالي فستان فرح وشبه مغيبه ومش فاكره حاجة خالص حتي انا وامها مش فاكرانا !! كل دا مش دليل ان في اتفاق علي بنتي وان يتعمل فيها اللي اتعمل دا
وكيل .. تمام .. اكتب عندك يابني امرنا نحن علي سعيد وكيل النائب العام بأستدعاء كلا من السيدة سهير محمد المغربي رئيس مجلس ادارة المغربي للأستيراد والتصدير والسيدة علياء الشريف مدير مستشفي الافراح التخصصي وذلك للمثول امامنا باكر كما امرنا بعرض ولاء امين الشحات علي الطبيب الشرعي لكشف العذريه كما امرنا ادارة المباحث بالتحريات اللازمة ..
تابعوني والبارت القادم .. تحياتي
#محمد_مالك
[١٤/١١ ٦:٤٢ ص] ٠: رواية سفاح الكوابيس
البارت التاسع
للكاتب المصري محمد مالك
جميع الحقوق محفوظة
شوكت يتصل ب سهير ليخبرها بأنه قد اتي امر استدعاء من النيابة للمثول امامها صباح باكر
سهير .. والنيابة عاوزاني في ايه يا جلاب المصايب انت ؟!!
شوكت .. امين الشحات مقدم بلاغ ضدك بيقول انك السبب ورا اختفاء بنته ورجوعها ليه بعد كدا ....
سهير .. بعد كدا ايه؟!! قول الله يحرقك انت واخبارك الهباب
شوكت .. بيقول ان بنته رجعتله لابسه فستان فرح وفي التوهان خالص وانها مبقتش عذراء
سهير .. ايه ؟!! ودا مين اللي عمل فيها كدا ؟!
شوكت .. الله اعلم !!
سهير .. وانا يتهمني ليه ؟!! انا مالي
شوكت .. يمكن شك فيكي لما قلتيله ان علاج بنته عندك
سهير .. مش انتوا اللي قولتولي اقول كدا يا ولاد الكلب ؟! وانا كنت اعرف ايه اللي عندها اصلا !!
شوكت .. احنا كنا عايزين نستغل الحكاية دي لمصلحتنا مش اكتر يعني
سهير .. اهو لبسنا قضية بدون سبب !! اقفل يا غراب انت .. اقفل يلا
ثم يأتي ابنها طارق والوقت قد اقترب من الفجر سكران يترنح ويصعد غرفته وسهير تنادي عليه
سهير .. طارق .. خد تعالي هنا
طارق .. نعم
سهير .. هو انت ايه حكايتك بالظبط ؟!! انت كل يوم هتجيني وش الفجر سكران وبتتطوح؟!!
طارق .. يوووه .. ارجوكي يا ماما سيبيني في حالي انا تعبان وعاوز تنام
سهير .. نعم يا روح امك !! بذمتك يا اخي بيجيلك نوم ازاي وانت مستني المحكمة تصطك حكم بعد اسبوعين ؟!!
طارق .. يعني عاوزاني اعمل ايه ؟!! اقعد تحط ايدي علي خدي وافضل اعيط لحد ما المحكمة تحكم ضدي ؟!! سيبيني ارجوكي اتمتع يومين قبل ما اتسجن
سهير .. ويمكن تتعدم .. امتي بقي هتفوق لنفسك وتتحمل المسئوليه
طارق .. لا انسي حكاية الاعدام دي خالص اخرها كام سنه سجن ولو قرصنا شوية هتبقي برآة
سهير .. قرصت !! قرصت علي مين ؟!! انطق
طارق .. ع القاضي .. ارتحتي بقي ؟!! سيبيني بقي عاوز اطلع انام
سهير .. خد تعالي هنا فوق وكلمني .. قاضي ايه اللي انت هتقرص عليه ؟!
سهير .. القاضي اللي ماسك القضية بتاعتي
طارق .. وهتقرص عليه ازاي بقي يا روح امك ؟!!
طارق .. ملكيش دعوة انتي اطلعي برة الموضوع دا خالص
سهير .. اطلع ازاي بره الموضوع ؟!! هو انت عاوز تعمل مصيبة تاني ولا ايه ؟!!
طارق .. ههههه .. انا عملت خلاص
سهير .. ايه ؟!! عملت ايه انطق
طارق .. متخافيش .. انا عملت مصيبة عشان احل بيها مصيبة اكبر
سهير .. عملت ايه ؟؟؟؟؟!!!!!!!
تابعوني والبارت التالي .. تحياتي
#محمد_مالك
