رواية سفاح الكوابيس
البارت الخامس والثلاثون
للكاتب المصري محمد مالك
جميع الحقوق محفوظة
ويعود امين الشحات حزينا مأهورا بعد ان قام بالمرافعة امام المحكمة دفاعا عن طارق فرويز لا يصدق ما فعل خجلان بشدة من نفسه يجلس علي كرسي بالصالة يسمع صوت تأوهات وكأن سيدة ما تتألم !! الصوت قادم من غرفة ولاء .. يجري مسرعا نحو الغرفة .. ليجد ولاء في حالة اعياء تام تبكي وتتألم وهي نائمه ..
امين يحاول ايقاظها .. ولاء .. ولاء اصحي ياولاء
ولاء تستيقظ فزعا تنظر حولها عيناها في كل مكان داخل الغرفة حتي تستقر بالنظر الي ابيها
ولاء .. بابا !!
امين .. كنتي فين يا بنتي ؟!! حرام عليكي ؟!!
ولاء .. كنت فين ؟!! مش فاكرة انا كنت فين !! انا مش فاكره حاجة خالص !! انا اخر حاجة فاكراها اني قلت ل ماما اني تعبانه شوية وعايزة انام !! هي فين ماما ؟!
امين حزين .. امك !! امك ماتت يا ولاء
ولاء .. ماتت !!
امين .. انتي قتلتيها
ولاء .. انا ؟!! لا مش ممكن
امين .. للأسف انا كنت بره ورجعت الشقة لقيتك جايبة عاليها واطيها وامك في الارض بتنازع الموت
ولاء .. انا قتلت ماما ؟!! قتلتها ازاي ؟!!انا مش فاكرة حاجة خالص !!
امين .. انا اللي مش فاهم حاجة خالص !! انتي فجأة تدخلي في غيبوبة وفجأة تفوقي منها .. وتختفي فجأة بتروحي فين ؟!! وكنتي بتدفعي مصاريف المستشفي منين ؟!! وبعدين جيتي ازاي من المانيا ؟!! واشرف اللي كان معانا فضل يقول كلام غريب مش مفهوم اطلاقا !! هو في ايه بالظبط ؟!!
ولاء .. مش عرفة يابابا !! .. انا مش فاكرة حاجة خالص .. انا حاسة اللي بتحكيه دا مر عليا زي حلم !!
امين .. يعني ايه مش فاهم ؟!!
ولاء .. انا حاسة اني لما بنام بسافر ل عالم تاني .. بقابل ناس تانية .. بتحصل معايا حاجات مبتحصلش غير في الحلم وبس !!
امين .. انا مش فاهم منك ولا كلمة ؟!
ولاء .. انا نفسي مش فاهمه حاجة خالص !! زي ما يكون في قوة خارجية مسيطرة علي جسمي وعلي تفكيري !!
امين .. يعني ايه ؟! سحر مثلا ؟!! بلاش كلام فاضي ! بسببك حصلتلنا مصايب كتير دا غير انك قتلتي امك ونكثتي راسي في الطين ؟!!
ولاء .. انا ؟!!
امين .. ايوا .. انتي دلوقتي ايديكي ملوثة بدماء امك البريئة الطاهرة وشرفك ضاع وضاع معاه اسم امين الشحات استاذ القانون والمحامي الكبير
ولاء مصدومة لا تصدق تلك الاتهامات
امين .. الحاجة اللي انا عاوز اعرفها حالا .. انتي ليه قتلتي امك ؟!! ومين المجرم اللي اعتدي عليكي واخد منك اعز حاجة عندك .. انطقي .. قولي بسرعة
ولاء .. لا .. مش ممكن .. مش ممكن
امين .. خسارة بجد يا ولاء .. يا الف خسارة
ثم يخرج ويترك الغرفة لتحدث مفاجأة ..
البارت السادس والثلاثون
للكاتب المصري محمد مالك
ولاء تجلس في غرفتها حزينه مهمومة لا تصدق ما يقصه ابيها فهي لا تتذكر من ذلك شيئا لمحت صورة لابيها وامها علي مكتبها قامت فأخذت الصورة ونظرت اليها والدموع تنزل من عيناها ضمت الصورة الي صدرها وقالت "ماما" فجأة ظهر لها الشبح الذي رآة امين واشرف من قبل وهو في هيئة رجل طويل القامة شكله قبيح جدا يخرج من فمه وانفه افرازات بيضاء قال لها بصوت غليظ مرعب
الشبح .. وحشتِك ؟!!
ولاء تلتفت الي مصدر الصوت فتفاجأ بهذا المسخ المرعب
ولاء .. انت مين ؟!!
الشبح .. انا سفاح الكوابيس
ولاء .. سفاح الكوابيس !!
الشبح .. ايوا .. سفاح الكوابيس
ولاء .. سفاح يعني قاتل ؟!!
الشبح .. اها .. قاتل بس مش بقتل بشر زي ما خطر في بالك
ولاء .. امال بتقتل مين ؟!!
الشبح .. بقتل احلام .. ذكريات جميلة .. طموحات .. بقتل مستقبل
ولاء .. انا مش فاهمه حاجة !! انت مين ودخلت هنا ازاي ؟!
الشبح يضحك .. هههههه .. ما انا قلتلك اني سفاح الكوابيس !! اما عن دخلت هنا ازاي ؟!! انا اصلا معاكي عايش جواكي .. ادخل مطرح ما تدخلي واخرج مطرح ما تخرجي .. ليا مساعدين كتير من البشر بيساعدوني علي تنفيذ مهمتي ..
ولاء .. انت اكيد شيطان !! ولا يمكن انا لسة نايمه وانت مجرد كابوس !!
الشبح .. هههههه .. فعلا انتي عمرك ما هتشوفيني غير في كابوس .. وانا مش هعرف اشتغل غير وانتي نايمة .. عشان كدا لازم تنامي حالا .. نامي يا ولاء ورانا شغل كتير لسة مخلصش .. اطلعي علي السرير ومددي ونامي .. نامي وسلمي عقلك ليا .. نامي
ولاء بدون اراده منها تصعد علي السرير وتنام فعلا .. الشبح يضحك بصوت عال .. هههههههههههه
ونعود الي امين الذي يحادث وكيل النيابة في التليفون
وكيل النيابة مصدوم .. معقول !!انا لما قالولي مصدقتش غير لما شفت الخبر بنفسي في الجورنال .. انت يا استاذ امين تروح المحكمة عشان تترافع عن طارق فرويز ؟!!
امين .. غصب عني
الوكيل .. غصب عنك ليه ؟!!
امين .. جالي تهديد ان لو ما اترافعتش في قضية طارق هتبقي فضيحتي علي الملأ وسيادتك عارف هما معاهم ايه يفضحوني بيه
الوكيل .. وانت ما قلتليش ليه يا استاذ امين علي حاجة زي دي ؟!!
امين .. ولو قلتلك كنت هتعمل ايه ؟!!
الوكيل .. علي الاقل كنا نشوف هنعمل ايه وبعدين انت مش شايف ان كدا الصورة وضحت ؟!! كدا طارق فرويز هو ورا كل اللي حصل لبنتك .. رايح تدافع عن واحد تاجر مخدرات وانت رفضت قضيته قبل كدا عشان متأكد من ادانته وفوق دا كله خطف بنتك واغتصبها ؟!
امين .. الله يخليك سيبني في حالي كفايا العذاب اللي انا فيه !!
الوكيل .. يعني انت متصور انك لما قبلت تدافع عن طارق فرويز يبقي كدا امنت شرهم ؟! بالعكس هيفضلوا يبتزوك كل شوية ولو موافقتش في مره هيشيروا الفيديو .. وبعدين دفاعك عن طارق فرويز نفسه اكبر فضيحة يا استاذ امين يا مثال المحامي النزيه الشريف
امين .. ارجوك كفايه بقي انا بتغذب من جوايا .. وعلي فكره ولاء رجعت
الوكيل .. رجعت ؟!!
امين .. لقيتها في الشقة لما رجعت من المحكمة
الوكيل .. طبعا .. سابوها بعد ما عملوا اللي عاوزينه.. طب ما فالتلكش ايه اللي حصل معاها ؟
امين .. مش فاكره حاجة خالص !
الوكيل .. طب انا عاوز اشوفها ضروري .. انا مسافة السكة واكون عندك .. مع السلامة
امين .. مع السلامة
فجأة امين يسمع صوت ولاء تصرخ بقوة ثم يلمح بعينيه بركة من الدماء تخرج من اسفل باب غرفة ولاء ...
الاحداث اشتعلت كثيرا .. تابعوني
