رواية سفاح الكوابيس
البارت التاسع عشر
للكاتب المصري محمد مالك
جميع الحقوق محفوظة
وكيل النيابة .. معقول يا استاذ امين .. يتكرر معاك نفس الموضوع وانت في المانيا ؟!!
امين .. انا مش عارف ايه اللي بيحصل دا ؟!!
الوكيل .. طيب وعملت محضر بالواقعة وبلغت السفارة المصرية هناك
امين .. اكيد
الوكيل .. طيب محاولتش تتواصل مع اللي اسمه اشرف دا ؟!
امين .. برن عليه وتليفونه مقفول ؟! واللي هيحنني انه دفع مصاريف المستشفي وقالهم اني انا اللي طلبت منه يعمل كدا!!
الوكيل .. غريبة !! هو اشرف دا يبقالك ايه يا استاذ امين ؟!!
امين .. دا محامي في مكتبي تحت التمرين بس متقن للغة الالمانية قلت اخده معايا يترجملي الكلام هناك
الوكيل .. اها .. طيب وسيره وسلوكه ايه ؟!! هل هو انسان كويس ولا ؟!!
امين .. هو من ناحية اخلاقة هو انسان محترم واخلاقة كويسة دا شغال في مكتبي بقاله سنتين وما شوفتش منه اي حاجة تخليني اشك في سلوكه
الوكيل .. انت تعرف ان بنت المستشار عبد الحكيم درويش مختفيه بقالها اسبوع
امين .. معقول ؟! انا عشان كنت بره خلال الفترة دي فأكيد هكون مش متابع
الوكيل .. ابوها شاكك في انها تكون اتخطفت عشان كدا عامل مكافأة نص مليون جنيه للي هيدل عن مكانها
امين .. طب هتتخطف ليه ؟!
الوكيل .. انت عارف طبعا دا قاضي جنايات كبير واكيد هيكون له اعداء
امين .. ثواني !! القاضي دا هو رئيس المحكمة اللي هيقف قدامها طارق فرويز ابن سهير المغربي!!
الوكيل .. قصدك تقول ان سهير المغربي وابنها طارق ليهم علاقة بأختفاء بنت المستشار ؟!!
امين .. دا اكيد .. زي ما هما برضوا السبب في اختفاء بنتي وفي اللي بيحصلها
الوكيل .. بس هو مجالوش لحد دلوقتي تهديد من اي نوع دي مجرد شكوك
امين .. انا عندي احساس كبير ان سهير المغربي ورا اختفاء بنت المستشار عبد الحكيم واكيد هتتصل بيه عشان تساومه
الوكيل .. ياريت يبقي كشفت نفسها قدامنا وساعتها بقي مش هرحمها
امين .. علي فكره انا جاتلي الرسالة دي ع الواتساب وانا في المانيا
الوكيل .. رسالة ايه ؟! وريني كدا
الوكيل يقرأ الرسالة فيندهش
الوكيل .. ورحت الشقة ولا لسه؟
امين .. لا لسة مرحتش
الوكيل .. ليه؟!
امين .. يعني مش فايق خالص وبعدين بقول يمكن يكون واحد فاضي وبيهزر هزار بايخ
الوكيل .. وممكن يكون مش بيهزر وعاوز يوصلك رسالة .. تعالي نروح دلوقتي
امين .. هتيجي معايا بنفسك ؟!!
الوكيل .. اها .. يلا بينا
ونذهب الي شوكت الذي يجلس مع سهير في فيلتها
سهير مستاءة بشدة .. بقي كدا يا شوكت !! دي حركة تعملها .. عاوز تجيبلي مصيبة ؟!!
شوكت .. ولا مصيبة ولا حاجة يا ست الكل .. ريا وسكينة لما كانوا بيقتلوا الستات كانوا بيدفنوهم في تحت بيتهم عشان محدش يشك فيهم
سهير .. جري ايه يا شوكت .. هتشبهني بريا وسكينه ولا ايه ؟!!
شوكت .. معاذ الله يا ست الكل .. دا انا بس بضربلك مثل عشان اطمنك
سهير .. ما هو في الآخر اتقفشوا برضوا !
شوكت .. بس بعد ايه .. بعد ما حيروا الداخلية وخلوهم يضربوا اخماس في اسداس .. وبعدين انا قلت لسيادتك كام يوم كدا تهدي الدنيا وهشيلها من عندك خالص
سهير .. اما نشوف يا شوكت ع الله توديني في ستين داهية ما هي ناقصاك بصراحة !! قلي بقي كنت عاوز تقلي ايه ؟
شوكت .. بصي يا ست الكل .. انا بقول ما دام اللي حصل حصل والمرحومة بنت المستشار الله يرحمها الدنيا مقلوبة عليها واهلها هيتجننوا عشان ترحعلهم .. يبقي نستغل دا لصالحنا
سهير .. ازاي يعني ؟!!
شوكت .. يعني نتصل بأبوها سيادة المستشار ونقله لو عاوز تشوف بنتك تاني يبقي طارق فرويز ياخد برآة
سهير .. طب ما هو هيعرف اني انا اللي خطفاها يا حلو !!
شوكت .. وماله .. بس مش هيقدر يعمل حاجة ولا يفتح بقه بكلمة عشان لو اتكلم وفتح بقه مش هيشوف بنته للأبد
سهير .. انت اتهبلت في دماغك ولا أيه ؟!! ولا هتعوم علي عوم طارق ابني ؟!
شوكت .. طارق اتهور فعلا لما خطف البنت .. بس رب ضرة نافعة وسيبيلي انا الموضوع دا وانا هظبطهولك تمام ..
سهير .. يا خوفي في الآخر اروح في داهية بسببك
شوكت .. عيب يا ست الكل دا انا رجل المواقف الصعبة وانتي عرفة
سهير .. ما تعملش حاجة غير لما تعرفني .. فاهم ؟
شوكت .. فاهم
ونذهب الي امين ووكيل النيابة اللذان ذهبا الي شقة امين القديمة ليفاجأ الاثنان بشئ صادم ... ؟؟؟؟؟!!!!!
البارت العشرون
للكاتب المصري محمد مالك
جميع الحقوق محفوظة
وبعد ان يدخل أمين ووكيل النيابة الي داخل الشقة التي تبدوا عليها اثار التراب مما يدل علي انه لن يزورها احد من فترة طويلة
الوكيل .. انت بقالك فتره مبتجيش هنا يا استاذ امين ؟!!
امين .. تقريبا من ساعة ما عزلنا من هنا من ١٥ سنة
الوكيل .. اها .. باين فعلا
امين .. يا تري ايا اللي ممكن يكون هنا يعرفني اللي حصل ل بنتي ؟!
الوكيل يلمح اثار اقدام علي الارض وسط التراب الكثيف
الوكيل .. هو انت جيت هنا يا استاذ امين قريب ؟!!
امين .. لا .. ليه ؟!!
الوكيل .. اصلي شايف اثار رجلين علي الارض هنا !!
الوكيل يمشي خلف تلك الاثار والتي تنتهي عند باب غرفة مغلقة
الوكيل .. الاوضة دي فيها ايه ؟؟
امين .. دي كانت اوضة ولاء بنتي
الوكيل .. ممكن ادخل ؟!!
امين .. اكيد طبعا اتفضل
ويفتح الوكيل باب الغرفة ثم يدخل فيري اثار نفس الاقدام علي الارض .. ينظر في جميع ارجاء الغرفة حيث يجد مكتب عليه مجموعة من الكتب والمذكرات وسرير في المنتصف علي شكل ميكي ماوس ودولاب علي اليمين ثم ينظر يمينا ويسارا لعله يجد شيئا يثير الانتباه وفجأة يجد ملابس ملقاه علي الارض في زواية من الغرفة فينزل اليها ويمسكها بيده فيسقط منها اسطوانه DVD فينزل اليها هي الاخري ويمسكها وبفحص الملابس يجدهم انهم ملابس حريمي بلوزة وبنطلون ويبدوا انها ملابس ل ولاء ولكنها ممزقة ! فيخرج الي امين ويسألة
الوكيل .. استاذ امين .. الهدوم دي تخص بنتك ؟!
امين .. ايوا دي هدوم ولاء اللي كانت لابساهم لما فاقت وخرجت من مستشفي الافراح .. وايه اللي جابهم هنا ؟!@ وكمان مين اللي قطعهم كدا ؟!!
الوكيل .. مش عارف !ولقيت في قلبهم الاسطوانة دي !!
امين .. اسطوانة ايه دي ؟!!
الوكيل .. تفريبا هي دي الحاجة اللي عاوزك توصلها صاحب الرسالة اللي جاتلك .. يلا بينا عشان نشوف الاسطوانة دي فيها ايه
ونذهب الي مدافن المرحوم فرويز زوج سهير المغربي حيث يدخل الفحار المدفن ويلاحظ وجود اعقاب سجائر في الارض فيتعجب
الفحار .. ايه دا !! هو في حد جه يزور هنا قريب ولا أيه ؟!مش معقول دا سهير هانم لما بتحب تيجي تزور بتتصل بيا قبلها عشان انضف الحوش وارشه بالميه ..
ثم يلمح بعنيه التربه ويبدوا انها قد تم فتحها
الفحار .. والتربه دي كمان مين لعب فيها !! مصيبة ليكون حرامي ميتين وسرق جثة فرويز بي والمرحوم ابنه !! دا سهير هانم تدفني صاحي لو حصلت حاجة زي دي ؟!لما افتح التربة واشوف
ثم يفتح التربة فيفاجأ بوجود جثة فتاه عشرينية مدفونة بملابسها التي تغطيها اثار الدماء فيرتجف من هول الصدمة
الفحار .. يا لهوي دافنين قتيلة هنا في حوش فرويز باشا !!
لما ارن علي ست هانم
يحاول الاتصال بها فيجد التليفون مغلق
الفحار .. وبعدين تليفونها مقفول !! لا مبدهاش انا هبلغ البوليس ..........
الاحداث بلغت ذروتها وفي انتظار تعليقاتكم تابعوني والبارت التالي .. تحياتي ..
