رواية سفاح الكوابيس
البارت الثالث عشر
للكاتب المصري محمد مالك
جميع الحقوق محفوظة
سهير .. ايه اللي انت قلته دا ؟!! هو قال كلمة اغتصبتها ولا انا اللي سمعت غلط يا شوكت ؟!!
شوكت .. لا سمعتي صح يا ست الكل .
سهير .. انت ازاي تعمل كدا ؟!!
طارق .. اهو اللي حصل بقي
سهير .. انت حيوان ( ثم تصفعه بالقلم علي وجهه ) انت فعلا حيوان عشان ماشي ورا شهوتك !! طب والعمل ؟! هنعمل ايه في المصيبة دي يا شوكت ؟!!
شوكت .. مش عارف سعتك ؟!! طارق باشا جه يكحلها عماها !!
سهير .. طارق باشا غرق نفسه وغرقنا معاه
طارق .. ولا غرقت ولا حاجة .. البنت مش هتقدر تنطق بحرف واحد بره عشان سمعتها ولا اهلها كمان يقدروا يتكلموا عشان الفضايح
سهير .. انت فكرك كدا يعني ؟! حسبتها غلط ياابن بطني ولبست نفسك تهمه تانية .. ليه تعمل كدا ؟!! ليه حرام عليك ؟!!
شوكت .. احنا لازم نروح ونشوف البنت عاملة ايه دلوقتي ونتكلم معاها جايز نلاقي حل
سهير .. وتفتكر المصيبة دي ليها حل يا شوكت ؟!!
شوكت .. حلها الجواز يا ست الكل
سهير .. وانت يعني فاكر ان ابوها معالي المستشار هيقبل يجوز بنته لعيل فاشل وعليه قضية وهيتحاكم فيها قدامه كمان ؟!!
طارق .. انا مش فاشل .. انا ابن حسن فرويز وسهير المغربي واي بنت بتتمني بس اضحك في وشها
سهير .. ياخي اتنيل جاتك وكسة .. بينا يا شوكت
ونذهب الي وكيل النيابة الذي يمثل امامه الان الطبيب قاسم الذي كان يشرف علي حالة ولاء عندما كانت بالمستشفي
الوكيل .. قلي يا دكتور .. هي ولاء امين الشحات بعد ما دخلت عندك المستشفي .. حالتها اتشخصت بإيه ؟
قاسم .. للآسف بعد ما عملنا جميع الفحوصات والتحاليل اللازمة مقدرناش نوصل لتشخيص محدد لأن الاشاعات والتحاليل كلها كانت سليمة
الوكيل .. طب هي كانت بتعاني من أيه ؟
قاسم .. كانت بتعاني من فقدان وعي .. غيبوبة يعني
الوكيل .. ازاي كانت بتعاني من فقدان للوعي ومقدرتوش تعرفوا السبب ايه ؟! هي الغيبوبة مش المفروض يكونلها اسباب مسببة ليها ؟!!
قاسم .. اكيد حضرتك .. الغيبوبة دي مرض سببه خلل ما في بيحصل في الاجسام والاسباب كتير زي السكر والضغط والكبد والقلب كمان .. بس انا زي ما قلت لحضرتك ان كل الفحوصات كانت سليمة لدرجة اني نصحت والدها انه يسافر بيها بره بس هي طبعا كانت فاقت
الوكيل .. طب قلي لما فاقت محكتش عن سبب الغيبوبة؟
قاسم .. لا
الوكيل .. طب لما فاقت هل كانت طبيعية ولا لاحظتوا عليها اي اعراض تانية ؟
قاسم .. كانت طبيعية جدا لدرجة انها اصرت تسيب المستشفي ودفعت الحساب ومشيت علطول
الوكيل .. وانتوا سيبتوها تمشي كدا من غير حتي ما تتأكدوا انها فاقت بالكامل او حتي تحطوها تحت الملاحظة؟!
قاسم .. حضرتك البنت مكنتش بتعاني من اي عرض مرضي يعني مكنش في داعي اننا نحطها تحت الملاحظة وبعدين قلت لحضرتك انها رجعت لوعيها بالكامل ومفيش اي اعراض تخلينا نشك ولو واحد في المية انها بتعاني من مشكلة وزي ما قلت لحضرتك كل الفحوصات كانت سليمة
الوكيل .. طب هي جابت منين الفلوس اللي دفعتها للمستشفي ؟!
قاسم .. دي بقي انا معرفهاش وميخصناش اننا نسألها جابت حساب المستشفي منين .. احنا لينا حساب يندفع وبس
الوكيل .. بس ابوها بيقول ان بنته رجعت البيت وهي في حالة مش طبيعية وشبه فاقدة للذاكرة وبتهذي بكلام مش مفهوم .. تفسر دا بإيه ؟!!
قاسم .. معرفش .. بس هي لحد ما خرجت من المستشفي كانت زي الفل وعادية جدا
الوكيل .. طب ليه ما اتصلتوش بأهلها عشان يستلموها علي الاقل تضمنوا انها تكون في امان اكتر
قاسم .. انا بعتذر عن اجابة السؤال ده لأني انا دوري الكشف علي الحالات اللي بتيجي ومتابعتها فقط
الوكيل .. تمام
ثم يدخل العسكري ويعطيه ظرف خطاب.. الوكيل يفتح الظرف ويقرأ الخطاب فيصاب بالصدمة ..
الوكيل .. لا حول ولا قوة الا بالله
ثم يتصل علي امين الشحات
الوكيل .. استاذ امين .. ممكن حضرتك تجيلي دلوقتي ؟! طيب انا في انتظارك .. مع السلامة .. طيب يا دكتور وقع علي اقوالك وانا لوعزتك تاني هبعتلك
قاسم .. حاضر يا فندم
