BLS#2: Miss Eavesdropper(COMPLETED)

Chapter 11 Confuse

Chapter 11 Confuse

***JHOEY POV***

PANAY ang kamot ko sa aking ulo. Today is another day. Ngayon ang araw ng trabaho. Humikab ako. Hanggang ngayon ay inaantok parin ako. Hindi kasi ako gaanong nakatulog kagabi. Naguguluhan kasi ako sa nararamdaman ko. Panay ang kabog ng puso ko.

=__=

Posible kaya na may multo sa bahay ni Kumag? May isa ba sa inyo ang nakakita? Tsk! Nagmumukha na akong sira. Sino ba ang kinakausap ko? Sarili ko?

Aish!

Nagpatuloy na lang ako sa paglalakad hanggang sa may kung sino ang humarang sa dinaraanan ko. Hindi na ako nag-abala pang pagmasdan ang nagmamay-ari ng katawang kaharap ko. Baka mangalay lang ang leeg ko sa kakatingala. Ang hirap talaga kapag ipinanganak kang mahal ng lupa. >__<

Dahil tamad akong makipagbangayan, ako na itong tumabi. Nang pumunta ako sa kaliwa, kumaliwa din ang kaharap ko. Nang kumanan ako ay kumanan din siya.

=__=#

Nakakainsulto na ito a!

Muli akong kumanan. Kumanan din siya. Pumunta ako sa kaliwa, kumaliwa na naman siya.

Argh! Pinaglalaruan yata ako ng damuhong ito!

Inis na nag-angat ako ng paningin at balak sanang buweltahan ang walang modong lalaking nakikiharang sa dinaraanan ko kaso natigil ako dahil.... dahil kilala ko siya.

"Ikaw?" kunot-noong tanong ko.

Pilit ang ngiting kumawala sa kanyang labi. "Hi."

Ang taong kaharap ko ngayon ay si Vincent, ang lalaking ipinakilalang boyfriend ng kaibigan kong si Krezyl Zane kagabi. Weird! Ano kaya ang ginagawa ng lalaking ito dito?

?__?

"Will you please give this to here..." aniya sabay lahad ng kamay. May hawak siyang folder.

Kahit naguguluhan ay tinanggap ko ito. "Ano ba ito?" wika ko sabay tingin sa hawak ko. "At saka... kanino ko ba dapat ibigay?"  ?__?

He smiled. "To KZ..."

"K....Z?" nag-isip ako. May kilala ba akong KZ?

Isip...

Isip...

Isip...

"Krezyl Zane Saavedra..."

Ayon! Si Krezyl pala! Hehe! Sira talaga ako. Mukhang sa sobrang antok ay nakalimutan ko ang isa sa nickname ng kaibigan ko. Nahihiyang kinamot ko ang aking ulo.