عندما يعشق الرعد(رحم للإيجار)

الخامس

فى مكتب رعد:
رعد دخل مكتبه وهو فى قمه سعادته ودى مش من عاداته إنه يكون مبسوط كده فى العادى كان من الصعب جدا اى حاجه ترضيه او تفرحه لكن بظهور همس فى حياته كل شىء فى طريقه للتغيير.
رعد دخل مكتبه وقعد وسند ظهره على كرسيه وهو مبتسم ومغمض عينيه وبيفتكر همس وكل حركه من حركاتها وكل كلمه قالتها وكل ابتسامة ابتسمتها واسرت قلبه بيها وبيفكر لما تيجى وتشتغل معاه هيعمل معاها ايه.
وليد خبط ودخل:رعد بيه.
رعد زى ماهو على وضعه متحركش.         ولا حتى فتح عينه:امممم.
وليد:حضرتك الشركه الألمانيه بعتت فاكس.
رعد:اها عايزه إيه.
وليد:بيبلغوك بعرض حازم رشدى.
رعد:انا عارف عرضه أصلا فى حاجه تانيه.
وليد:اه فى اوراق مهمه لازم تمضيها وكمان فى ميتنج بعد ساعه.
رعد:سيب الورق انا همضيه قولى رعد رجع ولى لسه.
وليد:لأ حضرتك لسه مرجعش.
رعد:طيب اتفضل انت وابقى ابعتهولى.   اول ميرجع.
وليد:تحت أمرك يافندم عن إذنك.

فى شقه فخمه جدا أسفل سنتر التجميل الخاص بمها الحديدى.
مها:حبيبى انا لازم اطلع السنتر دلوقتى وهبقى انزلك تانى اوك.
معتز:لا يا روحى خليكى شويه إنتى ملحقتيش تقعدى معايا.
مها:معلش لازم اطلع انت عارف أوقات.   رعد بيعملى زيارات مفاجأه وانا لازم.     اكون موجوده.
معتز:طيب حضرتيلى المبلغ إللى طلبته منك.
مها:اه يا ميزو يا حبيبى طبعا اتفضل وطلعت من شنطتها المبلغ وادتهوله.
معتز بفرحه: حبيبه قلب ميزو حضنها وباسها انا مش عارف من غيرك كنت هعمل إيه.
مها:حبيبى انت تؤمر يلى سلام بقى وهكلمك تانى اوك.
معتز:طيب قبل ماتروحى عدى عليا نصايه كده أصل مش هقدر استنا لبكره.
مها:هحاول.
معتز بغضب شديد:لا هتيجى اومال احنا اخدنا الشقه هنا جنب السنتر ليه مش علشان نكون قريبين من بعض.
مها:خلاص يا حبيبى متزعلش هعدى عليك يلا باى سي يو.

بعد خورج مها من الشقه:
ابتسم معتز بمطر وطلع تليفونه واتصل  برقم شخص.
معتز:باشا أخبارك ايه.
الشخص:الأخبار كلها عندك طمنى عليك.
معتز:تمام يا باشا الفيديو اتسجل والصور كمان.
الشخص:اعجبنى انت كده جمعه بقى مع اخواته إللى قبليه لحد مانكمل الألبوم.
معتز:من عنيا يا باشا بس عايزك تشوفنى  باى حاجه كده.
الشخص:عدى عليا وانا هكتبلك شيك.
معتز:تسلم يا كبير اسيبك بقى علشان   اسيف الفيديو سلام يا باشا.

فى مكتب رعد الحديدى:

عدى دخل وقعد:إزيك يارعد.
رعد:أهلا كنت فين كل ده.
عدى:هكون فين بدور على حبيبه القلب.
رعد:اوام عملتها حبيبه قلبى.
عدى:وأكتر ده انت سودت أيامنا الفتره إللى فاتت بس قولى انت بتضحك خير.
رعد:امممم اصلى لقيتها.
عدى:لا بجد لقيتها ازاى.
رعد:هقولك وانا واقف بدور عليها فى  المكان إللى خبطها فيه لقيتها و.........
عدى:أيوه بقى وغدا وحركات يابن اللذينه مبتضيعش وقت انت.
رعد ابتسم:غريبه اوى البنت دى ياعدى فيها حاجه بتشدنى مع انى اتماسك بس بحس إنى بضعف لما بشوفها متعرفش اول ما شوفتها النهارده كنت حاسس انى نفسى اخدها فى حضنى واكسر ضلوعها على بعدها الفتره دى مع انها اصلا متعرفش انى كنت بدور عليها بس مش عارف بتجنن اول لما تبعد عنى.
عدى متنح وفاتح بقه.
رعد:مالك متنح ليا كده ليه.
عدى بيهز رأسه بعدم تصديق:لا انت مش رعد رعد ميقولش كده انت مين.
رعد بخنقه:بطل استظراف واتعدل بدل معدلك.
عدى:هههههههه اعمل ايه بس انت اول مره تتكلم عن الاحاسيس والمشاعر والحاجات دى انت مش انت يا صاحبى.
رعد بضيق:عارف انا حاسس بنفسى بس اعمل ايه مش بايدى.
عدى:طيب انت ناوى تشغلها هنا فعلا.
رعد:اه طبعا اول لما تيجى بكره تشغلها    على طول.
عدى:طيب هتشغلها ايه هى اسمها ايه صحيح.
رعد:همس إسمها همس ولسه مش عارف هشغلها ايه انت ايه رأيك.
عدى:جميل اسم همس هى معاها مؤهل ايه.
رعد:معرفش لما تيجى بكره هعرف.
عدى:امممم طيب عموما ممكن نحطها فى اى مكان متقلقش.
رعد:اى مكان ايه لا طبعا انا عايزها جنبى.
عدى:ازاى مش فاهم جنبك ازاى.
رعد:أيوه عايزها جنبى بص ايه رايك هخليها سكرتيرتى.
عدى:بس دى لازم تكون بتعرف لغات والشغلانه دى مش سهله وبعدين هتعمل فيه ايه.
رعد:وليد زى ماهو ولو عليها تتعلم انا اصلا مش عايزها شغل انا عايزها معايا وقصاد عينى وبس.
عدى:انت من امتى وانت ليك فى الشمال   يا رعد.
رعد:عدى انت اتهبلت ولى ايه انا قولت عايزها وقصاد عينى مقولتش حاجه غلط.
عدى:ما أنا خايف الغلط يجى بعدين.
رعد بغضب وجديه:عدى.
عدى:خلاص يا عم انت حر المهم تكون مبسوط ده انا مشوفتكش بتضحك من سنين إلا بسببها المهم خلاص انا بكره لما تيجى هخلى وليد يعلمها الشغل واحده واحده.
رعد بحزم:لا وليد لا شوف واحده تعلمها.
عدى ضحك بصوت عالى:هههههه انت بتغير عليها يارعد ده انت مشوفتهاش غير مرتين بس.
رعد:عدى تعرف تلم نفسك وتحط لسانك جوه بوقك وتعمل إللى قولت عليه من سكات.
عدى بيحاول يمنع ضحكته وباستفزاز:طيب ايه رأيك أعلمها انا.
رعد بغضب وعنيه بتطق شرار:عدى خاف على نفسك هكسرك.
عدى:هههههههه والله فرحان فيك اصلك طول عمرك مفترى واهو ربنا بعتلك إللى تهدك.
رعد:عدى امشى من قدامى.
عدى:طيب بص نتكلم جد انت بتحبها.
رعد:قعد على كرسيه ومرر أيده فى شعره بحيره:مش عارف بس شكلى كده بدأت أحبها.
عدى:اممم بس انت لسه متعرفش عنها حاجه وبعدين مش يمكن تكون فعلا زى ماقال عليها صاحب المحل ده إللى اسمه ناجى.
رعد:لا طبعا انا حاسس انها هى إللى صح.
عدى اتنهد:خلاص مادمت شايف كده.
رعد:اسمعنى بقى الزفت ده إللى اسمه ناجى انا عايزه متكتف فى مخزن العاشر النهارده باليل ومحله ده انا عايزه كوم تراب.
عدى:اوك من عنيا بس هو كده هبأ.    بال200 ألف.
رعد:مين قالك كده انا بعد ماسيبته.     اتصلت بالبنك ووقفت صرف الشيك         يبله بقى ويشرب ميته.
عدى:ههههه والله جدع خساره فى أهله طيب أنا هروح بقى اخلص فى موضوعه واشوفك باليل فى العاشر.
رعد:اوك سلام.
ورجع رعد يفتكر همس الوحيده إللى.  دخلت حصون الرعد وزلزلته.