السلام لقلبك ...
أُريد ان اُحذرك من إبليس ،اياك والاستسلام لإبليس ..
اللحظه اللي ربنا طرد فيها إبليس من الجنة ودخل ادم الجنة هي دي اللحظة الوحيده اللي إبليس مش قادر ينساها لان بعد طرده مباشره أدم عليه السلام دخل ..
قَالَ اخْرُجْ مِنْهَا مَذْءُومًا مَّدْحُورًا ۖ لَّمَن تَبِعَكَ مِنْهُمْ لَأَمْلَأَنَّ جَهَنَّمَ مِنكُمْ أَجْمَعِينَ
وَيَا آدَمُ اسْكُنْ أَنتَ وَزَوْجُكَ الْجَنَّةَ
- ابليس مش مهمته انه يوقعك ، لا مهمته انك تكون معاه في نفس الدرجه يعني في جهنم ...
- ابليس مش هيجي يقولك متصليش ، يوم ما هيحب يضربك في صلاتك هيخليك تسرح في الصلاة وبعد كده هينسيك انت صليت كام ركعة بعد كده هيقولك لما تروح ابقي صلي ظهر وعصر ... وبعد كده هيضربك الضربهالاخيرة وهي تركك للصلاة
- ابليس يوم ما يحب يضيع عليك اجابة سؤال " عن عمرك فيما افنيته " هيبدأ يخليك تضيع وقتك كله علي السوشيال او غيره المهم تبقي مشغول 24 ساعة وهيبعدك حتي عن المذاكره لان المذاكره انت بتاخد عليها ثواب واجر فهيشغلك في حاجات غير مهمه وبعد كده هيجبلك المعصيه علي طبق من دهب ويزينها ليك بطريقه انت نفسك مش هتحس ان دي المعصيه ... زي ما زين الشجره لأدم عليه السلام ...
- ابليس عارف نقطة ضعفك كويس اوي ، عارف ان انت مثلاً لما بتحزن بتعصي ربنا ،او لما بتبقي وحيد بتعصي ربنا عارف امتي بتعصي وامتي بتنتكس ويجي يقولك انت صح هما اللي متشددين ...
- ابليس مش ضعيف وانت مش اقوي منه، انت ضعيف جداا ودي الحاجة اللي كلنا بنحاول ننكرها ، انت اذكي من ابليس بس مش اقوي منه ، ابليس يوم ما هيحب يوقعك هيوقعك بنفس الخطة اللي عملها لأدم عليه السلام وهي
الوسوسه ، تضيع وقتك ، تزين المعصيه
بعد كده هيلعب عليك اسوء لعبه ... هيأسك من رحمه
- الله ينتظرك ... ربنا قالك ياعبدي ، قالك تعالي ليا ماشياً وانا ههرول إليك ، قالك استغفرني هغفر لك ، قالك استعين بيا بس وانا هعينك وهقويك ، قالك متهجرش القرآن لان هو علاجك اللي هيبعد عنك وسوسه ابليس وَ يَا سَعْدَكَ إِنْ لَامَسَ القُرْآنُ قَلْبَكْ ، طُوبَى لَكْ حِينَئِذٍ ،طُوبَى لَكْ ، قالك حصن نفسك بالذكر والاستغفار ، قالك الصلاة ثم الصلاة ثم الصلاة يعني من غيرها هتهلك ... قالك ابعد عن الاغاني لانها بتحركك في نفس اتجاه المعاصي .. قالك انا بكره الاغاني واديتك نعمة السمع ليه تعصيني بالنعمة اللي رزقتك بيها !قالك انه مستنيك كل يوم في الثلث الاخير من الليل عشان يسمعك ، قالك اياك وسواد القلب والبقع السوداء ولما اداك العلاج قالك اسمع قرآن وركز علي الصحبه الصالحة واشحن قلبك ... ويوم ما ربنا حب يوصفك قال :
وَخُلِقَ الْإِنسَانُ ضَعِيفًا
ف احترم ضعفك ومتروحش للمعصية عشان تختبر نفسك قدامها او انك تقرب من المعصية وتقول مش هقع .. وتذكر دائما انك لو وقعت مش هتقوم ...💙
#إسراء_عاطف
أنت تقرأ
همسات لقلبك ٤
Espiritualهمسات للقلوب -وتذكير بان الله بجانبك ولن يتركك..! تصميم الغلاف من تصميم المبدعه nnn_mmm
