همسات لقلبك ٤

"١٠٤"

حُبك للنبي ﷺ إتباع وليس إبتداع ..

الصحابه رغم حبهم للنبي لم يحتفلوا بمولده لان دا بدعه وكل بدعه ضلاله وكل ضلاله في النار .. ودا مش كلامهم لا دا كلام حبيبك او اللي انت بتدّعي محبته ..

دليل حُبك للنبي ﷺ إنك تتبع سنته ، وتأمر بالمعروف، وتنهي عن المنكر ، تُصلي السُنن ، تصوم النوافل ، تغض البصر ، تسعي لإرضاء الله ، بر الوالدين ..

دليل حُبك للنبي ﷺانك تدافع عن دينه من البدع وتتبع اوامر النبي

قُلْ إِن كُنتُمْ تُحِبُّونَ ٱللَّهَ فَٱتَّبِعُونِى يُحْبِبْكُمُ ٱللَّهُ

حب النبي ليه علامات وزي ما انت بتقول الحُب افعال مش كلام برضو حُب النبي بالفعل مش بالكلام

- بتصلي الخمس فروض بسننهم والنوافل ؟

- بتوب بعد كل ذنب ! بتجاهد نفسك انك متعصيش ربنا !

- صومت كام يوم من وقت ما رمضان خلص !

- اخبار الورد اليومي ايه ! حافظ القرآن ولا الغبار اتجمع عليه

- بتأمر بالمعروف وتنهي عن المنكر وبتبر ارحامك !

- بتنفق من موالك ! بتستغفر ! بتذكر الله خالياً وعلي ملئ !

- اخبار خلوتك ايه ! عارف ان ربنا يري ولا بتتجاهل نظره ليك

- اخبار ذنوب زمان ايه ! بطلت ولا توبت ! اصل تفرق

- بتصلي الفجر في وقته ولا بتصليه لما تصحي!

- أيُّكم أشدُّ حبا لرسول الله ﷺ أنتم أم أصحابه ؟

الصحابة طبعاً هم أشد الناس حبا لمحمد ﷺ ...

الصحابه نفقوا المال من اجل الاسلام ، اطعموا الفقير ، بروا اليتيم ، تركوا الديار والاوطان ، كانت الصلاة احب الاشياء اليهم ... وكان النبي احب الناس اليهم ورغم كده محتفلوش بمولده اصل هما كانوا عارفين ان حُب النبي اتباع وليس إبتداع 💙"!

#إسراء_عاطف