حبك غير حياتى

الفصل الخامس

الفصل الخامس
من القصة الرومانسية
حبك غير حياتى
وقفنا المرة اللى فاتت عند لما رهف رنت على ادهم وقالت له انها عايزة تشوفها ضرورى ودهم قالها انها تيجى فى الكافيتريا بتاع المستشفى علشان يشوفها عايزة اية.
رهف راحت الكافيتريا وانتظرت ادهم يجى وكان باين على وشها القلق والخوف .
وشوية وفعلا ادهم جاء وراح قعد امام رهف .
ادهم رهف مالك فى اية.
رهف يعنى انت مش عارف.
ادهم لا مش عارف .
رهف انت اتفقت مع عمو على اية .
ادهم فى اية يا رهف ادخلى فى الموضوع انا اللى فيا مكفينى .
رهف ادهم انت وعدت باباك انك هتعمل الفرح الاسبوع الجاى .
ادهم سكت شوية وبص على الطربيزة وقالها ايوة وعدته.
رهف بعصبية طيب ليه كدة احنا مش اتفقنا اننا هنفركش الخطوبة دى بعد فترة.
ادهم انا اسف انا فعلا كنت هعمل كدة بس بابا تعب و حالته ادهورت وطلب منى انى اتفق مع باباكى على الفرح فمكنش ينفع اقوله لا افهمينى يا رهف .
رهف طيب مين اللى يفهمنى .
ادهم بص يا رهف محدش كان يعرف الاتفاق اللى كان بنا و كدة كدة كنا هنتجوز .
رهف نعم انت بتقول اية .
ادهم بعصبية افهمينى بقا بابا هيموت ومينفعش انى معملش  غير كدة .افهمى بقا و انا بعد الجواز بكام شهر هطلقك .انا معنديش غير كدة خلاص انا اتفقت مع باباكى على معاد الفرح والفرح الاسبوع الجاى .وسابها ومشى وقالها انا اسف مرة تانية .
رهف قاعدة مكانها وكانت عايزة تعيط من الكلام دا و ازاى كدة كان اتفاق بينها وبينه علشان يرضوا اهلهم اتحول فجاة لجد ولازم بردوا يعملوه علشان يرضوا اهلهم بردوا .
رهف روحت البيت وفضلت قاعدة على السرير وعاملة تعيط وتنادى على صاحبتها اية وانها كانت عايزها تبقا جمبها تكلمها وتشكلها وتقولها على  اللى بيحصل معاها وان الريح بترمى بيها لاماكن هى ما كانتش عايزها وان حياتها قد اية هتبقى صعبة اكتر ما هى صعبة عليها .وفضلت تعيط و حابسة نفسها فى الاوضة ولا بتروح الجامعة ولا بتكلم حد.
قرب المعاد بتاع الفرح وكلهم عاملين يجهزوا فى التحضيرات بتاع الفرح وهى ولا هى هنا .
خلاص جاء معاد الفرح والعروسة بيذوقوها وقاعدة على الكرسى فى اللى بتحط لها الميكياج وهى قاعدة ساكتة ومش مصدقة ان لعبة رسموها هما الاثنين وصلتهم لكدة
خلاص العروسة جهزت وكانت فى غايت الروعة والجمال بس ما كنتش فرحانه زى اى بنت بتحلم بيوم فرحها وانها تتجوز شخص بتحبه وهو بيحبها وانها تلبس الفستان اللى كان نفسها تلبسه وتفرح بيه مش تحس انها بسببه داخله السجن . دخلت مامتها و شافتها.و زى اى ام قالت بسم الله ما شاء الله خلاص هتمشى يا روفة وهتسبينى لوحدى .
رهف كانت دموعها خلاص هتنزل مش عارفة هو بسبب انها هتتجوز شخص هى مش عايزه والا علشان هتسيب مامتها وتمشى والا علشان حياتها مش عارفة القدر هيعمل فيها اية تانى.....
مامتها خلاص يا روفة ياله علشان عريسك مستنيكى .
اخدت رهف وطلعت بيها برة الكل كان منبهر بجمالها وشياكتها و اخدها باباها واداها لادهم وقاله حافظ  عليها .
ادهم بيتظاهر دي فى عيونى .
واخد ايد رهف من باباها وهى ما كانتش عايزة تمسك ايدة فأدهم مسك ايديها وقضوا الفرح عادى زى الناس كلها بس الفرق انهم ماكانوش فرحانين
وخلاص الفرح خلص وجاء موعد انهم يروحوا الفلة بتاعهم .
خلاص وصلوا الفلة وادهم نزل ودخل على طول هو ورهف .
رهف كان باين عليها الخوف من ادهم دى اول مرة تنام فى مكان غير بيت باباها.
رهف دخلت الاوضة وادهم داخل وراها
رهف بصوت عالى ودهشة انت رايح فين .
ادهم داخل.
رهف داخل فين .
ادهم الاوضة علشان اجيب هدومى.
رهف باين عليها الخوف والزعل .
ادهم بيبصلها ويقولها متخفيش انا مش هنام هنا ولا هاجى جمبك انا هنام فى اوضة تانية دى هتبقى اوضتك من النهاردة .
رهف كانت فى الاوضة بتاعها و
ماغيرتش وفضلت صاحية طول الليل خايفة ليقرب منها لحد ما النوم اخدها .
ادهم دخل علشان ينام بس ما عرفش
فافضل صاحى طول الليل لحد ما الصبح جاء.
ادهم نزل علشان يشوف رهف طلعت من اوضتها والا لسه، فلاقى رهف مش تحت ولسه ما صحتش .فطلع فوق علشان يشوفها عاملة اية لانها كانت خايفة امبارح جدا ومش مستريحة .
ادهم بيخبط على الباب قعد يخبط على الباب فترة وينادى عليها ،وشوية رهف سمعته بينادى عليها.
رهف نعم عايز اية .
ادهم ممكن تفتحى الباب.
رهف ليه .
ادهم علشان اجيب هدومى من عندك.
رهف قامت فتحت الباب ،وادهم شافها  لسه لابسه الفستان ومغيرتش فا عرف انها لسه خايفة و مش واخدة على الوضع.
اخد هدومه وراح الاوضة بتاعه ولبس هدومه و خرج برة علشان يروح يشوف باباه عامل اية وعلشان يسيبها تاخد راحتها .
رهف سمعت صوت العربية دار فا عرفت انه طالع برة .
قامت غيرت الفستان الملعون دا و دخلت اخدت دش علشان تفوق من الحلم دا وتتاقلم مع الوضع الجديد وقامت لبست الازدال وراحت تصلى وتدعى ربنا انه يخرجها من الوضع دا على خير وانها عملت كدة علشان ترضى باباها فى الاول بس الوضع خرج من تحت سيطرتها وهى بتستحمل نتيجته فى الاخر اهو وفضلت قاعدة تعيط وتقرا فى القران  وفى اليوم دا ما طلعتش من الاوضة بتاعها خلاص .

جاء الليل و ادهم رجع الفلة  وفتح الباب ودخل جوا  لقا البيت هادى وعرف انها لسه ما نزلتش تحت ولا خرجت من الاوضة بتاعها ،فطلع برة وشغل العربية وراح يقعد مع أصحابه ،ومرجعش اللى الفجر، وكل دا رهف صاحية مستنياه يجى ،لانها بتخاف تقعد فى الفلة لوحدها باليل .
ادهم دخل اوضتة ونام زى المقتول .
جاء تانى يوم رهف فى اليوم دا صحت متأخر لانها نامت متاخر امبارح وهى قاعدة مستنياه يجى فا فكرت ان ادهم صحى الصبح فى معاده ونزل .فقامت الاول اخدت دش وصلت ولبست قميص بنصف كم وبنطلول لجن قصير وفاكة شعرها ونزلت تحت تعمل أكل لانها خلاص مش هتعيش بدون اكل،نزلت لقت الثلاجة مليانة وفيها كل حاجة هى تحتاجها،وهى بتطبخ  ادهم صحى و سمع خبط تحت فنزل يشوف فى اية يمكن يكون حرامى لان رهف فى اوضتها ومش بتطلع منها ،سمع الصوت جاى من المطبخ فادخل لقى رهف واقفة بتطبخ فا وقف يبص عليها كانت رهف جملية اوى دى كان اول مرة يشوفها بشعرها فكان واقف ومبتسم وفجاة حب يخطها ويستعبط عليها  .
ادهم بصوت عالى هو انتى يا شيخة خظتينى .
رهف صوتت  لانها عارفة انها لوحدها فى الفلة وان ادهم برة وهى بتبص لورا لاقته هو ولقت  نفسها  بتضربه على كتفه وبتقوله مش هتبطل الحركات دى.
ادهم اسف يا رهف معلشى .
طيب انتى بتعملى  اية
رهف سابته وراحت تشوف الاكل وقالتله انت شايفنى بعمل اية.
ادهم  بدعابة ولا حاجة .
رهف لا والله .
ادهم  بيهزر طيب الأكل دا هاكل منه والا هفضل صايم انا ما اكلتش من امبارح.
رهف بامرة رجوعك الفجر  .
ادهم قرب نحيتها طيب ما انتى كنتى مستنيانى اهو.
رهف  (لم نفسك )لا يا خفيف انا صحيت علشان اصلى.
ادهم طيب ماشى .
رهف كانت بتعمل الاكل وادهم طلع ياخد دش ونازل تانى.
ادهم نزل ورهف خلصت طبخ و بتحط الاكل فراح يساعدها .
وقعدوا ياكلوا سوا .
ادهم تسلم ايدك .
رهف ساكتة.
ادهم رهف بصيلى لو سمحتى
رهف بصتله .
ادهم بصى يا رهف احنا متجوزين رسمى و دا قدام الناس بس .يعنى لا انا ولاانتى  كنا متجوزين عن رضا . انا عارف انك اتجوزتينى وانتى مش راضية .ومتخافيش عمرى ما هاجى جامبك.بس احنا خلاص اتحطينا فى الامر الواقع وبقا بيت واحد يجمعنا. اكيد يعنى مش هنفضل عايشين مع بعض اعداء .بص احنا ممكن نكون أصحاب ونكون ذكريات كويسة لحد اما نسيب بعض .
رهف خلاص ماشى اما اشوف اخرت الاتفاق دا اية.
ادهم ان شاء الله خير.
خلصوا الاكل ورهف  وادهم بيدخلوا الاطباق فى المطبخ .
ادهم طيب ممكن اقولك حاجة .
رهف اتفضل وبتقولها بالعافية  .
ادهم شكلك حلو .
وطلع فوق .
كدة الجزء دا خلص النهاردة استنوا الجزء الجديد لو عجبتكوا.
ومستنية تعليقاتكوا و متابعتكوا لحسابى و تفاعلكوا علشان نكمل للاخر .
ويا ترى رهف هيكون رد فعلها اية .
اشوفكوا على خير يا اطيب رفيقات .
سلام .
Shamaa Khaled