الفصل الرابع
عند مهاب وزينه :يحمل مهاب طفلته الجميله التي اسمياها نداء واخذت لون عينيها وملامح زينه وشقاوتها وتقف امامه زينه ويبدو عليها الحمل والارهاق
مهاب بعصبيه:قلتلك مفيش شغل... انتي حامل وحملك متعب... حتي لو هتشتغلي مش هيكون في شركة سليم علي جثتي...
زينه بتعجب:اشمعني يعني شركة سليم لأ؟
مهاب بغبظ:علشان البأف اللي اسمه كريم ولا التاني اللي اسمه يحي مش الاتنين معاكي في الشفل وكانو عايزين يتقدمولك.... ولا انا بيتهيألي؟
زينه بتعجب وشك:وانت ايه عرفك
مهاب وقد ترك ابنته تلهو بالعابها وامسك زينه من معصمها يقربها اليه:سمعت يحي يوم ما كان بيتقدملك وانت رفضتي وسليم قالي ان كريم كان معجب بيكي يامدام وطلب يتقدملك
زينه بمشاكسه:اوك وخلاص انا رفضتهم واتجوزتك ايه بقي المطلوب... انا مبحبش غيرك يا هوبا
مهاب :وحياة الست الوالده ماهغير رأي ولا هوبا ولا طوبه
زينه :مهاب اتعدل احسنلك
مهاب:معدول ياجميل بس مفيش شغل انا احب مراتي تفضالي وتدلعني انا وحيد ومسكين
القت زينه بوجهه وساده واقتربت منه تتحدث بدلال...
اوك ياهوبا ابقي شوفلك مكان تاني تبات فيه... ولو ضايقتني هندهلك ماما هدي وانت عارف هتعمل فيك ايه لو عرفت انك بتضايقني انا وولادي لتضع يدها علي بطنها ... يلا يانودي ننزل عند تيته ثم تحدثت الي جنينها ... يلا يامراد ياحبيبي
تجلس سارة مع صديقتها المقربة تتحدثان بشأن عملهما وماعليهما فعله في مستقبلهما لتقاطعها عزة قائله
عزة :مش كنا اتجوزنا زي زمايلنا ياختي وولادنا حوالينا احسن.. بدل الشغل والبهدله
سارة بتعقل:يابنتي كل انسان ولو ظروفه وطموحه وشخصيته... في ناس بتتجوز صغيرة ومبتكملش تعليم وبتنجح تكون اسرة.. وفي ناس مبتقدرش وبتفشل احنا مش اد مسؤولية نفسنا ومتربناش اصلا عشان نجيب اطفال نربيهم
عزة بتأكيد:والله عندك حق ماما دايما تقولي انتي متربتيش ياعزه
ساره :المهم ياعزوز عايزين ننزل نشتري طقم محترم نحضر بيه فرح ريهام
عزة :يوم الخميس نخرج من الشغل عالمحلات نشتري براحتنا ونتغدي سوا
سارة:كده تمام ياجميل
بغرفة نداء وسليم
مر وقت بينهما.. تبتسم هي اليه وهو يكاد يلتهمها بنظراته لا يكتفي مطلقا منها وهل يستطيع ان يفعل..!
سليم وهو يقربها اليه :يوم الجمعه احنا معزومين علي فرح كريم المحامي تبع الشؤون القانونيه وعايزك معايا.. هتقدري
نداء:ان شاء الله هقدر.. بس ممكن ناخد نديم عايزاه يختلط بالناس شوية
سليم:اكيد حبيبتي براحتك.. ولو تحبي اكلمه انا هكلمه
المهم الجميل يرضي
نداء بابتسامه:بحبك.... اه صحيح هو كريم ده الشاب اللي اتقدم لسارة
سليم بضيق من اجل مهاب:ايوه هو... كويس انه هيتجوز لان مهاب مش طايقه
نداء:ليه يعني طبيعي انه يتقدملها ناس.. زينه جميله ومرحه.. وانا فرحانه جدا في مهاب لانه وحش وبيتعصب علي زوزو كتير
سليم بابتسامة :اه فعلا هو عصبي.. بس بيحبها يا نونو وهي متأكدة فلازم تتحمله شوية
أنت تقرأ
وصفولى الصبر 2
Romanceالمقدمة تجبرنا الحياة اغلب الاوقات على اتخاذ قرارات نندم عليها لاحقا ولكن مرات تكون تلك القرارات قاتله للنفس والروح ومن يحب بصدق هو من يستطيع ان يقاوم تلك الظروف حتى وان قهرته في البداية لا يستسلم بل يحارب بكل قوته من أجل من يحب حتى وان أضاع سنين لا...
