هايكلبي
وين ذولة العاهدوك..
وين ذولة الكالو نحبك صدك
شو قشمروك..
يامه كتلك
لاتحب المشتريهم
روح حب اليشتروك..
ويامة كتلك
لاتذب روحك عليهم
شوف تاليهم نسوك..
اصحة ياكلبي دخيلك
لو يحبونك صدك
جاقدروك..
ولو يحبونك دقايق
جان ذكروك واجوك..
يالة لاتحزن يكلبي
بالوفة همه اخسروك....
............
يل ماخذ ضحكتي وياك… وين تريد
مرجوحة عشگنه اوداع
باچر شرد اجاوب لونشدني العيد
كافي افراگ..
يل علمت روحك دوم ماتشتاگ
انه ابلياك عايش موت
حته منرد اسولف چلمتي بلا صوت
ياخذني الهوى الطاريك ..واشهگ بيك
واصيحلك بچف غرگان ..ها يفلان
ريتي بغيبتك ملت هوى الدخان
هايفلان
گلبي العاشگك مايحب ياهو الچان
تعال ارجع تره متانيك سچة شوف
تمر بيه الشماته واستحي من الأووف
وين تريد
يل ماشي بدرب مابي اثر والگاك
اخذني وياك
اخذني وياك حس مبحوح
كافي من الدمع مليت لاتغرگ سفينة نوح
حمامه بغيبتك ظليت
ماترهم عليه اسطوح..
........
من مشيت ....
تانيتك خجل عرسان ..
تانيتك بطاقة موت
معزومين بيهه اخوان..
لو رديت
ناذرلك نذر فلاح
مايدخل بعد بستان ..
رد وياي
ناذرلك دمع دخان
من ايشابك الحيطان ..
دايني خلك سرداب
مافديوم طارد ميت من الباب ...
.........
شلت حبك جمر بجفوفي وامشي وياك
وضميري يبوس اديه يكلي لطشّر
ومالومك ابد جي رحت لا والله
بس لمت البخت جي كام ميعثر
وما اخسرك ردت وشكد حجيت وياك
ما عندك اذن شباج ويعبر
وما شلتك دمع شلتك نبض واحساس
وافكر بيك وانت بروحك تفكر
كلشي بجسمي يوكف لو يمر طاريك
ويضل كلبي يدك بضلوعي ويكسر
واشيطن والجروح يفزن بملكاك
وسجينك تجي ومن فوكهن تعبر
حط يمك حجر واحجيله ذنبي وشوف
وحط اذنك بصفه وفنه ما يكفر
وعاتبني اذا غيري صبر وياك
مثل كلبي جذب يتحمل ويصبر
عاين عالورد كطر النده يحلي
ودمعي شكد فشل جي صدرك يوخر
......
ليش متصورني لعبه بين اديك
وين ميميل الهوى توديني
اني عفتك للزمن والله الكفيل
هوه يحكم بينك وما بيني
............
اشد جرحي الصبح ويفتحه ون الليل
........
كَولولها ...
يكبر بعين ولآيته
اليعشكَ صدك
