ياصاح حبك تره خلاني أكتب شعر وكلبي الغيرك أبد مارف حنينه وشعر تلفان ضليت وشاب الكلب والشعر أبحر الهموم اغركت وانته الفرح من هلك بالروح ماضل صبر راح اخطفك من هلك اسئل الحبو كبل من الناس منهو هلك عكب الدلال أصبحت صحراء وبيت الشعر
ياصاح ما بطلت نوح الروح ولهانه
ويبس جوف الحشى ياحيف ولهانه
حبك شغلني عن كل الخلگ والهانه
وتاهت علي ديرتي ياهو يوديني
كلما مشيت بدرب بسلك يوديني
وحگ من صورك يا ترف والديني
شما تبعد عليك الروح ولهانه ...
ياصاح انته الكبد وانته بحياتي ورد
تمنيت اوصل الك وانطيك روحي وارد
بالروح حبك زرع بستان هيل وورد
وسهام حبك صفن بالگلب ميه والف
لو ابقى كل العمر افتر وادور ولف
ما الگه مثلك محب ولا الگه مثلك ورد
تعال وشوف حبك وين دوره
عزيز والك بلشريان دوره
اذا ماتثق هاك الكلب دوره
اذا غيرك لكيت اعتب عليه
ياصاح حبك سكن لب الفؤاد وملك
سبحان من صورك تمشي بهيئه ملك
صحيح كلنا الكمر كل المحاسن ملك
بس الكمر ماملك مثلك وجن والعين
وبجفاك مابطلت نوح وبجي والعن
ادعي اله العرش يحميك من العين
وعكبك تراني اصبحت قلعه بليه ملك
