🎇شعر... واقصص.. وعبر.. ✨

💔.. شعر شعبي زهيري.. 💔

مشكور سهمك وصل بضلوعي جاني عدل
صوبني بس مامتت ليهسه باقي عدل
ياصاح ليش الظلم ربك امر بلعدل
ماادري هيج الوكت خلاك تنسه الوعد
ماشفت منك فرح بس ظيم احسب وعد
صارت علي عشرتك من الله قسمه وعد
مانادم اعلى الجرح مادام ماشي عدل

🎇🎇🎇🎇🎇🎇🎇

ياصاح كافي الهجر فد يوم جيد  ابوصل
الدمع ماينگطع اپچي ابغزاره  وصل
كلبي الخذيته ملك ماتكتب اليه  وصل
لا جاني طارش ولا مكتوب منك  ورد
مالوم انا ابشوفتك اخذ طريقك  ورد
زرعت حبك زرع بجلاي لمن  ورد
شيفيد اباريه يوم المحتم  وصل 

الاريده فارگني وگطع  وصله
حرگ خدي وصليل الدمع  وصله
يطارش هاك كله الخبر  وصله
طريح افراش بس النفس بيه

🎇🎇🎇🎇🎇

ياصاح شوف الجرح نس الدليل بهده&
عنات جو الضلع اهات نوبه نهده&
مفارك وليف الصبه الروح كيف  تهده&
والنار كل متخمد يهيض طاري لهم&
لاغابو عن بحلم ولازال طاري لهم&
لول الزمان يصح وارسل ويطير لهم&
يعلم وليفي الكلب من عكبهم ما هده/

🎇🎇🎇🎇🎇

ياصاح وكتي كدر ياحيف ماطر  هم
وسنين طيف الترف لعيوني ماطرهم
اسرار شايل بالگلب ياصاح  ماطريهم
لولا   بنار  الهجر  اهلك         يوروني
وبرماد دار الولف خلهم         يوروني
ماگول باسمك ياترف لولا     يواروني
بتراب فوگ الگبر يازين       مطريهم

🎇🎇🎇🎇🎇🎇روحي رافگدت ونهه ولمهه
وغلاتك مايصح غيرك ولمهه
لاهي مطشرة خلافك ولمهه
ولاشوگك رضا ينزاح بيه

🎇🎇🎇🎇🎇

الوكت أنصف مع الشامت وعلاه
وتركني أعلى الحزن اطرب وعلاه
ألف دايه الصفت بيه وعلاه
ومثل جرحك جذب ما مر عليه

🎇🎇🎇🎇🎇

مثل_ماي_النهر_خابط

                      يبالي_شبيك_ماتصفه. 😞😔😞😞
🎇🎇
🎇
..

🎇🎇💔💔