#قصه-وشعر
اكو زلمه اسمه جبار هذا جبار يعيش بمنطقه شبه ريفيه يعني قريه قريبه على المدينه
وهو حاط بالايجار والمشكله اهل المنطقه كلهم يحتقرون جبار كونا فقير … ..جبار عنده اولاد وامهم متوفيه ابنه الجبير مختل عقليا واخوانه الازغر منه بعدهم كلش ازغار… .فهذا جبار يشتغل عامل وبالﮕوه مدبر المعيشه وفلوس الاجار فيوم من الايام سمع جبار صوت صياح فطلع بره واذا بيه يشوف بيت جيرانهم يحترﮔ وبداخل البيت أطفال محد يتجرئ يطلعهم فجبار شالته الغيره وجيت بنص النار وطلع الاطفال ..ورجع للبيت متأذي كلش من الحروق وحالته حاله .
وبعد مرور ايام محد وصل جبار ولا واحد سئل عليه وصلت بي الجروح الى حاله خطيره قد يموت علـّۓ اثرها ..فجبار من ﮔد مامهموم دعى •اللّـہ̣̥ سبحانه وتعالى ان يساعده فكان دعائه علـّۓ شكل قصيده
فﮕال
يربي ارجوك ساعد عبدك ابهاي
دريج وعﮕب عينه اتغوبر الدار
منو راح بغيابه اليغسل الهدوم
وياهو اليشتغل وايلم الايجار
الهي انت الكريم واكرم الكون
اشلون ايزود بيك الكرم جبار
عبدك سمع صوت اوراح فزاع
بنص ايهود هوه اوناس كفار
وشاف اطفال تبجي ابيت مهيوم
اوطب اوجابهم ماهمته النار
اورد للبيت رغم اجروحه مرتاح
لأن سوه العليه اوساعد الجار
واريدك يا الهي اتعيني ابهاي
اوصيمن عليهم والله محتار
جبير البيت تدري بعقله موزين
واخوانه يتامى وكلش ازغار
وبقت يمك يربي وتعرف الحال
اذا ما ساعدتنة انصير تذكار .
