شعر...... حزينه
اسلام عليكم ورحمة وبركاته..
تحيه الجميع من يتابع كتابي....
........
شسولف والعمر ماجاي سد بسد
دنيا وطشرتني أبين جزر ومد
نذرت شگد
دعيت شگد
چم طارش أدز لله
وأتاني ومايچيني الرد
.......
خلي كلبك مثل دفان المگابر
ساعة يدفن ناس غربة
ساعة يدفن إعزاز گلبه
......
صبري وعازتي وجروحي والشوغات!!
وضميري وعزتي وجروحي خلني؟؟
اتحدى البرد بالچلّه افوج الماي
اذا احس الجسر من اعبر يذلني..
......
عفت كلشي ...وجبت كلشي
ومدري شلون اجيت امشي ..
أجيتك ردت اگلك شوف ...
ردنه نعوف كلشي وماگدرنه نعوف
......
يل مذبوح
شنهو الفايده ترافس ؟
عبر وكتك بعد يا كلبي شتنافس
طبع باللون الابيض واهس معرسين
بس بالشيب الابيض يكسر الواهس
......
مخاصمني الدهر ما اعرف سالفته
ولا عندي ذنب ويكول خاصمته
لو جاتل جتل هم افصلت ياناس
وديت العلي وخلصت من ذمته
رحل بيه العمر بين الدمع والنوح
يا لذت الفرح ما شفت غانمته
ذبل عود الصبا وتعده الثلاثين
گوامه ويه الدهر كل عمري خلصته
وعيت اشهك حزن واستلذ بي وارتاح
غذاني الحزن يوم التمسكته
علي صدفه الفرح دك بابنه وفكيت
كال ادخل ؟ كلت ما عرف ياهو انت
ما شفتك كبل شتريد من مريت
كال اسف تره العنوان تيهته
مو الك جيتي بالفرح ما مشمول
انت الما تطيب الفرح ولا امنته
حط بيه عشر اسهام واردفني بثنين
ناس بحرابه وياي شمسوي مفهمته
......
يشتهون!
ومن نجيهـم يستحون
ومن نغيب
طروشهم تعتب علينه
شساامعين
(وماااا تجون).
