"اللهم إنّا نسألك صباحًا يتجلّى فيه لطفك ، ويتسع فيه رزقك وتمتد فيه عافيتك ونستفتح فيه برحمتك"💭💕
صــــــــباح_الخير🌺🍂
......
ﻫﻞ ﺳﻤﻌﺘﻢ ﺑﺎﻟﺤﺰﻥ ﺍﻟﺮﺍﻗﻲ؟ !
ﻫﻮ ﺫﻟﻚ ﺍﻟﺤﺰﻥ ﺍﻟﺬﻱ ﻳﺤﺮﻕ ﺍﻟﻌﻴﻮﻥ ﺩﻭﻥ ﺩﻣﻮﻉ،
ﻭﻳﺴﻜﻦ ﻓﻲ ﺍﻳﺴﺮ ﺍﻟﺼﺪﺭ، ﻻ ﺍﺣﺪ ﻳﻌﻠﻢ ﺑﻪ ألا ﺻﺎﺣﺒﺔ، ﻻ ﻳﺸﻜﻴﻪ، ﻭﻻ ﻳﺒﻜﻴﻪ، ﺑﻞ ﻳﺘﻌﺎﻳﺶ ﻣﻌﻪ ﻭﻓﻴﻪ
............
خلص عمري واحس الشيب.....بس لاح
عداوه وهد علي الوكت...........بسلاح
الموت اسباب ماهو شرط.......بسلاح
وانا موتي بسبب بعدك عليه
......
يلتمشي فوك الروح......
لا تسحك جلاي......
ما بيه اصيحن اه.......
وتشمت اعداي.....
......
ياصاح شوف الحزن بجفاك ورداني
ودمع البيابي على الخدين ورداني
ياحيف عود اصبحت مو جنت ورداني
من حيث مالي فرح بس الحزن والهم
وبفراكم ياترف لسحن صبر والهم
انجان ماكو ابدوالله ذكر الهم
لبجي عليهم ورداني
.......
ياصاح ريم الفلا بنضره خزرني وراح
خلاني عكبه أون وأصفك الراح براح
شبع يكلبي هظم ماظن تشوف الراح
من حيث أول عشك بس اله كلبي هوى
مدري جنوبي نحر مدري شمالي هوى
كلما اشوفن ضعن اكول بلكي هوى
كل هذا ثاري حلم شيرده بعد الراح
........
ياصاح ضاع العمر مابين عن ونوح
وهموم ماتنحمل تملي سفينة نوح
عتيج بيت الجرح بيه الحمام ينوح
والروح بيها ألم خلصان تاليها
وسهام كثر الهجر كلساع تاليها
دنياي باولها جفت چا عاد تاليها
گابلني ياحظي الردي الطم معاي ونوح
......
اجر ونه بتوالي الليل مالوم
يلوموني واگلهم عيب مالوم
عندي ويه الاحبهم گلب مال ام
اسامح وانسه حتى الخان بيه...
......
اوجرت كلش يدهري وياي ويعيت
ويجرني بكل مجان الوكت ويعيت
بعز صباي كف الشوف ويعيت
انعمله الوادم يكودون بيه
....
يتشابهن بالضوك ملحك وملحي
بس اني فوك الزاد وانته اعله جرحي
........ 🎇🎇🎇🎇🎇.........
لا تزعلين
وبالج بالعرس تبجين
وذا سألوج عني بيوم
اضحكي وكولي هذا منين
احجي براحتج كلشي
بس عن حبنا لاتبينين
هيه الدنيا هيج تريد
ما فد يوم سوت زين
لا تزعليين.. 💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وكع كلبي بغرامك ماتشيله
وترى كلبي التعذب مات شيله
اخابر وانت تسمع وماتشيله
وينك ياحلو بس رد عليه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تحياتي.. ذوفقار
