شجون العاشقين

حلقه الخامسه

شجوون العاشقين
💕بقلمي يارا الياسري
مساء بعبق الشتاء وضوء الكمر .
اضغط تصويت قبل القراءه وشكرا 💞
لكل من يزور قصتي اول مرة لاتنسى
متابعه حسابي ..فضلا وليس،امرا ..

بنات ..حسوي مسابقه... اكثر متابعه تتفاعل
انشر حسابها ..والهه صوره مصممه مني شخصيا .
.
الشغله الخ ..القصه هو اي يسالون عن لسان منو ..
كيكاتي القصه حجتهه البطله شجون ..لكن بالسرد ..
اني اسردها هشكل كله شخص يحجي المواقف لتصير ويه ما احب اسردها كسالوفه بس البطله تحجي عنهم ...واحسها احلى كله شخص تعيشون مواقفه وتصرفاته ..احلى من البطله تسردهم وهذا اسلوبي....بالكتابه ..شون مسلسل دتنعرض .احب
السرد هشكل وصح قليل كاتبات يكتبون هشكل او بالاحرى غالبيه البنات يكللي بس انت تكتبين هشكل ..اني احب هالاسلوب. .والتغير شي حلو مو شرط اشبهه غيري،..اني طريقتي هشكل واحسها اكو تعايش اقوى يصير ..وانتم انطوني،رايكم. ....ام شغلته اني اضيف بعض،المفردات هو كتشبيهه لنسبته الحزن او الفرح من باب التغير يعني ملينه نفس الالفاظ لازم تكون تغير وهالتغير بادخال مفردات وكلمات تتناسب ويه المواقف ..تجديد اني احب هشكل..بالسرد ...مو شرط الابداع هو اتشبهه بغيري ترى الابداع الحقيقي هو باسلوب جديد بشي جديد مو ان والله اسلوبي لازم يشبهه اسلوب معين   يعتبر اابداع بالعكس،التغير والاحداث لغير مطروقات لقصصي هو هذا الابداع بذاته اعتبره اني .....
ــــــــــــــــــــــــــــــــــــــــــــــــــــــــــــــــــــــــــــ
تقى ..ماما البعثين ياخذونه مثل مااخذوا باباتي ...

..نوراس ..اسكتي تقى ..زعطوطه وتلغي ...

سميه..انجبنه وانلصمنه ولزمي خواتج خلي اتكسح افتح الباب ..كمت ..المسافه بين الهول وباب الشارع اربعه مترات وكلها تراب ..وكفت على دجته الهول وصحت منووو منوو وحاطه ربطه سوده على راسي....اجاني صووت حنين صووت مشتاقتله من سنين ..من الفرحه بجيت ..مامصدكه ..معقوله اتوهم ركضت بفرحه فتحت الباب ايي،مااتوهم هذا اخووي مهدي مهدي لجان اطيب منه ماكووو .اول مافتحته الباب. شبكني .ودموعنه ينزلنه ..بكل حنان مهدي احسن واحد من اخواني جان حتى من ييحجون عليه يوكف الي،..بعد دموعنه ومحاضنه دخلت. جووه اتفضل خوويه بعد اختك ..باع للخرابه واتنهد معقوله عايشه هنا. ..بناتي طلعنه يتراكضنه عمر نوراس ١١...سنه والتؤام ٩ سنوات وتقى ٥ ونص بس،لسان طويل ام شجون رضيعه. .شبكنه وباسنهه وهن يسالنه..

ماما منووو هذا ..ليش،يبوسنه ..

بقهر نزل راسه لمستواهم وكللهن خالوا اني خالجن يا بعد عيوني .....

خزرت ايناس واشرتلها بعيوني اخذت خواتها ودخلنه جووه كعدت بالهول ..جبتله مي داكوم اجيب جاي.
لزمني من ايدي ...

مشتاقلج خويه تعايه نحجي مو وكت الجاي ...احجيلي وضعج شلون مشيتها وشصار بزوجج ...

كعدت احجيله وابجي،وكلتله هاي حالتي خرابه كعدني بيها ..الرجال ماقصر...